夢上海 (已結業)

今日同一班朋友仔去 "夢上海" 食半 buffet lunch...大致上我地都覺得唔錯...特別係 醉雞 - 好有酒味 & 啲肉唔 "鞋"酸辣湯 - 夠辣 & 夠味 干扁四季豆 - 炒得好好味. 好夠鑊氣 糖醋排骨 & 糖醋魚片 - 酸酸甜甜好好味桂花糕 - 味道好清甜..正呀以下我地覺得麻麻地炒拉麵 - 太多油. 唔夠味 & 唔夠鑊氣餃子 & 小籠包 - 如果塊皮再薄啲會更好

看過 openrice 的好評便相約好友去「夢上海」一敞。此店所提供的前菜和甜点是以自助形式, 而其他的点心和熱炒則在点心紙自行填上数量。坐下不久便挑点前菜来吃。青瓜: 青瓜爽脆, 但此店所調較的味道偏鹹。青瓜絲配粉皮: 粉皮当然是要靠麻醤的味道, 但麻醤的質感較稀, 而且麻味不算香。酔鶏: 鶏肉嫩滑, 可惜的是.. 花彫酒香不足。茶葉蛋: 已特別挑一隻浸泡在湯汁的茶葉蛋, 可惜... 剥殻後只看到蛋白染了色, 而蛋黄則是正常的蛋黄味, 明顕浸泡的時間不足。至於味道方面, 茶葉和八角香又不足, 只吃到有醤油的「鹹」味。片皮鴨: 鴨皮的分量較少, 而鴨肉則香嫩, 再配以青瓜絲和醤料来吃, 味道不錯。熱豆乳: 有黄豆香, 合格。吃畢以上的前菜後, 我倆再試一些点心和小炒。小籠包: 小籠包皮的厚度中規中矩, 而味道只属一般。另外, 小籠包所用的酢, 味道不夠酸, 而且帯点苦澀味。紅油抄手: 賣相欠缺一層 "紅油 (辣椒)" 之餘, 蒜泥的分量也極少。味道方面, 在蒜味不足和麻油不香的底下, 只吃到微微的麻辣而已...葱油餅: 餅皮不夠鬆化, 餡料的韮菜過鹹。生煎窩貼: 窩貼皮較厚身, 吃後

這裡的半自助午餐，任點任食，熱炒有19樣，點心有11種，點菜的時候按需要自行寫上數量，但是因為都小小盤的，所以我們叫了兩輪。前菜和甜點則採 buffet 的方式。可能是餐廳位置偏僻了點，除了我們這一桌之外，只有另一個大圓桌有客人，環境很舒適安靜，服務人員的態度也很nice，我們一待就是三個鐘頭，現在中午用餐時間哪有地方可以讓客人坐這麼久的呢!

係OP見到夢上海個評價一直幾好，但見佢個位置後，都考慮左好耐，因為位置真係好偏僻，擔心難搵，一直拖到上星期先一試，出門之前已經上網睇下邊條路最方便行去，最後選擇左由紅磡碼頭行去，點知都領野，果日大陽猛到死，由碼頭一路行去成條路都勁晒，冇任何遮蔭位，行左成10分鐘，真係人都癲，條路人影都唔多個，心諗日頭白白都咁樣，如果去食晚飯就大件事啦。行到海灣軒就好dee，有少少海風，舒服晒。入夢上海…..e…都幾細下, 一眼睇晒，環境都ok，起碼張枱好闊落，坐得好舒服，4人枱好大張，唔似家XX曉咁迫，有8成枱有人，中間放左4張枱拼成既長枱擺食物，有2張點菜紙。一坐低叫左壽眉，個waiter好細心話要俾dee焗一下先，good，個茶真係幾好飲，沖左好多轉dee茶仲好有茶味，唔似出面dee茶樓沖2轉就冇晒味，隻壽眉真係好好飲。嗱嗱林落ORDER:窩貼X 8件 個皮勁硬小籠包X 3X件 呢個勁得，我地第一輪叫左3籠，之後再加蔥油餅 細細粒，香口菜肉雲吞 個雲吞本身冇事，但個湯就完全冇味紅油抄手 呢個個汁好辣

好耐之前已經有聽過呢間野架啦，一直都好想黎食，今日終於黎到啦，好開心呀...我地一行兩個人由紅磡火車站出發，好彩事前有上網SEARCH過點去，因為位置都幾偏僻，但佢個網頁有講點去架，仲好詳細添去到之後真係無乜人喎，個環境幾好呀，而且得好少人咋，幾靜架食物種類雖然唔算多，但係都幾好食呀點心︰ 小籠包 真係好食呀，我地每人食左兩籠呀，好多汁呀，必試 窩貼 無咁好食，個皮有少少奇怪 狗不理包 唔算太好食，裡面有好多水份，好奇怪 菜肉雲吞 好好食呀，細細隻，一啖一隻，唔錯熱炒︰ 糖醋魚塊同排骨 兩個都好食呀，個汁唔錯 回鍋肉 有少少油，味道OK啦 肉絲炒蛋 隔離台個樣靚D，我地果碟無咁靚，麻麻啦 四季豆 好好食呀，一D都唔油，仲好香口 魚香茄子 幾好啦，但唔算特別前菜及甜點︰ 全部自己出去任拎架 雜果西米露 唔錯架，好香，係少D西米囉 醉雞 好食，唔會有太濃GE酒味，容易接受呀 四喜烤麩 不過不失 桂花糕 有陣古怪味呀 青瓜 OK，幾爽脆，唔油 青瓜絲粉皮 麻醬可以自己落，好食呀熱炒全部都係細細碟，可以試好多唔同GE野呀，侍應服務態度好好呀，78加埋一 九

和男友去夢上海食 Bruch Buffet, 108 蚊/位每枱都會有一碟醋 & 辣醬呢樹真係有野多野食架..前菜, 小食, 熱食, 甜品我地覺得...炸銀絲卷 - 炸得好香脆;又唔會感覺油立立小籠包 - 好多汁, 好好味煱貼 - 麻麻地 紅油炒手 - 我覺得唔夠辣... 感覺油 . 白切雞 - 好滑好多肉...正呀 炒飯 & 炒麵 - 比較 "立" 口. 唔夠干身...干炒四季豆 - 呢個炒得幾好味...而且有少少辣, 幾野味...so good

和朋友到夢上海吃 Bruch Buffet，88 蚊一位，由 12:00 - 14:30，以為夢上海很隔涉，但係由紅磡火車站行十多分鐘就到了 ~前菜和甜品任吃，熱炒和小吃可以剔紙仔：前菜：當日只有牛展，醉雞，烤酜... 仲有啲粥，功夫茶，不過就無咗雞絲粉皮 甜品：得桂花糕，綠豆糕... 很少選擇... 幸好有凍冰冰的西米露！小食：食了炸銀絲卷：好味！炸得好香脆！又唔會過油！小籠包：超多汁！好正！但略嫌小籠包的皮比較厚.煱貼：普通 紅油炒手：可能個人唔太鍾意食辣... 麻麻地. 熱炒：即叫即製，好味！糖醋魚：魚肉唔會醒，好好味蒽爆牛肉：牛肉好似好鬆散，唔知係鬆肉粉過多，定大量梳打粉回窩肉；有點油，不過很香口，不錯！ 宮保雞丁：普通~本來看到食評有片皮鴨先去吃，但當天由 12:00 等到 14:30 都無人片... 懷疑係咪星期六日的 BUFFET 先有... 消失了的片皮鴨... 環境很幽靜，當天只有兩三枱客，好清幽！而服務生服務態度良好，很不錯~

我是經Open Rice 看見大家稱讚這一間食肆才決定一試!!!整體來說,合家歡嚟聚一聚都唔錯(不過最好你係有車一族,詳情最後再講)。當日我無叫到餐,相反叫咗以下幾款經典滬菜睇吓水準如何:1)小籠包2)煙燻小黃魚3)片皮鴨4)百頁小白菜5)醋溜魚6)芋頭雞7)毛豆年榚炒蟹1)小籠包渦心係店舖從善如流,原本一籠四只但因為有五個人,侍應話可加多一只!包皮薄可打鞦韆,肉分量適中有肉汁,但相比翡翠拉麵,後者肉汁更鮮甜,應該係新鮮及凍肉做材料既分別,況且翡翠日產成千上萬,材料一定更新鮮!!2)煙燻小黃魚魚肉嫩滑新鮮香口,煎得香脆,抵讚!不過對比小南國,都係後者出色一點,因為小黃魚不能太大，否則就不精緻!3)片皮鴨另一渦心之舉,片皮鴨有半隻叫!!!唔駛幾條友硬食一隻!!!可惜,鴨身偏乾及瘦,好彩薄餅皮有麵粉香又不會一塊貼一塊而弄穿餅皮!!其他香蔥及醬料一般貨色!!4)百頁小白菜簡單小菜,湯尚算清甜,小白菜嫩口不油,百頁不太稔,但我總認為百頁炒毛豆好食一些,因為百頁濕食無咁彈牙5)醋溜魚炸得香脆,醋溜汁無蓋過魚鮮味!條魚分量十足,唔似外邊普遍上海食店條魚細細得幾件但收二三百蚊!6)芋頭雞芋頭出奇地夠

之前都有function嚟過一次...覺得幾好食同抵lor~ 所以今次同細妹慶祝生日...就去o左夢上海食半自助餐~ 今次無搭shuttle bus lu~ 因為要等好耐...11:30有一班...但係唔準時...上次等到11:45...嚟到buffet一定已經開始o左....如果想搭可以o係尖咀 (YMCA附近) or紅磡 (港鐵站外面)上車~ 上次嚟o個陣係d前菜都係放o係張檯度任拎...今次就變o左要字紙仔點...有少少唔同~不過連價錢都唔同o左wor~ 上次我地食$128...今次係$108wor!!! 平o左~ 任飲橙汁汽水都係加$38...不過今次就無加~ 飲茶算lu~ 其實任飲啤酒都得...不過貴少少...講o下d食物先~ 任食o既有豆漿 (甜or鹹自己較味), 酸辣湯, "痴"飯, 雞翼...朱古力噴泉, 桂花糕, 紅豆糕, 雪耳糖水同片皮鴨~ 全個buffet佢都片o左起碼五隻片皮鴨ga~ 個場又唔係好多人...所以一定食得到~ 至於前菜呢...最好食都係雞絲粉皮~ 好滑好香麻醬味~ 我地order o左好多~ 一碗碗放晒o係檯~ 醉雞好滑同好有酒味~ 五香牛肉OK~

今次係第三次去，第一次去係最滿足食慾0既，食物種類多又添得快，第二次就食2:00pm0個輪，食物無乜refill，但都還可以叫點心滿足到，今次就完全無心理準備，原來佢已改了形式，將任挪前菜0既檯取消，只可以任點，呢樣都還可接受，最多係無得揀姐，最想唔到0既係原本有廣東點心蝦餃、燒賣，現在都取消左，佢地話要正統D，做番上海野喎，但響佢0既網頁度0既餐牌無改到啊，而且，無比較過就唔大問題，但我地試過好0既，又點會唔覺得佢e家差左呢，雖然e家週末都仲有85折，但我諗已經唔值得再去lu。

12/3(五) 1pm光是由紅磡車站步行至其店,加上迷路的時間,共花消半句鐘,酒店位於杳無人煙的海皮,毫不顯眼.甫進店內,一至火紅色調及木雕花的屏風,傳統得來帶點時尚.被安置於近門口的卡座,沙發跟餐桌的高度不相符,用餐時有點費勁!$98一位的半自助午餐免茶芥;前菜及甜品均放於buffet桌上供食客享用:拍青瓜,醉雞,烤夫,牛展,酸辣湯,白粥,桂花糕,紅豆糕,酒釀湯丸及紅棗雪耳糖水.當中以拍青瓜,醉雞,酒釀湯丸及紅棗雪耳糖水味道較正面,其餘的則沒必要翻吃.於點心紙上則包含小菜及包點:雪菜毛豆百頁,八寶炸醬,糖醋魚塊,糖醋排骨,椒鹽排骨,魚香茄子,菜肉雲吞,小籠包,紅油抄手,銀絲卷,窩貼,蔥油餅,韭菜炒拉麵,炒飯.水準比buffet桌上的為佳.糖醋魚塊,菜肉雲吞,小籠包,銀絲卷,窩貼質素尤高!除炒拉麵外,每道菜的份量恰好,未至眼闊肚窄.服務方面,因全場只得三至四臺食客,服務生的招呼相當周到!不過不失的夢上海...

7-3-2010從飲食雜誌得知呢間上海菜館係九龍會開出來的, 阿媽又推介九龍會的醉鴿「好好食」, 星期日晚飯就來試試吧. 一行 4 人, 叫了一份 2 人套餐, 有自選湯水, 2 款自選前菜, 3 款自選小炒, 小籠包及高力豆沙香蕉; 再散叫一隻醉乳鴿, 津白肉絲炒年糕及蜜汁火方 share 食, 勁豐富 前菜 #1 燻魚: 係熱食的, 食落唔嚡, 幾多汁, 味道就好甜, 果然係燻魚呀吓 前菜 #2 粉皮白切肉: 白切肉賣相「瘦孟孟」, 可幸食落都有點肥脂黐住, 雖然瘦肉較硬但起碼整體未至於「柴皮」; 粉皮比出面好多地方食到的厚身, 唔算滑溜; 而蒜泥醬汁就較鹹, 不過又唔夠蒜香,整體印象一般.醉乳鴿: 酒香撲鼻, 鴿皮薄薄的, 食落爽滑, 鴿肉就十分鬆化, 索滿醉酒汁, 食完一件又一件! 為佢而來, 果然好好食, 值得試試. 湯水係砂鍋餛飩雞 (2 人餐有 2 碗): 湯底算幾濃鮮, 質地卻有點「膠口」, 煲溶了 d 花膠? 餛飩皮薄散尾, 餡料鮮味度就一般; 花膠就如上述般「溶」了 d, 還是爽身一點的較對胃口.小炒 #1 蔥爆牛肉: 醬汁調得唔算「濃油赤醬」, 炒

未嘗大閘蟹久矣, 趁著個多月沒假放的日子完結後, 決定大擦一餐, 好好慰勞自己一下。 之前看過專欄文章介紹牧牛湖清水蟹, 說味道清香, 吃完連手也不會留下蟹騷味云云, 說得我怦然心動, 既然講得那樣神奇, 就試試吧!夢上海一直是我想嘗試的店子之一, 不過位置實在”吊腳”, 如不乘的士前往步行去的話, 頗有尋幽探勝的味道。 這裡的裝修不錯, 因此即使位置不便, 價格也不便宜, 不過服務質素有改進的空間。我們坐在較偏僻的卡座, 叫侍應有點難度, 他們也不會主動跟進。說回當晚主角大閘蟹吧, 有幾種不同重量, 分別是4,6,7 兩, 但價錢和重量不成正比。4兩賣$68, 但小得可憐, 羔相信得一兩啖而已。6兩好像賣$238, 大小較為可取, 不過看起來像4,5兩的樣子。7 兩較像樣, 不過好像再貴差不多一百。我們就走中間路線吧!侍應替我們清拆蟹, 加上食蟹工具齊全, 確實食得幾舒服的。 我不是大閘蟹專家, 只是覺得蟹羔軟滑, 蟹味鮮甜, 真是有點意猶未盡。另外我們點了一人晚餐, 包湯, 小炒, 澱粉質, 甜點。湯我們點了花膠雲吞湯, 花膠蠻大塊, 足料。小炒,和澱粉質幾好, 不過不太突出。甜點

想食呢間野好耐喇,,甘岩呢几日天氣突降,甘就去食下佢個上海暖鍋~一行四人渣車去,因為室外實在太凍喇~!!!!!VERY GOOD,呢度原來有VALET PARKING,不過眼力少都睇佢唔到囉 食物方面: 暖鍋: 我地柯打左個細既黎食,4個人都夠食,料亦算多!有個係用蛋包住肉既餃!非常特別,好味~墨魚丸有少少墨魚肉係入面,唔係好粉果D,都OK呀!又有我最愛食既蝦,~食食下發現仲有海參,因為佢係一片片,真係要慢慢搵先搵到呀~~~~~!擂沙湯丸: "擂沙"好幼細,黏得好穩~糯米皮薄、煙靭，芝麻餡味仲好濃郁! 超愛呀~ 服務方面: 雖然佢地人手少,但每一位都好快手! 讚~

上星期同三五知己去黃埔睇戲晚飯,附近食店都食厭了,就找其他地方試試,之後朋友提議到海景酒店地下食上海菜,這主意真好,上海菜是本人的至愛~由黃埔慢慢步行過去,都只是用了數分鐘時間,終於到了店,看到門外及店內的裝修,感覺很豪華,服務員很細心,為我們選了卡位,當日客人不算多,可能是閒日吧,所以感到很舒服肚子實在很餓,我們四人點了一個湯,5個菜 海鮮酸辣湯- 酸酸地帶一點辣,很開胃,料子又多,有大大隻蝦,令人食欲大增北京填鴨二食 配 叉子燒餅-鴨肉不肥,很入味,配了芹子及醬汁,飽子皮還熱熱的,但較厚,反而我比較喜歡叉子燒餅,滿佈芝麻,外脆內軟,加入菘子炒的鴨肉一起食,口感很好,連平日少食鴨的我都忍不住一讚 鎮江肴肉-很有彈性,入口清香,可作餐前小食 涼伴雞絲粉皮-粉皮夠薄,雞肉滑,朋友嫌麻醬太多,反而我很喜歡 紅油抄手-這個都有水準,大大隻,皮夠薄 醬炒年糕蟹-這味簡直是全場之冠,我未嘗過其他上海店會做得那麼好,蟹十足份量,肉新鮮又甜,年糕彈口,還加有毛豆,個汁夠濃又不搶蟹的鮮味,非常美味 朋友搶著埋單,每人平均都是百多元，食物分量計的話足夠五人吃了，有這種排場及質量,可說是物超所值！晚飯後還