喜鍋 海鮮‧火鍋‧小廚 (已結業)

熱天唔打得邊爐？其實火鍋日日都開到成巷成市，就知道打邊邊無乜天熱天凍，今日去食邊邊又有乜野好怕。喜鍋地點唔係人流最旺既彌敦道或者女人街，係上海街一樣有一大班支持者，皆因用料新鮮價錢公道。一坐低就有自助醬汁慢慢畀你調配，然後就選湯底點配料。雲耳青瓜($0)只要點擊喜鍋Fackbook讚好，就可以有一份，味道幾好，雲耳好爽滑。鮮果椰青雞鍋(半隻雞)($138)單睇隻雞咁大隻，因為完勝好多坊間雞煲。鍋內有蘋果、火龍果椰青等配料，令味道絕不單一，而且可以減低湯底的油膩感，食落更為健康。加雞煮滾湯底，雞肉已經食得，香氣四溢，雞肉嫉滑多汁，骨少肉多，入口鮮甜爽滑，而且湯底鮮美，食完唔會有喉乾之弊，可以繼續食其他野。最緊要係湯底鮮而不膩，淡淡椰香和雞味，令人食指大動。蟹籽墨魚油炸鬼($58)熱食菜色，單睇油炸鬼上蟹籽分量極多，直情多到瀉晒出黎，一唔小心筷唔好，蟹籽就會倒晒架啦，油炸鬼內的墨魚滑令它口感外脆內軟，蟹籽鮮味，點上泰式甜醬令食物更多層次，亦消除了油膩的感覺。蟶子皇及韓國北寄貝($38及$58)蟶子皇只餐牌內的常備菜色，但北寄貝便是時令海產，因為老闆今天剛剛返貨，特意推介便點了一隻，一開三份

好耐無一家人出去打個邊爐，親夏天來臨之前，打埋今季最後一次，喺旺角行完街之後就求其揀左一間食，食完發現又唔錯喎。頭先佢有好多湯底揀，我哋成家人有食辣又食唔辣嘅，所以都係揀咗個清小小嘅湯底，叫咗個真菌冬瓜上素魚煲＄98，個湯底好足料，有好多唔同嘅菇類，唔需要再額外叫啦。蟹子墨魚油炸鬼＄58油炸鬼揸得好趣，裏面用咗好多墨魚滑，好足料，食落好彈牙，上面啲蟹子一淥就會熟，熟咗變咗個口感更加有彈口，一碟有六舊，都幾抵食。安格斯牛頸脊＄248牛頸脊嘅厚薄倒刺得啱啱好，一六就好快熟，而且雪花分布好好，我同我屋企人都唔係好識肥，呢一個雪花分布就啱晒我哋，啲肉夠瘦之餘，牛油嘅甘香味仲喺度。手打鯪魚丸＄48寧願都幾彈牙，但係我哋屋企食開係加左胡椒粉再另外自己打，相對地就比我自己屋企食嘅失色啲啦。甘香泡飯＄28呢個出面冇乜點見過，用一個竹筒妝好得意，裏面係煎香左金黃色嘅飯焦，撈湯食個魚湯同啲飯融合埋一齊，咬落去索索聲，非常好食，而且價錢唔貴，好值得試吓。鮮腐竹＄28腐竹夠滑，有好有黃豆味。黑椒牛筋丸＄38黑椒牛筋丸好彈牙，裏面好juicy，黑椒嘅份量啱啱好，食落又唔會太辣，好友牛肉嘅味道，且都幾大粒，好夠食

今次帶咗表妹去食好西由於表妹都好食得🤣於是我哋就去咗喜鍋打邊爐着重美顏嘅我叫左個養顏湯底招牌花膠鯊魚骨膠原湯底 ($168)湯底啲料好足 勁多花膠配上佢送嘅甘香泡飯 超正👍🏻之後又點少得頂級安格斯牛頸脊 ($178)配上花膠湯底 牛味更突出至於手打五寶丸 ($88) 都好特別 粒粒都好新鮮當然呢度最特別就係有得叫吊桶食啦 ($48)價錢唔貴 而且份量都好夠最後我推薦大家飲佢哋嘅竹庶馬蹄茅根 ($38)勁清甜 打邊爐飲一流🤤________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

當晚，跟個女街坊食友走到旺角上海街略有風味又嘈吵的火鍋店 <喜鍋> 食火鍋，價錢算大眾價！麻煩了早放工的她先行入座！火鍋店佔地兩層，我們被安排到入門口那一層，餐桌分兩旁，左面為卡位，右面則有四張枱，靠牆位置是梳化位，我們坐在第四枱，這裏頗為嘈吵的關係，第一枱說什麼我們也聽得一清二楚！老闆態度有禮！女侍應主動加湯攪拌免黏底，值得一讚！這裡的火鍋配料算多元化， 我試咗兩樣從未試過嘅食物：牛脷託及鴨粉腸！😂😂亦有餐前小食供應！飲品不乏酒類，種類繁多！醬料 $20一位 有六款醬料任君選擇，包括：辣椒、蒜頭、炸蒜頭、花生醬、蔥粒...等！桌上已齊備火鍋爐、餐具及紙巾！竹蔗馬蹄茅根水 $38一渣竹蔗、馬蹄、茅根及紅蘿蔔， 真材實料！卻是入口幾甜， 好似飲糖水一樣！蟹子墨魚油炸鬼 $58火鍋及配料尚未送到時，我們可以先食小食醫肚！蟹子墨魚墨魚油炸鬼一客六件， 美中不足略嫌墨魚膠太少，油炸鬼香脆可口， 蘸上酸甜醬增添風味！ 我們也一致認為，淋上火鍋湯更滋味呀！招牌花膠鯊魚骨膠原湯鍋 $168 (送甘香泡飯)個湯鍋好巨型，好像食盆菜的盆！一聽見骨膠原，女人的恩物，真是女生大愛呀！湯底清甜

好耐都未去過打邊爐，今次約埋三五知己舉杯聚一聚。 今次去咗喜鍋 。呢度非常就腳，附近都有街位泊車，湯底梗係最緊要啦，我哋比較鍾意食啲清清地啲嘅湯底，所以揀咗個魚湯海鮮湯湯底。 海鮮非常足料，大大隻海蝦，大蜆..配上香濃嘅魚湯，本身嘅湯料亦都非常夠份量，海鮮類別亦都好多。😘😘😍牛揀咗牛頸脊，唔會太肥，咬落去仲好有口感。唔會好似一般嘅肥牛，淡淡肥肉,喜歡食牛嘅我當然係滿足呢度嘅主打芝士墨魚丸， 呢個係每日師傅會手打嘅，咬落去特別彈牙，特別嘅系，咬落去嘅時候，會有芝士流出，😍😍😍鮮蝦雲吞，爽口唔會有任何肥豬肉係雲吞入邊，鮮蝦之外，味道亦都係perfect . 😘😍👍🏻我哋仲要嗌左唔同嘅蔬菜，蔬菜亦都係好新鮮，粟米真係果然係極度鮮甜，難怪名字都係叫鮮甜粟米啦🤗🤗😍

之前係Facebook 見到喜鍋嘅post 好似好正咁 難得今日準時收工就同同事即興去左喜鍋打邊爐relax下 醬料每人10蚊有好多口味選擇 最鐘意就係麻醬 招牌花膠鯊魚骨膠原湯鍋湯底勁足料 有紅蘿蔔 雞腳 豬腳 鯊魚骨同好多花膠 味道好鮮甜濃郁 入口滑一滑仲送甘香泡飯 香脆可口加埋啲湯落去泡一泡滋味到不得了蟹子墨魚油炸鬼將蟹子同醬墨魚肉鋪係油炸鬼面頭入口脆而彈牙 口感層次好豐富雪花美國肥牛一盤份糧好多牛肉滾完依然色澤鮮豔肉質幾嫩口多汁秘制芝士墨魚丸 秘制芝士牛丸Size大過乒乓球入面芝心真係無得頂個人鐘意芝士墨魚丸 墨魚肉鮮甜彈牙黑椒牛筋丸味道重黑椒味牛筋丸幾多汁唔會韌口松葉蟹柳手指咁長滾完仲好實唔會散幾鮮甜雜菇拼盤好多種類嘅菇有金針菇 秀珍菇 雞髀菇 份糧都多食左咁多野埋單都係每人二零幾 有質素又特別 唔錯唔錯！

今時今日打邊爐仲用緊現成包裝湯底？食豪dd，先對得住生活嫁嘛！用花膠熬湯底嘅火鍋，點睇先！🤩———招牌花膠鯊魚骨膠原湯鍋(送甘香泡飯) $168骨膠原湯底的確足料，有花膠、豬手、雞腳、鯊魚骨😱花膠大大塊有口感嫁😋豬手雞腳雞腳亦厚肉👍🏻不過可惜味道上就偏淡！要煲好一段時間才出味呢🍚附送的甘香泡飯夠香口，拌湯食吸味，不錯😋.🦀蟹籽墨魚油炸鬼 $58油條外脆而蝦滑爽彈，加上蟹籽更添口感，炸得香口，不錯呀👍🏻.頂級安格斯牛頸脊 $178油脂雪花分佈均勻，牛味濃富油脂香，口感嫩腍，份量大，正！.🧀秘製芝士墨魚丸/ 牛肉丸$68內餡芝士軟滑味道濃香惹味，墨魚肉口感爽彈味道好夾👍🏻不過牛肉丸就無論味道/口感都比下去呢！.🦆鮮肥鵝腸 $78「肥」鵝腸真係好肥，好肥呀！鵝味濃甘香又新鮮，不過真係太肥啦！😂😂.西洋菜 $28份量不少，新鮮，洗得乾淨👍🏻.竹庶馬蹄茅根 $38足料，清甜又潤👍🏻

舊陣時，食#花膠 係家境嘅象徵🤑💰💰💰又或者係過時過節，飯枱上先會多碟花膠😳不過今時今日，隨住香港人生活水平提高/ 花膠價格開始減低(當然啦，有貴賤之分嘅😂)花膠越來越普遍，普遍到，甚至由主角變配角，變成熬火鍋湯底的配角🤣🤣🤣———🍲招牌花膠鯊魚骨膠原湯鍋(送甘香泡飯) $168#骨膠原 =四大件花膠、三大舊豬手、三大隻雞腳、一大堆鯊魚骨😱淨係個湯底，已經覺得不得了！因為係超.足.料！🤩花膠大大塊仲唔薄，煲耐左真係好膠好有口感嫁😋豬手都大大舊厚肉，雞腳亦好大隻👍🏻不過略厭飲落比較淡無味☹️到煲耐左先開始有味飲就好飲好多啦！不過果陣湯底經不同肉類「洗禮」後已經泛滿肥油🤣已經無勇氣再飲🤣🤣🍚附送的甘香泡飯原來係炒米，拌湯食好香口，又真係幾夾幾好食👍🏻.🥩頂級安格斯牛頸脊 $178油脂雪花紋好靚仔，輕灼幾下，牛味濃富油脂香，口感嫩腍，正呀喂🤩細份量仲要一啲都唔細！絕對足夠兩人分👍🏻.🧀秘製芝士墨魚丸/ 牛肉丸$68兩款肉丸的size都比一般大，包著芝士軟滑味道濃香惹味，墨魚丸好味口感帶點爽彈👍🏻不過牛肉丸就較遜色啦！無論味道/口感都比下去呢🙈.🦀蟹籽墨魚油炸鬼 $58當油條拋棄白粥而搭上蝦滑和

Yeah happy Thursday !臨近weekend胃口總係好好所以今晚約左朋友去打邊爐起油麻地搵到間平平地質素又幾好既邊爐位置起上海街既地鋪 都幾易搵到自己可以揀醬料配料～每人$10整完醬料 老闆仲介紹我地食呢到最出名既蟹籽墨魚油炸鬼果然冇介紹錯！油炸鬼炸得香脆上面釀左啲墨魚落去炸墨魚食落幾彈牙最上面仲有一粒粒蟹籽一啖咬落去口感幾豐富要左花膠鯊魚骨膠原鍋仲送埋甘香泡飯等個鍋滾 就可以倒啲湯落去撈飯食飯粒炸得香脆配埋個骨膠原湯 每粒飯都吸哂啲湯好好食！仲叫左個雪花肥牛肥瘦適中 顏色都幾靚食落有牛既香濃同嫩滑好快就ko哂成碟仲叫左其他蔬菜同菇食得好飽提一提大家Like facebook仲送小食～青瓜木耳

約咗朋友喺油麻地附近買嘢，買完野，一行四人喺附近搵嘢食，朋友介紹呢間佢之前食過嘅火鍋店覺得性價比好高，我哋決定試一試入到去店員好殷勤咁安排我哋坐四人卡位，地方算闊落而且裝修算新淨，因為我哋好怕一啲火鍋店感覺好似好油煙、好污糟咁，但呢度完全冇呢個感覺，店員仲會介紹呢度比較多人叫嘅食物，服務算幾好湯底方面我哋選擇左魚鍋海鮮鍋，估唔到咁嘅價錢但係海鮮份量都算幾多，湯底算清甜而且海鮮亦都算新鮮牛肉方面我哋選擇咗手切肥牛-大嘅份量，基本上佢係有兩個牛肉部位喺度，一邊係油脂分布比較多，比較食到油香，另一半係牛肉味比較重，整體感覺唔錯，因為可以一碟牛肉食到兩個唔同嘅部位粟米份量算多，而且冇渣，算幾清甜鮮腐竹好香豆味最後想讚一讚呢度嘅炸魚皮，因為店員介紹係呢度嘅廚房自己炸，所以比較新鮮同香口，基本上就咁食都已經好香好好味，必試

依家四周圍都充斥着一啲特色火鍋店，好多唔同嘅噱頭同新意會推出嚟，呢一日朋友帶我來，話還原基本步，食返最原始最基本嘅火鍋。食完之後，真係還是覺得你最好。火鍋材料都係用返最基本嘅！價錢十分公道！有少少小菜可以選擇。呢一個好大嘅魚湯海鮮鍋只係售 $208！入面已經有大蜆，蝦同大量嘅雜菌！湯底鮮甜，好抵食！呢一碟本地手切肥牛好大，牛肉味好濃！一啲都唔輸蝕什麼和牛！而且𡁻起來更加有口感！牛肉味濃郁，肥瘦適中，而且好有𡁻口！口感十足！粟米又大，又鮮甜多汁！估唔到一碟炸魚皮可以有咁多！等於平時嘅雙倍份量！四個人都食唔！好香脆！西洋菜亦都好新鮮！呢度嘅芝士墨魚丸同埋牛丸係自己手打嘅！超級彈牙！要小心入邊嘅芝士爆出來！好熱！食完之後真係覺得好飽，千祈唔好叫咁多嘢食！因為冇一碟嘅份量都好大！其實唔係要特色邊爐先至好，呢啲踏踏實實嘅絕對有另一番風味！

考完試唔好比佢停，今次同男友去旺角搵食，想食d熱食～就搵到呢間餐廳。醬油每位十蚊，價錢合理。招牌鯊魚骨膠原湯鍋$168湯底非常豐富，用料十足，有鯊魚骨、雞腳、魚肚、豬手等等食材，建議大家晏少少先食，會更淋更入味架！是女仕美顏之選！湯底之後可以配甘香泡飯，脆卜卜，更為惹味！頂級安格斯牛頸脊（小）$178侍應細心講解，話本地牛肉牛肉味會較濃，但就會有嚼勁一點，而安格斯就會滑d,牛肉味相對淡，因為懶得咬😝，就點了安格斯，油脂平均，又不會太肥，都好好食呢！魚三角$68因為好鐘意食有骨既野，就點了魚三角！魚肉好滑，魚油豐富。呢度蔬菜價錢合理，叫多少少都唔怕！同埋都幾大盤！鮮冬菇$28冬菇鮮甜爽口！菜心苗$28翠綠幼嫩呢度食物價錢合理，質素佳，侍應服務態度細心有禮，係有心既小店。👍🏻👍🏻⭐️

今次同兄弟黎到旺角打邊爐，兄弟卜左一間小店，閒日夜晚都唔少人卜位食飯。醬料架用料新鮮，都有唔少選擇。叫左招牌鯊魚骨膠原湯鍋$168湯底有豬腳、鯊魚骨、魚肚、雞腳、芫茜，入口清甜，愈煲愈滋味。仲包埋脆米撈湯食！好正！頂級安格斯牛頸脊（小）$178牛肉味岩岩好，入口唔會太韌。蝦丸拼墨魚丸$58同價錢既丸類可以雙併不用加錢，新鮮彈牙，仲食到粒粒蝦肉、墨魚肉。響鈴$42新鮮即炸，5秒就得！好鬆化呀！Ashahi $26打邊爐又點可以唔飲啤酒？識飲一定飲朝日，入口香醇，苦澀味淡。呢度酒水價錢相宜，叫多幾支都唔怕。

係香港全年365日都可以打邊爐嘅我，呢一日朗豪坊睇完戲，我地過左黎「喜鍋」食火鍋。我以前同朋友嚟過呢間火鍋店打邊爐，覺得水準唔錯，今晚再同朋友返轉頭再試，水準依然keep到。湯底方面，由於朋友唔食辣，所以點左清湯底。我哋叫咗牛頸脊，份量適中，質素靚牛肉，有半碟肥少少有根位，啱鍾意有咬口嘅人，輕灼幾秒已食得，好味！！魚皮餃，大粒同皮薄料多。飲品方面，除咗汽水、啤酒之外，亦有竹蔗茅根一楂，兩個人慢慢飲，味道亦唔錯，清甜夠潤喉，用黎清熱 真係岩岩好幾抵食，想信不久又會再encore～