壹火鍋

营业中

休息中

其實一早已經知道兆萬棟大廈好多嘢食，放工約咗朋友喺旺角dinner，提議去打邊爐，咁岩又係附近，咁就上咗去呢間食啦，其實一上到去係勁爆場，好多人喺度等位，心諗一定好好食啦，甘多人等，🤣我哋首先叫咗個刺身拼盤，擺設好靚，啲刺身都好新鮮，尤其是啲刺身蝦，大大隻，好好味之後再叫個龍蝦鮑魚海鮮船，入邊有龍蝦，新鮮鮑魚，生蠔，扇貝，聖子， 鰻魚，全部都好新鮮，隻鮑魚仲係識郁架，生蠔都好大隻，扇貝大大粒，聖子啖啖肉，鰻魚肉都爽口，我哋仲叫咗碟雪花肥牛肉，加埋我哋叫嘅蕃茄湯底簡直一流，仲食咗個蟹子墨魚滑同鮮蝦滑，已經好飽，最正嘅就係有好多飲品可以選擇，吾錯吾錯。

旺角行完街，上左嚟任食火鍋，嘩！好多人，真係咁好食？唔信，呢個價錢要有d保留。一邊係蕃茄湯底而另一邊係豚肉湯底，望落都好濃味。呢個海鮮船夠曬睇頭，咩都有d，圖中可見龍蝦勁多膏。夾起隻鮑魚，嘩！點解識動嘅，唔係掛，咁嘅價錢會有新鮮海鮮，咁大隻蛤那隨街跳，今次真係有驚喜。任食刺身都整到靚靚先上，果然有心思，一定要影張靚相呃like。任飲任食竟然會有我最鐘意嘅飲品，平時都第度食都只係會見到可樂、雪碧 ，總共飲左三甁。

✿╮❤╭✿ ✿雜感女生 好味日記✿ ˚*•✰。壹火鍋：平民火鍋．邊煮邊吃。✰•*˚ ✿✿舌尖上的旺角✿✿ ❤餓底飯聚❤ ❤ 冬日冷天最愛的熱辣辣之選，是火鍋(打邊爐) 原來很多人以為，去打邊爐是為了狂點食物 WELL，湯底更重要！ 此外，座位舒適與店人親切都不能少！ 旺角兆萬中心16/F開了一家新店，即時和朋友上去試試 一看點菜紙，非常開心：價格非常大眾化！ 想點刺身加少少就得！(加$30就可以有埋任食刺身) 不過天氣凍，我們想吃打邊爐多些，只點打邊爐！ 調味料多多，罐裝的果汁汽水亦有一大個雪櫃， 以自助形式自行取用，方便！ 食材新鮮與否才是識貨的展現 此店職員熱心介紹，雖然未有卡位選擇*(人太多了) 湯底選擇卻非常多，有中式、日式，更可選辣度！ 最愛藥膳的本小姐，自然挑選了有黨參北芪，紅棗圓肉的醉雞湯底 有花彫與虫草花，份量多，雞又滑，又可隨時任點加入花膠！ 而最重要是湯鍋那一陣陣香噴噴的藥材味 強腎補氣！非常滋補養生！ 食材包括各種肉片、海鮮、蔬菜、豆品、菇類、丸子等 精心選了肥牛、牛展、菇菇，生魚片 洽一洽即入口，質地香嫩，味道濃郁 鮮嫩的牛香已WIN WIN，令

聖誕因為我地人多又想試新嘢,所以抱著一試無妨既心態就book咗呢間餐廳....十一月尾都book唔到早個個時段,所以8:15先有位, 以為咁多人book一定ok....坐位安排方面：我地有十幾人,竟然係一啲人坐係房一啲人坐係出面, 多人分兩張枱係可以接受,但唔會安排到一啲坐係房,一啲係出面囉....呢個安排超奇怪喺openrice見咁多人食蒸氣鍋,所以我地都叫了蒸氣鍋....首先講個蒸氣爐，啲蜆部份都沙、啲龍蝦殼超軟身同無乜肉、啲扇貝及鮑魚正常，但不要抱咁大期望，一份錢一份貨吧.....我地有其中一個爐壞了,所以要用gas爐,但火力超低...當其他兩個用內置在枱上的爐的蒸氣鍋食物已熟時,這個用gas爐的蒸氣鍋的食物也未熟.....啲食物要多蒸十多鐘才熟....用膳時間限個半鐘,但呢啲蒸氣鍋已經用咗我地差不多一個鐘.....我地一開始已寫咗紙揀打邊爐的食材,但餐廳方面竟然到我地差唔多食完蒸氣鍋都未有上過我地揀選的打邊爐食材,要我地吹先開始出少少.....開始出嘢畀我地無幾耐,就有餐廳職員扮問我地啲食物到晒未,我地講咗幾次大部份食物未到,佢地只係講幫我地睇下......到佢地出單叫我地買單

一到12月1月就好多朋友約食飯，幾乎日日都出街食飯，成日食西餐，今次我就提議不如一齊去食中式火鍋，所以我就帶咗佢哋去旺角食任食嘅壹火鍋坐低叫左湯底未點火鍋材料嘅時候，就叫點咗個刺身食先，一路食可以一路諗叫啲咩料打邊爐。見附近啲人都係打邊爐，唔多叫刺身，但其實啲刺身都唔錯，好新鮮一路食刺身一路點火鍋料，火鍋料有幾十種選擇唔想湯底咁濃味，叫左皮蛋芫𦭓湯底清清地火鍋包埋海鮮俾我哋食，平時如果就咁單點一隻鮑魚都要$8架，呢度勁多海鮮真係超抵$200到就成班人食到飽！成班朋友都話唔錯可以下次再食過

很久也沒有去過壹火鍋喇，今日約人去旺角食飯，就去試下有無得walk in可能仲係長假期時間仲早，唔洗點等位就有得食卡位都比人坐曬，天氣冷最好食火鍋如常地叫左刺食任食，加個少少錢有得叫埋刺身其實都幾抵刺身質素同大型日式放題差不多雖然甜蝦唔係牡丹蝦 但都幾鮮甜另外馬刀貝都十分爽口，前菜一流食完刺身冷盆就自然要食熱野喇個放題包埋新鮮海鮮 嘩！超級正呀，有鮑魚，大蜆，龍蝦，帶子，蟹等見到都流曬口水放落湯底滾一陣，大蜆好快就打開殻可以食得！真的十分鮮味而且夠大夠肥美！除了海鮮外，壹火鍋的火鍋料是任食的所以可以狂點肥牛超正食完曬，要食番個雀巢雪糕去到雪糕櫃個時搵極都搵唔到有芒果味但明明記得上次有之後問一問職員，職員即刻好貼心咁幫我搵之後親身力比我，服務超好非常高興的一餐

第一次寫食評今日冬至，所以早2日就打電話去book枱book左6點。最後因為早左收工所以早左15分鐘上去，未有好多客人。一坐低就同侍應講想食刺身放題同加蒸氣海鮮鍋，即刻落張刺身單3分鐘就上，味道唔錯！海鮮鍋好抵食有龍蝦 扇貝 生蠔 鮑魚...唔洗調味料都好夠味。食完啲海鮮底下有蠔仔粥底，食完可以叫侍應加清湯，再order火鍋配料變打邊爐！上菜上得好快，配料都算新鮮同多選擇。係性價比高嘅一餐，有機會會同朋友再黎食

朋友喺旺角開左樓上舖，於是今日就同另外兩個朋友去左襯下熱鬧同埋搵埋一齊去食飯。朋友做左旺角地頭蟲，就硬係識搵食啦！今晚就帶左我地去食呢間位於兆萬中心15樓既任食！原來係蒸海鮮加火鍋，岩晒我地！每人$189+10%。如果加任食刺身就每人加$30。好抵食下喎！原來火鍋湯底有粥底揀！但最後都係決定食魚湯底。上面2層鍋放滿海鮮蒸呀蒸，粉絲底下又係海鮮，鮮味十分，真係唔夠喉，但要留肚食火鍋！當然要叫肥牛啦！我地掃左8碟都有，因為肥牛既質素真係幾好！另外再魚皮餃、芝士腸、午餐肉、花膠同粟米。呢度仲有任飲同任食甜品（雪糕），我地幾個都話呢度好抵食！點可以唔嚟多幾次！

胃只得一個，想食蒸鮮、又想食打爐點算好？唔怕，呢間一次過滿足晒我！星期日至四：$189/位星期五、六、假期前夕：$199/位加$30/位 仲有任食刺身！都有成12款選擇，我地當然加左啦～客人可以去自助醬料吧選取自己喜歡既醬汁～隔離仲有雪櫃自助取飲品、雪糕同糯米滋～刺身好新鮮，馬刀貝比放題店更爽口鮮甜，有驚喜。最後encore左3次先開始食蒸氣鍋，哈哈！蒸鍋有3層，最底嗰層係火鍋湯底，我地揀左《珍珠馬蹄野菌魚湯鍋》，清清地無甘熱氣。另外兩層就係用於蒸海鮮。海鮮好足料，大隻又新鮮！最後到打邊爐時間！好似食日式放題甘多張邊爐餸料選擇！估唔到海鮮唔錯之餘，連佢地既火鍋配料都好讚！尤其是《雪花肥牛肉》，牛味濃、無渣又唔韌，色水又新鮮，我地encore左5碟！最後食埋雪糕同糯米滋真係滿足到爆！每人200幾蚊已經食到有質素既刺身、蒸鍋同火鍋，甘抵食仲可以去邊度搵？

恰逢11日是本人生日，用生日免费福利白天去杜莎夫人蜡像馆玩，两个室友回校拿毕业证，晚上准备一起在兆万中心的壹火锅吃饭。15楼是壹蒸锅，16楼是壹火锅。两个是一家，只不过是分开了两个类型而已。我们还是去吃的壹火锅，没有提前预约，稍微等了十分钟左右就有地方了。(因为提前预约的店家会打电话催，没来我们就有位置了)在小伙伴的建议下，我们选的是鸡煲火锅打边炉的吃法。鸡煲火锅选的BB辣，端上来时，闻到了一股明显的麻椒香味，还有辣味带来的清香。鸡肉和各部分都很入味。吃完鸡让服务员加汤，开始涮菜。菜我们点了很多，每样一两份也很多了。有雪花肥牛，鲜牛舌，黄鳝，海中虾，滋补花胶，九肚鱼，芝心丸，芝士肠，蟹子墨鱼滑，鲜虾滑，韩国面，炸响铃，甜玉米，菜心，娃娃菜，油麦菜，生菜，莴笋，藕片魔芋丝，冬瓜等，荤素搭配，食材都很新鲜。鸡煲锅里面还有魔芋，这是跟一品鸡煲家很大的不同。整体说来，很好吃。伙伴喝的是乌龙茶，冰红茶。我喝的是桃子汁。冰淇淋吃的糯米糍。还有雪糕杯。非常满意。每个人139加服务费。共计459港币。

之前都嚟過壹火鍋打邊爐，貪佢開得夜岩晒我呢啲夜鬼。今次黎到又有啲新意思喎，有刺身+邊爐+蒸氣火鍋！呢排興丫嘛。一坐低就有個刺身食住先，雖然餐廳唔係專做日本野，但都有啲水準喎，新鮮，夠甜，款式都足夠。跟住就黎喇，大大個海鮮塔送到。有扇貝、蜆、青口、鮑魚仔等等貝類，海鮮類就真係夠晒新鮮，仲有魚肉都唔錯。加埋吸味一流既粉絲同絲瓜～一黎可以中和鹹味，又可以食到海鮮既精華味道～正～跟住食埋最面下面啖精華粥，食完就可以加湯打邊爐，成件事真係太滿足喇

近日天氣稍涼，就最適合吃火鍋啦餐廳蒸氣滾滾，一股暖意由此而起蒸氣海鮮鍋裡有鮮蝦、帶子、大蜆、鮑魚等，非常豐富原來海鮮原隻清蒸，味道又幾鮮甜的海鮮的鮮味隨着蒸氣，降到鍋底鍋底的粥鮮甜而美味，絕無浪費百多元的價錢能夠吃到如此質素，總算是超值的

是晚來到兆萬中心的壹火鍋，一出電梯就......不得了！我看見有數十人在等位，本來抱著失望的心情轉戰其他地方。不過細問之下，原來還有最後一張二人枱，結果我們在不用等位的情況下順利入座。刺身新鮮程度令人滿意，鮮味也和其他主打日式放題的差不多。其味道、擺放方式也和下層的一模一樣，吃過15樓的食友一定會明白。我們點了店内的海鮮鍋，海鮮種類都頗多，有鮑魚、龍蝦、生蠔等。可惜海鮮的新鮮程度一般，當然這個價格也不能期望鮮味美。蠔仔粥的蠔不腥，可惜感覺到下了「師傅」，完全充分展現一分錢一分貨的道理。粥的份量完成海鮮鍋已經半飽，加湯火鍋只點了少量蔬菜。蔬菜新鮮度不錯。總括而言，如你是追求比較經濟的海鮮鍋，這裡是不錯的選擇。

天氣涼涼，又想打邊爐，今次跟朋友約了去兆萬樓上，貪方便，又可以順便逛街。 (調味料選擇頗多。)後來才知道，原來除了是2小時任食之後，加錢(59元)還可以多一個海鮮鍋，費用不是太貴，而且看隔離台的賣相不錯，我們也點了！ 滿滿的二層海鮮鍋，絕對抵吃！ 上層有龍蝦、鮑魚、扇貝下層有生蠔、 聖子、不同類型的蜆 .… 海鮮吃上口味道新鮮帶甜，龍蝦肉爽口，扇貝夠多蒜蓉夠惹味、生蠔肥美多汁，好感大增。 等蒸之時，我們選的是刺身放題 (179元)，刺身也剛上台，一眼看上去，每片刺身都厚身，聞上去沒有雪味，口感不錯，我最愛還是三文魚及大蝦刺身，鮮甜，肉質香口。 除了encore幾次刺物之外，當然還點了其他火鍋料，之後發現，來的份量都是每人2-3塊，每碟裝幾個不同的火鍋料，每樣份量都出得剛好，也正合我心意。 食物種類算OK，牛肉/豬肉片夠嫩，魚片/骨腩新鮮。 而蔬菜類選擇很多，我最喜歡秀珍菇，吸掉湯底精華之間，菇味又濃又爽口！ 想不到這打邊爐放題，又可以食蒸海鮮，又有刺身，又打邊爐，價格親民，都有點意外！ 下次可以再吃他們的雞煲。

天氣凍就諗起想打邊爐，火鍋+海鮮都係我喜歡的！炸蒜、蒜蓉、仲有Xo醬豉油，配料多選擇！店員會提醒海鮮蒸6分鐘，就可以開蓋食，蒸太耐會韌！帶子連蒜蓉、粉絲，火鍋可以食到打冷風味！整體海鮮新鮮，如果講打火鍋+海鮮我都食過好幾間，呢間水準黎講的確而鍋底海鮮粥，吸收曬上層海鮮流下的精華