壹火鍋

营业中

休息中

去旺角買野經過兆萬都見好多食肆，便上去幾層看那一間比較好，最後揀咗壹火鍋，好彩我們嚟得早，等左10分鐘便有位，入座半小時後發現已經人頭湧湧 ，雖然係任食，不過環境舒服，價錢非常大眾化，但唔好以為食物質素差，佢哋用料有質素👍🏻首先，一定係混醬時間。 揀左個椰子清雞鍋，個鍋一上枱時望落好似好清，但煲左陣就開始聞到淡淡椰子香味，店員幫我地加埋雞件一齊煮，仲建議先飲湯，個湯飲落甜甜地有椰子味，仲有一片片既椰子肉可以食，打邊爐飲湯都真係第一次，感覺幾新鮮！至於雞件，食落爽口嫩滑，兩個人黎講份量岩岩好。我地先食剌身：三文魚、八瓜魚、甜蝦、希靈魚、尤魚、螺！刺身新鮮，款式也不少，三文魚油脂豐富，希靈魚和象拔蚌新鮮爽口，食得過！雪花肥牛望落唔係好吸睛，不過牛肉食落牛味都重，肉質比較爽口吾錯，食多幾塊都吾會膩。女仔就係要食花膠補美顏下~所以不停點滋補花膠😄蝦滑彈牙口感又好香，唔錯！鮮蝦雲吞蝦味鮮！

一年四季唔理凍熱，打邊爐都係最好的活動，今次就去左位置非常方便旺角兆萬既壹火鍋，真係入到去地方算大坐得舒適。打邊爐最重要當然係個湯底，我地今次揀左椰子雞湯鍋，雞同椰子紅棗已經非常濃雞味，我飲咗幾啖湯，好鮮個海鮮盤不得了，影相位，有鮑魚口感彈牙之餘仲幾嫩滑，鮑味亦濃郁。蟶子同鮮鮑魚，色澤亮麗就知是即劏啦！鮑魚彈牙又鮮甜， 蟶子用湯滾兩滾、上來好爽口，最緊要洗得乾乾淨無沙。大蝦超新鮮睇到d蝦還好生猛，蝦肉仲爽口鮮味！龍蝦🦞雖然size上不算太大，但食落都幾多肉，肉質爽彈，夠鮮甜，仲有龍蝦膏添，龍蝦切一半，同朋友一人食半邊就啱啱好😆我們亦可以好方便將龍蝦肉出。珊瑚蚌新鮮，份量多又大條，爽口鮮美，好食👍帶子、蜆、螺、蠔都係超新鮮任叫雪花肥牛也不錯，牛味肉質鮮嫩，滋補花膠啖啖膠即時靚曬，蔬菜也要點一些，雞髀菇、皇帝菜好新鮮，與湯底好㚒，非常清甜，呢間用料新鮮又抵食，唔怪得爆滿座無虛席👍

中學gathering 話要懷舊一番，走左去任食火鍋，冇乜特別期待呢一餐，純粹敘舊吹水，食完後發現即使是任食，食材亦保持新鮮不會馬虎，尤其估唔到送嘅海鮮盤咁豐富有驚喜，任食可以比到咁新鮮的海鮮食材，超值蠔淥完蠔汁豐富，蠔味濃郁而且大大隻，啖啖肉十分暢快。龍蝦原隻開邊龍蝦滾湯，龍蝦好快熟透，肉質鮮甜多肉。帶子、蜆、螺全部都鮮甜多汁，爽口美味。珊瑚蚌十分鮮甜爽滑，單看外觀充滿光澤已十分吸引，口感爽脆很滿足。海鮮盤有至愛鮑魚，鮑魚淥左幾分鐘食得，入口即溶出奇地好味，大蝦上枱時仲好生猛，聖子都很鮮甜，海鮮只要新鮮便可，吾會太差一黎就叫左個椰子雞湯鍋。鍋中雞份量不少，湯同雞分開上，雞件嫩滑彈牙，椰子也很多，椰子香味四溢。湯啖湯鮮到不得了蟹子墨魚滑，新鮮用墨魚膠打出嚟，食落去好滑，墨魚味濃，好食。脆鯇腩好新鮮脆口，肉質好嫩滑，而且唔會好多骨！炸油鬼質感鬆脆又吸收到湯底的精華，甚高熱量及油份，不過最快KO

撞正朋友仔生日，於是決定搵間邊爐放題，之前都黎過呢到食，由於我地揀星期六，所以就貴啲，每人要219加一，但佢唔同時段價錢都有唔同，建議大家去之前問下先，呢到最出名一定係海鮮蒸鍋，有新鮮蠔，鮑魚，聖子，帶子，海螺，蜆，魚，仲有蝦足足有成八種海鮮啊！再配搭埋蒜蓉粉絲，食到我地舔舔脷，當食完蒸海鮮就可以打邊爐了，我地揀左叻沙同埋海鮮粥底，叻沙味道香濃，唔算太辣但幾野味，粥底就清清地但有海鮮吊味，所以都幾好食，但要小心痴底，肥牛好新鮮，所以火鍋配料都幾好食，甜品仲有我最中意既芝麻糯米池，推介！

閒日夜晚，7點入座，任食兩個鐘，都係$169+10%， 想到任食 刺身加30蚊 海鮮加58蚊, 我今次冇加，但佢本身都有大蝦，鱔片， 蜆， 鯇魚等等，牛肉都係任食，都係鮮紅色，都算新鮮，仲有汽水啤酒任飲，雪糕雪條全食，令人都唔洗200蚊，而且服務態度都幾好

熟門熟路，來一火鍋吃飯，以火鍋迎火辣的天。冷熱總相宜。林林總總的飲品，隨君選擇。少不了的時令雜菜盤，有多種蔬菜、海帶等。響鈴要快一點吃，否則就不脆了。重中之重的海鮮拼盤，樣樣新鮮！吃的心花怒放。肥牛從來不是我的至愛，淺嚐也是合格了。豬膶，吃了發覺沒有太多的醃料，沒有渣滓。鮮牛脷片，很有嚼頭，感覺甚佳。黑毛豬五花肉，肥瘦搭配非常適宜。令我想起日本的美味豬肉。脆鯇魚片，不算什麼高檔食物，但是新鮮，沒有草腥味道，肉質也爽脆。溫馨一提，若是怕冷氣吹的朋友，記得帶外套啊！

天氣炎熱，潮濕不爽，吃火鍋應是最佳的選擇吧。之前已經來過幾次了，我們點了溫和的皮蛋芫荽湯拼番茄湯底。看著也醒胃呢！海鮮拼盤，無論是鮑魚、生蠔、珊瑚蚌，還是聖子龍蝦等，全部都是亮晶晶，新鮮的無法用言語來形容。雪花肥牛肉，沒有雪花，也算是肥瘦相間。口感不過不失。豬膶，輕輕一浸，綿滑交雜，品質一流。鮮牛脷片，爽口彈牙，鮮味四溢。值得一試！黑毛豬五花肉，油香滿嘴卻又不肥膩，兩碟也不夠我吃。別讓肥肥的外表嚇怕呀。鮮魚頭雲，乾乾淨淨，甚是新鮮，不帶一點兒腥味。牛柏葉，若是能更好的處理，更多的保持本身的特質就好了。青森黑豚肉片，豬肉味道不錯，但是我更喜歡黑毛豬五花肉。脆鯇片，新鮮非常，肉質結實。懷舊人士必選。時令雜菜盤，乾淨新鮮，裡面還有南瓜、海帶，番茄等。響鈴卷，遲了吃，變得有些蔫兒了，如果和菜分開擺放，應該就可避免吧。自助水吧擺滿道地、樂天的飲品，一定有你的喜愛。看看等侯的客人，就知道這裡吸引了許多識途老馬。

一上到去 帶位無人企我都知道繁忙時間好忙咁我咪等一陣之後有個9號仔行過黎問我地幾位 我答佢兩位 佢再問有無訂位 我話無之後佢就話等一陣OK 我地一等就係等左一個鐘之後我再問其他人 原來入面一直都有位我真心覺得9號仔好有問題你唔識帶位 你可以安排其他人招呼我地而唔係一句等一陣就要我地足足等左一個鐘真心嬲 好眉好貌 但d服務態度超有問題野食我同我朋友都話可以再黎但d服務態度真係無得頂 野食幾唔錯都無用唯一見到一個正常服務態度既就係8號ps：佢地每個人心口都有個牌 果個討厭既侍應就係9號！！！

今晚去試旺角壹火鍋 見佢幾多湯底選擇 重點係可以鴛鴦鍋 正呀 揀左同鮮蕃茄鍋 飲左半碗蕃茄湯底 好好味肥牛首先黎到顏色好鮮紅 脂肪比例都恰到好處 唔會太肥 滾塊試下先 好有牛味而且唔un 質素幾好另外 黑毛豬五花肉比肥牛更出色肉汁間滲透香濃既豬肉味 呢個必點最後食左肥牛點左4碟肥牛 2碟黑毛豬五花肉鮮蝦滑同蟹籽墨魚滑都好味D蝦幾大隻新鮮是日海鮮係蜆 一般 唔夠鮮甜野飲都多選擇 特別鍾意熱既罐裝薑母黑糖茶 幾岩唔想飲凍野既女士飲另外 服務方面 侍應都好快手收起我地食晒既碟 態度幾好環境地方闊 張餐桌都大 唔怕唔夠位放野食

耐唔耐大家都會遇到一個問題就係一大班人gathering搵啲咩地方好呢，但結果都係香港人最仲邊既打邊爐。今次試左一間係openrice睇到幾好食評既壹火鍋。一行8人揀左upgrade有刺身pattern,宵夜時段入場埋單位位2百鬆少少。呢間火鍋本身啲食物算係幾有質素，蝦估唔到會俾到鬼頭蝦，又有蜆食。本身仲別喜歡佢啲白鱔肉同脆脘腩，真係新鮮，去過街市買餸既人就知2百蚊任食俾到呢啲係算幾好。刺生方面就叫做有，但唔算出色坦白講，畢竟係火鍋店，唔係日式放題店。雪花肥牛亦可一試。

講到任食一定非旺角兆萬莫屬喇，今晩就試咗一個好掋食嘅任食雞煲，好彩一早訂咗位，因為我哋上嚟嘅時候已經滿晒人。加上食火題時間耐，所以 walk in 基本上無乜可能。我哋叫咗花刁醉雞湯底，啲雞肉好有酒香味，肉質又夠彈牙。唔好睇少呢個係雞煲，仲有得任食邊爐同刺身架。呢個刺身就乜都有，賣相仲有燈，真係花心思。另外我哋仲加咗錢嗌海鮮船，有海膽、鮑魚、海蝦、波士頓龍蝦、生蠔、魚、帶子、蜆同象拔蚌，真係好豐富呀。呢個價錢竟然食到咁多海鮮，性價比真係好高喎。仲有好多火鍋配料可以揀，我哋就嗌咗魚、蟹子墨魚滑、木耳、爆漿芝士丸、魚蛋、花膠等等，包羅萬有。因為我哋唔食牛，豬肉都有分青森黑豚腩肉片和黑毛豬五毛腩，夠肥啲肉先夠嫩。當然飲品都係任點喇。最後仲有雪糕雪條，但真係好飽所以食唔落喇。

無Book枱 唯有what in 今次有進步啵,終於有機自動攞飛,諗住要等巧耐,點知都係等咗十令分鐘,算快!!!仲有個個服務員好有禮貌 直得一讚調味料 多左巧多選擇必定加刺身,有我最愛章紅魚,鯛魚(第一次食 別有另眼相看)黎食咁多次 都係無食雞煲,今次就試試,太多選擇嘅味道,樣樣都想試😆,揀咗麻辣花膠雞煲(中辣)不錯喔,打邊邊就差咁啲香味,不過都可以,揀左田雞,大大隻巧吸引喔,海蝦都超大隻,無九肚魚有點美中不足,食到最後,碌菜就巧鹹喇

辣辣雞煲加靚海鮮任食火鍋🍲打邊爐已經無分天氣凍與吾凍😹黎個收工即興打邊爐！本身想食壹蒸鍋，食海鮮尾火鍋，不過位已full～轉食壹火鍋，加錢都有靚海鮮🦞。8:00PM上到去已經好多人，好彩！我地已經一早預約左2位。我地揀左花膠bb辣雞煲～見其他台既刺身同海鮮船睇落吾錯，幾新鮮，我地每人加左＄30 任食刺身，同加＄59海鮮船，for雞煲黎邊爐。野飲樂多揀，茶，涼茶，可樂，啤酒，樽裝水都有，仲有熱飲，薑茶，冬瓜茶。醬料簡單既有，特別既柚子醋，鎮光醋都有🤪🤪花膠BB辣雞煲食，味道好濃郁，花膠都多，雞件好滑，冇冰鮮味，份量都多。刺身不吝嗇，吾會只係幾件俾你，甜蝦，三文魚同螺片好食！海鮮船有好多款海鮮，有龍蝦、鮑魚、大蜆、生蠔、海蝦、聖子、帶子、珊瑚蚌！絕對表示滿意，出面$59應該食唔到咁多款海鮮。我最鐘意海蝦，彈牙鮮甜，係新鮮野！朋友就最喜珊瑚蚌，比出面酒樓既西蘭花炒珊瑚蚌，爽口彈牙！之後叫左唔同嘅邊爐配料，d料都好味，五花腩最正！雪花肥牛同牛舌都好食。仲有甜品，有2種雪條，雪糕杯同係唔同種類嘅雪糕，但係太飽，就咁拎左粒雪米糍食！總體都好滿意今次用餐，店員服務吾錯，夠主動，見到碟好多骨，都會主動

今次係第三次黎食壹火鍋啦！之後都會繼續幫襯，鬼叫佢咁抵食，款式多，材料又新鮮，服務仲鬼咁好咩！雖然已經book 左位，但都要等15分鐘先可以入座，座位以一間咁旺場嘅任食邊爐黎講都算闊落，吾洗夾埋對手臂食飯，抵讚！醬料區有十幾款味，每人一隻3格醬料碟，一次過試多種口味雪櫃冇影到，有啤酒及多款韓國飲品。我想重點讚依個暖櫃，雖然打邊爐應該冇乜人會飲熱野，但呢個舉動真係好貼心！湯底都咁多款你揀，款款都咁吸引，死未！之前食過雞煲，同鴛鴦鍋，今次試秘製咸酸烤魚湯底，我地無知，估吾到個湯底係直頭一個烤魚鍋！我地以為係呢個味道嘅湯底咋！嘩，有烤魚食，滿足我地多一個願望啦！ 我地揀左bb辣，兩位朋友吾食得辣都食到！每人加$59就有個海鮮船拼盤，依個拼盤自由度好大，吾洗按人頭叫，但最少兩位起。海鮮非常新鮮，啲鮑魚上枱時仲郁緊㗎！多款火鍋材料可以選擇，好多款式係其他任食場冇見過，例如牛脷，九肚魚，皇帝菜，魚麵，白鱔片任叫嘅材料一樣咁新鮮高質，白鱔片，牛脷，花膠超好食，我地encore左三次我地好欣賞呢間餐廳咁旺，個個待應依然咁好禮貌，會周圍留意個爐夠吾夠水，主動加水等唯一吾好嘅係食完全身上下連個袋都吸晒味，

今晩來到旺角兆萬很掋食的任食雞煲放題，幸好早早訂位，因為閒日上來已完全爆滿。我們點的是花刁醉雞湯底的雞煲，雞肉醃得入味，肉質鮮嫩。刺身料理也是任食，三文魚、吞拿魚、甜蝦、玉子等等什麼也有。海鮮船太震撼了，有海膽、鮑魚、海蝦、波士頓龍蝦、生蠔、魚、帶子、蜆和象拔蚌等等。海鮮鮮甜甜美，絕對超值，性價比很高。還有大量任點火鍋配料如蟹子墨魚滑、木耳、爆漿芝士丸、魚蛋、花膠等。烏冬偏腍身，未能做到爽滑彈牙。豬肉也有分青森黑豚腩肉片和黑毛豬五毛腩，非常美味。當然不少得每次火鍋也必吃的魚皮。飲品任飲，連啤酒也有。又有海鮮船，又有任食火鍋、刺身也只是每位 $258，非常掋食。