壹火鍋

营业中

休息中

今晚陪老公去探望奶奶後，老公訂了兆萬中心吃火鍋，在兆萬中心樓下有很多人派傳單，老公話千萬不要去接，如果唔係就好多人圍著你，果然有對情侶，接過傳單，就被五至六個人圍著推銷唔同的食肆。我們叫了花雕醉雞鍋，藥材份量恰到好處，鮮雞用花雕浸著上枱，打邊爐食晒啲雞，雞件滑湯味鮮，食了之後全身暖暖的，我會記得這個雞煲下次再幫襯。另外加＄59升級海鮮， 海鲜船：元貝2只、白貝2只、龍蝦半只、蟶子4只、鱔片2件、蜆4只、鮑魚2只，全部都新鮮同鮮甜，10分超值。我們叫了一轉刺身，三文魚、油甘魚、八爪魚、甜蝦，所有刺身解凍得好好，仲叫幾多黎幾多。其他火鍋配料，牛肉好薄又有牛肉味，響玲同田雞都要試試👍👍👍飲品有好多種，我覺得青島啤酒新裝都好飲😋😋😋另外呢間食肆仲好體貼，有充電器和雨衣提供

d牛肉好薄一夾就好易斷 加上冇乜牛味 不過都ok 而豬都切到好薄 冇乜豬味所以豬就叫1round就停lu 不過真心抵 ！有勁多款野食 食物質素唔差 ^ - ^ 始終都係一分錢一分貨！又有勁多醬簡！加上有雪糕任食抵啦！6.10入到去即有位食到8.10 159加一 一位咋！抵食👍🏻👍🏻

成班朋友去食火鍋最正最抵，而蒸氣海鮮粥底窩都係我地既首選！海鮮鍋之外，加$就可以任食刺身，其實淨係叫海鮮窩，都好豐富，層層都滿滿海鮮，而海鮮新鮮，真抵食！海鮮粥底窩倒數6分鐘蒸氣時間，陣陣海鮮味，與此同時都點定海鮮後食既火鍋配料！醬料區有十多款，特別既有蒜蓉醬、柚子醋，必有既生、炸蒜，豉油，選擇多多！開邊龍蝦啖啖肉，海鮮質素新鮮無沙石！記得唔好蒸太耐時間，睇住時間6分鐘就ok！最正海鮮粥底窩，暖暖胃，啖啖鮮味！

刺身放題同邊爐從來都好似係向左走向右走咁，唔會並存一齊，但喺呢度，就可以一次過滿足晒你兩個願望喇！波波最欣賞呢度邊爐嘅醬料選擇多，有成兩行咁多呀！趁個鍋未滾，食個魚生先！咪睇佢好似好零丁咁，係因為要留肚食火鍋吖嘛！主角嚟喇，食個蒸海鮮先！啲海鮮好鮮味，好似岩岩喺海度捉上嚟咁，一啲雪味都冇呀！蒸完海鮮啲精華去咗邊？當然係落咗個粥度啦！啖啖都係海鮮嘅鮮味，波波成個鍋啪咗啦咁就！打邊爐仲可以叫每日新鮮海鮮盤，剩係成海鮮都圍返本啦！

每月都會去旺角探望媽媽，去完就在附近吃飯，在兆萬中心，之前係Openrice 見呢間好似幾好食又新開，就訂了七點，一去到即入，被安排卡位。我們揀了2個鐘刺身海鲜放题$189＋$59有海鮮船(必吃)我們叫了一轉刺身，三文魚、油甘魚、八爪魚、甜蝦，所有刺身解凍得好好，仲叫幾多黎幾多醬料：X0醬、柚子醋、另外還有10幾款醬料。海鲜船：元貝2只、白貝2只、龍蝦半只、蟶子4只、鱔片2件、蜆4只、鮑魚2只，全部都新鮮同鮮甜鍋底－花雕醉雞鍋，個湯底藥材味道好重，因為有好多藥材：紅棗、當歸、黨參、龍眼肉、花雕酒，(食完果晚個身好䁔)，而雞件已經浸咗花雕一段時間，雞肉混合花雕，令雞件好好味👍👍👍，食完覺得個身暖𥅈𥅈😋😋😋火鍋配料方面，我推介：放題較為少有是田雞，田雞好新鮮😋😋😋海蝦好有蝦味又彈牙牛肉夠薄，滾3秒食得，仲好有牛肉味

大平反！我見大部份食完壹火鍋既人都只會大讚呢度D海鮮點樣新鮮抵食、刺身又點肥美可口。確實係，佢地都冇錯，但佢地好似將呢度既火鍋忘記左咁，既然係咁，等我幫佢地申一申冤啦，好讓佢地唔好死得不明不白丶毫無價值其實呢度既火鍋配料好足，連好少見既金錢牛展片同豬粉腸都有丫，而打邊鍋最最最重要既雪花肥牛亦都交足功課，厚切得泥令入口口感豐富，而最驚喜一定係呢個菜肉水餃同鮮蝦雲吞，絕對係D水餃雲吞店賣五六十蚊一打既貨式，皮薄餡料多，我一個人都食一打丫！

打邊爐已經成為香港人晚餐的首選，大家的要求好簡單，只要一大班人，座底圍著個爐，吹下水烚下烚下，又係滿足的一餐。今時今日的打邊爐，已經加入放題的元素，就似今日食的壹火鍋，醬料和飲品雪糕都係自助形式。而且，提供的食物都好多元化，仲會有新鮮刺身，真係一次過滿足晒多個願望呀。食材方面，無論係刺身，海鮮定係火鍋配料，都非常新鮮。另外，餐廳位於旺角兆萬中心地點方便，一班朋友，就算住食完飯，都有車直接返屋企，咁食幾夜都唔怕啦。

今晚同D中同飯聚，為求穩陣，發板既我都係㨂圍埋烚下烚下打個任飲任食既邊爐最穩陣啦！但又怕比D死黨投訴話悶同無理新意，所以今次千挑萬選㨂左壹火鍋，一來佢係少有任飲任食既火鍋主打海鮮配料之餘仲要有埋刺身，二來佢一口價二百幾蚊啱晒我地呢班食物焚化爐既何車，大食一場之餘又唔怕爆budget入到場，肚餓餓，點左湯底後唔理三七廿一先叫D三文魚刺身開下個胃，三文魚油脂豐富，入口即融，屬於上等貨式之後主角既海鮮火鍋配料亦都無令我哋失望，D蚌同蜆都仲係新鮮架，烚下烚下全部都開晒口，鮮味十足絕無醒味食飽之後大家一致決定下次飯聚唔轉場，又泥呢度大食一場

三月中突然翻風得返15度，睇怕到係今個冬季最後一次冷峰啦，唔係代表要着多件衫，而係提醒我要把握今季最後一個寒冷的晚上打個邊爐，同班FD 烚下烚下啦。旺角我唔熟，經朋友力篤下去左兆萬呢間壹火鍋，皆因佢話呢間火鍋主打埋海鮮同刺身喎，好似出奇蛋咁可以一次滿足晒三個願望book 左八點上到去已經full晒，好在等左三四個字已經安排到座位，一睇餐牌原來每人加59就可以有條龍蝦鮑魚海鮮船加左呢條船真係無錯，應該話唔加就不如去果d街坊酒樓任食既頹火鍋好過，八款海鲜喎，連加一除開每款八蚊乍，咪話龍蝦鮑魚生蠔丫，今時今日去買個包都未必得。我哋四個人淨係食完條海鮮船已經半飽，海鮮新鮮得泥又大份，坦白講如果呢條船係西貢鯉魚門果啲食丫，分分鐘已經過千，但呢度仲有埋任飲任食火鍋先係呢個價，真係誇張d講句夫復可求丫

旺角出名多野行、多野睇、多野食，今日同朋友出去買開野，所以一於決定係旺角食埋飯先走！一般「任飲任食打邊爐」、「雞煲」、「日本放題」就食得多啦，而且食物種類唔算多，只係集中一般打邊爐食開既食物！但係要講質素呢，就間間都唔同，如果想食好少少，選擇單點形式都唔平！有時任食想食好少少，加錢叫啲靚啲既野食，都會覺得唔值！但今次我地去食尼間就唔同啦佢集「海鮮」、「刺身」、「打邊爐」、「任飲任食」於一身而且價錢唔算貴，百鬆啲就可以享受到啦！不過，如果想享受「刺身」同「海鮮」....係要另外加錢既，但係都係只係加少少錢，幾十蚊就可以享受到，而且仲係任食添，睇到相都流曬口水，加埋都係二百中既價錢，都唔好話唔抵呀刺身有多款選擇你睇下，隻海鮮船幾多野食有扇貝、蠔、鮑魚、蜆、魚，仲有龍蝦添而且仲要係大大件你睇下，啲肥牛都唔差嫁

女仔聚會諗食咩無意中發現左依間壹火鍋！好抵食～揀左刺身火鍋 ！升級仲有火鍋海鮮船～鮑魚蟶子生蠔都仲識郁好新鮮！海鮮大件夾抵食～牛肉黑豚肉都好好食！服務好好👍🏻有求必應

第一次去旺角兆萬食火鍋，所以揀左間好多選擇嘅火鍋店，果然好正好新鮮呀！揀左一個有埋刺身嘅套餐，可以不停任點刺身呀！每件刺身都好新鮮，上碟果時都好令，有燈閃下閃下。由於係嚟食火鍋，所以每樣刺身都係叫左少少炸！餐廳推介左個海鮮船俾我地，每人除返開都係幾十蚊炸，所以都幾抵呀！全條船都幾大嘅，入面都有好多幾巨型嘅海鮮海產，例如有扇貝啦、鮑魚啦、魚片、蜆，仲有最正嘅龍蝦呀！真係每樣都好新鮮好大嘅，超正喔打邊爐點少得食肥牛呢？每件肥牛都一樣大，而且都切得好薄嘅，唔會食肉都食到飽晒啦嘅感覺！真係好正好貼心其實仲有好多好正嘅，但因為太好食就唔一一介紹啦！最重要係又刺身又海鮮，都係$200度炸，抵到爛啦

天氣凍凍地，一班老朋友打邊爐係最好嘅選擇。 最正係呢間火鍋店既有邊爐也有蒸鍋，正好符合不同朋友的要求。喺樓下排隊入嘅時候已經聽到有很多人正在談論呢間火鍋店所以有一定期待……結果上到去火鍋店門口，果然人山人海，想搵機會影吓個門口都好唔容易， 好彩老友一早book咗位所以完全唔需要排隊就已經有位坐！火鍋店內座無虛席，人山人海，所以位置較為狹窄！ 另外因為設有自助醬汁吧同飲品，所以食客經常走來走去， 令環境更加擠迫!!!由於座位非常狹窄所以沒有機會好好影相, 我們訂了個任食火鍋外，另外加錢order海鮮蒸鍋!整體嚟講火鍋質素唔錯,配料選擇亦多,價錢偏平, 相信是受歡迎的主要原因! 至於海鮮蒸鍋方面，蜆和聖子較細隻，但係蟹、 蠔和鮑魚新鮮，口感不俗。不過最後的粥底太鹹同有少少燶，要扣分!

冬天吃火鍋是必不可少的，對火鍋的熱愛程度深之又深朋友話休息日一起吃飯啦，但是選擇火鍋拉肯定來到了吃過幾次了還要來，以前每次侍應介紹蒸氣鍋都無試過，這次就確定加錢試下啦。嘩看到真係充滿食欲，我特意留了空肚過來，帶子好新鮮蒜末汁蒸的好入味，鮑魚就真的是鮑魚仔咯。麻麻啦，龍蝦就肉幾彈牙這個蒸氣鍋比good拉都值得食完就吃海鮮蒸氣熬下來的粥啦，唔知係唔係米都有原因好滑口裏面還有些蠔仔送些芫xi茜正啊我最愛牛肉，每次首先開波都點最少2人都畫8份停不下來的節奏吃到飽為止牛肉幾好但是有樣唔開心唔知係唔係點太多成本會回不來，每次第3份後通常就上次少少的就有點傷心，牛吃的七七八八就來海鮮啦，蝦都幾大唔會軟身幾好魚肉我唔中意吃，朋友最愛一人吃完評價都還OK最後來個菜，二人餐就這樣的滿足

就岩係香港，見呢幾天天氣都甘凍，所以諗住食雞煲或打邊爐，但近來食雞又有事，唯有選擇食打邊爐，因為朋友住港島，我住新界，所以最終約個中間點~旺角係openrice搵到呢間，即打電話book位，原諗住2030左右，但full到2130先有，唯有照book,我們提早15分鐘左右到，但人全企滿晒門口，是否証明好食，最終2145先入座，第1時間就睇下有咩選擇，見到食品種類，飲品，連醬都幾多選擇 仲可以再加錢食刺身，或海鮮打邊爐，但最終加了刺身 ，但次次刺身都漏單，要問佢才是但俾幾塊，食用時間為2小時，職員係2320問仲有無最後order,我們話無，隔左10分鐘就話收錢，唔緊要，我們坐到2345，應該無問題，但多次話夠時間，其實佢地係計book位時間定我們坐低時間，都唔緊要，出面無人等……甘點解甘樣趕客走，呢樣就美中不足