壹火鍋

营业中

休息中

一大班朋友約埋一齊想打個邊爐，有朋友就提議去呢間兆萬中心嘅壹火鍋！第一次嚟就覺得呢間野嘅性價比極高！首先，我覺得佢嘅牛肉淥完係唔un，咬兩咬就食到，而且重牛味！另外佢提供牛舌，切得夠薄，淥一淥就食得，食起上嚟仲有啲爽口！佢嘅是日海鮮係蜆，食起上嚟一粒沙都冇，證明店舖落足功夫去幫啲蜆吐沙！海白鱔都係一個幾好食嘅海鮮，切得夠薄食起上嚟滑一滑！唯一一個缺點係啲位比較窄，去廁所出去攞嘢飲要轉身都要小心翼翼！本身想加錢食海鮮船，但係有朋友覺得唔加都已經有好多野食就冇加到啦！

今日同朋友黎左呢間任食火鍋到食晚餐，我地叫左個花膠雞煲，真係好大煲又幾好食。個海鮮船不得不讚！海鮮真係好新鮮好好食！真係一大驚喜！而火鍋方面，配料都多，味道其實都同出面差唔多，so far so good啦～

係時候食飯睇戲啦！去睇戲之前都要醫肚仔先，聽聞依家有火鍋刺身放題於一身，所以膽粗粗過嚟試吓先。限時兩小時，由於要趕下一場睇戲所以今次就先試下雞煲同打邊爐先。環境唔錯， 我哋三個人佢已經比卡位我哋坐得相當舒服。雞煲有唔同嘅味道，任君選擇。我哋揀咗蜜糖味比較特別！食起嚟會扁甜，嘢飲任飲亦都細細樽，可以選擇多幾個唔同嘅味道。我今次去飲牛蒡茶，味道濃郁，但係朋友唔多喜歡，最值得讚係牛肉啊！相當嫩滑，牛肉味唔夠農！忍唔住都要叫多幾次錢！食物及飲品款式較多，唯一嘅弊處係上野嘅速度，除咗第一次較為快啲之外，上肉類都較為慢D（可能係我哋食得快)?

聚餐日，同屋企人過來打邊爐，來過幾次啦都食唔厭。四個人一齊坐喺卡座，這次叫咗一個唔辣噶湯底椰子雞湯底來試下，個雞肉質好嫩，湯底喺好香噶椰香味。配料點咗好多肥牛，肉質新鮮，潮州魚蛋，芝士丸，魷魚須，蟶子仲叫咗一個海鮮船，全部海鮮都好新鮮。全部食嗮，食完同屋企人一齊傾計，環境好好。總體包括服務都好滿意，但是去拎調料時人太多，等咗下，不過都喺很滿意啦！同屋企人食得好開心。

兆萬層層都有好多火鍋放題食每晚行過好多mk仔派傳單吸引街客真係睇完都唔知揀邊間好😂跟住大佬m就唔洗煩啦🥰今日一於黎到呢間壹火鍋撐枱腳打邊爐🥘雞煲同邊爐都有，唔想淨係打邊爐既朋友可以叫雞煲，食完惹味雞煲先加湯打邊爐呀。我地就選擇淨打邊爐，因爲有得揀湯底呀嘛🤭我地揀左椰子雞煲🐥湯底幾足料，有雪耳，椰子等，越煲越香。建議唔係太肚餓既客人，等得切既話可以煲到出味先嘗幾啖椰子雞湯，加左食物落去就飲唔到咁清甜既味道架啦😘等佢煲滾時最好梗係食住刺身等～刺身鮮味，尤其鍾意三文魚同甜蝦。添加海鮮船😋😋份量同種類咁多都因係每人加$59咋，價錢相宜。重要既係海鮮好新鮮，有蠔，龍蝦，蟶子，蚌等等。朋友仲要幫我拆埋龍蝦肉👍🤭一般的火鍋食材都有不少選擇，肉類，蔬菜，丸類應有盡有。份量唔會太多，2個人啱啱好可以試多d款式呀👍食到最尾後面個枱情侶叫左個雞煲，哇聞落超香😍😍雞件又多，下次一定會再黎試下佢😎

唔知幾時開始四季都打邊爐。又唔知點解食雞煲又會跟住打邊爐。。🤔😂都係唔深究啦。不過大熱天時涼住冷氣食埋雞煲打邊爐又真係幾正！我同同事放工去左旺角呢間雞煲火鍋放題撐枱腳。叫左個一品蜂蜜麻辣雞。BB辣👶🏻🌶雞煲黎到煮多8分鐘就食得。等食期間出去拎定豉油、野飲。為餐前做足準備先😎⏱夠鍾起筷！雞肉juice唔老時間控制岩岩好丫。而且雞件走過油更香口。醬汁好香，有得撈飯就正！不過說好的蜂蜜味就食唔出。淨係食到香辣野味🤣食完雞煲到喉唔到肺係正常既，呢個時候可以叫侍應加清湯打邊爐。任食火鍋料都多種類，叫左必食既見雪花肥牛肉跟住有大白鱔、海中蝦、（是日海鮮）蜆、墨魚滑、雲吞。。。（影完張火鍋料餐紙覺得d字太細所以唔post啦。🙈）雪花肥牛肉🤤 顏色治癒。新鮮。好味！食到尾聲。叫份紅薯粉加落去。薯粉吸晒d湯煙韌好味埋單每人二佰有找。平平地食好DD🤤唔錯唔錯

今日我老公升職加薪，請同事食餐便飯慶祝下 好彩係平日，去到只係等一陣就有位，我地一行4個人，一嚟到就食個鮮蝦雞煲，啖啖肉，蝦汁原來同d雞好夾，食到大家都好滿意！食完個雞煲，職員就會幫我地加湯，就可以打邊爐嚟到食火鍋，當然主打食海鮮啦，有鮑魚，龍蝦，聖子王，帶子，全部都好新鮮，洗得好乾淨，真係物超所值，而且飲品又多選擇服務非常好，員工又主動，環境裝修得好，一班朋友坐卡位又方便傾計，但只係調味料區比較人多擠迫，整體都非常滿意值得推介

壹火鍋位於旺角兆萬中心十七樓，是朋友聚腳的中心區域。火鍋可選擇多款麻辣雞煲或火鍋湯底。當日因爲朋友不食辣而選擇了椰子雞湯底。刺身做前菜，一切新鮮，值得一點。椰子雞湯底，雞夠嫩口。今晚重點就是龍蝦鮑魚海鮮船，每人只需加$59就可以。當中包括龍蝦、蟶子、帶子、珊瑚蚌、龍躉肉蠔、蜆、鮮蝦和鮑魚。識食一定是食龍躉肉，魚肉大大舊，最好食就是他。這個季節的蠔，已經算是十分大隻。蜆肉非常鮮甜，已經吐完沙，在落蜆時還有一隻蜆緊緊夾實我的筷子，相當生猛。龍蝦箝大大啖。牛肉口感嫩滑不靭，脂肪比例適中，還可以任加。壹火鍋還提供小籠包，十分新穎。煮過的小籠包更有大量湯汁，惟皮容易變糊狀，必須要用篩拎起。大部分要有的飲品都有，汽水果汁茶。我就選了金裝青島。這裡有雪條雪糕，還有雪糕糯米磁。

🥢旺角抵食放題兩小時海鮮火鍋🥢旺角的放題火鍋實在太多間，每間的質數差不齊，有好唔好，今次試試這間只需加$59,海鮮船的火鍋好無食🥢$179 每位 +$59位龍蝦鮑魚海鮮船+ $60 可另加一個湯底/雞煲， $30 位加鐘半小時 🥢今次一行7人食了$2130 ,平均$305人🥢湯底可選雞煲/中日式湯底，中式湯底，很多元化🥢西班牙欖燒欖麻辣雞煲 雞肉嫩滑，汁醬濃郁夠味道，不錯🥢沙嗲拼豬骨，沙嗲味名曬香濃合格，豬骨較清淡無特別🥢+$60 將雞煲換成了番茄湯底，內有幾件番茄，湯底味是番茄薯片的假味番茄，鐘不鐘意好睇個人喜好🥢+$59 位鮑魚龍蝦海鮮船（不是任食）🥢鮑魚：上檯時不是活的，味道普通沒特別，但都是軟熟的🥢龍蝦：因為有7人，所以分配到1又3/4隻龍蝦，點解條數咁零丁，因為佢地只有 2個龍蝦頭，3 件開邊龍蝦尾，究竟要同朋友分配食頭定係食尾好呢，有點奇怪🥢蠔：殼已洗乾淨值得一讚🥢其他都是雪藏貨仔無特別🥢任食火鍋料必食蝦：大大隻又鮮又爽肥牛：切到好薄，一灼就熟，不會覺得韌鱔片：幾新鮮好食鯇魚頭腩：新鮮無草青味，魚片無骨🥢以這

兆萬之最 高質火鍋放題！😍大大話話幫襯左壹火鍋幾年了🙈有雞煲、火鍋、刺身、海鮮價錢分時段收費 最平$169👍🏻舊時黎親都會叫雞煲 味道惹味 雞又多喜歡食雞煲嘅可以嘗試下 雞煲款式亦好多今次嗌嘅係椰子雞煲 夏天嗌一個清涼點嘅湯底 裏面有椰子、雪耳、紅棗等等雞就係分開上 方便湯滾左自己落一上枱已經聞到好香嘅椰子味 急不及待咁等去滾呀！係等待嘅時候 我哋已經落咗order一啲火鍋料 同埋刺身刺身選擇唔會好多 算新鮮 上得好足👍🏻當中最喜歡三文魚同鯛魚 幾鮮味呀火鍋配料方面 選擇都多豬、牛、雞、羊、丸類樣樣齊肥牛質量也不錯 肥瘦適中 雪花紋又靚淥幾下就食得 嫩滑喔😚竟然仲有鱔片嗌 好少火鍋放題會有喔仲有其他海鮮例如 大蜆、海蝦都係任叫當日兩個女仔去食 唔算好想食肉 反而想食下海鮮 所以每人加左$59 嗌左個海鮮船呢個海鮮船好豐富 有珊瑚蚌、龍躉片、蠔、鮑魚、龍蝦、蟶子、魚拔蚌等🤩樣樣都好新鮮 用椰子雞湯煮 好味道喔😛🍽 壹火鍋🔎 旺角西洋菜街1號兆萬中心16樓

天氣從來都唔係香港人打邊爐既考慮因素, 放題加雞煲邊爐簡直係朋友相聚既好地方, 岩晒工作左一整天, 想食好野但又唔想遷就他人喜好既你.Tony 今次黎到壹火鍋, 雞煲邊爐, 十多個湯底款式, 仲有刺身放題. 餐廳衛生唔錯, 服務員態度十分好. 食物質素令人回味.刺身放題材料新鮮好食, 款式唔少, 作為餐前小食, 食住等湯底滾, 唔駛怕餓親.椰子雞湯底啖啖椰子香, 唔會太濃太重味. 配海鮮一流各種新鮮火鍋料脆肉鯇: 厚肉, 但個人比較喜歡薄切蝦串: 新鮮肉甜, 唔痴殼墨魚滑: 普普通通, 唔錯牛肉: 少肥膏, 薄切快熟, 淥1淥就食得, 肉香味濃. 推介娃娃菜: 湯底煮過海鮮後, 娃娃菜吸收d精華. 正海鮮船龍蝦, 鮑魚, 青口, 帶子, 蟶子, 翡翠螺, 花甲等等. 超級豐盛. 新鮮既海鮮基本上已經無得輸, 隻隻都厚肉鮮甜. 簡直係一餐海鮮邊爐盛宴!!唯獨花甲有少少沙.仲有飲品(包括啤酒)同雪糕放題, 飽到爭d落唔到樓. 

約咗朋友喺旺角揀旅行團, 大家都好想打邊爐, 於是揀咗呢間喺OpenRice 評價唔錯ge火鍋, 本來唔打算寫comment 所以唔係影咗好多相, 但食完覺得實在有驚喜👍🏻一入鋪頭雖然唔多位, 但枱同枱之間又唔算太迫湯底選擇超級多而且大多都係免費 非常好有得加59蚊要海鮮拼盤 見到隔籬枱叫咗好似好吸引 但我哋得兩個女仔 商量完都係唔叫 因為仼食選項都包幾種海鮮😁食材新鮮 種類選擇又多 而且份量唔多 我哋兩個試咗大部分食材😙😙 連飲品都有好多款👍🏻👍🏻最重要係埋單一個人二百有找😙真係值得介紹朋友嚟👏🏻冇諗住打食評所以d相係是但影俾先生睇因為想推薦佢嚟食 請見諒🙈

昨晚就本來想食壹火鍋，但最後誤打誤撞去咗樓下嗰間壹蒸鍋，所以點都要搵機會是返嘅尼間。我哋八點鐘嚟到，門口超多人，睇嚟尼間真係好受歡迎！不過好彩，等左15分鐘左右就有位啦！藥膳雞鍋真係正到不得了！入邊嘅藥材好足料，有鮮雞、黨參、紅棗，當歸、等等，補氣血，冬天食就最啱啦！接下來叫了個鴛鴦鍋， 這裏的配料也是任叫任點 任你食， 由於吃了魚生和海鮮船， 所以實在吃不下太多東西， 我們叫了牛肉， 蔬菜和 午餐肉等， 吃完這餐 真是相當有罪惡感， 但食物美味叫人怎樣引得住口呢！真是好好食，下次一定再來。

一向都喜歡吃放題，因為食物種類多，新鮮美味得來，而且可以任食任叫，喺budget方面容易有預算。每次都喜歡來旺角［壹火鍋］這裏吃放題, 尤其是加%$59就可以 要埋他們的超級無敵海鮮船， 每次吃完都地滿足地捧著肚子離開。第一件事當然是叫他們的魚生拼盤， 鮮生是任叫任吃的， 大大一盤刺身，全部新鮮美味， 鮮甜可口，我最喜歡吃他們的甜蝦和三文魚。吃完魚生，當然是無敵海鮮船喇！ 海鮮船裏面有 半隻 龍蝦 兩隻大蝦 兩隻生蠔 兩隻蟶子 兩隻鮑魚 和 其他海鮮類。 吃過這個海鮮船， 包保你大滿足。接下來叫了個鴛鴦鍋， 這裏的火鍋配料也是任叫任點 任你食， 由於吃了魚生和海鮮船， 所以實在吃不下太多東西， 我們叫了牛肉， 蔬菜和 午餐肉等， 吃完這餐 真是相當有罪惡感， 但食物美味叫人怎樣引得住口呢！

已有一段時間因為太忙沒有來旺角 壹火鍋 食放題， 壹火鍋的放題一向都是我的 不二之選， 提前三日打電話嚟訂枱 再約好朋友一起食個飽。六點半來到餐廳， 人客不算太多，但離開的時候, 門口就有一大堆人在等位， 所以最好一定要訂位才來哦！這裏的汽水啤酒都是任飲唷！任食火鍋+任食魚生+無敵新鮮海鮮船連加一，繁忙時段每個人也只不過$273，超划算，超底。先來的是魚生刺身，大大一盆，美美的，新鮮至極。有三文魚，甜蝦，八爪魚，墨魚片，飽魚片......,全都新鮮美味再來就是我的最愛--無敵海鮮船全船的海鮮真心是鮮甜爽口，種類豐富，有龍蝦，蟶子，帶子，鮑魚，生蠔，珊瑚螃，蜆......自己去街市買，也未必買到這麼的新鮮海產， 所以大家一定要叫啊！