壹火鍋

营业中

休息中

三月中突然翻風得返15度，睇怕到係今個冬季最後一次冷峰啦，唔係代表要着多件衫，而係提醒我要把握今季最後一個寒冷的晚上打個邊爐，同班FD 烚下烚下啦。旺角我唔熟，經朋友力篤下去左兆萬呢間壹火鍋，皆因佢話呢間火鍋主打埋海鮮同刺身喎，好似出奇蛋咁可以一次滿足晒三個願望book 左八點上到去已經full晒，好在等左三四個字已經安排到座位，一睇餐牌原來每人加59就可以有條龍蝦鮑魚海鮮船加左呢條船真係無錯，應該話唔加就不如去果d街坊酒樓任食既頹火鍋好過，八款海鲜喎，連加一除開每款八蚊乍，咪話龍蝦鮑魚生蠔丫，今時今日去買個包都未必得。我哋四個人淨係食完條海鮮船已經半飽，海鮮新鮮得泥又大份，坦白講如果呢條船係西貢鯉魚門果啲食丫，分分鐘已經過千，但呢度仲有埋任飲任食火鍋先係呢個價，真係誇張d講句夫復可求丫

旺角出名多野行、多野睇、多野食，今日同朋友出去買開野，所以一於決定係旺角食埋飯先走！一般「任飲任食打邊爐」、「雞煲」、「日本放題」就食得多啦，而且食物種類唔算多，只係集中一般打邊爐食開既食物！但係要講質素呢，就間間都唔同，如果想食好少少，選擇單點形式都唔平！有時任食想食好少少，加錢叫啲靚啲既野食，都會覺得唔值！但今次我地去食尼間就唔同啦佢集「海鮮」、「刺身」、「打邊爐」、「任飲任食」於一身而且價錢唔算貴，百鬆啲就可以享受到啦！不過，如果想享受「刺身」同「海鮮」....係要另外加錢既，但係都係只係加少少錢，幾十蚊就可以享受到，而且仲係任食添，睇到相都流曬口水，加埋都係二百中既價錢，都唔好話唔抵呀刺身有多款選擇你睇下，隻海鮮船幾多野食有扇貝、蠔、鮑魚、蜆、魚，仲有龍蝦添而且仲要係大大件你睇下，啲肥牛都唔差嫁

女仔聚會諗食咩無意中發現左依間壹火鍋！好抵食～揀左刺身火鍋 ！升級仲有火鍋海鮮船～鮑魚蟶子生蠔都仲識郁好新鮮！海鮮大件夾抵食～牛肉黑豚肉都好好食！服務好好👍🏻有求必應

第一次去旺角兆萬食火鍋，所以揀左間好多選擇嘅火鍋店，果然好正好新鮮呀！揀左一個有埋刺身嘅套餐，可以不停任點刺身呀！每件刺身都好新鮮，上碟果時都好令，有燈閃下閃下。由於係嚟食火鍋，所以每樣刺身都係叫左少少炸！餐廳推介左個海鮮船俾我地，每人除返開都係幾十蚊炸，所以都幾抵呀！全條船都幾大嘅，入面都有好多幾巨型嘅海鮮海產，例如有扇貝啦、鮑魚啦、魚片、蜆，仲有最正嘅龍蝦呀！真係每樣都好新鮮好大嘅，超正喔打邊爐點少得食肥牛呢？每件肥牛都一樣大，而且都切得好薄嘅，唔會食肉都食到飽晒啦嘅感覺！真係好正好貼心其實仲有好多好正嘅，但因為太好食就唔一一介紹啦！最重要係又刺身又海鮮，都係$200度炸，抵到爛啦

天氣凍凍地，一班老朋友打邊爐係最好嘅選擇。 最正係呢間火鍋店既有邊爐也有蒸鍋，正好符合不同朋友的要求。喺樓下排隊入嘅時候已經聽到有很多人正在談論呢間火鍋店所以有一定期待……結果上到去火鍋店門口，果然人山人海，想搵機會影吓個門口都好唔容易， 好彩老友一早book咗位所以完全唔需要排隊就已經有位坐！火鍋店內座無虛席，人山人海，所以位置較為狹窄！ 另外因為設有自助醬汁吧同飲品，所以食客經常走來走去， 令環境更加擠迫!!!由於座位非常狹窄所以沒有機會好好影相, 我們訂了個任食火鍋外，另外加錢order海鮮蒸鍋!整體嚟講火鍋質素唔錯,配料選擇亦多,價錢偏平, 相信是受歡迎的主要原因! 至於海鮮蒸鍋方面，蜆和聖子較細隻，但係蟹、 蠔和鮑魚新鮮，口感不俗。不過最後的粥底太鹹同有少少燶，要扣分!

冬天吃火鍋是必不可少的，對火鍋的熱愛程度深之又深朋友話休息日一起吃飯啦，但是選擇火鍋拉肯定來到了吃過幾次了還要來，以前每次侍應介紹蒸氣鍋都無試過，這次就確定加錢試下啦。嘩看到真係充滿食欲，我特意留了空肚過來，帶子好新鮮蒜末汁蒸的好入味，鮑魚就真的是鮑魚仔咯。麻麻啦，龍蝦就肉幾彈牙這個蒸氣鍋比good拉都值得食完就吃海鮮蒸氣熬下來的粥啦，唔知係唔係米都有原因好滑口裏面還有些蠔仔送些芫xi茜正啊我最愛牛肉，每次首先開波都點最少2人都畫8份停不下來的節奏吃到飽為止牛肉幾好但是有樣唔開心唔知係唔係點太多成本會回不來，每次第3份後通常就上次少少的就有點傷心，牛吃的七七八八就來海鮮啦，蝦都幾大唔會軟身幾好魚肉我唔中意吃，朋友最愛一人吃完評價都還OK最後來個菜，二人餐就這樣的滿足

就岩係香港，見呢幾天天氣都甘凍，所以諗住食雞煲或打邊爐，但近來食雞又有事，唯有選擇食打邊爐，因為朋友住港島，我住新界，所以最終約個中間點~旺角係openrice搵到呢間，即打電話book位，原諗住2030左右，但full到2130先有，唯有照book,我們提早15分鐘左右到，但人全企滿晒門口，是否証明好食，最終2145先入座，第1時間就睇下有咩選擇，見到食品種類，飲品，連醬都幾多選擇 仲可以再加錢食刺身，或海鮮打邊爐，但最終加了刺身 ，但次次刺身都漏單，要問佢才是但俾幾塊，食用時間為2小時，職員係2320問仲有無最後order,我們話無，隔左10分鐘就話收錢，唔緊要，我們坐到2345，應該無問題，但多次話夠時間，其實佢地係計book位時間定我們坐低時間，都唔緊要，出面無人等……甘點解甘樣趕客走，呢樣就美中不足

打邊爐貴到千幾蚊一位嘅又平嘅＄200一位嘅都有，細細個鍾意去d 海鮮酒家食橡筋牛肉，講到今日同班朋友都仲笑緊。自己本身對任飲任食嘅海鮮火鍋已經唔係好感興趣，點不知今次嚟到呢一間火鍋店，真切的令我改觀了。先講時間七點鐘上到嚟，爆到成個電梯位都係人。心問一句做咩啊唔使錢啊？星期一喎。人多到咁？？好彩訂咗位，等左5分鐘就食得，湯底選擇好多有鴛鴦可以任選，亦都有原個嘅麻辣火鍋仲有秘製元條嘅魚鍋，仲有雞煲等一應俱全。朋友唔食辣點左個沙嗲同豬骨湯鴛鴦，呢度嘅沙嗲鍋好濃郁。味道很好。接着呢就食海鮮了，以為係啲咩普通野啦。海鮮拼盤任飲任食你會聯想到咩？答案係估你唔到有大大隻龍蝦，仲有新鮮生蠔刺身帶子等等，貴價海鮮包括有鱔片等，一應俱全應有盡有，新鮮得很！尤其係龍蝦，味道很好，又彈牙，鮮美滋味！仲有新鮮鮑魚，煮極都唔會變細。而且肉質鮮嫩。淨係呢個海鮮拼盤已經值回票價飽左七成。另外要一讚嘅就係呢度嘅牛肉，絕對唔係普通野，係軟淋個種，一疊份量很多，但叫我諗都要＄100，很抵食。還要説吸引的地方係如果你有辣湯底一定要食呢度嘅薯粉，晶瑩剔透，同個湯底超級夾！其他火鍋配料我都10分出色，除了哦腸爭小小其他樣樣都好

5人行，訂位7點半，去到都要等一等。卡座環境唔錯，位置寬敞。店內普通位就過道較細。自助飲料唔算多，甜品得雪糕，調味品多款。不過，火鍋湯底都幾鹹。火鍋料。肥牛好簿身，還可以。蝦唔掂，第一次上就唔錯，後面就好唔新鮮。丸子類，墨魚丸黑色嘅味有d奇怪，芝心丸，同xx燒好味❤️青菜類都新鮮。整體都新鮮可口。小部分有伏。漏單情況都幾多。上單時間有d耐，要催。2個小時，因上單慢，所以相對，唔係好夠，有d趕。建議第一次落單就點多d。人均169+1服務費=185左右。刺身，蒸汽鍋就另外加錢。

今次是第3次來吃壹火鍋, 喜歡在這裡烚烚烚因為又有中式火鍋料又有日式刺身, 一次過滿足兩個願望......誰知今次是滿足到三個願望, 海鮮火鍋~甫坐下侍應就介紹我們升級龍蝦鮑魚海鮮船, 成本價$59/位, 我們看到有不少食客也有升級, 大大隻船放在枱面很壯觀, 就二話不說升級了。醬料有我最喜歡的花生醬。湯底方面選擇都不少, 我們烚烚烚一向都愛選味道不太濃的湯, 可以吃到食材真正味道, 就選了清湯蘿蔔牛腩湯底。海鮮船駛到了, 不單是船身夠大, 「船員」都非常大隻, 足夠2人份量 - 蜆、扇貝、鮑魚都大大粒, 仲有大大條魷魚、厚厚的魚肉(應是龍躉), 而且很新鮮, 連龍蝦都只是每人加$59, 出面肯定至少3倍價錢, 抵得離譜!刺身方面質量都不錯, 甜蝦刺身很新鮮(沒有「黑頭」), 玉子很甜,  還有比較少在平價放題出現的油甘魚。火鍋主角始終是肥牛 - 雪花肥牛肉肥瘦度適中, 入口也很有牛味。很多火鍋放題店都是第一碟給你的就最靚, 之後就給些質素較差的, 但這裡點了幾碟都維持水準, 抵讚。就算不升級海鮮船, 也可以任點"是日海鮮", 當天是蜆, 都是大大隻的, 絶無欺場。也有一些較特別的火鍋

今晚同老公同仔仔第一次去食蒸氣火鍋+刺身，海鮮比想像中好食(因為見到好評所以去詠下)，d蝦又大隻又甜，龍蝦好彈牙，而且龍蝦開好哂，唔洗自己再開，扇貝都大隻，而且加左好多粉絲係上面(我唸無乜幾多間可以有咁足料)，食完蒸氣火鍋就可以加湯打邊爐，打邊爐嘅海鮮一樣咁新鮮，仲有一定要試韓國公仔面，一向打邊爐我都唔會叫公仔面，但見到佢寫明係韓國公仔面試下，試左一個之後就即刻再加單，難以形容而刺身就要額外加30蚊，刺身就一般！下次一定會再去(不過唔會食刺身)

見到隔黎枱隻巨型海鮮船，嘩嘩嘩，我都要跟!!! 每人加$59就有海鮮船，有龍蝦、鮮鮑魚、生蠔、粉絲扇貝、大蜆、龍躉、大白鱔、墨魚!  八款海鮮都好新鮮呀!!!龍蝦好多蝦膏，湧出黎咁:肉質鮮甜彈牙，真係好新鮮，可惜二人得半隻:新鮮鮑魚，招積到要用刀黎食~大蜆，超級鮮味:龍躉同生蠔都好厚肉，但我最愛既係白鱔。新鮮之餘仲好好好彈牙，朋友唔食鱔，我一人獨食晒兩件呢個海鮮船，個人認為好超值，必點之選! 自己去街市買都唔止呢個價錢。                            兆萬真係好多野食，喺樓下比較完之後揀左呢間壹火鍋。上到黎全場爆滿，大約等左十分鐘先有位。餐廳好熱鬧，地方較為狹窄，但多人食，應該好食既。每位$199連任食刺身。唔食刺身仲抵，$169咋。見個個都叫刺身，又幾新鮮喎。湯底揀左清湯蘿白牛腩:幾特式，蘿白幾清甜，好多材料:飲品竟然有青島啤酒，但紅色罐，有咩分別呢?火鍋料都幾多選擇:醬料幾多選擇:海蝦特別新鮮，冇一隻係黑頭:雪花肥牛，有圖有真相，睇相已經知掂! 最難得係佢碟碟都保持水準，唔係第一碟就靚，唔會越叫越差!豚肉片，都好大片，肉質彈牙!是日海鮮係蜆，隻隻都開晒口，新

2017.01.11【 1.11 驅寒之選 壹火鍋】 天氣轉涼，心思思又想打邊爐 朋友推介一家在兆萬新開的火鍋放題 即管試試，一上到樓上，就看到人多多 原來價錢抵食，2小時任食不用200蚊一個人 如果加多少少，可以有刺身任食，更有海鮮蒸鍋！ 我們主打吃打邊爐，海鮮與牛肉是首選 於是不加刺身，放開胃口大點海鮮！ 先來令人興奮的海鮮大盤：龍蝦、鮑魚、扇貝、生蠔、聖子、大蜆 數之不盡，最重要是新鮮！龍蝦肉超級爽甜！而生蠔亦非常肥美 鮑魚更是彈牙又鮮甜！松葉蟹腳原來勁多肉呢！ 這鮮美的節奏不能停下來！ 由於湯底已選了醉雞湯底，有大量的藥材同煮 香氣早已四溢，於是加入了雪花肥牛 又見真章！ 牛香味真的非常吸引，入口鮮嫩！ 此外，豬肉片與魚片都夠嫩夠新鮮 火鍋料：樣樣都點一些，這才豐富！ 菜菜、秀珍菇、雞子等份量又出得剛剛好 不會浪費！ 盛惠HKD$414.7 人均HKD$208 短評: 最開心是這裡的食物非常新鮮，出菜又快 而且會主動加湯，飲品與調味料都是自助式取用 價格親民，令人下次再想來幫襯！ 整體 味道：♥♥♥♥♡ 環境：♥♥♥♡♡

一年一度舊同學聚餐，今年選左兆萬中心16樓的壹火鍋，會長話尼度可以一次過滿足我們的食慾，有火鍋，刺身，海鮮等，而且是任飲任食。不過需要留意價錢，任食刺身是需要加錢喔😊留意！刺身拼盤，任叫任食，刺身新鮮，本人最愛的三文魚好肥美，真是食不停口😋海鮮拼盤，每位加59元就有：鮑魚、魷魚、大蜆、鱔、蠔、扇貝、聖子、每2位有半隻龍蝦，海鮮好新鮮，非常超值👍（這拼盤不是任食，但59元食到甘多海鮮，的確超值）肥牛：火鍋必食，肥牛！每碟都鮮紅色，非常新鮮，而且鮮嫩不鞋口。火鍋配料應有盡有，我最喜歡脆鯇片，爽脆彈牙，青森黑豚肉片，嫩滑吾靭。👍雪糕杯，有多款味道：雲呢拿、朱古力、芒果、紅豆、芝麻

呢間前身係中日泰式放題, 轉左手之後今晚終於有機會黎試一下! 一開lift門真係傻眼, 多人到連出lift都幾乎出唔到, reception等位既人多到爆!好彩我有預先訂位, 可以直入…一坐低先揀好湯底, 呢度有分 鴛鴦湯底/辣湯底, 湯底款式幾多, 而且都係d standard穩陣既湯底, 冇咩特色驚喜~ 我就揀返最basic既沙爹湯底同膠原豬骨湯底~ 呢度既醬油唔洗額外加錢, 全自助式自己出去混醬, 配料都幾多款選擇 而汽水飲品方面都係自己拎, 亦都係任飲….以罐裝汽水,韓國飲品為主~ 我地仲加左HK$59食埋海鮮船, 講真, 加幾廿蚊就有人洗埋,仲要有新鮮鮑魚食, 真心抵到爛啦! 每兩個人仲送半邊龍蝦tim! 加錢食既海鮮係限定, 以人頭份量黎計, 海鮮款式包括有鮑魚,蟶子,生蠔,扇貝,蜆,墨魚片,鱔….隻鮑魚仲識郁ga!!! 超新鮮啊~!而且都幾大隻啊….幾爽口…仲有d蜆都算幾大隻, 幾乎有5蚊硬幣咁大~ 食完豐富既海鮮之後, 終於開始點任食既火鍋配料, order黎得都幾快, 打邊爐最緊要係肥牛, 呢度既肥牛果然都好新解, 色澤鮮紅, 肥牛上既脂肪分佈幾平均, 雖然係切得薄左