堂記腸粉專門店 (已結業)

元旦日, 吃過飯後, 由element 一路走過來, 饞嘴的我, 提議不如去吃個夜宵. 好的, 那佐敦的堂記當然係不二的選擇. 未行到,去已見人頭湧湧, 心知要呆上一陣子. 不到五分鐘, 便有位了. 心裡慶幸. 可是, 亞姐說要等至少30分鐘. 好的, 反正不餓, 等下也沒關係. 要了燒鴨蝦腸和豬潤牛肉腸. 30分鐘過去了, 只見腸粉全都屬於後面的顧客, 近師傅拉腸粉的我們, 只有等和看的份兒. 再等了15 分鐘, oh 終於到了, 我們不忘拿出相機影呀影. 正想開動時, oh, 點解唔係燒鴨蝦腸呢? 想問問亞姐, 是否跟鄰座的對掉了. 亞姐竟話: 係落燒鴨叉架喎!" 就掉頭走了... haha, 我怎會跟你說燒鴨叉呀, 亞姐. 你估我做樓面架咩??? 既然知道唔係對掉咗, 也算了. 我也不願為此再呆上十多分鐘啦! 不過呢d服務態度, 真係趕客架... 言歸正傳, 燒鴨叉, (跟亞姐叫嘛), d 燒鴨和叉燒都係上乘的, 唔會俾d 賣剩蔗的下價貨色俾你. 係有肉汁和新鮮的. 腸粉半透明狀, 滑溜. 當然啦, 新鮮即拉, 那熱辣辣的感覺, 又再加分. 友人的豬潤, 不是生滾粥那種薄薄一片

27/12 (SAT) 晚大概 7:45pm，專程去堂記食腸粉。雖然等位只係等左15分鐘到，但係等粥同蒸腸粉就足足有 45 mins。落單個時阿姐同我哋講明要等 20 mins 先至到 (成間舖只係得一個師傅拉腸粉，緊係耐啦)，所以都expect腸粉係有水準而且係熱辣辣 。2個人叫左： 鴨腎菜乾豬骨粥 (叫左少骨)料好多，但無菜乾味，鴨腎細粒到搵唔到，食完好口乾........... 柴魚花生豬骨粥味道香，花生夠淋，足料......... 牛肉鮮蝦腸唔熱，腸粉皮夠薄，唔滑仲黐立立﹔好多餡，鮮蝦尚可，牛肉用太多生粉撈過似食肉餅............... 叉燒蝦米腸唔熱，腸粉皮夠薄，唔滑仲黐立立﹔好多餡，味道較香口...............埋單 $56一句講哂，好好好普通.........一般既粥舖都可以better過佢.......

前日7點半去到, 坐低叫阿姐寫左單, 叫2碗粥, 2碟雙拼腸粉, 等左差唔多半個鐘d粥先到, 食落淡而無味粥底米粒剛開花, 水汪汪, 唔夠綿, 自己煲仲好食過距食完粥再等左20分鐘, 腸粉先至黎, 細碟到無人有, 餡料味道普通, 其中一碟蝦腸d蝦未熟腸粉質地食落少少痴牙, 感覺好假, 完全食唔出有米味, 似食橡筋, 粗制濫造總結---2人消費$60, 名過其實, 可以話隨便一間粥粉店都比距好食, 完全唔值得等咁耐.

之前都好想搵機會嚟,尤其睇完"家拎"哥嘅介紹,於是dec 01, 08,2人嚟dinner,叫咗 : 1) 鴨腎菜乾豬骨粥-粥煲到有米花-菜乾好多,但鴨腎就唔夠多-豬骨好腍,亦夠味 2) 燒鴨臘腸腸粉 -個皮望到都覺得佢好薄,入口好滑添-不過今次唔應該唔雙併法因個臘腸味好出,所以搶晒個燒鴨味 3) 炸兩-睇電視話佢會將油炸鬼放入小焗爐焗吓先用嚟包-入口都叫小鬆脆 4) 柴魚花生粥-花生煲到好腍-同友人都覺得呢個好過菜乾粥 5) 牛肉腸粉-普通因食唔到肉嘅質感/味

星期四晚,八時多來到的時候,已經坐滿客人,還有幾檯旁邊有客人在等位,但當時只有兩、三檯的客人是在吃緊東西的,仲要係食緊粥咋!還未見到有客是吃緊腸粉的蹤影,等位其間聽到有好幾檯食客也提及蘇施黃的名字,說什麼蘇施黃介紹過之類的東西,我絕對不是因為蘇施黃介紹過而來的,是有屋企人想試而來,但她們也不是因為蘇施黃而來的,是因為家英哥介紹過而來的,本人對蘇施黃介紹的東西有所保留,不是每樣也認同 以下是本人等待的過程8:15pm 來到堂記 (等等等………………………….)8:35pm 等到坐位 (暫停落單 )8:40pm 可以落單 (等等等…………………不知道是第幾次的暫停落單)9:15pm 點了的粥,終於上檯9:23pm 腸粉也終於上檯啦!鴨腎菜乾豬骨粥 $14 好多菜乾,大大舊豬骨,有不少鴨腎片,好香菜亁&淡淡的果皮味柴魚花生豬骨粥 $14 好多柴魚&勁多花生,大大舊豬骨,淡淡的果皮味魚片粥 $16 幾多魚片,有d薑蔥味叉燒腸 $13 叉燒無咩特別燒鴨腸 $17 其他地方好少見到有,好香燒鴨味!啖啖燒鴨肉鮮蝦腸 $14 蝦很爽口炸兩腸 $10 油炸鬼好脆整體來說,

我同女友兩個去到大約8點55分，果晚天氣剛剛轉冷但都好多人。不過我地都算快等到位，意識到要等好耐但一場黎到都照等啦(落單都要等架)。我地等緊位時想落單，但阿姐話唔知我會坐邊佢話轉頭先，到我地搵到位，個頭轉左幾次再加上我煩擾佢多次之後佢比我在下一輪第一個落單；我地叫左一碗鴨腎菜干豬骨粥，一碗皮蛋瘦肉粥，燒鴨拼豬膶腸，牛肉腸。過左二十分鐘，女友話怕唔夠食，加單叫多了一個炸兩。再過多十五分鐘，餓~!!! 我過了隔離買了兩件蘿蔔糕，同時兩碗粥到了。菜干粥:好夠味，好多菜干；內有一件好大件的豬骨下火: ok，都幾好，但我覺得皮蛋少左D食食下，市政黎掃場，話佢阻街要收枱。查左十幾廿分鐘先完事。之後加單的炸兩黎完就黎埋其餘的野喇~炸兩: 唔ok~!!!燒鴨拼豬膶腸: 燒鴨香口但太肥膩，豬膶還好。 牛肉腸: 一般，不過不失(應該唔會再專登去。)

日期：十一月二十日時間：晚上九時五十五分 ﹣ 等位...（冇問題～ 只要係好食的話～）時間：晚上十時三十分 ﹣ 有位...坐低...嗌嘢...一碗鴨腎菜乾豬骨粥、一碟燒鴨叉燒雙拼腸、一碟炸兩（要等三十分鐘～？ 冇問題～ 只要係好食的話～）時間：晚上十一時 ﹣ 粥到...涼嘅!!??!! 又唔滑!!! 三十分鐘係要黎攤凍啲粥嘎!?（冇問題～ 只要係腸好食的話～）時間：晚上十一時十五分 ﹣ 腸到...又係涼嘅!!??!! 又唔夠醬油!!! 老實講腸粉味道確係唔錯，但以上的種種不是已令其大大扣分...

看了公仔箱各食家多次介紹, 終能一睹其全豹B 嚷著要吃舊式粥店的粥, 便想起這間堂記7:30到既時候剛好所有位置都給坐滿, 沒辦法下只好在等, 看著焦急的食客在催促店內的唯一伙計, 很是好笑. 我告訴他,”最好唔好惹怒她, 否則十二點都在等”轉過頭已有食客讓給位置來, 伙計執拾檯面的時間已連隨落單, 以免增加她的工作量, 說要等30-40分鐘. 我說”好. 沒問題”, 二話不說便走開, 最終我只等了25分鐘既然來到, 盡量叫就好, 點了:鴨腎菜乾豬骨粥第一口吃的時候, 很淡, 但愈吃愈滋味, 尤其當你找到那僅有的鴨腎的時候或時再哽那豬骨之間的肥糕的時候…….B說下了胡椒粉的話會很不同, 試了一口, 味道的確有所提升臘腸腸臘腸跟充滿米香的粉皮很匹配, 愈吃愈好味燒鴨腸很香口, 燒鵝皮下脂肪溶掉在粉皮裡, 沒有燒味飯的肥膩感豬潤腸最好吃的一個, 豬潤很新鮮, 也不會過老, 切至粗條, 配上自制既醬油, 大概可連吃3碟建議到這裡吃飯要事先找雜誌/PSP/NDS/PMP 到來以作KILL TIME, 否則只會跟坐我我傍的食客, 等到一肚氣

I am a 腸粉 lover. Once I know this shop, I must try. The 腸粉 and 菜乾鴨腎豬骨粥 are excellent. The 腸粉 and soy sauce are good match. Nothing I can say for any bad comments. I arrived at 7:45pm on Friday evening, expecting need some time for waiting. Luckily I am alone, so no need to wait for seat. Then,10 minutes waiting for order35 minutes waiting for food5 minutes for eating5 minutes for paymentTotal time is 55 minutes. At the time I left, the 腸粉 waiting time is 50 minutes. I have no comments beca

話說今晚開完會走都成11點幾, 於是跟寶寶及檔主食飯, 不約而同我跟寶寶說去堂記試下.由於我們唔熟路,所以兜了幾圈先找到.哇....11點幾差不多12點都成村人在等,唔係比壓力那3名男子,有排未有得食.不過落單時亞姐講明,等30分鐘, 哇... 既然有心試,就唔介意等.3個人點了: 2個菜乾鴨腎豬骨粥 1個柴魚花生豬骨粥 1個燒鴨腸 1個牛肉腸 1個炸兩幾款食物中, 以燒鴨腸是最ok的, 香, 有燒鴨味. 炸兩的油炸鬼好脆 牛肉腸有牛味不過口感不足. 而粥方面兼唔夠熱, 不過寶寶就ok.

20/11 做完facial都已經9點左右，結果皇子話去堂記吃腸粉啦~~去到9點15分，都幾多人。不過我地好快等到位，不過一直等都無人執走上手食淨既野；一直都無人肯過黎落單，終於見到個阿姐，不過佢一直叫我等陣；因為全間舖頭得佢一個人，無人做野。等左15分鐘先可以落單，我地又再等...等左25分鐘....終於有粥食喇，一碗菜干豬骨粥，一碗柴魚花生粥。菜干粥好濃，好似一碗菜干湯一樣；內有三嚿大豬骨柴魚花生粥，一般...搵唔到柴魚既~又再等左15分鐘....鴨肉豬膶腸、炸兩、牛肉鮮蝦腸到喇~鴨肉豬膶腸，味道好濃郁；估唔到咁夾，好味道炸兩，一般...無特別牛肉鮮蝦腸，牛肉一般、鮮蝦好爽口同彈牙....好好食呀腸粉好薄好滑，豉油調較得好好；不過真係等得太耐喇~~~

蒲完玩完, 見時間早早地, 好友食家"乜都放入窿"就提議食宵夜, 而呢個提議正合師傅口味! 再問下去邊到宵夜啦, 好友食家"乜都放入窿"就話去堂記啦, 師傅估唔到好友食家"乜都放入窿"會提議呢間食店, 原因係佢知師傅想試好耐呀!既然係咁, 即刻打的過去! 去到門口, 興致勃勃, 仲見到冇咩人, 於是行埋去準備坐底, 點知聽到個阿姐好大聲咁話賣晒喇, 一樣都冇得淨呀, 嗰一刻師傅有一種天堂同地獄嘅感覺, 然後同好友食家"乜都放入窿"互相對望, 勁失望加勁無癮, 再望下隻錶只不過係凌晨兩點咋!明明係凌晨三點先打烊, 咁點解又會冇野食呢? 有d離譜囉, 好味都唔係大晒架! 呢次已經係師傅第二次黎呢度但係食唔到呀, 次次都專誠黎食, 但都試唔到, 所以應該唔會再有下次, 喊臉比硬, 唔係比食物, 係對間食店極度失望!

上次去堂記，起碼都有五、六年前的光景，趁和一眾開飯食友在佐敦晚膳，便提議在此吃夜宵，懷念街頭即拉腸粉的風味。八時半後到達，發覺人客眾多，好不容易才走了一檯客人，已花了近十五分鐘的時間。由於舖面人手有限，點了食物之後，侍應也事先說明要花點時間等侯，趁這空檔時間，二話不說去了隔鄰的糖水舖點了一個雞蛋腐竹糖水，腐竹已經完全溶化，雖然白果未完全去芯，總括來說都很吃得過。至於那些粥品和腸粉，等了近廿分鐘之下，終於上場。發覺今水豬骨粥，明顯很足火侯，豬骨的肉味，已溶入粥內，粥底稍杰，但其味真是鮮甜，內裡也加了菜乾和鴨腎來吊味，這年頭，實在也不易吃得到。腸粉幾款，計有炸兩、豬潤、燒鴨和臘腸等，其拉出的粉皮之滑，對好多老饕來說，也不用多加介紹，至於餡料，豬潤切得較厚，但甘香鬆化，仍不失風味，用上臘腸來作餡，實在也少見，效果也不錯，炸兩沒有吃到，食友美心曾說過在此吃過油條仍是香脆的...............看了之前的版友說其醬油偏甜，有點「假」，這個有點保留，經過調配過的醬油，知道未必適合每個人的口味，但始終仍是以醬油為基本，論假，總不及頭髮製的出品吧?!

生飛滋想食粥嚟咗呢度叫咗1. 皮蛋瘦肉粥$17 * 2皮蛋好實唔係糖心, 又有陣怪味, 粥底好一般2. 豬潤腸$13豬潤厚切, 味道ok, 好在火路適中唔硬3. 叉燒腸$13都係一般啦, 皮算薄佢雖則主打即拉腸粉, 最失敗嘅卻係豉油, 甜得好假.....其實只要係即拉, 大把粥店/茶餐廳有呢個水準啦!勝在凌晨都有得食囉.......

今日終於第一次跟呀蘇話試下呢度D腸粉先，嘩！枱仔唔多．．但又真係冇時唔爆咕喎！！嗌落單，嗌執枱．．．哎！！不過望下餐牌，又真係好多選擇．唔知係咪心理作用，好似有好多女仔都鍾意食腸粉，當然包括我在內．但係呢度都有好多男仔幫襯．．同老公叫咗一碟豬潤腸＄１３，燒鴨腸＄１７及一碗菜乾豬骨粥＄１４．先係嚟咗碗粥先．．．嘩！勁咸，咸到有Ｄ苦．腸粉終於到啦．．．．Ｄ腸粉真係好滑，但入面Ｄ料沒有質素可言，但咁多人都可以保持住呢種質素都算ＯＫ，同埋價錢並唔算貴，係茶樓食碟义腸都要啦．但係只係值得一試．同埋泊車都算方便．