影片
更多
2010-07-21
9 浏览
係OP見到夢上海個評價一直幾好，但見佢個位置後，都考慮左好耐，因為位置真係好偏僻，擔心難搵，一直拖到上星期先一試，出門之前已經上網睇下邊條路最方便行去，最後選擇左由紅磡碼頭行去，點知都領野，果日大陽猛到死，由碼頭一路行去成條路都勁晒，冇任何遮蔭位，行左成10分鐘，真係人都癲，條路人影都唔多個，心諗日頭白白都咁樣，如果去食晚飯就大件事啦。行到海灣軒就好dee，有少少海風，舒服晒。入夢上海…..e…都幾細下, 一眼睇晒，環境都ok，起碼張枱好闊落，坐得好舒服，4人枱好大張，唔似家XX曉咁迫，有8成枱有人，中間放左4張枱拼成既長枱擺食物，有2張點菜紙。一坐低叫左壽眉，個waiter好細心話要俾dee焗一下先，good，個茶真係幾好飲，沖左好多轉dee茶仲好有茶味，唔似出面dee茶樓沖2轉就冇晒味，隻壽眉真係好好飲。嗱嗱林落ORDER:窩貼X 8件 個皮勁硬小籠包X 3X件 呢個勁得，我地第一輪叫左3籠，之後再加蔥油餅 細細粒，香口菜肉雲吞 個雲吞本身冇事，但個湯就完全冇味紅油抄手 呢個個汁好辣
入夢上海…..e…都幾細下, 一眼睇晒，環境都ok，起碼張枱好闊落，坐得好舒服，4人枱好大張，唔似家XX曉咁迫，有8成枱有人，中間放左4張枱拼成既長枱擺食物，有2張點菜紙。
一坐低叫左壽眉，個waiter好細心話要俾dee焗一下先，good，個茶真係幾好飲，沖左好多轉dee茶仲好有茶味，唔似出面dee茶樓沖2轉就冇晒味，隻壽眉真係好好飲。
嗱嗱林落ORDER:
窩貼X 8件 個皮勁硬
小籠包X 3X件 呢個勁得，我地第一輪叫左3籠，之後再加
蔥油餅 細細粒，香口
菜肉雲吞 個雲吞本身冇事，但個湯就完全冇味
紅油抄手 呢個個汁好辣、好辣，我食得辣都要用水清洗過先食
糖醋魚塊 OK
蔥爆牛肉 第一次好好，第二次就過咸
雪菜毛豆百葉 清清地
宮保雞丁 好有鑊氣，雞肉好滑，少少辣
餐廳中間有張大枱擺左前菜及甜點
醉雞 just OK，唔夠入味
四喜烤麩 暖既????唔夠凍
青瓜 好食，少少咸，少少蒜香
絲粉皮 勁落麻醬，好食
牛展 好得
片皮鴨 個皮唔夠軟，個皮勁脆，當日片左2隻
桂花糕 冇食，屋企人話冇味
芝麻餅 冇食
龍眼杏仁豆腐 杏仁豆腐好滑，dee龍眼就差，酸既
雜果西米露 ok
我地最後自創將淨西米露加淨杏仁豆腐 woo, 好正呀，再食2碗
最後要讚dee侍應服務態度真係好好，收野加水都好快。
撇開由碼頭行過來既辛苦，食物真係好味，屋企人都話要再食……..
p.s 走個陣我地行第2條路出，發現由半島豪庭果邊行去仲好dee dee
张贴