影片
开饭介绍
梦上海在红磡湾畔海湾轩海景酒店启业，以优质地道上海菜为卖点，主餐牌选择繁多，前菜、汤羹、锅粑、海鲜、肉类炒、素菜及饭面点心，选择非常足够。不可不尝的招牌菜很多，包括醉香乳鸽及崧子桂鱼球。
继续阅读
营业时间
星期一至五
12:00 - 15:00
18:00 - 23:30
星期六至日
12:00 - 23:30
公众假期
12:00 - 23:30
以上资料只供参考，请与餐厅确认详情
招牌菜
食记 (81)
又系团购魔力!!因为未试过, 结果又心思思买左去试~呢日专登出黎食, 男友仔+朋友仔, 一行 3 人.....杀呀!!佢个地点真系..................僻得有点儿那个~一到步, 见到入面好 full, 心谂....应该几好食呱...嘿嘿好早之前就已经打左黎 book 位, 所以去到就有位留左了 =)一入到去, 店面细细, 还好唔算迫, 不过真系有少少失望...因为.................野食既 choose 就 only 得中间一张细细既长枱仔 =(坐低之后就有张 order 纸, 因为有部份食物系剔纸仔的~片皮鸭系配给的....但质量好一般, 皮亦唔脆 =(其他食物味道亦唔出众, 只系一般....比较好食既系鱼, 无论系炸鱼定系炒鱼, 鱼质都好滑 =)我地一致既食后感系..............1 - 野食选择太少2 - 食味一般唔出众3 - 片皮鸭唔算贵价野, 但只系出左一次, 手快有手慢无4 - 位置较僻所以...........应该都唔会再去了 =(
继续阅读
用了团购，试试半自助餐，前菜甜品任食再加一碗面。由于以前食过，看过食评都觉得，只要平日食就应该ok，今天放假咪同居士夫人去啰！点知……12:15pm去到，成个场无人，只有一班早我10秒到场的一围人，坐下后我便表明是享用半自助餐的，员工竟然话，出面摆放的食物不可享用，他们会安排「三碟」前菜给我……哗！我即刻问，什么叫做“前菜甜品任食”呢？可能佢地想分开半自助餐同全自助餐，所以安排半自助餐的人，由员工上三碟前菜了事，但这个安排极有问题，就系因为佢地把前菜同甜品，连同汤、饭、热勲等食物一齐放，做成混乱系佢地自己搅出黎……结果嘈完一轮，一位拟似领班的员工，就带领我，话俾我知边D食得边D唔食得，简单些，冻的食物为“前菜及甜品”，再加一项热食“红豆沙”，就是我和夫人今天可以享用的自助食物！讲翻食物，基本上系好味的，前菜今天有八款，大部份系菜，另有醉鸡、五香牛肉、卤豆腐等等，同佢宣传单最大分别系无左海哲同鸡丝粉皮，其实八个前菜都几好味，尤其醉鸡及卤豆腐可以推介俾大家；跟住上主食，分别有排骨汤面同云吞担担面，排骨干身但无味道，卖相好唔肥腻，师父其实做得好好，只系调味方面要再调一调，汤面大碗，汤清甜，面弹牙好味，但担担面就唔得，云吞好淋味道唔好，担担酱味道淡，成碗面都唔好食，我只吃了所有云吞及半碗面就放弃了；最后轮到甜品，基本上系六款食物，有西瓜、蜜瓜、桂花糕、芝麻酥、好豆沙及杏仁豆腐，两款瓜正常，杏仁豆腐我跟夫人都唔食无评价，芝麻酥普通，食了一件便无再取，好豆沙淡，又系两人分享一碗算了，只有桂花糕食了很多，桂花够味，糕都好企身，不会一夹就散，可推荐，还有送了热豆浆，豆浆味系古老味道，但隐隐感到唔新鲜同埋好淡。眼见坐系度两粒钟，加埋唔知有无10枱客，大部份都系用团购埋单，真系唔知佢地仲可以挨几耐，服务唔系话差，食物质素唔高但都可以接受，安排系混乱，正价系定得几高，但真系食完一次都唔系咁有意欲想食第二次的时候，希望佢地再谂谂，除了用团购吊命外，还有什么可以做得更好，至少唔好写住自助任食时，竟然会同客人讲唔准出去攞，俾三碟你食咋！正价78加一就真系贵左少少，若团购38加原价加一都还可接受的。另外就系师父几健康，好多食物味道偏淡，淡到变得无咁好味。
继续阅读
用团购买了七张 coupon, 谂住之前嘅评语不太差, 便即管试试。当日分了两个时段; 11:30 am - 1:30 pm , 1:30 pm - 3:30 pm , 我们拣了 11:30 am 嘅时段, 当然我同家人准时到场, 现场已经有食客坐低等紧 ！我已经第一时间填左一张自选菜式俾埋侍应生, 如其他食评一样; 都系小笼包、阳春面、糖醋排骨、银丝卷...之类 ！同时间, 家人已经排队攞出面 d 热盘同冷盘, 但俾我印象最多是款款都有豆腐.... ., 我地食了两 round 大约三十分钟, 出面已经没有任何食物, 问 d 侍应生, 佢地话等紧厨房整热, 但好多都系冷盘㖞, 我相信迟来嘅人已经冇野好食, 要等第二轮嘅热盘同冷盘。 讲番第一时间自选菜式, 一样都冇出来, 开始知道餐厅原来用拖字诀, 令到每枱客系咁等, 等都等饱, 咁就好快两小时喇 ! 又等了差不多十分钟后, 先见有小笼包、锅贴首先出场, 家人嫌小笼包太酸, 所以都冇再 order ! 即系话等了四十分钟先开始有自选果 d 菜式食！至于佢嘅弄堂片皮鸭, 五十分钟先开始第一轮, 我们七人只分到九件, 面粉皮又唔同时间蒸出, 导致片皮鸭等皮, 之前有出过嘅面粉皮又已经冻硬了 , 再问侍应生仲有冇得再 order 片皮鸭? 佢答 : 今天人多, 每枱都要分少少, 未必再有得攞 ! 乜唔系日日同每个星期都有呢个自助午餐吗？人多钱自然收多, 乜唔系应该多番 d 食材吗？吓...乜系将人就货, 下次真系好难再帮衬 !!!总括 : 最有印象只系糖醋排骨, 豆浆 , 餐厅仲有个好为客人著想嘅概念; 每次 order 阳春面都给客人环保; 三碗嚟两碗; 两碗就嚟一碗。 早一小时前嘅 order 嘅小菜, 临走先至嚟 !!!今次系我顶唔住写嘅第一篇食评, 希望佢地改善下！
继续阅读
团购推出「上海贵族自助午餐」每位$99+10%, 「梦上海」既是高级会所九龙会属下餐厅, 心想水准应该有保证, 因而买下coupon一试。 是日为星期日, 食客颇多, 还好地方尚算宽敞,未至于挤迫。由于是半自助餐,部份小菜、点心是即叫即制, 为了节省时间一坐下即点些小菜, 然后才向自助美食区进发。 自助前菜分别有四喜烤麸、蒜香小青瓜、鸡丝粉皮、凉拌茄子、蒜醋小木耳、醉鸡、油炆笋等，由于是大堆头制作, 难免有些粗制滥造, 如鸡丝粉皮一整碟都是白雪雪的粉皮,上面的青瓜丝和鸡丝少得可怜; 醉鸡虽然浸入花雕酒也毫不入味。酸辣汤还可以, 用料和味道一般... 接着的自助热炒有干煸四季豆、炒冷面、炒上海年糕、红烧肉、宫宝鸡丁、素鸡和麻婆豆腐; 除了炒冷面和炒上海年糕尚算惹味, 其他都欠缺上海菜应有的浓味, 应辣的不够辣, 有点失望。还好自选的热炒和点心这时送到, 我们点了毛豆百叶, 这个菜略嫌淡口; 糖醋鱼片、青豆河虾仁和西芹鱼片都不错, 食材够新鲜; 干烧河鳗片的酱汁跟糖醋鱼片的没大分别, 如要二选一我会encore 糖醋鱼片, 大大啖鱼肉入口较薄薄的鳗片讨人喜欢。 自选的点心有小笼包、窝贴、菜肉云吞、炸银丝卷、蒸馒头、葱油饼, 都不过不失, 但阳春面却略嫌干硬, 不吃也罢。 这个半自助餐最大卖点...片皮鸭, 当然要一试, 虽然起初供不应求, 但当食客开始吃饱, 餐厅仍有补充, 至最后许多鸭皮放于桌上无人问津, 其实这个片皮鸭可算是皮脆肉厚, 肥膏欠奉,可惜包鸭皮的粉皮弄得不好, 又湿又厚, 令整个菜式扣了分。 这个自助餐最受欢迎要算是自家制豆浆, 一大煲无味的热豆浆, 旁边罢摆放了砂糖、细片油炸鬼、咸菜碎和葱花, 供食客自行调配甜豆浆或咸豆浆, 都算设想周到。 最后的自助甜品有芝麻酥 、桂花糕、桂花酒粮丸子、西瓜、哈密瓜; 个人较喜欢桂花糕, 够冻和结实, 还有桂花酒粮丸子, 充满桂花和丸子, 不太甜,是不错的餐后收糖水。 总括来说这个半自助餐没想像那样出色, 一大伙人以这个价钱可以有更好的选择, 我和友人都觉只此一次便够了, 无意欲再来重试。
继续阅读
用团购买了4张coupon,一早订了今日,谁知天公这样造美,全日落雨之外还是滂沱大雨那种而且我们还要兼顾姨甥女及BB车,想取消但因已是限期到前两日,所以如期赴约,虽然来回都是坐的士,不过遇到这种天气,真是有些儿唔方便虽然今日并不是假日,来到每枱差不多已坐满,我们被安排坐卡位,好在加张BB椅都不成问题,姨甥女起初坐下有些儿扭计,女接待员小姐见状,说有玩具转头拿给她玩,就这样BB总算定下来一阵,我们开始轮流拿东西食,不过出面的冷热盘选择真的并不太多.之前看到好几篇食评都对此店弹多过赞,不过本著平常心态也不多想,但最后我们一致认为食物质素大多可以接受,当然个别某些食品有待改善.首轮选取出面长卓上的食物,醉鸡唔够酒味~~~片皮鸭肉质稍为硬实而且皮好干,还有包鸭食的皮妈咪话好难食~~~四喜烤麸是上海地道名菜,可惜此店做法,味道完全失色~~~小木耳,拍青瓜,鸡丝粉皮一般般~~~鱼香茄子,宫保鸡丁,麻婆豆腐,上海炒拉面,回锅肉,四季扁豆味道卖相相当唔错~~~最有惊喜的是酸辣汤,酸辣度适中,材料简单但入口丰富,难得的是妈咪赞不绝口,我们临走前都再饮多碗至于用纸点叫的食品,锅贴皮,馅都干巴巴~~~蒸银丝卷唔够软熟,放凉后更硬实~~~小笼包叫了好久才到,食时已唔热,皮好硬,但再点叫的一笼,好快就到,热辣辣,汤汁多几好味~~~菜肉云吞,青豆河虾仁,葱油饼普普通通~~~糖醋鲜鱼片爸爸赞好味,所以再追加,我们最欣赏的反而是临尾才来的椒盐排骨,惹味香口,肉质够嫩~~~酱炒河鳗片,茨汁调较得好,鳗鱼片又嫩滑~~~葱爆肥牛肉,京葱非常鲜嫩,完全无渣,虽然食到最后已经饱晒,但我们仍然觉得这三道小菜好好味,可能食客已陆续离去,所以上菜快了,又够热又够镬气.最后的甜点酒酿丸子,桂花糕都不过不失.今日天气虽然恶劣,幸好这餐饭没让人太失望,最难得是妈咪他们也好满意
继续阅读