影片
更多
2010-03-08
24 浏览
7-3-2010從飲食雜誌得知呢間上海菜館係九龍會開出來的, 阿媽又推介九龍會的醉鴿「好好食」, 星期日晚飯就來試試吧. 一行 4 人, 叫了一份 2 人套餐, 有自選湯水, 2 款自選前菜, 3 款自選小炒, 小籠包及高力豆沙香蕉; 再散叫一隻醉乳鴿, 津白肉絲炒年糕及蜜汁火方 share 食, 勁豐富 前菜 #1 燻魚: 係熱食的, 食落唔嚡, 幾多汁, 味道就好甜, 果然係燻魚呀吓 前菜 #2 粉皮白切肉: 白切肉賣相「瘦孟孟」, 可幸食落都有點肥脂黐住, 雖然瘦肉較硬但起碼整體未至於「柴皮」; 粉皮比出面好多地方食到的厚身, 唔算滑溜; 而蒜泥醬汁就較鹹, 不過又唔夠蒜香,整體印象一般.醉乳鴿: 酒香撲鼻, 鴿皮薄薄的, 食落爽滑, 鴿肉就十分鬆化, 索滿醉酒汁, 食完一件又一件! 為佢而來, 果然好好食, 值得試試. 湯水係砂鍋餛飩雞 (2 人餐有 2 碗): 湯底算幾濃鮮, 質地卻有點「膠口」, 煲溶了 d 花膠? 餛飩皮薄散尾, 餡料鮮味度就一般; 花膠就如上述般「溶」了 d, 還是爽身一點的較對胃口.小炒 #1 蔥爆牛肉: 醬汁調得唔算「濃油赤醬」, 炒
從飲食雜誌得知呢間上海菜館係九龍會開出來的, 阿媽又推介九龍會的醉鴿「好好食」, 星期日晚飯就來試試吧. 一行 4 人, 叫了一份 2 人套餐, 有自選湯水, 2 款自選前菜, 3 款自選小炒, 小籠包及高力豆沙香蕉; 再散叫一隻醉乳鴿, 津白肉絲炒年糕及蜜汁火方 share 食, 勁豐富
前菜 #1 燻魚: 係熱食的, 食落唔嚡, 幾多汁, 味道就好甜, 果然係燻魚呀吓
前菜 #2 粉皮白切肉: 白切肉賣相「瘦孟孟」, 可幸食落都有點肥脂黐住, 雖然瘦肉較硬但起碼整體未至於「柴皮」; 粉皮比出面好多地方食到的厚身, 唔算滑溜; 而蒜泥醬汁就較鹹, 不過又唔夠蒜香,整體印象一般.
醉乳鴿: 酒香撲鼻, 鴿皮薄薄的, 食落爽滑, 鴿肉就十分鬆化, 索滿醉酒汁, 食完一件又一件! 為佢而來, 果然好好食, 值得試試.
湯水係砂鍋餛飩雞 (2 人餐有 2 碗): 湯底算幾濃鮮, 質地卻有點「膠口」, 煲溶了 d 花膠? 餛飩皮薄散尾, 餡料鮮味度就一般; 花膠就如上述般「溶」了 d, 還是爽身一點的較對胃口.
小炒 #1 蔥爆牛肉: 醬汁調得唔算「濃油赤醬」, 炒得幾夠鑊氣, 牛肉食落腍身, 不過無乜味道又好似有點「梳打」/「滑過龍」; d 蔥就爽身清甜又夠嫩, 絕對好食過 d 牛肉.
小炒 #2 糖醋排骨: 「排骨」係豬扒? 咬落軟熟, 帶點肥, 而「糖醋」就甜多過酸, 質地較杰身, 味道有點似「咕嚕」汁, 唔算好喜歡.
小炒 #3 雪菜毛豆百頁: 清口腔之選, 百頁較出面食到的硬身, 豆味重, 雪菜就落得唔夠多; 毛豆就夠晒肥大, 粉粉哋清清哋, 最後輕易清碟.
蜜汁火方 (一客 4 件): 將炸腐皮, 青瓜及蘸了桂花糖 (?) 的薄切火腿, 用新鮮出籠熱辣辣的麵餅夾住食, 只覺麵餅微甜, 軟熟帶麵粉香, 炸腐皮脆中帶點實, 火腿勁甜而不鹹, 青瓜就唔夠爽脆, 整體味道只算不過不失. 尖沙咀「滬江」的「響鈴火腿夾」好食好多 (http://www.openrice.com/restaurant/commentdetail.htm?commentid=1910561), 好懷念呢.
小籠包: 皮薄, 但唔易穿, 頂部較多粉但唔會太硬; 咬落湯汁勁熱又勁多, 味道鮮甜; 豬肉餡就被比下去, 不過落點夠晒酸香的鎮江醋, 一樣好食.
津白肉絲炒年糕: 醬汁似足「粗炒」, 不過係「唔油膩版」, 年糕帶點米香, 咬落就煙韌度一般; 肉絲及津白份量夠, 點綴一下增添 sok sok 聲口感, 還不錯.
高力豆沙香蕉: 夠熱, 蛋白輕盈唔油膩, 豆沙及香蕉夠香甜, 砂糖供應得夠, 當然唔會唔好食啦.
食物不錯, 環境亦闊落好坐, 不過佢個 location 咁隔涉, 都比想像中多人了; 招呼亦好, 不過呢度好歹都係酒店, 唔好就大件事了.
連加一及代客泊車, 埋單每人 $200 有找, 值得試試的.
P.S. 一坐低就見檯上「戙」了個「開飯熱店 2010」的 tablestand, Openrice 真係無處不在
张贴
