喜鍋 海鮮‧火鍋‧小廚 (已結業)

經常好夜收工既小編，要搵一間開得夜但又吾係好頹既食店吾易呀😭 呢間邊爐係朋友介紹我去架，有日消夜時段去左食。店子既招牌湯底係花膠魚骨湯底，不過果日想食蕃茄湯底😆下次有機會再試下花膠湯底。店內既坐位就咁望算少，勝在我地坐既卡位幾舒適👌🏻我地二人點既食物吾多，上菜速度快, 蕃茄蔬菜湯底好清甜。先黎一碟普通既肥牛，牛味濃，咬落都幾腍。.叫左招牌菜之一既彈牙墨魚丸，巨型大粒呀！第一次食咁大粒既墨魚丸，有視覺效果😂👍🏼 食落夠新鮮，都幾彈牙，入面有夾心架，吾錯吾錯😋.另外，我中意佢地既韭菜餃、豬潤同午餐肉呀！好高質🤤餃菜餃好大隻呀！入面好多餃，百吃不厭😋 豬潤厚切，咬落又滑又爽口👍🏼而午餐肉就最正！都好厚切，口感得，入面有類似煙肉絲咁，好好食🤤👍🏼..整體來講，食材新鮮、高質，份量足夠，價錢合理，會再光顧。

食過喜鍋幾次，再encore，因為打邊爐達人嘅我，最緊要d料靚，同埋服務好，打邊爐想食得高質d，黎呢度就實冇錯啦。叫左個清湯，因為主力食牛，唔想個湯搶左牛味。美國雪花肥牛，d紋超平均超靚貨，牛肉牛有牛味，唔會切得太薄，厚薄適中，入口好有口感。滾一滾就食得，超快。肉同脂肪嘅比例係黃金比例，每一塊都有肉有肥膏，唔會話肥膏多過肉，啱哂我呢個牛魔皇！！白菜好大兜，翠綠鮮嫩，入口清甜爽脆。打邊爐，極力推介「喜鍋」！！

※本文以用餐當日的環境、服務和食物質素為準，口味亦因人而異，文章只作參考之用。 -香港一年四季都鍾意打邊爐，小妹也是，特別係一段時間無打過邊爐就會突然心血來潮想食火鍋，就來到友人推薦的「喜鍋」，地點就腳，就在油麻地地鐵站附近。餐廳有兩層，我們被安排坐在「卡位」特別舒適！餐牌上的選擇很多，而且價錢也真的比較經濟，另外仲有供應數款飯前小食過過口癮。醬料 $10/位竹庶馬蹄茅根 $38打邊爐比較熱氣，叫一渣清甜既竹庶茅根俠就岩晒，甜度適中，飲完喉嚨頓時舒服多了。蟹籽墨魚油炸鬼 $58炸至香脆的油炸鬼釀入煙韌的墨魚滑在內，墨魚味突出，香口又好食。藥膳醉雞鍋（半隻）$128醉雞鍋一送上黎已經聞到濃烈酒香，半隻雞分開上，份量頗多，湯滾時店員會幫手落雞件；湯底入面仲有蟲草花、杞子同紅棗等，除左酒味外仲帶點甘甜的味道，雞肉不鞋口，味道不俗。至尊本地牛頸脊 （小）$208本地牛頸脊每片都切得較厚身，每片肥瘦不一，不過同樣咬落有嚼勁，牛味突出，揀多脂肪位的，咀嚼時有陣陣油脂香，頗好食。自家製響鈴 $42、芝士竹輪 $42仲有火鍋必點既炸響鈴，響鈴都係餐廳自家製，吸湯一流，小心燙咀；煙煙韌韌既竹輪咬落芝士爆

今日終於有時間可以黎下呢間位於油麻地站附近嘅喜鍋，估唔到真係好好食。入面坐位感覺唔算太多，但原來係有兩層！今次我地就無上到去，係樓下坐，都幾有邊爐味！唔洗講咁多，一黎就叫左個花膠鯊魚骨膠原湯底！一黎到心諗，咁少料嘅。。原來我錯哂！用個篩整下，入面原來足哂料，有好幾舊花膠，鯊魚骨，同埋仲有豬手，雞腳等！等佢沸騰，飲左啖湯，真係有驚喜！估唔到咁濃同咁鮮個湯！完全係足料煲出黎，絕對唔會係粉開或者係湯包嘅味道，好正！叫呢個湯底，佢仲會送個甘香泡飯，其實就係一個炸嘅飯，加上一啲湯食都幾正架！個花膠雖然唔係好大塊，但都好夠膠質，唔錯！！另外就仲叫左個頂級安格斯牛頸脊（小），呢個都係意料之外，本身怕佢會老，點知肉質嫩滑可口，好岩打邊爐，口感一流！下次可以再黎食過！！

今日同友人行過油麻地，友人話呢邊有間邊爐唔錯！啲友人成日呃我，今次我照舊信左佢，黎左呢間係油麻地嘅喜鍋，入面都唔算好大，但有兩層，爐用電磁爐，無明火，都好現代式邊爐！唔洗諗咁多，一入去最緊要點左湯底先，友人極加推介花膠鯊魚骨膠原湯底呢個煲睇落只係得湯，因為啲料係哂底！好足料，當然有花膠，鯊魚骨，豬手等，個湯底味道鮮甜都不得了，同埋好濃味，真係幾唔錯，啖啖骨膠原！啲花膠愈煲愈膠，愈膠愈正！好好味！一唔覺意叫左好多野食！樣樣都好新鮮，好唔錯！最like都係呢個墨魚魚麵，因為好少邊爐店仲有呢類麵食，我自己本身都已經好鍾意食架啦，呢個仲要係黑墨汁嘅墨魚魚麵，好彈牙可口，吸埋湯精華，真係無咩可以輸！I like it!👍🏼👍🏼附上餐單，比大家睇清楚，每碟份量都唔少，最後同友人都食唔落哂啲野，所以大家未必要食咁多款，黎多幾次食就可以！唔好浪費😂

今日同朋友們又想打邊爐了就同朋友上網搵下邊間正啦見到有間最近人氣手工火鍋就去咗食見到好多款式嘅湯底都好吸引有花膠鯊魚骨膠原鍋 仲送甘香泡飯仲見到有特別嘅紅酒牛尾鍋花多眼亂 揀咗好耐都揀唔到最後有個朋友話想養生所以我哋就等左花膠鯊魚骨膠原鍋來到見到個喎非常足料 有好多花膠花膠都已經知道好淋 不錯除咗火鍋配料我地仲叫咗個小食 蟹子墨魚油炸鬼墨魚釀係油炸鬼上邊 再加埋蟹子又有口感 又夾而家火鍋配料方面我地叫咗新鮮黑牛柏葉 安格斯牛頸脊等等全部都唔錯幾新鮮

今晚去咗喜鍋食火鍋，餐廳食物款式好多，每碟份量就唔算多，所以啱曬我地兩個人食，唔洗浪費一黎先打個卡，送碟前菜，酸酸地好開胃雪花美國肥牛 $98賣相唔錯，脂肪分佈平均，色澤好靚，夠新鮮口感嫩滑，牛味濃郁薄薄一片有小小入口溶化既感覺秘製芝士墨魚丸 $68比平時更大粒既墨魚丸，係餐廳自己手打，中間仲有芝士墨魚丸爽口彈牙，連我平時唔中意食丸都覺得好味道，四粒真係唔夠喉脆肉鯇魚片$58新鮮脆鯇色澤好靚，而且好大塊，咬口夠脆價錢又唔算貴

今日辛苦咗一日，放工約咗班死黨食餐好既平平地叫個沙爹鍋，味道濃郁，一開始都唔係好辣，不過越食越有味牛魔皇塔我哋都咁鍾意食牛梗係叫個 牛魔王塔啦， 上層有安格牛肉粒，中間係本地牛肉，最底層係安格斯牛肉牛肉粒比較韌，本地牛既牛味濃郁，最正係底層既安格斯牛，脂肪比較好靚，肉質嫩滑日本黑豚肉雖然份量唔多，但係每一塊都好大片， 睇到個樣已經好吸引， 豚肉片肉質夠嫩，有咬口，大大片放入口好滿足手打墨魚丸餐廳既丸類大多都係自己手打 ，而且用料十足，墨魚丸彈牙入味，就算煮耐咗都唔會發脹變大， 雖然分量唔多，不過就貴精不貴多之前黎呢度都有食過呢個蟹子墨魚油炸鬼，食過返尋味梗係要encore， 油炸鬼炸到金黃色中間壤咗墨魚，外面好脆，咬到入面好彈牙，仲面既蟹籽更 增加多一重口感

今晚同左朋友食飯 想搵啲地點方便既 就搵左距離油麻地地鐵站五分鐘路程嘅喜鍋！去到唔洗等位 我地坐低就點左一個好養生嘅招牌花膠鯊魚骨膠原湯配特製既飯作泡飯 先飲一碗湯🥣湯好濃郁 覺得好足料 應該無落味精！ 我地點左個牛頸脊肉 非常好味！有口感 牛味勁濃 推薦大家一定要食！ 我地仲點左個招牌小食-蟹籽墨魚油炸鬼 好脆好香好好味！ 🤤其他點左既火鍋配料例如 薯粉 四寶丸 炸魚皮都幾好味～喜鍋既食物有一定水準 值得一提既係呢到既員工服務態度都好好！我地諗唔到食咩 佢地都好熱心推介 而推介嘅味道都好好😋人均消費大概HK$250左右 都算抵食！

最適合歇腳及聚在一起，莫過於打邊爐了，然而，對於一眾「牛魔王」來說，打邊爐必是最為重要，小妹也不例外。是夜，和家人剛巧來到上海街"喜鍋"，就決定選址這裡。這裡主打海鮮、火鍋、小廚，內裡面積雖不大，但坐得也算舒適。門外也有金魚缸放置了各式各樣的魚類。可能時間太早，入座時周邊也沒有客人，不過其後就越來越多了。先奉上調味料，辣椒、蒜、蔥、麻醬等也一應齊全，自行混醬調味。店員特別推介這招牌花膠鯊魚骨膠原湯鍋/$168做火鍋湯底。湯底內的確有不少花膠存在，還有紅蘿蔔等。味道方面，湯底偏淡，幾乎喝不到花膠的味道，不過大概用來泡肉類，不會有膩上膩的感覺，但也建議加多少少味道會較好。湯底是附送甘香泡飯，泡飯以木筒盛載，份量也不容少覷，三人以言，來來回回每人也可以吃到二碗多。首先將部分泡飯放在碗內，然後加上花膠湯，亦可加花膠成為花膠泡飯呢。由於泡飯口感本身已非常乾身脆口，只加上少量湯，弄得輕微軟腍就立即吃，小妹就認為介是便是最佳狀態了，口感濕潤而不失原有的脆口之感，真是不錯。提一提，單點一客為/$28，也扺食。最期待就是牛魔皇塔/$398，牛牛簡直是精華所在，不過其實望到價錢覺得有點貴，不過確實一分錢一

諗住早少少上床休息之際，老友話見面宵夜打邊爐，雖然已經食飽飯，不過為左聚下都免為其難出左去，呢D時間，上海街附近泊車一般都唔抄牌（不過唔係一定架），市區食嘢就係有呢樣方便呢間火鍋店我經常嚟幫襯，皆因佢就腳、食材出名新鮮，營業到凌晨三點真係想幾時食都得我哋今次揀咗坐樓上，貪佢清淨傾計方便啲餐前小食我哋揀咗，蟹籽墨魚油炸鬼，脆口嘅油炸鬼配上豐富蟹籽在口內爆炸的感覺好過癮今次佢哋就介紹我哋試呢個花膠鯊魚骨膠原湯鍋，仲會跟埋泡飯花膠、豬手、雞腳，非常滋補，男人都要補充下骨膠原架明明唔肚餓，睇見都一樣忍唔住另外呢碟手切牛頸脊，呢碟只不過係細嘅size，已經非常夠份量，雪花分布平均，又有牛肉咬口嘅質感，就係牛頸脊嘅特質，喜歡食牛嘅朋友又點可以錯過手打五寶丸，一次過試齊豬肉丸、牛肉丸、鯪魚肉丸、蝦丸及墨魚丸食到呢個時候將啲泡飯加埋啲濃湯一齊，將所有精華吸收晒，超滿足，呢個食法真係好正香港人其實真係好鍾意打邊爐，除咗要求食材新鮮之外，真係要讚下佢哋細心嘅服務，每次拎食物上來都會介紹一下，客人會感覺到佢哋嘅細心招待

做野做到九點幾，晚餐都未食，朋友提議落油麻地打邊爐，我自己一向食開任飲任食嗰啲，無諗過佢地會選擇一間散叫嘅，但原來真係好大分別嫁，雖然價錢貴少少，但質素真係唔同啲好似湯底咁，已經有好多款，我哋就揀咗個人氣之選：花膠鯊魚骨膠原鍋，湯底$168,仲送甘香泡飯，除返開咁多人，其實都ok嘅係等梗湯底嘅時候，服務員為我們遞上醬汁配料，供我們自己調校，配料齊全，而且乾淨企理湯底與泡飯一齊上枱，服務員好細心咁教我地，當湯底煮滾後，可以先品嚐湯底，然後再配合泡飯一齊享用，之後再打邊爐，當我搞下個湯底嘅時候，見到咁大塊花膠真係好驚訝，原全估唔到咁足料本身以為金香泡飯，只係有味嘅湯飯，但原來佢係好似鍋巴、飯焦咁，好脆口，一粒粒嘅，加啲湯落去，脆得黎又享受到花膠湯嘅滋補，好過癮打邊爐之前，我哋仲帶咗個餐前小食：蟹子墨魚油炸鬼，估唔到油炸鬼除左用黎配粥，仲可以有咁新奇嘅配搭，好味由於時間都夜，第二朝又要返工返學，我地都唔敢叫太多野食。打邊爐方面，牛肉永遠都係主角，呢度個頂級安格斯牛頸脊真係正到無朋友，雖然只係叫細份，但份量一啲都唔少，牛肉雪花分布十分平均，牛肉味濃，必叫啊然後仲有個招牌芝士墨魚丸，雖然＄68只

喜鍋好近地鐵站，行幾分鐘就到，今次帶埋女朋友黎打個二人邊爐~胡椒豬肚湯，奶白色既湯底，非常吸引，未煮滾都已經聞到大大陣胡椒味，等料上既期間已經流曬口水~入邊仲有索湯既蘿蔔同香甜粟米~由於得兩個人，所得冇叫太多野食，不過我同女朋友都係食肉獸，叫左超多肉~牛里脊，睇落非常新鮮，但又係未解曬凍就上枱~第一次食呢個部位，牛味香濃，又唔會太肥膩，同埋份量都唔小嫁~豚肉，最欣賞佢切得夠薄，快熟又唔會“鞋”~蝦滑，可以撈埋蟹子再落煲煮，本身好夠味，唔洗點醬都ok~

去打邊爐，湯底選擇多嘅餐廳特別得我歡心，呢間位於油麻地地鐵站附近嘅喜鍋，有成18款湯底俾你揀， 搞到我哋掙扎咗好耐都唔知揀咩好。最後決定要花膠鯊魚骨膠原湯，呢個湯飲就飲得多，用嚟打邊爐就真係未試過。乳白色嘅湯底調味恰到好處，自然清甜，帶有膠質，好養顏啊！湯水好味之餘，仲非常足料，花膠煲到腍晒，襯未開始打邊爐我已經飲咗好多碗啦！一檯美食有牛坑腩、牛頸脊、珊瑚蚌、手打墨魚丸...牛頸脊係牛身活動量最多嘅部位，口感爽滑，肉味香濃，切成薄片淥一淥就食得。牛坑腩每一塊都帶點牛筋同牛脂，食出肉質腍、牛筋爽、油脂香。珊瑚蚌淥得太耐就會變韌，灼一灼就最鮮味爽口啦。手打墨魚丸Q爽彈牙，讚啊！壓軸仲有香脆可口嘅脆米泡飯，加入湯底，米粒吸取曬湯嘅精華，滋味倍增！

是夜相約朋友來到油麻地一間火鍋店《喜鍋》晚餐。呢間火鍋店位處上海街，也不算難找。店外已看到裡面擺放了不少海鮮，除了火鍋外，亦有刺身等。早了一點來，晚上只是七時許，人流不算多，亦不需等位。食物選擇多，應有盡有，亦有新鮮海鮮提供。醬料有六款，基本尚算齊全。先點湯底。招牌花膠鯊魚骨膠原湯湯底混入花膠及鯊魚，色澤奶黃色，有豐富骨膠原，不過味道偏淡。脆鯇骨腩推介之一係呢個脆鯇骨腩，非常大件，賣相不錯，挺新鮮，整熟後，口感爽脆，非常有咬感，和湯底好夾。甘香泡飯湯底仲送左個甘香泡飯，加小小湯底，食落還有粒粒脆口感，仲可以加埋花膠，變花膠泡飯。近鏡可見，鯇骨紋理鮮明。炸魚皮比預期中份量超多，一籃也裝得滿滿。大概份量可以夠四至五人，每件都脆口，不浸都已經非常好吃。健康芋絲其實每碟都边大份，呢碟芋絲食落去好爽口，都唔錯，另外最正係吸埋湯底。整體唔錯，食物好新鮮，份量又大大份，下次可以再來。