坤記糕品專家 (已結業)

前幾日坤記上左電視,多人買左,搞到放左工無得買今日我終於買到啦,但過程唔係咁開心,好受氣唔係因為等,而係佢店員的態度真係...好難頂....(唉買糕買到人地要反白眼,然後我都費事同佢嘈)我都明GE,而家佢咁多人買,難免會聽唔清楚我要咩,但我同佢講要2件白糖2件黃糖,成大底白糖糕係我面前我同我講,無喎,賣晒我問佢(指住D白榶糕)果D係咪白糖,佢話係,跟住問,你到底想要D咩...(都話左係2件白糖2件黃糖糕)我咪同佢講,要2件白糖(仲指住比佢睇),仲要2件黃糖跟住佢問,係咪要馬拉糕...我話,唔係佢好無奈咁反白眼,又問,你到底想要D咩...我唉左聲,同佢講,唔洗啦,2件白糖算啦(我明明之前朝早番工有買過黃糖糕,我問佢朝早個男人果D係咪黃糖糕,佢話係,講真,唔係我同事話有,想食,我都唔知有得買)跟住我比埋錢就走人不過買到2件白糖糕都算啦點知....一食落口,首先係一陣甜味充斥口腔,然後一陣酸味由舌頭兩側襲來...我當堂喊一句:「好酸!」我住係呢頭,其實日日番工都會經過佢,之前仲幫同事買比佢做早餐食添係佢未上電視之前,我都有係放工時間買(果陣仲買到,但上左電視之後就成日得番D紅豆糕)果陣買,D