堂記腸粉專門店 (已結業)

第一次寫食評,想寫腸粉,好食嘅野,好想分享!伙計問食咩,我揀左一碟蝦牛腸,一碗菜乾豬骨粥蝦牛腸係即叫即拉,好奇嘅情況之下,行去睇佢做,見師父倒d豆水落塊布度,加熱後水變粉皮,原來腸粉係咁整,幾得意!講番味道,豉油好味,牛肉唔算多,反而啖啖蝦肉,好食呀!菜乾豬骨粥入面有件好大件嘅豬骨,下火,唔錯咁啦!

嚟左堂記食腸粉,即叫即整,新鮮熱辣既因素已經夠殺!不過其實唔知係唔係等耐左,碟腸粉嚟到我面前已經唔係好熱,但係好彩我碟牛腸味道好,豉油好甜,好好味,一咬落件腸粉度,d牛肉好似緊緊熟,口感好好,三條九件我一個人食哂,勁!食埋隔離檔既鹽水雞翼,開胃到叫多左碟炸兩,腸粉皮滑,油炸鬼脆脆地好鬼好食,再讚多次個豉油,配炸兩又係一絕!

小女子很喜歡吃腸粉,朋友帶過我來之後,愛上了這個地方,因為看見師父即做的腸粉,熱騰騰,好像很好吃!今次吃了一碟蝦腸,一碟魚片腸同一碟炸兩,兩個人食,完全滿足吃腸粉的慾望!不愛吃雙拚的腸粉,可以感受餡料的真味,吃蝦腸的時候就只想蝦,不想其他豉油味道很好,唔會太甜,唔太咸,腸粉皮不是薄薄的,但可能就是因為看住他做的關係,放進嘴便覺很好吃了,魚片其實都有點碎骨,不過都是少塊,沒大問題,炸兩味道可以可能隔幾天,便心思思想來幫襯了

想去左好耐,終於機緣巧合可以一試....叫左個菜乾豬骨粥($14)，牛肉豬潤腸 ($14),食晒都唔飽叫左個燒鴨腸($17).豬骨粥 (算幾好了,豬骨有少許肉碎未甩可以一嚐,由於醃咸左,唔錯!粥好有菜乾香味,食得出無落味精)牛肉豬潤腸 (大部份牛肉都有筋,咬唔開,豬潤有濃濃酒香,不過口感一般)燒鴨粥 (見成$17一碟,就睇下係唔係咁好食,點知原來不外如是.....)總結:看來用"名大於實"四個大字十分貼切,無錯,腸粉真是十分滑溜,不過份量太少了(粉槳又唔值錢既) 只係想顧客們食完唔夠再叫,真識做生意.

七點鐘散場~~又回到渡船角~~知道堂記這夜店開7點~時間Fit晒~可能時間尚早~都有位~如果11,12點黎~我諗都要等半個鐘到大大個餐牌係牆~來來去去都係腸粉同粥only~見周圍有人食煎釀三寶糯米飯個d~原來有個好煩好唔衛生ge男人不停係鋪前行黎行去大聲叫賣~問油菜幾錢...$15....煎釀三寶$20...鹽水雞翼$25.............傻的小比果然仲飽住飽住..最後就叫了皮蛋瘦肉粥~燒鴨腸同炸襾粥內的瘦肉是燒肉那種肉~唔錯唔錯~~小比鍾情皮蛋as well!突然好想食炸襾~但有d怕煙un油炸鬼架..因為元朗發記是可以用蝦米腸包炸襾~小比就打趣問一問~點知老闆面部肌肉抽一抽.....um.....唔....得..ga wo....hahaha因為人少少,10mins到已經有得食~所以當食到脆身ge時候~忍唔住笑左一笑~幾好味ar!呢度d腸粉ge味道好像有點不同~無咁寡再來是燒鴨腸~切成小塊的燒鴨~加埋甜甜地ge豉油係咪我地第一次食燒鴨腸呢~!?唔記得了~只係覺得好味~食肉獸負責清碟~~~小比又話唔餓~但係為食見到牆上的蔥花蝦米腸~就叫了一客蝦米腸~黎到ge時候~~呆左~~e~

主打特色腸粉....... 又唔係咁好食！話說有晚同小朋友去一試呢間慕名已久既大排檔式食店，佢淨開夜晚........無計，夜晚去！好彩我早去到，唔洗點等，不過佢地Service 麻麻，淨叫腸粉要等耐 d ....... 叫埋粥就快 d ，Hard Sell d 粥，真係唔係好得，無理由咁迫 d 客食野。講番腸粉，食左蝦米腸，夠多蝦米，仲有食左鴨腸粉同豬潤腸粉，只不過用腸粉皮包唔同料，好失望！仲有就係皮太簿，好無口感…粥........ 無特別！唔知點解 d 人話好食… My god

之前睇到電視雜誌介紹過, 第一次去食唔成, 因為情人節無開門, 咁終於等到前晚再去, 我諗果時大約01:30, 但都坐滿人, 所以等咗成10分鐘.兩個人叫了朱潤腸, 朱潤魚片腸, 燒鴨腸及菜干鴨腎朱骨粥.腸粉並非好薄及好滑果種, 個人比較鍾意魚片朱潤腸, 因為有芫茜及一點點好似酒的味道, 正!燒鴨腸就唔係太好食, 可能燒鴨蒸過就唔太好味囉!個粥OK綿, 但味道偏淡...不過有D奇怪, 睇住佢即整的, 但唔知點解D腸粉都只係暖暖地, 我個人比較鍾意"熱食"...

由電影中心出嚟，順道去堂記醫肚，八時多去到唔係大多人（奇！），叫了柴魚花生粥，潤鴨腸和雙蝦腸。粥很快到，其實一直覺得堂記的粥只是一般，不夠火候，料的味道溶不到粥裏，柴魚花生粥比菜乾鴨腎粥好少少，Anyway，粥不是主角。腸粉十多分鐘後陸續到，腸粉皮是一貫的薄、煙韌和滑，一點也不粉；第一次食潤鴨，稍覺heavy了點，都係潤或鴨加腊腸好，記得第一次吃腊腸腸粉是驚為天人的；鮮蝦加蝦米是必叫的，難得這裏的蝦還有點鮮甜味，不知在外吃了多少蝦口感的無味蝦，最妙的是蝦米的鮮又提昇了鮮蝦的鮮，good combination，其實堂記吸引的正是食物的combination，食物的質素只是average吧了。如果電影中心還在，我還是會來的。

星期六晚約七點半去到已坐滿人, 等咗十五分鐘至有位, 落order一定要揾到位先, 同其他食評人意見一樣, 腸粉結果真係等咗超過三十分鐘, 而冇話要等既粥亦等咗成二十分鐘, 反而隔離就遲來先上, 落單混亂.其間亦見到有人等到不滿而走咗, 如果我同朋友唔係有位我都唔想等.講真粥就一般, 夠綿但唔鮮甜, 腸粉滑但並非特別好食, 茶樓果D都有佢既水準.總括而言, 如果唔需要等就可以試吓.

第一站食完鏞華，決定出發到最近電視節目一直推介的堂記腸粉試食，由銅鑼灣到佐敦，再慢慢行到文景樓...堂記是腸粉專門店，當然要點特式即製腸粉，腸粉配粥亦係最佳組合，我們點了燒鴨魚片腸、臘腸叉燒腸、豬潤腸、皮蛋魚片粥、柴魚花生粥及瑤柱白粥，共$79先來的是粥品，我的皮蛋魚片粥絕對係足料之外，感覺跟海皇粥店的相差不大，加上於街檔食粥，感覺來得相當親切，我是十分享受及珍惜"大排檔"這種香港獨有風味的三種即製腸粉當中，豬潤腸的口感十分特別，絕對值得一試，特別一提係阿姐加多左叉燒落豬潤腸(變了雙拚腸粉) 但仍交回單拚價，相當抵讚! 臘腸叉燒腸是另一必試推介，即製腸粉又滑又軟，加上臘腸的豬油，筆墨無法形容，燒鴨魚片腸反而是三種腸粉中比較失望的，因為燒鴨絲其實無甚特別此店是值得推介的，腸粉不算是什麼貴價食物，但當中的街檔風味是充滿老香港感覺，而腸粉材料自由組合，當中有好有壞，成功與否，充滿期待的感覺，下次我一定要試臘腸潤腸腸^^V

在openrice 見到堂記腸粉專門店似乎唔錯，就算唔就腳，都想搵日去試下。前晚通宵工作好睏，昨天嘢都無食就睡了一整天，睡醒想食即拉腸粉，昨晚11:15 出到佐敦下面腸粉檔，見間鋪四周貼滿蘇絲同藝人推介，鋪頭坐了一半客。落單點了一碟雙拼腸粉(十多元)，阿姊問我要唔要粥，見啲粥好似有啲杰，又未幫襯過，所以先要住一碟腸粉，答阿姊：「要碟腸粉夠啦。」阿姊答我：「腸粉要等三十分鐘。」望下四周，祗有一個客仔未有嘢食，其他客仔唔係食得七七八八傾緊計，就係食緊嘢，心諗咁都要30分鐘，真係隱世美食，我記得有些食評都話過腸粉係要等嘅，所以答阿姊：「等啦。」傻更更等了一陣，阿姊走過來提我：「靚女，你碟腸粉要等三十分鐘。」繼續等‥不久，旁邊來了一對男女來幫襯，阿姊幫他們落單，他們要了粥和腸粉，阿姊告訴他們，腸粉要等15分鐘，聽到後，我諗：「好啦，唔駛等咁耐啦。」點知，跟住阿姊走過來對我講：「靚女，妳碟腸粉要等三十分鐘。」我有些奇怪，問阿姊：「點解要咁耐，係咪燒鴨拼臘腸要耐啲﹖」點知阿姊答：「要埋粥就可以快啲。」跟住我答阿姊：「咁唔駛幫我整啦，唔該。」咁就無食走咗啦。十多元一碟腸粉、十多元一碗粥，祗做7:30

昨天晚上我去左,好唔好食?我覺得就言過其實,腸粉類真係好普通,完全稱唔上為之好好食,我食左腸粉,炸兩同柴魚花生豬骨粥,我覺得我會去海皇粥店好得多,本來我想叫埋蝦腸同燒鴨腸,但係試完上面果三樣野,我已經再冇興趣試埋佢了...出名原來唔等於真係咁好食..

看了電視介紹....專程去試.八點多差不多九點到達...好多人~個幾張枱坐滿人之外,周圍都有人企住等... 而呢間舖d阿姐都唔得閒采人.. 有人問有冇位呀.. "冇呀冇呀"... 有人想落order叫腸粉.. "暫停一陣!!等等先落.." "腸粉要等三十分鐘咼..!!!" 有人想買外賣.."而家冇外賣呀..做堂食好忙呀.."... 雖然見到係咁, 但我地都決定等.. 結果我地好好彩等左10分鐘到..自己"攝"到兩個位。坐低... 都係等左陣先俾落order..叫左鴨腎菜干豬粥,柴魚花生豬骨粥, 燒鴨腸同埋魚片臘腸腸粉~ 個菜干粥好香菜干味..不過稍為稀..好似飲緊湯咁~柴魚花生豬骨粥就杰d.. 好多花生..幾好味~~結果都真係等左廿分鐘先送上腸粉..確係好滑..特別0既配料加埋d豉油令到個腸粉更加好好味..~食完唔飽但係總算了左個心願~~

眾人看罷尹光演唱會,由文化中心出來.再看個錶已經十一點多,我說回土瓜灣吃宵夜吧.)友人P說不如去堂記?)眾人和議,即刻驅車前往.這間位於佐敦越南人地頭的堂記,又是另一間民間傳奇.只開晚上,同只得腸粉同粥.在今時今日港人要求食店多元化,堂記仍舊不折衷.單拼雙拼,不如叫幾碟來一起吃,炸兩,淨鴨腸,燒鴨加臘腸,還有叉燒拼豬潤腸粉,再來兩碗粥.因為即拉,所以製作需時.為了等一碟即拉腸粉,絕不介意去等.先吃碗柴魚花生粥,粥底偏杰,口感綿密.連豬骨也有點肉吃,一碗柴魚花生粥,莫過如此.半夜三更沒有即炸油條,但有即拉腸粉.幾碟腸粉的腸粉皮也一樣地晶瑩如透視裝,內裏的餡料若隱若現,令人有所"遐想".入口極為滑溜,經常說,即拉的腸粉一定好.再說餡料,燒鴨加臘腸香上加香,本身鴨皮下也有點肥膏,連埋臘腸吃,很有層次.我說最好當然用閏腸.)豬潤也夠爽口.油炸鬼不是熱辣辣,在晶瑩的腸粉皮包著之下,也一樣美味.再在隔離小店買些糯米飯,炒麵過來,很有大笪地式的風味.待續..

今次係佐敦美食尋寶記,跟住openrice去試多人食既地方,第二站係呢度!腸粉即叫即做,幾特別,叫左炸兩同埋牛肉腸,份量ok,腸粉皮較厚,味道ok,可以算係一般,又唔係好食得好緊要嗰隻!不過牛肉腸入面d牛肉又真係幾好食既!