壹火鍋

营业中

休息中

這天晚上約了朋友到油麻地吃晚餐，我們決定吃「壹火鍋」。店面：裡面不算很大，人山人海：燈光柔和, 不錯。有卡位，也有普通位：點餐紙：一品蜂蜜麻辣雞:旁邊有計時器，當鈴聲響起時，就是可以吃的時候。雞肉肉質鮮嫩，非常滑, 我們點了bb辣, 辣度可以接受。朋友本身喉嚨痛, 吃完當晚就沒事了, 算是治感冒的偏方。海鮮船:上菜時很驚喜, 很大條海鮮船。上面有鮑魚﹑帶子﹑聖旨﹑青口﹑螺﹑蜆﹑龍蝦等, 應有盡有。很新鮮, 鮑魚很彈牙。喜歡海鮮的朋友絕對可以試一下。剌身:很多款式, 有三文魚﹑鯛魚﹑甜蝦﹑希靈魚等。冰裡面有一盞會轉顏色的燈, 營造出夢幻的感覺。刺身豉油要到外面拿。火鍋配料:紅薯粉:吸了湯底的味道, 很美味。這就是為什麼我們明知會很飽肚都照點紅薯粉的原因。吃後齒頰留香。薑母茶:飲品種類很多，其中值得一提的是這個黑糖薑母茶。它是熱的，放在暖櫃裡, 打完邊爐再飲, 喉嚨即刻舒服曬。很止渴, 甜度適中, 感覺喉嚨涼涼的。埋單$568，平均每人$284，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

平時做完運動都會途經兆萬，亦會望望有什麼好餐廳可以留待下一次可以同朋友/男朋友去試。我突然間想食雞煲火鍋，於是就相約朋友陪我去食。我鍾意雞煲原因好簡單，可以一煱兩吃。亦可以食雞件，亦可以食火鍋。一舉兩得。壹火鍋招牌非常搶眼，亦都說及「有刺身、海鮮、火鍋放題」，簡單易明，不用解釋太多。門口放了長椅給食客在等待時座著。而旁邊亦擺放不同的擺件及小盆栽🎍增添生氣及藝術氣息。飲品選擇都幾多，有百事可樂、七喜、烏龍茶、忌廉溝鮮奶等....最後我選了烏龍茶，可以消滯一下我們先點了刺身，而刺身種類都算多，有成12種。超值海鮮船-有聾蝦、鮑魚、聖子，象拔蚌、蜆肉、海蝦、青口等....海鮮都新鮮。我相信出面應該做唔到這個優惠。醬料選擇頗多，不過我都只會取自己喜歡的醬料來調味。我們點了BB辣-原味重慶麻辣雞煲，香氣四溢，令人不禁口水直流。有雞肉、花椒、八角、洋蔥等....雞肉嫩滑，而且入味。我們點了響鈴、脆魚片、生菜、萵筍、花膠、牛肉、芝心丸及章魚丸。不點太多，要留肚食超值海鮮船。😍試下幾特別既飲品-黑糖薑母茶，幾香薑味，但飲時不會太過辣，滋補一下都唔錯。最後，當然要食雪糕來為今晚晚餐作完美結局。有紫米雪條

只要去香港玩，一定会去光顾的一家火锅店。我去过无数次，每一次都能大块朵儿！食物，汤底，服务都一级棒。如果地点能宽敞点就好了，因为等待位子实在很煎熬，地方太窄了。

上次食完今次又來食！今次宵夜時段149一位加一任食邊爐🤤今次叫咗蕃茄湯底蕃茄味超級濃郁！落烏冬落去超級正仲要宵夜時段送啲佐酒小食！牛肉片同豚肉質素都唔錯以後喺旺角想打邊爐都會去返呢度👍🏻👍🏻👍🏻😁😁

已經幾個月沒寫食評了！ 通常我覺得好食低食， 都會第一時間告訴親朋戚友，這次朋友第一時間笑我「兆萬又名垃圾放題大廈」， 我真係覺得你們錯了。這次是朋友推薦我一定要吃雞煲，但由於第一次嘗試，所以未敢嘗試最辣，只點了一個BB辣。但味道確是很惹味，期待下次食得更辣。 這個雞煲份量剛好，而且雞肉也頗多的，剛開始我以為只是有骨的佔多數，所以把雞吃完後，我已經有四成飽了。餘下來便是自助火鍋點菜的時間， 唯一最令我驚喜的是，這間火鍋店的醬料，印象中沒有太花巧款式也不是特別多，例如有一般的柚子汁、芝麻醬、沙嗲醬、辣醬、韓式醬..... 但他的調味確是很到位。 而且我所點的份量真的剛好，以二人份量來計算，每款都剛好有兩至三粒， 實在太好了，最令我驚訝的是，那碟蝦，比起外面平價兼平民的火鍋店來說真的新鮮得很， 又大條，完全沒有霉霉爛爛的感覺。 最後很可惜的是我只是點了一轉， 因為吃雞煲已吃飽了所以沒有再繼續點讚，期待下次再次出擊。

上星期同一大班朋友去食比想像中高質佢係任叫任飲 我地每人仲加左58蚊有海鮮一份 好正個海鮮超多又新鮮！令到個番茄湯底變咗番茄海鮮😂😂😂😂😂食完啲海鮮都影覺得飽飽地個龍蝦都好大隻！😆😆又有雪糕任食！啱晒一大班朋友去開開心心打邊爐！😆😆❤️

今晚朋友聚會約左係旺角既壹火鍋，同其他火鍋店一樣都係任食但限時2小時。今晚我地人多既關係，叫左一邊係椰子雞湯，另一邊係雞煲。椰子雞湯方面：食得出好清純，又好香既椰子味同啲雞既配合，好清新。而雞煲方面：叫左中辣，好足料，雞既分量亦都好多。去到自選配料，有好多不同種類可以叫，有海鮮，丸類，肉類，菜類。選擇大概20-30種可以揀，而且新鮮。去到飲品方面：有烏龍茶，咸柑桔等等。而雪糕方面：有榴連味，紫米同雪米糍。佢既雪糕都係泰國牌子比較少見。

朋友話想食雞煲，最好搵間任食又高汁嘅雞煲店，點知就發現左呢間，佢任食嘅，仲有海鮮，刺身食！朋友就話好，就揀左呢間！平日夜晚都幾full，上到去已經好多人，坐無虛席，要等一陣先有位！係等緊位嘅同時就見到每人加＄59可以有海鮮船，我好鍾意食海鮮，見到都心心眼，因為見到啲人食，份量都幾多，又多種類！坐低左之後，店員就問加唔加＄30 任食刺身，咁難得黎到，當然試埋啦！佢除左有得揀雞煲，仲可以揀唔同火鍋湯底，由於一心黎食雞煲，就揀左個海大蝦麻辣雞煲食，黎雞煲個陣，店員好貼心放低埋個timer，等大概5分鐘就可以食得！叫了bb辣，對於唔食得辣嘅我都可以接受，一打開個蓋就聞到好香，雞件都好多，而且仲好入味，又辣又麻，唔係正係得辣味，先辣後麻，正！個蝦有走過油，外邊脆卜卜架！等緊雞煲嘅同時，我就出去睇下有咩醬料、飲品啦！醬料都多種類，但叫雞煲已經好入味，唔洗再調味都得；飲品有兩個大飲品櫃，汽水、啤酒，茶都有！刺身到啦，叫左三文魚、甜蝦、玉子、鮑片，果然冇失望，刺身好新鮮！三文魚好肥美，又好鮮甜；甜蝦又係好新鮮，大大隻，朋友食完一round 叫多左round，佢話好食過放題！海鮮船黎啦，好

當天氣又凍返，邊爐嘅慾望就心思思啦！想搵間任食又高汁嘅火鍋店，係openrice 見呢間口啤同食物照片都不錯，於是就相約友人去呢間，旺角好方便，大家都就腳！ 7：30上到去已經好多人，好彩都仲有位！坐低左之後，店員就話可以每人加＄30 就可任食刺身，頭先行過幾張枱，見到都幾新鮮，所以就加埋。佢話依家仲有個promotion，就係每人＄59可以有海鮮船，朋友鍾意食海鮮就加埋，因為見到都好新鮮！等緊刺身，我就出去拎醬料，飲品！醬料都好齊，基本上嘅都有齊；仲有飲品，有枝裝，罐裝嘅，咩類型都有，總有一款岩水味！刺身黎啦，叫左三文魚、甜蝦、鮑片等等。刺身好新鮮，三文魚好肥美，甜蝦都好好食，因為冇一陣味，忍唔住要encore！朋友話想食雞煲，所以我地就叫左個海大蝦麻辣雞煲食，放低雞煲嘅同時，店員會放低埋個timer，等一陣就食得！我地揀左bb辣，辣度都ok，可以接受，味道好濃郁，雞件好滑，冇冰鮮味，份量又多，蝦有炸過先外脆內鮮，正呀！食緊雞煲嘅同時，海鮮船都黎啦！船上上裝左好多海鮮，有龍蝦、鮑魚、大蜆、生蠔、海蝦、聖子、帶子、珊瑚蚌！友人表示滿意，出面＄59都食唔到咁靚咁新鮮海鮮

天氣凍最好既節目當然係打邊爐，但要搵到抵食之餘又要有好質素既任食火鍋就絕對唔容易，晚市百零蚊既任食火鍋仲要可以選擇先食雞煲，老實講唔難食已經偷笑，但往往無期望既情況下驚喜反而就會出現。朋友竟然咁大個人都未食過雞煲，所以湯底我就選擇左花膠麻辣雞，先食雞煲再打邊爐。依度既服務好貼心，有賣計時器比你，雞煲煮10分鐘就食得，等候期間就先去攞醬油配料，選擇甚多，而且可以一次放三格既醬油碗真係好方便雞煲味道相當夠味，雞肉嫩滑，花膠又足料，口感十足，食完雞煲馬上加湯準備打邊爐絕對推介依度既肥牛，好少見任食肥牛有咁高質素，充滿雪花之餘牛味濃郁，另外一定要叫既仲有海中蝦，竟然係用虎蝦，大隻得嚟味道亦新鮮海產類我地仲叫左魚雲，花膠，海白鱔，質素非常不錯，另外鮮蝦滑同蟹子墨魚滑很出色，完全無怪味，即係代表用料很新鮮，我不知係其他地方中了多少伏了其他仲叫左牛舌，黑毛豬五花肉，羊肉，牛丸等水準都不錯，雲吞同菜肉水餃直情係好食，粟米同娃娃菜好甜，另外試左少見用嚟打邊爐既油炸鬼同小籠包，怪雞定嚟但原來效果都不錯，尤其係油炸鬼，吸灑湯後就好似食響鈴咁，幾得意，飲品選擇亦多，整體水準算頗高，以任食火鍋嚟講性價比極高

大量食肆立林係旺角兆萬中心，而16樓有齊中、日式火鍋又扯 ——- 好 抵 食 呢！ 環境每個坐位剛好也有梳化坐.醬料、飲品、甜品以自取形式。 而落單用餐紙點選。湯底有數多種選擇，選料由餐廳精心挑選 海鮮船 HKD 118捧著大大盤的海鮮， 內裡有冰塊盛著以保持新鮮感 👍🏻又多款又大隻😱 ！ 二人份量好足料 — 蝦、青口、螺、蠔、鮑魚等等 — 厚肉 + 鮮甜！由其是龍蝦多膏啊除外，還有任叫牛肉、丸類等有彈牙感。 看見隔離坐所點的刺身、雞煲，色澤又白噴噴但我兩已飽了 ，下次要午餐時都要留肚了

早排公司聖誕聚餐，揀來揀去，最後都係返黎壹火鍋。皆因收工後等齊人永遠都要到11點半12點，要抵食又要種類多同坐得耐既，真係冇乜選擇。一行7個人，早早訂左位，一入去唔使等即刻有得坐👍🏻坐房角落頭，大臺，岩晒成班女人盡情傾，慢慢坐。我地加左錢要左隻海鮮船，嗌埋刺身，火鍋配料任食，汽水啤酒雪糕瘋狂任拎，每人都係$200多啲，抵呀！！😂😂職員好細心，主動同我地講雞煲要等幾耐，得閒又會行入黎睇下有無需要幫忙，真心俾Like👍🏻👍🏻海鮮新鮮；刺身選擇夠多；貨量足夠基本上點咩有咩，唔會因爲就收工要咩無咩。黎過幾次都無咩失望位👏🏻希望佢地可以keep住💪🏻

Book 了5:30枱大約5:35分入座，點了椰子雞煲，開頭很期待，但是等了20分鐘左右湯還未滾，就叫了職員來看看，原來是爐壞了，安排了我們換位子，最後6:00先開始再等湯滾先食得。問職員會否補鐘，她說最多只補15分鐘，因為有第2個booking.🙁🙁🙁邊有咁做生意的！2小時就應2小時！食物方便，我今沒有追加刺身或海鮮。食物湯底沒甚麼驚喜，不過不失，最出色算是雪花肥牛了！飲品種類多，質量還不錯。至於雪糕，不是貴價出名品牌雪糕，不太回本。環境方面還可以、但留意到很多顧客反應冷氣吹住個頭唔舒服，這方面還需改善。

職員服務態度好，食品款式算合格，加多D飲品甜品，生果及紅白酒會更好，食物都算新鮮，價格亦合理，但火煱放題12O分鐘的確不夠時間食，希望增加至最小150分鐘，10時後180分鐘最OK。

最近終於忙完，所以有番啲時間同朋友出門食下飯。於是又再相約咗去呢間壹火鍋，旺角雞煲加火鍋。個人覺得想食雞煲、又想食少少刺身同火煲，呢啲自助放題係最佳之選。唔需要計住價錢，食得哂就可以繼續叫。由於有唔食得辣嘅我係到，所以我地柯打咗「原味重慶麻辣雞 - BB辣」，講起重慶麻辣都有少少驚，但意想唔到味道真係帶少麻，係吊味嘅個種麻，而辣就只係好些微，所以我覺得唔食得辣嘅人都可以接受到。雖然BB辣，有好多人都認為只要唔夠辣就會無哂癮，食之無味；但呢個重慶麻辣鍋，麻同辣都係恰到好處，夠哂入味之餘，愈煲愈過癮。至於雞嘅份量一啲都唔孤寒，夠哂三個人食嘅份量。唔止雞煲，同時另外仲會有刺身盤及火鍋海鮮盤，其實份量到可以話係唔野少。刺身唔夠食，仲可以寫紙添加，我個人覺得刺身食兩轉就夠了。因為食完雞煲，仲有火鍋加海鮮要食，為咗唔好浪費食物，一定要諗諗食唔食得哂先柯打。海鮮盤數數下都起碼有十款海鮮，因此得地另外都只係點多咗少少菜、魚滑、烏冬、牛肉等等。總結，個人覺得要計算埋價錢同份量，壹火鍋嘅雞煲係有屬於佢嘅優勢，味道尚算不俗，價錢十分化算，可以話係平價抵食。