堂記腸粉專門店 (已結業)

日前與3名朋友到渡船街吃過晚飯, 知道附近有一間出名的腸粉店, 於是到來一試.去到時未有太多人, 幾分鐘後便有位, 由於我們已吃過飯, 而且只想一試, 所以叫了一碟炸兩, 一碟牛肉腸和一碟豬潤腸, 一名員工問 : 由於我們不趕時間, 故堅持只吃腸粉不吃粥.如那位員工所講, 叫了粥的人客, 即使是遲過我們到, 他們的食物也會比我們的早送上, 其間, 亦有一位食客, 如我們一樣只叫腸粉, 該名員工當然報上同一番話, 那顧客問如果多叫幾碟腸粉又如何, 該員工表示一樣要等20-30分鐘.三碟腸粉如實半個鐘後才來到, 炸兩的油炸鬼很脆口, 另外兩碟腸粉不過不失. 但實在討厭他們那種"唔休做"的服務態度, 威迫食客點菜, 不知所謂; 佔著他們的枱乾等, 他們也翻不到枱做多轉生意, 都不知他們怎樣想; 虧旅遊發展局還貼上標誌來介紹給遊客, 這是什麼道理.

因為咁大個人都未食過燒鴨腸，所以就搵晚同女友試下食喇，由於人數太多等左陣位被安排坐係個無風扇／冷氣既地方，當叫野既時候阿姐話叫粥加腸粉會快Ｄ喎，咁就叫左牛肉腸．燒鴨腸同硬食佢碗唔好味既粥佢既牛肉腸真係幾好食，因為佢係用鮮牛而唔係坊間既免治牛，不過腸粉既靈魂"腸粉皮"我就覺得唔係話太好食，係唔少舊式粥舖其實都好輕易食到比佢更好味既腸粉至於燒鴨我都覺得好好食，好有個浸鴨香，唔錯～！最後o個個唔知乜粥真係唔好食，食到我面容扭曲～

六點五十五分到, 坐低等開舖, 經已有幾枱人...七點N分落單, 點菜干粥(x2), 魚片叉燒腸, 燒鴨腸, 炸兩N分鐘後,菜干粥先到, 熱的, 似幾十年前阿婆煲嗰d, 好味. 唔覺有鴨腎, 不過買14蚊碗, 算吧啦! 炸兩跟住上, 唔得, 隔夜油條, 唔得.魚片叉燒腸上, 喂, 又ok 喎! 魚片新鮮, 加上叉燒, 及軟軟腸粉, 口感豐富清新, 不俗不俗.燒鴨腸ma, ok la! 魚片驚喜d!真係可以去下嘅, 不過當正餐食唔夠飽, 當食前菜or宵夜開心d!

摸了兩次門釘，終於看到門面燈光火着，可以試到名傳遐邇的腸粉了。 腸粉確實拉得夠薄，不過沒有陳漢記做得那麽晶瑩剔透，而且份量明顯比一般的細份。 吃第一口時，覺得豉油味道有點怪，但吃落以後，就不覺得了。 魚片豬潤腸配搭特別，豬潤甘嫩，魚片新鮮，加上清香的芫荽，效果出衆，是留下較深印象的一碟。 燒鴨叉燒腸也不錯。燒鴨很香，不過搶了不少叉燒的味道；之後要了一碟淨燒鴨腸，但味道卻又變得太寡，還是雙併的較好。簡言之，腸粉是做得不錯啦，偶爾來一趟，可以，可以。補充：（1）堂記是逢星期三和星期日休息的。 （編輯部：請更新店鋪資料）（2）若從他區過來，可考慮從 Elements 那邊過去。沿着天橋走（與圓方相連），不用十分鐘便可到達堂記和文匯街一帶食店，相當便捷。

不久前在電視一個飲食節目看到主持人推介堂記腸粉專門店，該主持人還是出了名挑剔的，也都讚口不絕，那麼，作為普通市民的我又怎能不試一趟呢？渡船角在二三十年前是頗為興旺的，現在雖與佐敦道是一街之隔，但感覺上還是很不就腳，在佐敦下了車，從隧道穿過，又上又落，這麼跋涉無非是為了一口人家推介得高高的腸粉哩！好不容易到了堂記，原來是一間門面簡陋的店子，不打緊，我們不是吃它的裝潢嘛！在門前的檯子坐下，左思右量，見餐牌有臘腸腸粉，咦．．．，很特別的，從未嚐過，就這道腸粉吧，再加一蝶蝦腸，二人夠吃了；還有，久違了的菜乾粥，年少時家裡的婆婆都愛煮這個粥給家裡的人吃的，尤其是盛夏，胃口麻麻的，吃這個菜乾粥最合適不過了。吃後的感覺是：腸粉很滑溜，粉漿做得不錯，真的值得再試，它還有別處少做的豬潤腸，店主真有心思，能做一些別出心裁的食物來吸引顧客；可是，菜乾粥真的不行，人家怎麼讚得天上有，地下無？或許是自己當黑吧！粥底本身很稀，白米份量稍欠，最重要的，還是粥來的時候是涼的，入口的口感自然失準，大打折扣了！而且，菜乾味沒有，聽說它還下了陳腎，但是，我真的吃不出哩！店名沒改錯，“腸粉專門店”，真的只有腸粉最合格！

試一試既心態之下,冒雨去吃,地點其實幾隔涉!試左炸兩同牛腸,腸粉皮唔算厚,味道不錯,好鍾意個炸兩既油炸鬼夠哂脆,另外豉油都好味!賣點可能係即掣,但係我覺得都幾好食,下次都會專登嚟食既!

08.07.24　堂記腸粉@佐敦專門賣腸粉的堂記，能夠在open rice 裏得到53個笑臉還有不少的遊客遠道而來拜訪它雖然交通不太方便還是得來朝聖一下的！7點半到堂記遠遠巳經看到有一堆人站在那邊還好站門外的大都是等外帶的座位少的可憐總共才能容納20人左右吧等了不到五分鐘就有位子了而且還是正正在透明廚房的外面看著師傅俐落的在現做腸粉一個人在拉布蒸米漿，再配料再火速的把腸粉捲起來切成三份一秒鐘也沒有停下來過怪不得師傅的體格像“鋼條”一樣早就聽聞現拉的腸粉要等很久馬上請阿姐幫我們寫單請…也等了好幾分鐘才阿姐才有空理一下我們點了一碗鴨腎菜乾排骨粥，一碗柴魚花生粥叉燒及蝦腸粉各一阿姐說腸粉要等15-20分鐘沒問題！！！特地來這邊，多久也要等的啦！粥品先上鴨腎菜乾排骨粥找不到鴨腎，但味道清清的，很像媽媽熬的老火粥還有一大塊鹹香的豬骨讓我啃依戀著豬骨頭上的那些肉，帶著骨膠原及脂肪，才是最好吃的！單單一口就知道沒加味精群記的菜乾粥雖然好吃但吃完後總是要一直灌水 柴魚花生粥比鴨腎菜乾排骨粥還要清淡由於個人不太喜歡花生的關係我還是把菜乾粥清光好了腸粉不用10分鐘就來了可能大家邊聊邊等倒是不覺得等了很久腸

見有大量食評推介,都決定去試!裝修比較簡陋,坐喺街邊既摺枱,兩個人就選了牛腸一碟,燒鴨腸一碟同一碗菜乾粥!腸粉係即叫即拉,見住佢做,幾得意!牛腸既免治牛肉味道不錯,甜豉油甜得恰到好處!燒鴨腸都ok,腸粉本身皮薄,滑就一般滑,但係可能睇住佢做,所以心理上覺得新鮮,已經加了分!菜乾粥清清地,味道ok,可惜飲品要自己去對面士多買,比較煩!

唔係成日有開,好不容易第三次嚟先食到!今次食一碟牛腸,一碟蝦腸,再喺隔離買左一碟炒麵!佢個彤腸粉真係好好食,雖然皮唔算滑,但係豉油甜得嚟同牛肉好啱好夾!隔離檔個炒麵凍冰冰,加甜醬食味道ok,但係熱些先算好美中不足係野飲要自己去對面馬路買!

昨晚八點鐘無咩胃口食飯,本來想去老趙食碗牛肉河,經過見到有開鋪就走入去試下,鴨腎菜乾豬骨粥----雖然食唔到有鴨腎但個粥都唔錯!無味精感覺,起碼返到屋企唔駛飲水.臘腸腸粉----呢樣特別!因為從來未食過,估唔到咁好食喎!臘腸切薄片又夠淋.叉燒牛肉腸粉雙拼----餡料ok,滑滑腸粉皮搭夠.唯一覺得麻麻係個鼓油,有一種怪怪味道.腸粉即叫即蒸,有時人多要等耐少少,但為碟臘腸腸粉....都等得過!

是日係圓方睇完戲, 仲諗住plan 得好好, 先去添記食法包, 再嚟呢度食腸粉. 點知...原來星期三都係休息日, 嘩, 我諗老闆真係搵好多, 一星期五天工作喎...唯有等下次啦!

啊!原來堂記星期日是不開的,難怪上次摸門釘!因人多無位所以叫了外賣,回家慢慢嘆!兩碗鴨腎菜干豬骨粥,想叫燒鴨腸,但因賣晒,所以叫了叉燒蝦腸!先試腸粉:蝦及叉燒平均分布,腸粉可算是滑,但反而入面d料先至係波!蝦很爽口,口感不錯!不知是否經過蒸焗(新鮮出爐),叉燒粒比燒臘店賣的叉燒飯還要香,真是奇怪...!再說鴨腎菜干豬骨粥,碗內充斥菜干,鴨肉肉碎等材料!菜干及陳腎本應是很搶味的食才,但堂記把各材料的味道都調得很均衡,水準不錯!p.s.:兩碗粥加腸粉都只不過是$45...低食!

堂記聞名久矣，只是星期天不開門營業，平日亦只在七時後才開門，下班後穿著上班服來不是太方便。這天下雨後氣溫頗低，正是來吃的好時機。大角咀文ｘ樓這邊很少來，因實在不就腳，這晚下了小巴後亦走了十多分鐘才找到店的所在。堂記是一家小店鋪，但在旁邊僭建了一、兩間鋪，再把桌子都擺到了行人路上，倒也可容納不少食客。和小卡各點了一碗菜乾鴨腎豬骨粥，另加一碟魚片豬肝腸粉。加了菜乾的粥別有一種甘香，這種粥不難做，但不知為何就是越來越少機會吃到。綿密的粥底加上鴨腎和肉香，還有老大的一塊豬骨，只是十多元一碗夫復何求？一邊吃粥一邊聽到拉腸粉的聲音，果然是即點即拉。晶瑩剔透的腸粉呈半透明狀，腸粉拉至極薄，內裡是新鮮的鯇魚片及僅熟的豬肝片，加上大量芫茜的香味，真是不枉遠道來吃。個人覺得點睛的是那甜甜的醬油，完全是兒時風味，美味回憶就此喚來。唯一要彈的是腸粉不夠熱，可能是皮薄所以不用蒸太久之故（加上我又拿著相機左拍右拍才把腸粉放入口）。

第一次來堂記吃即拉腸粉, 地點不算難找, 由堂記往下走 2 條街就是添記越南法飽. 但堂記要在晚上 7 時才營業, 逢星期日及星期 (忘記了) 休息, 一星期休息 2 天的食店真少見 4 個人選了菜干豬骨粥 $14 及皮蛋瘦肉粥 $14 各一, 2 碟乂燒腸 ; 2 碟炸兩及豬潤腸 - $13 , 粥比較普通, 但腸粉真的很精采, 即叫即做夠哂熱騰騰, 吃下去很軟滑, 豉油也調得很好味,吃了 6 碟腸粉也像不大夠, 真不枉得到這麼多好評 意外發現隔隣糖水店的炒麵很好味, 下次去堂記記住向糖水店 order 炒麵, 老板收你 8 大蚊, 大大碟的炒麵包你說好味

今次嚟到一間坐喺街邊食既腸粉專門店,事實上除左腸粉之外,都有粥食我二人食既係牛肉魚片腸,一碟炸兩同一碗金銀菜豬骨粥,腸粉係即叫即拉,上枱時候熱辣辣,味道很好,牛肉係免治的,食既時候另有一番風味,因為味道有點似午餐肉咁既質地!魚片碎碎的,其實最滋味係甜豉油,做得裊很出色!炸兩不錯,油炸鬼咬落仲好脆!豬骨粥味道ok!食到一半,有個肥哥哥周圍問要唔要雞翼等等其他食物,似乎幾檔係互通的!