喜鍋 海鮮‧火鍋‧小廚 (已結業)

今日終於有時間可以黎下呢間位於油麻地站附近嘅喜鍋，估唔到真係好好食。入面坐位感覺唔算太多，但原來係有兩層！今次我地就無上到去，係樓下坐，都幾有邊爐味！唔洗講咁多，一黎就叫左個花膠鯊魚骨膠原湯底！一黎到心諗，咁少料嘅。。原來我錯哂！用個篩整下，入面原來足哂料，有好幾舊花膠，鯊魚骨，同埋仲有豬手，雞腳等！等佢沸騰，飲左啖湯，真係有驚喜！估唔到咁濃同咁鮮個湯！完全係足料煲出黎，絕對唔會係粉開或者係湯包嘅味道，好正！叫呢個湯底，佢仲會送個甘香泡飯，其實就係一個炸嘅飯，加上一啲湯食都幾正架！個花膠雖然唔係好大塊，但都好夠膠質，唔錯！！另外就仲叫左個頂級安格斯牛頸脊（小），呢個都係意料之外，本身怕佢會老，點知肉質嫩滑可口，好岩打邊爐，口感一流！下次可以再黎食過！！