坤記糕品專家 (已結業)

其實寫這篇文章時心中有少少隱隱作痛，不是身體有問題而是對這一間由細食到大的食店的一種感覺，記得十多二十多年來到這裡買白糖糕時，價錢平當然是一種原因而最重要的是食落甜而不酸的這一種懷舊的感覺，但今次我隔了一排再試之後，竟然要我寫下我第一篇劣評了………………..鋪頭的位置非常便利，在深水渉的B2出口，在福華街和北河街的交界，非常容易找到，我想這間店都開了二十多年了，真係細細個都已經食過這裡的白糖糕了。鋪頭的佈置也十分簡單，鋪的前面放著幾種糕點賣，有一大片的白糖糕、米漿鬆糕、芝麻糕、糯米煎堆和一些各式各樣的糯米糍。糕點的選擇都十分之多，而在店外也點滿了報紙的介紹和電視的推介。來到這裡當然要試一試白糖糕，還買了一件米漿鬆糕和一件沙葛蝦米咸味糯米糍。白糖糕($5)有時時間的流逝會連味道都帶走了，希望越大時失望的感覺就越強，初時還希望下面的食評說的是誇張了，但事實是心中還記著這一種甜而不酸的懷舊味道已經沒有了，換來的就是一種酸酸的一件普通街上都買到的白糖糕了，言猶在耳記得坤記的老闆說”白糖糕是用生磨粘米發酵成米漿，米漿在冬天要浸 6至 8個鐘頭，夏天就浸兩三個鐘，發酵時間要拿 準繩，時間未夠發不起

見到有部份食評, 話坤記白糖糕唔好食, 敢唔知係咪我好彩, 今日大約晚上六時左右,經過坤記, 就順便買咗2件白糖糕, 4件缽仔糕, 諗住帶返屋企食, 點知喺等巴士既時候, 巳經忍唔住食咗件白糖糕(所以無影相), wow, 件糕真係"好好食", 真係好食到即刻食埋第二件, 老實說, 我真係食唔到有"酸"味囉! 不過我就覺得$5/一件, 都唔平.因為我見到隔離粥店, 白糖糕只售$3/一件, 唔通真係明星效應?!?白糖糕 $5砵仔糕 $5

電視效應排隊...今天收工經過冇咩人唔駛等買了2件白糖1件紅豆...$17超細件, 唔抵食...仲話白糖糕無酸味...酸嘅

前幾日坤記上左電視,多人買左,搞到放左工無得買今日我終於買到啦,但過程唔係咁開心,好受氣唔係因為等,而係佢店員的態度真係...好難頂....(唉買糕買到人地要反白眼,然後我都費事同佢嘈)我都明GE,而家佢咁多人買,難免會聽唔清楚我要咩,但我同佢講要2件白糖2件黃糖,成大底白糖糕係我面前我同我講,無喎,賣晒我問佢(指住D白榶糕)果D係咪白糖,佢話係,跟住問,你到底想要D咩...(都話左係2件白糖2件黃糖糕)我咪同佢講,要2件白糖(仲指住比佢睇),仲要2件黃糖跟住佢問,係咪要馬拉糕...我話,唔係佢好無奈咁反白眼,又問,你到底想要D咩...我唉左聲,同佢講,唔洗啦,2件白糖算啦(我明明之前朝早番工有買過黃糖糕,我問佢朝早個男人果D係咪黃糖糕,佢話係,講真,唔係我同事話有,想食,我都唔知有得買)跟住我比埋錢就走人不過買到2件白糖糕都算啦點知....一食落口,首先係一陣甜味充斥口腔,然後一陣酸味由舌頭兩側襲來...我當堂喊一句:「好酸!」我住係呢頭,其實日日番工都會經過佢,之前仲幫同事買比佢做早餐食添係佢未上電視之前,我都有係放工時間買(果陣仲買到,但上左電視之後就成日得番D紅豆糕)果陣買,D

第一日黎到坤記D糕點已經賣哂了上左電視出名左, 真係多人買唔比揀唔比換架砵仔糕vs坤記貴D既 $5凍哂唔深色紅豆無期望既咁多口感較彈味道同一般的分別不大$5仲要有3個/$2買時仲暖較深色紅豆算夠, 不過只限表面, 底無質地實d但以呢個既價錢絕對係超值仲可以任揀

去深水埗寶血探病之後，尃程問路去坤記買甜品 – 芝麻糕、砵仔糕和紅豆糕，一共$19。首先吃我的至愛芝麻糕，很失望，芝麻味不足也不香，粉又多，我自己做的還要好味(吃完才醒覺要寫寫食評)。砵仔糕較滑，但紅豆不是所聽講的多。三樣之中比較喜歡紅豆糕，因紅豆較多，但外貌肉酸，可說是樣衰。就這三樣甜品不值人們吹噓的特別好味，它和街頭街尾或離島的蒸糕差不多，真的很失望。

前一日4點幾黎到只係賣剩紅豆糕所以昨天無野買到今天出開黎食點心, 順道再黎一次啦1點幾黎到d 糕點有齊哂:白糖糕, 芝麻糕, 砵仔糕, 雞蛋糕, 黃糖鬆糕, 馬蹄砵仔糕要排隊買白糖糕$5, 芝麻糕$7, 超細件, 唔抵食又話呢間既白糖糕無酸味既?事實酸酸地架喎食唔出同出面既有乜分別?淨係知好細件兩啖食哂以呢個size如果係出面買, 我諗只值$1弊就弊在呢間出名囉...芝麻糕又係得細細件被壓到似得7層砵仔糕$5, 都係略貴, 唔深色 紅豆無期望既咁多 口感較彈 味道同其他的分別不大總括而言呢間糕品係略貴但質素同其他店既分別不大啦但未試過, 我又點會心息呢...

是夜只賣剩白糖糕, $44一斤, 個靚姐叫我買曬佢地, 好囉.....她磅一磅就話$22跟手切開五件,手法乾淨利落(刀光閃出四下), 入袋。 我懷着歡天喜地的心情咬一口: 酸嘅!? 心頭頓時冷一冷它不是一向出名貨真價實而且白糖糕是不會是酸的嗎?剛讀過之前的食評, 發現原來照計月份它已經是酸了好幾個月呢......根據食家 貓媽 在2010-07-18的評語是: 去開鴨記，專程走去坤記買白糖榚。以前住係附近，成日都食，質素一向有水準，今次買咗兩件白糖榚，四個半一件架，唔算平。點知一咬落去，實kick kick，一口粉，重有酸味，同以前果D好大分別。走番去問佢地，佢地竟然話而家用緊D新米，係咁架啦，重叫我擰番去放係雪櫃雪凍佢會好食D喎。有冇攪錯，佢地知道問題係邊而唔去改，冇舊米就唔好賣啦，整D咁失水準的食物出嚟，倒自己米咩。簡直不知所謂。你地如果下次想食，最好問下果位買嘢亞姐先，如果仲係用緊新米嚟做榚點，千祈唔好幫襯呀!雖然酸的白糖糕我都喜歡, 但專程去坤記買都不希望買到坊間的質數

倆口子去深水保買布一口子就說要食茶果...就走去坤記買一個食了 豆沙茶果 ($5)茶果大大粒, 荷葉包成長方形的...豆沙餡...外皮看去油油的.茶果好好肉地, 糯米表皮厚厚的...煙煙勒的...要花點力將它咬開.因為厚厚的表皮, 所以不會顯得豆沙太甜濕濕的不太干...一口子大力讚好.不過太大舊了...食完好飽肚

細細個時最鍾意食白糖糕,係街買,係酒樓叫,但而家唔係度度都有喇...但而家好少酒樓有,係lei排美心就有懷舊點心有得食...有時買泰昌o個d,都係麻麻地...點都要食返坤記o既先最好食,我覺得白糖糕都係有少少酸先好味,雖然佢賣點係唔酸,但都好正~白糖糕,質感好,味道佳,甜品教得fit....不過呢就好細件囉...貴左d啦...砵仔糕,我鍾意食黃色,即係黃糖整o既...紅豆夠林又大粒,個糕質感都好好,一食落去好滿足芝麻糕,數過係有9層架,好香芝麻味,可惜就比較林左d,同油左少少,可以實返d會再好d紅豆糕,好多好多紅豆,同芝麻糕一樣,林左d油左d...都根味o既...係白糖糕食左一件,其他都係兩個人share一件..都好漏喇~~~ 好味! 下次再買,但我知佢一晏少少,就賣晒...

同老公放工食完點心, 一場來到, 一定吃埋懷舊甜品先前同媽媽經過深水埗也吃過覺得個芝麻卷味道很濃, 而且好滑無意中在 openrice 見倒原本更好評所以今次買了芝麻卷, 紅豆糕白糖糕同砵仔糕試試味道也不錯我愛芝麻卷同 紅豆糕很美味真係大件夾扺食老公就最愛白糖糕佢一向對白糖糕情有所鍾

之前見笑臉多多，開開心心去左買啲糕同屋企人分享，我係抱著應該唔差同我本身都好鍾意食糕點，係由細至大都鍾意食。食過之後覺得都唔係太好味....要知道佢啲糕賣得一啲都唔平，無咩特別所以都唔會再去買。

去開鴨記，專程走去坤記買白糖榚。以前住係附近，成日都食，質素一向有水準，今次買咗兩件白糖榚，四個半一件架，唔算平。點知一咬落去，實kick kick，一口粉，重有酸味，同以前果D好大分別。走番去問佢地，佢地竟然話而家用緊D新米，係咁架啦，重叫我擰番去放係雪櫃雪凍佢會好食D喎。有冇攪錯，佢地知道問題係邊而唔去改，冇舊米就唔好賣啦，整D咁失水準的食物出嚟，倒自己米咩。簡直不知所謂。你地如果下次想食，最好問下果位買嘢亞姐先，如果仲係用緊新米嚟做榚點，千祈唔好幫襯呀!

每次去深水埗睇完電腦,必定要去拜會"坤記三宝"所以今日如是:砵仔糕:不會太硬又不會太淋,比起坊間嘅砵仔糕多啲紅豆,紅豆好鬆化,整体都不會太甜...讚紅豆糕:外表平平無奇,但入口後即刻化開,個感覺就好似食紅豆沙一樣,夾雜粒狀跟沙狀嘅紅豆, 口感一流芝麻糕:雖然做成千層狀,但同樣入口後化開,化開後即刻感覺到濃濃嘅黑芝麻味,同樣不太甜,我會形容為便攜版芝麻糊(因為係一舊舊)總括來講,大部份都甜而不膩,食多啲都唔會覺得漏........其實有人可能認為一舊糕賣$6比較貴,但這$6係包含咗心機同手功(剩一層一層咁整己經夠哂心機la)再者$6亦都係買一份回憶(可以問吓啲95後,可能都唔知傳统糕點係咩嚟)......

和女友拜訪蘇記後，想吃點甜甜的東西，於是就到了地鐵站附近的坤記。不少人在放工後也到這裡來買些糕點回家，我們也湊湊熱鬧。各樣一大盤的糕點放在鋪頭前，店員預先切下六蚊的份量放在膠袋裡。六蚊一件糕點，說真不太便宜，幸好馬蹄糕帶給我們驚喜。馬蹄糕精瑩通透，爽甜的馬蹄很好吃，感覺清新而不甜膩，很出色。下次經過這裡要再試試其他的糕點，可惜我不太喜歡芝麻，與芝麻糕無緣了！