大中華飯店 (已搬遷) 新店位置

中秋節翌日又是公眾假期，一家人嚟到長沙灣嘅大中華飯店食晚飯， 和家人已經嚟過這間大中華幾次了，小B慶幸自己每次享用這菜館後也覺得非常滿意，也從未有過類似其他食評裏提及的不愉快的經歷。其實在香港這個彈丸之地，工作壓力大之餘，到處的食肆也忙得不可開交，人又多空間又小自然磨擦多， 有時候服務人員即使想提供好質素服務，亦無能為力， 說到底只因為香港寸金尺土租金昂貴，令到老闆為了減省人手， 受薪打工仔要效率至上，目標為本，一人要兼顧多份兒的工作量， 導致服務人手不足， 最後令食客品嚐的食物水準下降，不能好好享受之餘還經常換來一肚氣。孰令致之！？地產霸權下產生的惡因惡果也.....大中華在區內已無人不知曉，能夠經營多年每晚都座無虛席， 箇中原因必定係食物有質素保證才可以做到。只要肯堅持用心做出美味菜式還是不乏懂欣賞的食客。 當晚食客不太多， 罕有地沒有大排人龍， 相信係因為之前一日係中秋節， 大多數家庭已經一起外出食過做節飯，所以當晚無需排隊等位。 這裏點菜是需要自己在菜單上填寫的，飲啤酒就要自己去隔離嘅所謂“士多 ”買返嚟，一坐下來後，家庭成員就很有默契地各自分工合作，而我就負責寫菜單點菜。如下

週圍行吓，突然見到一間都幾多人去食嘅。咁就諗住睇吓有無4人位🙂有位就即去試試。原來佢哋有幾個鋪位💁🏻仲要有好幾枱坐咗喺街邊💁🏻我哋就坐咗入去鋪度帶位嗰個介紹佢哋有咩招牌菜，咁我哋就叫佢好幾樣佢介紹嘅。麻辣豬腳仔食落辣辣哋，好爽！正臘味煲仔飯鍾意食葱嘅人必食！好香，多葱4人剛好一人一碗炒聖子好多隻，爽口好味半隻燒䳘招牌但係啲肉”鞋”口椒鹽白飯魚唔係好脆口，不過都幾好味！碟碟都好大碟唔錯，會想再去食

經友人介紹, 相約到這裡晚飯, 個人都很喜愛到大牌檔晚餐, 這裡很好有冷氣開放, 整頓晚餐為豬腳仔最有驚喜, 咬下爽口不黏牙, 醬汁惹味道! 必點就是地點比較難找, 從地鐵站一出需走10多分鐘才到

朋友成日聚會去食呢間野，終於今次我出席到一齊食，超驚喜好味，比起沙田陳x記，連鎖大排檔x記，呢到更有大排檔獲氣風味，好好好食，6個人食咗8個送，圍起唔洗150蚊，仲飽到不得了，必食黑椒鐵板豬手，好味到不得了，勁滑勁入味豬手炒聖子勁鮮甜，蒸蜆都好正，啫啫通菜好食，冰震蔬果盤很正，第一次覺得有一間平靚正材料新鮮又煮得好味既餐廳，重點係個個送都好好好好味。烤蠔餅同蒸鱔都好正，呢到每個菜式都好新鮮同熱速速，全場爆枱，要食一定要早黎同book枱

環境其實就麻麻地,坐就坐得唔係幾舒服,仲係比好好好舊式個種飯店,但係呢勝在野食夠好味既,個日就屋企人一齊去食,好有本土風味咁幾溫輕呀我地個日就係叫小菜,都夠獲氣又幾有味既,價錢方面我都覺得幾合理

男友是識食之人，縱橫深水埗區多年，對附近美食搜羅早已瞭如指掌。這天，他帶了我來這間大中華飯店，他對這裡的食物讚不絕口，聲稱夠鑊氣、夠足料。星期日的夜晚非常旺，店員都忙得抖不到氣，客人要點單，請自行在單上寫吧！這種模式夠霸氣，我喜歡😎首先來份招牌黑椒豬手，上檯時鐵板燒得火熱，黑椒汁霹靂啪啦在鐵板上翻滾。隻豬手又厚又巨大，視覺極度滿足。雖然豬手很大隻，但是肉炆得十分酥爛，非常容易切，刀仔輕輕一分就切成幾大塊厚肉。肉嫩不沾牙，加上豬皮一齊咬又不失嚼勁。黑椒汁極之濃味，超適合配啤酒和白飯。招牌之一的臘味煲仔飯，若非熟門熟路或者事先做過功課根本不會知道有這個飯的存在，因為餐牌是找不到的！這鍋飯有個特色，就是用了大量香蔥，蔥的味道與臘味和米粒充分搭配，飯焦咬著嘎吱嘎吱脆，吃得我滿嘴漏油都不捨得放下。而且這裡的煲仔飯並不是事先準備好，而是即點即制即煲，非常有誠意。煎墨魚餅，為喜歡吃墨魚的男友點了這個墨魚餅。一吃也覺驚艷，粒粒馬蹄和少許芹粒為墨魚餅提了口感和香氣，墨魚肉吃進口有種膠質，蘸著特製酸甜醬食超正點的！3個菜，結帳剛好$300，平均除開也就$100一個菜。總體來說很划算，因為份量非常足，吃完個

壽星女提議去食蒸氣火鍋，最後揀o左長沙灣e間大中華，e間舖頭booking好多，朋友要預早一個月前book定位 當日一行6人準時到達但都要等多半個鐘先有位，一上去見到全場滿座地方都算寬敞，除o左食蒸氣火鍋仲有得打邊爐 我地張枱坐係大魚缸附近，見到都好多人叫海鮮食，海鮮區職員好忙，成晚無停過 每枱有一碟菜送同一盤調味料比客人自己撈 全晚叫o左的火鍋配料 成晚最期待食e個精華粥底，店員姨姨打o左隻蛋落粥再攪勻，再加入肉碎同蔥花，成個粥吸收哂全晚海鮮、菇類、肉味再配合剛剛蔥花等調味，好滋味啊！！ Venus對今餐飯局表示失望，海鮮唔夠新鮮，食物份量少，服務態度冷淡，全晚最值得一讚只係碗粥。 多謝收看 <The End>

因為慶祝朋友生日，又想食下海鮮就簡依間，見甘多人食，我地又多人，擔心等好耐。好在夠大間，所以都吾洗等好耐就有位。叫左甘多樣，最欣賞系個椒鹽九肚魚，外脆內軟燒鵝都好味，忘記影相了，但不過肉太多肥了，很多肥膏，沒什麼瘦肉。不過即正即燒好仲有甜品可以食，真系想吾肥都難。甜品都好好食，好欣賞個抹茶紅豆雪山（好似系）甜度岩岩好，吾會太甜，有少少苦味夾返紅豆，好好想再食！個香蕉船都好好味，多款雪糕。甜品都好多款，樣樣都想叫。會再去食過

有朋自遠方來，話要食的好地嘅嘢喎， 結果嚟到長沙灣大中華。同一般大排檔一樣, 白色磁磚嘅牆，貼滿咗好多餐牌， 再加埋滴水添 😂😂😂大排檔當然要啤啤佢， 小二整支藍妹! 哦. 原來係要自己行出去街尾轉角買啤酒的 😅， 汽水呢~ 都係要自己行出去買嘅~ 😅😅要落單咩？ 店員話自己寫落張單度然後交出去 😂😂😂 好似罰抄咁 ，係真正嘅自助服務食物方面, 黑椒汁燒豬手, 皮厚肉香, 肉質軟熟, 黑椒汁微辣 , 是很好的下酒菜. 至於其他菜式, 不是特別出色， 不過一啲都唔貴， 六個人每人120蚊，如果住得近近哋都可以嚟食下嘅 😄飢point : 5/10#hungermarch #非飢詩

北京叫胡同，上海稱弄堂，香港謂巷仔。巷仔見食店徒有其名，瞬間結業，巷仔飲食全港風味最好是此間。早年是露天檔為主，漸漸運用附近的地舖，最後佔用全條巷，街前舖和樓上舖。如約親友到來（分數批），須集中在酒水部等候，然後自行帶位。今晚以12碟組成一圍筵席:❄一冷盤🔥三熱葷🐟清蒸雙海鮮🐥當紅炸子雞🌿夏日雙蔬🐂黑牛孖寶 😙生炒骨❄冷盤選了貴州豬腳仔，因此餸在別店難找到。辛辣汁液盡顯貴州菜的精髓，令人覺得愈辣愈過癮。豬腳仔很精緻，容易入口，爽滑而肉質幼嫩。別處多是廣東滷水式風味完全不同。🔥三熱葷難以取捨，煎蠔餅（另有蠔烙），炒蟶子，炸九肚魚都出色。前文已推介墨魚餅，今次點選蜆芥鯪魚球，油炸功夫好，有12個脆皮有果皮味道的圓球，不醮蜆芥亦極好味。🔥琵琶豆腐亦是另一絕，前文已介紹，酸甜醬賣相好，與西蘭花相映成趣，味道適中，不會喧賓奪主。🔥腐皮卷是第一次試。因巷頭有油炸檔口，看見幾檯客都點選此餸菜。原來是齋菜，有很多碎蔬在內，令我想起粉嶺雲泉仙館。珠玉在前，當然仍有不足。🐟清蒸雙海鮮之一是豉汁蒸鱔，性價比甚高，在街市買亦需80元。新鮮脆彈，魚味滿瀉。🐟清蒸大海斑有約兩斤，蒸煮時間剛好，此魚魚肉滑溜，但欠魚

朋友係附近行街，今日一於試呢間。魚標勝瓜黑椒牛仔骨，料同汁多，不過味道偏濃。黃金鮮魷，炸得香口。燒乳鴿，還可以啦。今次同一年前食味道同水準有d下降，還是自己口味變了

今晚莊員生日飯，訂咗 VIP 房慶祝一下！最好就係咁自成一角，可以點樣發癲點樣嘈吵都無問題！ 見到介紹土匪雞同埋豬手係必試產品，所以醒目嘅朋友仔喺訂台嘅時候已經預訂咗！土匪雞上台嘅時候真係好誇張，用木盤裝住仲要搵支鐵通叉住佢。佢一嚟到我哋就忍唔住將佢五馬分屍，謝謝餐廳提供膠手套方便進行施暴，哈哈！食落口，皮係脆嘅，而就算係雞胸啲肉質仲非常嫩滑，不過只可惜食咗2小舊就冇曬嚕（咁你知道有幾好味啦）！ 當然，無理由淨係食肉嘅，所以即刻整返個鮑魚鮮蝦拼盤！同台有水上人，都大讚海鮮夠新鮮。仲有燒味有乳豬喇，燒鵝啦，腐皮卷呀，總之叫都成台滿滿係食物，每樣都食得滋味啊！但係想點酒精類飲品就麻煩少少，需要行幾步路出去街口士多自行購買。 港式飯店就係要食呢啲，下次有外國朋友在嚟香港一定要帶佢嚟試試！同埋記住記住要大棚人嚟食，咁先可以一次過試齊晒佢！By the way，我哋已經約緊下次再嚟啦！

今日有位朋友喺澳洲嚟，想食港式炒菜，我諗都唔駛諗直接帶去略有名氣平時都有去開嘅大中華，雖然服務態度不嬲差同越嚟越差，但食物質素都算有水準保證，所以照去，呢間嘢又真喺幾旺嘅，無定枱無酒水，七點半到，喺附近士多買支嘢飲就去攞位，時間尚早，望入鋪頭一個客都無，就同伙記叔叔攞位，佢問我幾多個人，當時我自己一個人去攞位，有位朋友亦未確定到嚟定唔嚟，我就話有六至七位，八點前會齊人，伙記叔叔去問下老闆娘意見，問完返嚟問我究竟喺六位定七位，唔確定俾唔到位我，我都成兩日無嚟，要跟到咁足，以為有新規矩，就問伙記叔叔依家喺咪要計茶位？佢又話無，咁我就保障啲，攞七位，伙記叔叔又去同老闆娘報告，伙記叔叔行返嚟話有位，俾我食到九點，我同佢講我喺嚟食嘢無諗住談心，食完就走，但知你地真喺好旺，雖然你地厨房好快手，但上齊餸起碼都要八點四十至五十分，俾多半個鐘我，食到九點半得唔得？伙記叔叔又行去同老闆娘報告，我企喺門口，望住佢两位傾完各自各忙，過咗陣伙記叔叔返嚟帶我位，入到去得我一個，望下表七點五十分，坐底寫餸，呢度真喺幾旺，除咗要自己去買嘢飲，落單都要自己嚟，落完單，我朋友都到場，其他客人都陸續入場，今日就唔提點咗咩餸

今次晚餐想試下風味小炒，聽朋友建議來試試地道大排檔---大中華飯店。大中華飯店以小炒聞名，小炒快靚正，岩曬香港人的飲食節奏，亦吸引不少外國遊客朋友來體驗一返香港獨有大排檔文化。這裏要自己手寫落單，我地一行5人分別order 左～～燒鵝（半份）皮脆肉嫩，十分香口，燒得夠火喉，但d燒鵝汁略咸叉燒例牌肥瘦適中，夠香又夠入味，入口好鬆軟，唔韌～～煎腐皮卷，香脆可口之選蠔仔餅蠔仔比例算多但感覺唔太新鮮，似乎炸得太耐，食落好咸及油膩感重芥菜肉片咸蛋湯清清地又唔會太咸，又可以中和一下剛才的油膩感及重口味基本上食得大排檔不可能要求環境衛生十分理想，自己要調整一下評分凖則及要求，畢竟大排檔小炒應該以味道，價錢及效率為凖。

大中華飯店是一家大排檔上樓格局的飯店。除有冷氣洗手間室內外，倒還很大排檔feel. 它大约在從長沙灣地鐵站去8-10分鐘的腳程。看似是家熟客店。有空枱時就被發餐牌和單子叫你自己寫下要點的菜交给店員。啤酒飲品就請移玉步到10步之遙叫【士多】的附屬小店買飲品。2人不能點太多，只點了:*鲍片扒生菜: 汁有點多，鮑魚片有點太薄，生菜倒入味，味道不錯 100元*豉椒炒蟶子: 入味!不錯!蟶子也沒有很少。100元*乳鸽: 炸得有點乾了 65元*沙姜雞腳: 雞腳數量不少，但沙姜是自己沾的所以不要想有太重沙姜味。地方可能不大，所以很嘈吵!不是個適合談話的地方!味道側不過不失，沒有讓我有驚喜。 大概是我高估了它了!