壹火鍋

营业中

休息中

兆萬中心上面真係有好多嘢食呀 …… 今次幾個朋友仔放工 去試下一火鍋嘅 海鮮 蒸汽鍋 ， 呢個蒸氣鍋有三層，頭嗰兩層都係蒸海鮮， 當上面兩層蒸嘅海鮮執流到最底層嚟嘅時候 ， 湯底就會充滿咗濃濃嘅海鮮味，非常鮮甜 ，而 呢個時候 最低嗰層就係用最底攞嚟打邊爐 第一層 吸引程度簡直爆燈， 鮑魚龍蝦大扇貝 ……淨係睇已經令到我哋幾個流曬口水了， 蒸嘅時候剛好 大約十分鐘左右 ，就可以開動啦，海鮮非常新鮮，好鮮甜 彈牙 第二層係粉絲，大蜆，青口 同海蝦， 呢個海鮮大餐真係過足曬口癮，基本平時去食海鮮會 點嘅食物都有齊曬 ，時間剛好， 完全保留哂海鮮嘅鮮甜味 食完海鮮最底嗰層就可以用嚟打邊爐啦，其實食咗個兩層海鮮經已開始飽飽哋 ，所以唯有主打點返啲 菇，素，丸，餃食下， 任食餐紙上還有很多款式 共你點餐，足夠你食完飽到出唔到門口。 除咗第一二層海鮮只出一轉外，其實任食點餐紙上面還有些海鮮可以任點任食，青口扇貝魚也有 超薄切肥牛輕輕一汋便可以食了，快靚正，而且紅紅的很新鮮 其實已經好飽好飽不過都要點下刺身食下，任食刺身有很多款而且夠曬新鮮， 今晚餐飯 只係二百幾蚊 真係食到玩曬本😂

上次食bbq 7080既時候見到好多人去壹火鍋食野 都已經心郁郁想試下一打開升降機門 已經聞到好香火鍋味 超香 超多人等位 但好在先前book左位 去到就有位 叫左個刺身海鮮放題 同平時放題一樣 刺身 火鍋食物 飲料都係任叫見到$59可以升級龍蝦蒸氣鍋 所以加左錢升級 $59升級 真係抵食 因為真係超多海鮮!!! 非常驚喜 抵食過去西貢食海鮮!!!!本來諗住都應該得少少海鮮 點知真係同張圖一樣 真係有鮑魚同龍蝦 海鮮係鋪滿成個火鍋面 特別中意食當中既蜆 非常鮮味 而且帶子夠大隻 再加蒜香 好惹味 如果可以再加埋粉絲係上面 可能會更好食食完海鮮只係前奏 之後就叫火鍋配料 開始打邊爐非常多選擇 必點既一定係雪花肥牛 本來都係以為兩個人 會比好少牛肉 但係佢係比成大碟 而且肥牛睇落去真係幾靚 唔會太肥 難怪身邊幾既人都不停追加本身蒸氣鍋叫粥底火鍋會係最match 但因為諗住之後都係要打邊爐 最後叫左沙嗲湯底沙嗲湯底不會太濃同辣 但又有點沙嗲香 所以滾完既食物唔洗點醬料都夠味同好食 無留意依間餐廳有無限時 但由8點幾人都無人趕 唔知個$59升級龍蝦蒸氣鍋係咪promotion base 希望下

放咗工勁肚餓，想食有海鮮食嘅地方，就決定咗呢間。佢好快就嚟咗個刺身船，咩款式都有都幾好。不過我今日既個重點就係蒸汽海鮮火鍋喇。佢嘅海鮮份量都ok,都幾新鮮。食完之後我哋就換咗個蕃茄薯仔湯底繼續打邊爐，咁佢都有好多好得意嘅食物選擇，最熱門嘅肯定係響鈴，好多款唔同嘅丸同埋蔬菜都非常之新鮮。

約了三五知己食火鍋，揀壹火鍋的原因無他，貪其旺角區地點夠就腳而且性價比非常高最合適我果班奄尖的朋友!由醬料，前菜，刺身，主食以至到飲品及甜品都一應俱全應有盡有。只怕你有選擇困難症，海鮮粥底火鍋絕對值得升級。食材亦新鮮，全場爆滿下落單亦不用當站長。最貼心的是場內提供電話充電及雨衣!人生如火鍋，選擇很多不知邊樣合適自己，但只要跟三五知己拾下拾下開心就夠了。

本身都好想食蒸氣火鍋，今次終於有機會同ＦＤ黎食呢間壹火鍋。以佢既價位其實都無咩期望。入到去好多人，要等等位，大約１５分鐘到就有個呀姐黎帶位喇！坐低左點左Ｄ刺身，就出去拎Ｄ醬汁同前菜，都幾多款揀下。岩岩返埋位個蒸鍋就上枱喇。都幾足料下！佢海鮮份量係跟人數計。咁Ｄ海鮮蒸緊既時候，刺身又到喇！不過有小小唔滿意，就係張枱太細，枱放左蒸鍋就無位放刺身盤，或者個刺身盤可以細返Ｄ，差Ｄ就捧住盤刺身係度食ＸＤ　Ｄ刺身雖然唔係主角，但都幾新鮮，無腥味，Ｄ蝦仲幾大隻同甜。食完刺身就黎今晚既重頭戲，海鮮！呢盤海鮮唔算咩特別野，但呢個食法係最易食到海鮮既鮮味，成盤無野係唔好食！食完海鮮原來下面收埋左兜粥，頭先蒸海鮮個陣Ｄ汁就漏哂落去個粥度！食完呢個咁野味既粥，就可以叫呀姐加湯打邊爐！選擇唔多，但貴精不貴多，多起上黎對於我呢Ｄ選擇困難既人仲頭痛ＸＤ個牛肉片切得好薄，而且唔羶，又唔會無哂牛味。仲可以追加是日海鮮當邊爐料。好老實，食佢個蒸海鮮都值回票價，佢仲有刺身同邊爐任食，難怪喧多人等位啦！

見到呢間可以二百蚊幾任食，又有刺身，又有粥又可以打邊邊，就叫埋男朋友去試。飲品選擇都多，夏日炎炎即刻衝去過汽水櫃攞咗幾款好得意嘅韓式飲品。佢好快就上咗個蒸氣火鍋，咁上面每款海鮮都有，帶子，蝦蟹等等，食落都幾新鮮。刺身都新鮮，幾好幾好。最特別呢就係出面有一個自家製xo醬，真係正到飛起，差d心思思想買返屋企。之後食完個蒸氣火鍋之後，下面仲有個粥，啲海鮮味落曬去都幾香。

今日同朋友咁啱全日都無食嘢，諗住6點就食火鍋，咁早應該有位啦，一心去瓊華某間的，點知話一定要訂位跟住都搵到差不多7點喇，終於搵到依間可以walk in，初時有少許不滿，話有位叫我哋等陣，都等咗5至10分鐘，我哋見大把位，奇怪要等乜，如果全部吉枱都訂咗位，要等人埋單先有位的話，我唔駛喺度等去食第二間啦，因為已經好肚餓，於是再問佢哋我哋walk in係咪真係有位，佢就話有先即時俾位囉！好…入正題，坐低揀湯底啦，職員介紹我哋蒸氣鍋，有龍蝦、鮑魚、鱔、蟶子、鮮魷、扇貝、蚌呀同蜆呀（唔知乜名）要加59蚊，我哋個時段好似最貴連加一每人229，但有咁多嘢食喎，友人又未試過蒸氣鍋，就order試下！食材新鮮，不用配料都好味，不過有隻大蚌開唔到口，佢哋話拎入去研究之後換番隻鮑魚出嚟Ko以上海鮮，就到粥底…蠔仔肉碎粥，都ok…不過我哋覺得白粥會更好，應該會鮮甜啲！其實以上除蟶子兩份外，其餘每人都係得一件，加上餓咗成日，之後就係放縱任食加湯，我哋點咗肥牛、生魚片、鮮蝦其他就一般不過不失，整體嚟講都好滿意

夏天食雞煲真係找死,太熱氣啦, 但又好好食~忍唔到口~要了微辣,個汁好濃味但又唔會死咸,加了大量洋蔥掉一掉味,令到個汁更多習次~雞就麻麻啦,有點鞋,唔知係味因為食得太多雞胸既緣故~另外加錢叫了肥牛,肥膏睇下幾多, 好肥美, 好嫩, 唔會食到咬唔開魚皮餃皮簿,但餡可以多D, 整體黎講幾好食!

是咁的！邊爐戰士雖然團火永不熄滅，但食得多偶爾都想轉轉口味！所以今次轉投蒸氣火鍋嘅懷抱（始終最尾都係火鍋 lol)今次係本人第二次食蒸氣火鍋，基於本人唔太好海鮮，不過見呢間餐廳個「蒸氣塔」睇落出色，一上枱，兩層海鮮種類相當豐富：龍蝦、扇貝、蝦及蟹等，待蒸氣煮熟海鮮之時，更加係鮮味突出！海鮮方面，蝦嘅表現最出色，鮮味但又唔會被煮得太過熟，反而蒸法令鮮甜口感鎖於蝦肉內！另外蒜蓉帶子同樣香口惹味！帶子鮮甜，加上蒜蓉粉絲呢個不敗組合，very good!!品嚐完個蒸氣鍋及粥後，職員就往個粥底鍋裹加湯，然後邊爐戰士嘅重任又要繼續了！

放工同班朋友去左兆萬中心食刺身海鮮放題$179 ，仲可以加$59可任食刺身！ 首先吃海鮮蒸鍋，有龍蝦、扇貝、鮑魚、蜆、大蝦，還有蒜蓉粉絲墊度，吸收曬海鮮精華！ 食完海鮮之後，當然唔少得打邊爐啦！點左沙嗲湯底，濃郁夠味！ 有多款火鍋配料，樣樣麵唔錯，有d仲幾新鮮架！ 當然唔少得點牛肉啦！ 估唔到連田雞都有得叫！ 丸類、餃類 魚類新鮮 墨魚滑彈牙可口！ 雞子 海鮮類 其他也非常不錯！ 當然唔少得點些蔬菜，多款種類選擇！ 飲品同甜品任飲任食的，有多款選擇，正呀！二百幾蚊又有海鮮，又可以打邊爐，任飲任食，超抵！

第一次試任食的蒸汽鍋令我喜出望外...位於旺角的壹火鍋人流絡繹不絕，我跟友人當晚去的時候全場爆滿...幸好有預先定位呢。最吸引的地方當然是價錢了！海鮮火鍋跟任點刺身才$239 +10%，難怪全場爆滿呢！有多種食物可以選擇，平均比其他放題選擇還要多。當然亮點不少得任飲，有不同口味，任君選擇。還有很多款醬料無限添加。除了蒸汽鍋有肉類及海鮮之外，他們亦有魚生。我們點了三文魚及甜蝦等，非常新鮮，而且分量頗多。肉類我們試的款式不算多，我們點了牛肉，挺新鮮，而且不會太肥及油膩。另外還點了田鷄，在任食的餐廳算是少有，而且肉質挺嫩的，不錯喔。火鍋怎少得炸魚皮哈哈！我們還點了多款丸等，種類繁多。叫了很多不同款式的海鮮，把鍋子鋪得滿滿的，雖然每桌衹能點海鮮一次，但分量非常多，而且有多樣款式。其中我最喜歡的是大蝦及粉絲蒸扇貝，每款海鮮都有經過調味，雖然味道有點稍微偏鹹，但尚算買新鮮，大蝦彈牙多汁，而且扇貝非常入味，連粉絲都好好味！泡菜青口不會太辣，不能吃辣的朋友都ok。另外還有鮑魚，大大隻，口感剛好，性價比頗高的食材之一。食完蒸汽鍋後下面的米已經煮成非常軟綿的粥，完全吸收了海鮮的精華，非常鮮甜，而且分量很多

刺身，蒸氣鍋，打邊爐，三合一，結果係: 大滿足！今次可以話係我第一次食蒸氣鍋，估唔到呢啲既蒸氣鍋有甘豐富既海鮮！我最中意食係佢既蒸鱔，不過食時要小心魚骨。當然唔少得蒜蓉粉絲扇貝，蠔，鮑魚，泡菜青口，龍蝦，大蝦，連聖子都有！真係超豐富，蒸十分鐘左右就食得！蒸完啲海鮮精華會滴落下面沙鍋裏的蠔仔粥，成個粥即刻變得好鮮甜，好好味！食到甘上下可以加湯，黎個粥底火鍋。但今次我就想試下新野，加錢另外叫左個醉雞火鍋湯底，配料任叫，今餐真係任食唔嬲，好抵！我覺得抵讚既係個湯，唔係味精湯，真係好多藥材，照重本！估唔到啲雞係另上！我以為會先放落鍋煲，依家可以自己食到幾多就放幾多，份量勁多，有半隻雞份量，小小的鍋無可能一次過放哂，所以要逐d放。其實佢根本可以係配料，而不是湯底甘簡單，哈哈！雞肉都幾嫩，食得過！因為我地都吃得很飽了，所以火鍋配料也大概輕食。普通蔬菜，也叫了魚腩，尤魚，芝士丸，也是我的最愛，新鮮，絕對食得過！另外刺身我們不敢叫太多，會飽死，所以象徵式地點了少量，普通質素，新鮮就好，始終我的重點是蒸氣鍋，哈哈！絕對令人回味！

見到食評唔錯就一於試下，點知中晒伏真係唔明點解咁多人食湯底，火鍋料毫無特色可言牛肉直程係un ，蝦唔夠新鮮，貝殼類有沙刺身質素一般，但明明冇點到的刺身都照送上侍應見左你都當見唔到11點幾走都仲好多人排隊宜家旺角冇野食？咁既食物服務質素仲要人等個幾鐘頭 2舊水一條友。2舊水大把更好的選擇 一定冇下次

星期日既晚上團購只剩9:30時間可選，我們一行五人有預先訂位亦要等待前一輪用餐完畢後才可入座。我們坐下才發現原來團購（每位$139 +$39服務費）並沒有便宜點，只是可以吃足三小時。。。原價每位$139，+50多加蒸氣火鍋，亦可加50多吃刺身店內有一醬油吧，有海鮮醬油、芝麻醬柚子、鰹魚醬油、胡麻醬等，令人目不暇給首先我們吃海鮮蒸氣鍋，第一層每人有一隻鮑魚、一隻花甲、五人share一隻龍蝦。鮮味談不上，因為鋪滿蒜蓉，只吃到香濃蒜味。但吃下去龍蝦淡淡肉，花甲無沙，但鮑魚不知道是否不新鮮，很難離殻。而第二層則有生蠔、扇貝、虎蝦、帆立貝，同樣滿滿蒜香，吃不到鮮味與否，但調味不錯。第二層時間明顯蒸得剛好，吃到肉質不會太老。吃完蒸氣海鮮鍋，所謂「吸盡海鮮精華的粥底」是淡淡海鮮配上味精的粥底，沒有特別之處，唯一可讚的是味道不太咸。加上上湯後便可打邊爐，火鍋配料的確很多選擇，有比較特別的聖旨、帆立貝、花膠、青口、牛脷，但樣子不太新鮮，亦沒有很吸引。而丸類較特別的是蟹子墨魚滑、火炙芝心丸、仿海膽丸，都是比較貴的丸。牛肉看起來十分新鮮，雪花分佈及色澤也不錯，但太薄身，沒有口感。值得一提，肉類及海鮮經湯底涮

刺身x蒸氣海鮮x火鍋😊三款佳麗俾你食，問你飽未？佳麗一：刺身盤，選擇都幾多有成十二款🙂刺身底下放左冰，睇落好新鮮，食落都幾鮮甜😋三文魚都幾肥美，刺身水準都唔錯佳麗二：蒸氣海鮮鍋，材料真係好豐富有鮑魚，龍蝦，龍躉，帶子，青口⋯用咗普通嘅蒜蓉，粉絲同瓜類伴住蒸😊唔會感覺好油膩，仲食到海鮮嘅鮮甜😜而海鮮蒸出嚟嘅汁就會流落去底層嘅蠔仔粥度😌粥底好夠味，加上海鮮嘅精華，食落好香🖖一邊食，一邊要唱🎤我的字典裡沒有''飽肚'' 🎼醬料嚟講都有好多揀，岩哂中意混醬嘅朋友，例如胡麻醬，辛辣醬，沙嗲醬，花生醬，柚子醋，香蔥⋯實有一款啱你心水😏佳麗三：打邊爐時間，加左$10揀左個花乙刁醉雞湯底！☺️另上醉雞我諗都有半隻🤔湯底好多藥膳嘅材料，感覺好健康🤓大拿拿有成84款嘅材料揀，特別堆介💁雪花肥牛切得夠簿，肉質夠嫩，火炙芝心丸真系爆芝士，花膠同蟹爪肉棒⋯價錢來講唔算係太貴，但食物選擇就好多😊👍#reuni 嘅好地方