壹火鍋

营业中

休息中

在openrice見到好多人推薦這一家剛剛好與朋友討論在哪裏吃完sem飯 朋友不想吃火鍋 但是想吃雞煲就問他們想不想吃這一間 一拍即合見到餐牌上有花膠麻辣雞 即刻叫 點知上枱撈極都撈唔到花膠 牛肉上枱第一轉都幾靚 叫第二轉嗰陣啲顏色完全唔同 芝士丸味道係奶黃味抽氣系統都麻麻地 同好多網民講嘅一樣座位有啲逼 啲staff揮手應得快 不過漏單嚴重 叫10樣黎得5樣左右勝在價錢夠平 星期日食都係159+1最推薦嘅係豚肉片 我見火鍋好似好過雞煲我應該就唔會再做回頭客 兆萬果然係劣食之塔 題外話: 食完之後兩個鐘去咗五次廁所 菜葉上面有蟲

上次就本來想食壹火鍋，但最後誤打誤撞去咗樓下嗰間壹蒸鍋，所以點都要搵機會是返嘅尼間。我哋八點鐘嚟到，門口超多人，睇嚟尼間真係好受歡迎！不過好彩，等左15分鐘左右就有位啦！呢度海鮮、刺身、火鍋，乜都有，任飲任食，真係好吸引！我哋揀咗火鍋，有一個湯底或者係鴛鴦湯底。本來想揀鴛鴦湯底，但見到我心愛嘅藥膳雞鍋，又點可以錯過啊！藥膳雞鍋真係正到不得了！入邊嘅藥材好足料，有鮮雞、當歸、黨參、紅棗、杞子等等，補氣血，冬天食就最啱啦！係等緊火鍋送來之前，我哋加咗錢每人$30 ，就有刺身任點啦，我哋叫咗三文魚甜蝦、蟹棒、帶子、北極貝、八爪魚等等，啲料好新鮮，我哋叫咗兩round!食食吓見到隔離枱果位海鮮算好吸引！原來每人加$59 ，就有海鮮船啦！入面有七至八款海鮮，款款都好足料。有鮑魚、龍蝦、象拔蚌、龍躉、海蝦、帶子、北極貝、花甲、蠔。講下隻龍蝦先啦，真係又大又足料！勁大隻蝦肉超鮮甜、彈牙！隻鮑魚真係好肥美呀！生蠔、象拔蚌、北極貝、花甲，爽口鮮甜肉嫩！龍躉肉又滑又鮮甜，真係好正啊！本來驚住食唔晒諗住唔叫，而家好彩叫咗個海鮮船咋！叫左一定唔會後悔推薦大家一定要試下呀！呢度有過百種火鍋配料，真係好容易眼闊肚

近排天氣轉凍，又係一眾香港人烚下烚下嘅時候。小妹星期五晚放工同班friend 聚會。一定係去任食最抵啦，以前成日幫襯兆萬果幢大廈嘅放題。因為有多次等位，所以今次小妹都專登提早一個星期打電話上黎留位。幸好，小妹留定位啫，晚飯時間果然人多。今次任食海鮮火鍋加刺身其實唔貴，因為海鮮係堅足料，聖子王、鮑魚、虎蝦、大貴妃蚌，新鮮程度媲美海鮮店。講起海鮮，小妹首推當然係鮑魚龍蝦啦。老實說，肯俾鮑魚做生料嘅火鍋店五隻手指都數得完，因為鮑魚成本高、同埋如果唔新鮮，口感分別極大，哩間火鍋店揀選嘅鮮飽都彈牙十足，足見其新鮮程度。海鮮盆中最觸目相信非龍蝦莫屬！老老實實，出街市買盆海鮮返屋企食都無哩度咁抵。事關，波士頓龍蝦份量大，再加加埋埋新鮮鮑魚（仲識郁）其實已經值回票價，再講，佢蟶子王同翡翠螺，齋食海鮮都會飽！何況仲有生料放題呢！輪生料，小妹推介手切肥牛，脂肪肉質分佈平均，實係上等靚肉。擺落湯底烚返兩三分鐘已經鮮味十足！正！

我由細到大最鍾意就係食buffet、雞煲放題、韓燒等等等等，任飲任食最啱我🤤前排流行蒸海鮮鍋，襯住自己牛一揾個機會大食一番🤣今次揀左壹火鍋，佢有蒸海鮮之餘，仲可以做埋粥底打邊爐，一次滿足曬兩個願望✌🏻原來呢間餐廳都幾多人，我訂左枱上到去都仲要等，因為訂完位之後去到話俾佢知現場再派號碼😫真係唔知book黎為嘜？另外佢既大堂極細，又多人等位，幾乎無位可以企。但見咁多人食應該都唔差既😏等左15分鐘左右終於到我地了一開始時會先上蒸海鮮，下面粥底一直煲住黎蒸，等海鮮既鮮味流曬落啲粥到。呢到係二人分量，我無數到有幾多款海鮮，應該都有6-7款。等緊啲海鮮既時候佢地都俾左一份小食冷盆俾我地食住等啲海鮮好似蒸8分鐘左右就得食啦😍😍除左蒸海鮮之外，佢仲有好多中式菜式都可以蒸架🤤蒸牛肚好好味🤤仲有蒸蜆都係必試既我地蒸左兩round小菜已經飽到上心口。。但點都要試下個粥底。。粥底本身有啲魚骨係入面一齊煲，真係好鮮甜食埋個粥。。身心都覺得好滿足☺️

早幾日同3個朋友仔好想食刺身同打邊爐, 天氣開始轉涼又想食啲熱辣辣嘅嘢, 於是同朋友相約走咗去於是去咗旺角兆萬中心16樓""壹火鍋""！我好耐之前都依間火鍋店真係唔錯啊！今次唔係純粹打邊爐咁簡單, 仲有好好味嘅一大盤刺身, 仲有大大隻生蠔, 生猛鮮甜嘅鮑魚, 美味多肉嘅龍蝦, 深海手掌咁長嘅大蝦, 厚肉兼彈牙嘅帶子刺身, 聖旨同埋響螺, 超級豐富嘅美味嘅海鮮, 又滋味又好味, 認真唔錯, 值得推介俾朋友... 仲有其他好多好多嘅選擇... 如果唔想咁單調可以叫下啲龍蝦同海上鮮食下, 飲品方面有可樂, 雪碧同幾款啤酒以供選擇, 環境清幽三五知己聚腳點係必到嘅地方。

最近天氣轉冷，又係一大班人打邊爐恰下恰下的好日子，小弟平時去開d大型連鎖店打邊爐，今次有朋友介紹，有間樓上小店的火鍋湯底正，海鮮生猛，又有不少自助甜品飲品供應！所以約埋朋友一齊去食餐勁！😆😆小弟覺得價錢係超值抵食，百幾元就有任食火鍋，加多30元就可以有刺身任食，性格比超高，而且質素甚高，絕對物超所值！👍🏻👍🏻自助醬料區，款式很多，又可以搭配出自己喜愛的口味😝😝有無限量自助飲品甜品供應，感覺就好似去咗日式放題餐廳一樣，特別推介檸檬柚蜜，唔太覺外面有得飲！😆😆選了湯底，椰子雞鍋，湯底很清甜，配料又很足，店員又建議我們先熬一下湯底，才將雞件放到鍋內，更容易吸收精華！😃😃小弟喜歡吃魚生，每人加30元就可以無限享用新鮮即切魚生，絕對抵食！👍🏻👍🏻 推薦大赤海蝦，新鮮肥美，大大盆冰鎮奉上亦無雪藏味，讚！當然厚切三文魚亦是必點項目😆😆再來就是今晚的主角，海鮮拼盤，按人頭計每位加60元就可以享用七至八款時令海鮮，一個字：大件夾抵食！而且全部都是鮑魚、生蠔、蟶子、原粒帆立貝，大隻海蝦等貴價海鮮，絕不欺場，新鮮好吃，激讚！👍🏻👍🏻👍🏻👍🏻👍🏻店員的服務很好，態度友善，亦會主動加湯收碟，也是加分不少的原因！

最近天氣凍左最啱就係去打邊爐十下十下。我朋友話最近見到壹火鍋有個package 係「龍蝦鮑魚海鮮船 」（龍蝦兩位半隻）有龍蝦、鮮鮑魚、扇貝、虎蝦、海蜆、聖子等等等等。佢話勁多海鮮都淨係$59咋！😍 甘身為海鮮fans 既我緊係一定要去啦！！上次我唔記得影餐廳個logo, 個design幾型。湯底既選擇就有麻辣雞煲皇，中日鴛鴦鍋 同 中式湯底。有辣有唔辣，任君選擇。地方都幾闊落 打邊爐點可以唔叫雪花肥牛 肥牛真心好正，野食好新鮮。另外海鮮拼盤真係咩都有，種類豐富。有鮑魚，蝦 同埋蠔等等。 同埋餐廳仲有好多唔同款既刺身比你叫。我最愛既日式刺身 - 三文魚同甜蝦！！

做完野餓到肚都扁，約左三五知己打邊爐！一入到黎俾個招牌poster 吸引住！「升級龍蝦鮑魚海鮮船 」🦐🦀🐟🛳有龍蝦、鮮鮑魚、扇貝、虎蝦、海蜆、聖子、翡翠螺、龍躉片、帶子等等。👍🏻👍🏻👍🏻👍🏻加$59蚊就有啦！😍😍😍 抵到呢！唔怪之得長期都爆場啦！座無虛席，勁多人！湯底有麻辣雞煲皇，中日鴛鴦鍋 同 中式湯底。因為朋友不食辣，我就揀咗香茜皮蛋鍋+沙嗲鍋，一半清淡一半重味都好好啊~ 😃野食都好新鮮，任食餐廳黎講係唔錯既！

有同事生日，放工齊齊去慶生，同事們喜歡去兆萬的壹火鍋，有刺身、海鮮、火鍋任飲任食，服務不錯，落單上菜都好快！所有飲品和雪糕、雪條、雪米磁是自助的。任食剌身另加30元一位，三文魚、甜蝦、蟹棒、玉子、鮑魚片，新鮮美味。海鮮船每位加59元，海鮮用冰底墊住在船上，擺設精緻又新鮮，見到龍蝦腳還在郁郁下，鮑魚還在蠕動，其他蟶子、生蠔、蝦、魚肉、螺、蜆等都好新鮮。海鮮用沙爹湯底煮熱份外鮮甜惹味！雪花肥牛肉薄切，肉質鮮嫩。火鍋配料有多款，海中蝦鮮甜又彈牙，鮮魚頭雲好滑。鮮蝦雲吞、午餐肉、台灣香菇貢丸、魚皮餃都不錯。脆鯇片新鮮爽口。原來小籠包打邊爐都好好食！一樣有鮮味同肉汁。

一班舊同學聚會，一如以往大家都想去食放題，近日天氣涼左，我們就決定去旺角食壹火鍋，之前我們也來食過，食物新鮮，有刺身、海鮮，多款火鍋配料等，大家圍爐聚在一起，邊食邊傾，盡興而歸，今晚就讓我們回味一下吧！混醬自助區每人加30元就可以任食多款新鮮刺身，我比較喜歡三文魚、希靈魚、鯛魚、馬刀貝、甜蝦、鮑魚片、有頭甜蝦，鮮甜美味，食多轉已回本有餘！沙爹和香茜皮蛋湯底：沙爹湯底濃郁惹味，香茜皮蛋清香美味。每位加59元就有海鮮船，海鮮每天新鮮運到，款式視乎市場供應而定，份量按人頭計算，今天有龍蝦、鮮鮑魚、生蠔、大蟶子、翡翠螺、帶子、龍躉魚柳、大蜆、海蝦、珊瑚蚌。我比較喜歡龍蝦、、大蟶子、海蝦和鮑魚，鮮甜彈牙。火鍋料新鮮又多款，青森黑豚肉片鮮嫩，海中蝦、海白鱔彈牙，還有滑豆腐、鮮腐竹、金菰、粟米。小籠包、潮州魚旦、爆醬芝士丸、蟹粉包丸好好味！飲品有多款選擇，有啤酒、汽水、健康飲品。除了有冰凍口味，更有常温和暖的飲品供應。最後當然要食些甜品，雪條雪糕任食。

今日同幾位朋友仔嚟到壹火鍋打邊爐呢度加30蚊仲可以食埋刺身添啊首先就嚟咗個刺身先,大大嘅蝦同甜蝦仲有象拔蚌。之後就到打邊爐嘅海鮮拼盤啦！你睇下有幾豐富有聖子，生蠔，鮑魚，龍躉，大蝦，螺,仲有帶子同珊瑚蚌，最重要就係有我最鍾意嘅大大隻龍蝦哇啲海鮮食落去都非常之新鮮湯底方面有好多選擇我哋就選擇咗鴛鴦鍋芫荽皮蛋再加沙嗲，咁我同D朋友都可以選擇自己中意嘅口味真係要講一講個牛啊幾秒就即刻食得真係肚餓之選啦！宵夜小食拼盤真係要值得一讚啊估唔到佢嗰個炸番薯同炸雞軟骨又幾香口呢度任飲任食埋單都係二百幾蚊位咋咁真係好抵食啊食到飽飽

踏入秋冬,當然是打邊爐的季節,成班人圍住個爐,烚下烚下,滋味無比,樂趣無窮.成班朋友約出來,當然也要就大家方便,所以都約係旺角的兆萬中心等.齊齊食這間壹火鍋...去到...發現都幾多人等位.而且看到營幕這個升級版的海鮮船,馬上覺得好吸引,暗暗記得一陣要點用這個海鮮船。除左火鍋之外($169),仲可以加多30元,就可以任點刺身($199),當然加埋刺身的話,就更加抵,加30元又不算太貴。湯底有辣有唔辣,而且選擇都頗多,今次我就選擇椰子雞湯底,話晒都是秋冬季節,滋潤一下都好。食物的種類都多,有我喜歡的響鈴和丸類...而且飲料都有凍有唔凍,很適合不愛飲凍飲的我。因為加了30元升級做刺身火鍋,我和友人都點了好豐富的刺生,開初都擔心刺身唔新鮮,點知食下去超甜美,超新鮮,而且切得厚身,份量十足!這個就是椰子雞湯底的材料,,看到都幾足料,而且淡淡的椰子香,已經覺得好滋潤。來打邊爐,當然不能缺少肥牛吧!而且有肉先夠飽肚,看到片片肉片都不會太肥,岩晒我地班女仔食用!不能缺少就是丸啦!魚旦芝士流心丸很好食,食下去的芝士流出來,可說芝士十足,雖然很邪惡,但超級吸引!仲香脆卜卜的響鈴和金菇,這些都是我至愛,一

朋友介紹呢間位於兆萬的火鍋 開初都有D擔心，不過食完後都好有驚喜~ 訂左七點半，早左幾個字上到去，的確人山人海，最後都係準時7點半入座。 呢度係2個小時任食，所以建議先訂枱，唔係會有排等 至於價錢，就不同時段有不同的價錢 仲可以自己決定額外加刺食或海鮮，豐儉由人 要加刺身，其實只係每位加多30蚊 但質素比想像中好，唔單止擺設靚，夠大塊，又唔會雪到凍冰冰 呢30蚊，抵加~ 至於湯底的話，除左有雞煲，仲有中式同日式湯底揀 都幾多選擇~ 因為係等候期間聞到勁香的椰子雞煲味 所以大家都2話不說點左呢個湯底~ 雞煲除左有藥材湯底，仲有成隻雞~ 不過椰子就比想像中少~ 既然一埸黎到，當然要食盡D 我地每人加左59蚊，點左呢個龍蝦鮑魚海鮮船 呢個海鮮船，有夠震撼的 我地係3人份量，所有每款海鮮都有3件蟶子，都用上了蟶子皇呀~ 每樣海鮮料都洗得乾乾淨淨，切得靚靚仔仔~ 至於其他的海鮮料，都係大大隻的 絕對唔係普通CHEAP CHEAP 貨 而且用料都係新鮮靚料，唔會甩頭甩殼~ 至於正常的火鍋配料，選擇都唔少，質素都很好 牛肉/豚肉肥瘦適中， 又唔會雪到死實，樣子討好~ 特別推介

兆萬尼幾年都比人稱為劣食之㙮🤐 因為有好多質素比較差既餐廳係上面 而且每日下午 都一堆人係度派傳單 叫你去食 令人都盡量避免去果度食 包括我🙂 但我近排就破例去食左一次 就比我發現左一間性價比😋幾高既一間 雞煲🐥火鍋😍-提一提 因為佢好多人食 所以最多book左位先去仲有就係唔同時間唔同收費 大家留意返就可以😬環境方面 其實都幾逼🤐 不過MK尼d黃金地帶都正常既🤓 食物方面 個雞煲做得幾出色 雞🐥食落去幾滑 而且份量都有足 差唔多有成半隻😍 而且抄得幾好 好惹味 叫大辣都好正😍食完雞煲 打邊爐 大部分都合格 特別想讚一下 牛肉同雞腎 牛肉夠肥 雞腎就超爽口 🙂其他海鮮都算新鮮🙂飲料選擇都算多 可以滿足大家既唔同喜好☺️-🎈旺角西洋菜街1號兆萬中心16樓-平均傷害：$170好味值：7/10

天氣開始凍, 最想念的當然就係火鍋啦! 食完暖笠笠🥘🥘同事食過呢間, 話抵食到番轉頭, 咁我都唔輸蝕去食下有幾抵食啦 價錢大眾化, 都係二百蚊有找火鍋醬料都好齊 湯底揀左椰子雞, 真椰子同鮮雞雞肉鮮嫩肉滑, 加上杞子紅棗同椰子肉, 夠香之餘, 湯底滋味又清甜 個人就推介加埋59蚊有個海鮮拼盤, 真係堅抵食蟶子、蜆、鮑魚、海蝦都大大隻, 入口夠鮮甜蠔飽滿, 龍蝦肉、帶子厚身又彈牙59蚊有哂咁多款的海鮮, 夠哂滿足加上清甜的湯底, 更能食到海鮮的甜美 肥牛色澤又夠光鮮, 脂肪分布均勻而不過多 甜品方面就夠哂突出, 雪糕連榴槤味都有