喜鍋 海鮮‧火鍋‧小廚 (已結業)

同同學教完班真係攰到傻左，就準備去大食一餐，飲下湯又食下好嘢就自然會搵下邊爐，見到依間幾就腳就去試新嘢🤤有驚喜嗌左嘢飲先，竹蔗茅根雖然偏甜，但飲得出足料，十分解熱氣之餘又真係好飲☺️鬼馬墨魚滑油條都好好味，墨魚滑彈牙，油條香口酥脆✨嗌左鯊魚骨花膠湯底，好好飲，齋飲湯都飲左兩碗，清得嚟又補，花膠大大件勁大方😽墨汁魚麵好高質，好難得有魚麵食仲要食到勁新鮮嘅味道，有彈性又有大大粒墨魚粒🤤🤤至愛鮑魚冇花巧嘢，新鮮👌🏻雞脾菇同響鈴都好味鯇魚骨腩同魚腐都高質蜆十分大隻鮮甜，冇沙又啖啖肉☺️☺️☺️蝦勁大隻，彈牙，新鮮鮮甜😌蝦滑都十分彈牙好吃整體嚟講都好吃，值得一試🤤🤤

帶屋企人打邊爐，聽朋友介紹呢度抵食，加上之前睇定餐牌，加上知道屋企人想食海鮮鍋，所以專程嚟食。落左單，叫左啲香菇，之後先知海鮮鍋原來都幾多菇菌。海鮮都唔少但係唔夠菇菌多😂個湯鍋都幾巨型，都有魚湯味但係唔算好鮮甜，反而係因為有少少菇菌嘅關係所以有少許味甘有三隻大蝦，份量十足屋企四個人，每人都分到兩三隻蜆至於蟹呢就有一隻白蘿蔔片係鮮甜$28 鮮冬菇份量多到食唔晒， 最後要打包豬潤都非常新鮮，食落口感爽口，唔會澀。鮮腐竹係值得推介嘅，豆味香濃口感滑，特別係配海鮮鍋呢啲健康類湯底都好夾真心推介自家製響鈴($42)，價錢唔算貴，總共有6個。炸得香脆又唔油，輕輕浸兩三秒， 外層索少少湯汁，內面保持脆卜卜，口感同味道都超贊！皇帝菜尚算新鮮墨魚滑超級彈牙， 值得一試！提提大家醬汁係每人＄10 㗎！四個人食咗$680， 咁嘅價錢食到海鮮鍋性價比算高，地點又就腳

去旺角食飯，食喜歡的火鍋，通常打邊爐都會叫個清啲嘅湯底，但近期想食啲濃味野，就叫紅酒牛尾做湯底，其實我都係第一次試，點知一食便愛上！紅酒燴牛味通常係高級餐廳就會食到，牛尾要淋又入味， 通常要咬幾個鐘，呢度嘅牛尾非常入味，入口即化，證明煮咗好多個鐘，一個湯底都花咁多時間，值得嘉許，而最令我驚喜嘅，就係當紅酒燴牛尾湯底送上，附上一杯紅酒，在煮食前淋上，增加左紅酒嘅香氣，食物更好食！呢度嘅安格斯牛肉，真係不得了，厚切之餘，仲好重牛味，可能湯底都係牛味，配合好好！貴妃蚌係我最鍾意叫嘅海鮮之一，爽脆鮮甜！雞肉佢都比上盛嘅雞脾肉我，配合紅酒嘅湯底， 10分惹味！蝦滑上面有好多蟹，口感很好，脆脆蟹子以及爽滑的蝦肉！

成班朋友仔聚會，個個都係食肉獸，係星期日既旺角，要搵好野食但又唔想等位，都真係有一定難度，行多兩步去到上海街，原來都有唔少好野食，今次試呢間喜鍋，真係食肉獸既飛佛。未打邊爐之前，叫個蟹籽墨魚油炸鬼小食試下，油炸鬼上面有唔少蟹籽，多到一夾就瀉晒出黎，而且因為即叫即炸既關係，油炸鬼同墨魚滑口感外脆內軟，加埋脆脆地既蟹籽，令食物好有層次，又唔會太油膩。打邊爐點少得肥牛，三層高既牛魔王塔有本地牛頸脊同安格斯牛頸脊，加上肥牛粒，視覺上已經好興奮。牛肉粒食落好口感，牛味突出，有唔少脂肪位，食起黎會有油脂香，而且一啖一粒，幾好食。而牛頸脊有兩款，每片都切得厚薄適中，邊位有少少脂肪，肉味幾香，有少少筋位，灼幾秒就食得，好軟好嫩。而呢款既雪花比較多，較多油花，而且入口好香肉味，但唔會好肥。大部分丸都係師傅手打製造，手工做牛丸既當然特別彈牙，而且好juicy 好多肉汁。鴨血亦都係火鍋既好朋友。呢度既鴨血滑得黎有少少煙韌質感，嫩滑而厚實，加上好夠香，吸曬湯汁，好好食！黃沙豬潤，同平時既豬潤真係好唔同，比一般既豬潤香口之外，淥完都好嫩滑！雞件方面都好新鮮，好有雞味但唔會太肥，而且肉質好滑。響鈴係呢到自家製作，

朋友生日，多人都係離唔開火鍋，放題架喇，4人去左喜鍋食。湯底都有好多款，我地揀左魚湯海鮮喎，因為有海鮮關係，個湯好甜唔錯。熟食有甘香泡飯，蟹子墨魚油炸鬼，呢個係店大熱推介，ok唔錯既冇令人失望。甘香泡飯都係大熱，不過呢，佢係似米通咁炸左啲飯，食落冇乜味既，要用火鍋湯撈落去食，好似湯飯咁，冇咪既飯加火鍋湯即是本來湯底味，冇咩驚喜，我會比教喜歡火鍋烏東多啲。可以一試既。火鍋配菜有，頂級安格斯牛頸脊，鮮肥餓腸，黃沙豬潤，魚三角，蟹子墨魚滑，鮮蝦雲吞，健康芋絲，唐生菜，重帝菜，萵荀，紅薯粉。不得不提既係鵝腸，真係超肥美好多脂肪，口感一流，味道濃郁。豬潤都唔錯，好厚好大塊，重要都幾新鮮。魚三角啖啖肉，好滑。呢3個大家去到都試試，其他整體都ok既。下面有相同大家分享下

人大咗，揀嘢食嘅時候就自然會比「骨膠原」呢三個字吸引住，一search之下，我同朋友決定嚟呢度邊打邊爐邊補充吓啲骨膠原！［招牌花膠鯊魚骨膠原湯鍋，$188］除咗花膠、鯊魚骨外，湯底入面仲有豬手同雞腳等，係充滿骨膠原嘅湯底呀！湯頭非常鮮甜，我哋都一人飲咗一碗先開始淥嘢［甘香泡飯］跟個湯底送嘅飯焦有清香荷葉味，放喺自己個碗度再加湯做成泡飯，好好味［頂級安格斯牛頸脊（小），$188］牛肉油脂分佈均勻，花紋好靚，肉質軟滑，牛肉牛脂味都好濃［大連鮑魚，$38/隻］鮑魚起咗殼𠝹咗花，淥4分鐘就啱啱好。鮮甜得嚟又爽口彈牙［大海蝦，$148］啲蝦好大隻！但一份只得5隻，貴咗啲，而且唔太新鮮［萵筍，$28］我嘅打邊爐必點之一［酸梅湯，$38/渣］打邊爐唔少得嘅酸梅湯，唔太甜，止渴消滯一流另外醬料費每位$10，不過有啲失望冇芫荽

今日同朋友去左旺角既一間火鍋店到食野。睇OpenRice,見個評價都唔錯有200 幾個笑哈哈。之前都有食過火鍋雞煲店，但覺得呢到既料比較新鮮，服務周到，環境都十分舒適。一入到去，先尼兩杯水，仲有水比我地洗手。然後有店員比左個調味醬盤，裡面有大概10 款唔同既醬料，好似蔥花，蒜頭，炸蒜，辣椒醬，等等可以拿。我地簡左個麻辣鍋湯底，浸麻辣味唔係川菜既麻辣，比較淡，都唔係好咸，個人比較中意冇咁咸既湯底。唔好以為湯底得湯，入面仲有豬紅，萵荀，豬皮等等既配料，淨湯底都好豐富！個肥牛好新鮮，唔算好貴，比起平時食既肥牛較為厚身，脂肪同瘦肉比例平均，係靚牛肉，食落都幾嫩口，爽滑。個墨魚滑係手打架！特別之處係上面既蟹籽，我將墨魚滑搞勻後再擺進鍋裡，確保粒粒蟹籽都係入面，咬落有雙重口感，非常爽滑，必嗌啊！生菜好新鮮呢個係青瓜木耳拼盤，呢個冷盤係免費架，只要掃一掃店裡活動貼紙個QR code, like 一like 喜鍋既Facebook page 就可以免費獲取。味道都幾好味，酸酸地既醋醃拼盤。呢個都係店裡既特色火鍋配料，係店裡既手製牛肉芝士丸，牛肉係免治牛肉，唔係出面買番尼粗糙既牛丸，食材咁新鮮，感動。

香港人都好鍾意食火煱，我也不例外，所以今晚即慶約埋幾個朋友一齊打邊爐上喜煱facebook網頁打卡，即可免費享用小食一碟今晚係拍黃瓜雲耳，酸酸涼涼的，好開胃湯料未到，再來一客小食~蟹籽墨魚油炸鬼$58脆脆的油炸鬼夾住彈牙的墨魚滑，上面仲有一堆堆蟹籽，點埋酸甜汁，好美味湯底揀左魚湯海鮮煱~$208材料好豐富，有大蝦，蟹，扇貝，大蜆，鮮菇，雞脾菇，木耳和蘿蔔，加上係魚湯，所以湯底好鮮甜頂级安格斯牛頸脊(大)$268份量好足，大大塊，好嫩滑和牛味濃好值得推介鹅腸$78~好濃鹅味，千祈唔好淥咁耐黃沙猪潤$38~厚厚的，大大片，好鮮嫩，美味鮮蝦雲吞$48~皮薄薄，無鹼水味，蝦又新鲜爽脆蟹籽墨魚滑$68~好彈牙，有墨魚味魚三角$68~係魚頭與魚鮫中間的位置，好嫩滑，好正菜疏都好新鮮，尤其係萵筍，特别鮮嫩！甘香泡飯$28~介乎飯焦與米通的質感，脆脆的，加上打完邊爐的魚湯一起吃，真是perfect

一年四季，不分冷熱，打邊爐都係最佳戰友。因為可以大包圍咁一鑊熟🤣今次黎到呢間港式打邊爐，位置唔算好隱蔽，而且時間尚早，見唔算太多人即刻入去涼住冷氣咁打邊爐💖位置夠哂闊落，而且強勁嘅冷氣，加上光猛 嘅環境，食得安心又放心❤️而且scan佢地每張台既qr code 每台即送一客指定小食，咁又慳到幾廿蚊啦👏打邊爐點小得新鮮既醬油配料！我最愛既有蔥，蒜 同 小量辣椒😋😋呢個小食真係不得了呀，炸到香脆可口，新鮮漲卜卜既蟹子，＋埋個甜甜酸酸既醬汁食，係幾野味嫁😋呢個胡椒湯底我哋好鍾意， 夠鮮甜而且入面唔止有豬骨，仲有雞腳，粟米，蘿蔔等等。令到個湯嘅香甜味更加之濃，而且飲咗幾啖，都唔覺得好口渴🤤啖啖都係肉，一於食埋佢唔好浪費❤️大大個，亦唔會好油膩，十十零秒就好撈上黎，出面索左d湯汁，而入面仍然好香脆🤫打邊爐一定要叫個勁索湯汁既麵，烏冬係我既好朋友❤️只要十到岩岩好，夠哂彈牙滑嫩😊呢個岩哂中意食內臟既朋友，而且佢真係好爽，好有咬口，小d牙力都未必食到嫁😆另一款我最愛既食物，魚滑口感好彈，蟹子份量都足，唔洗煮好耐，就咁食都覺好鮮味🤤

今日同朋友食飯佢話旺角有間打邊爐小店好正，淨係食個湯底已經夠，好多人都book位去食，就帶左我地去喜鍋。放工時間七半都已經坐滿，不過原來佢都有二樓，但最緊要訂台，台台客都係訂左台冇乜walkin客。其中一個個friend話一定要食嘅就係蟹籽墨魚油炸鬼，第一次見呢個組合，又幾新鮮幾好食。炸兩好香脆，再釀左墨魚滑，再加蟹籽，個口感層次好豐富。咁打邊爐就叫左個招牌花膠鯊魚骨膠原湯，聽個名已經勁吸引，又花膠又骨膠原，女仔最愛，個鍋黎到真心足料，大大舊花膠係入面😍個湯好香濃，feel到每啖都係精華，愈食愈靚。所以個friend話淨係飲個湯都抵。佢仲要送埋一個泡飯，一個好似飯焦嘅米，加番個湯入去泡黎食。未試過咁樣食但又幾好味，脆卜卜，又加左湯泡番軟少少，都幾過癮。打邊爐料頂級安格斯牛頸脊真係必叫，牛質勁靚，肥瘦岩岩好，d紋路好靚，真係好嫩滑。另外個黑椒牛丸都好好食，好爽口彈牙，又多汁，咬落去d汁爆晒出黎👍🏻打邊爐料都幾多選擇，不過我地都係怪住食個湯底，都係點多d 吸湯嘅食物，響珍都好好食，新鮮即炸響珍最岩配合靚湯底。打過呢次邊爐覺得個人好補。

跟排成日都要去旺角果頭，晚飯都要係果邊搞掂，朋友就向我推薦呢間高質嘅打邊爐，一試果然係非常唔錯。一去到老板就比左呢個醬汁盤我地慢慢調醬汁，跟番個人口味去揀，唔怕唔好味。因為打邊爐比較熱氣，就叫左一渣竹蔗茅根飲，非常有驚喜! 竹蔗茅根飲落非常之清甜， 有香濃嘅竹蔗味，飲得出係落足料煲，非常解渴。我哋就分別叫咗清湯同麻辣兩個鴛鴦湯底， 湯底入面本身嘅材料已經非常豐富， 麻辣嗰邊有豬皮、豬紅等; 而清湯就有娃娃菜同豆腐。 打邊爐當然就唔少得肥牛喇， 呢度嘅肥牛非常之新鮮， 入口嫩滑同有牛味。呢道小食我只係係呢度食過，非常有新鮮感。 傳師將炸得香脆嘅油炸鬼入面讓入咗墨魚骨同蟹子，味道非常唔錯。蔬菜拼盤入面嘅菜多嘢新鮮同洗得幾乾淨， 有生菜、娃娃菜、白菜仔等等。呢個嘅響玲係自家製嘅，大大個咁，同出面嗰啲一樣，食落口感較佳。牛丸亦都係還是新鮮製造， 所以要煮得比較耐先至會熟曬， 我哋叫咗呢款入面係包住芝士嘅。牛丸食落口感彈牙，咬入去會有芝士流出黎，相當好味。

上星期朋友係旺角放工，突然想打邊爐，經過呢間火鍋店見到d湯底幾工咁，一於試下配料選擇多有唔同既特色鍋底及配料我地點左呢到既招牌花膠鯊魚骨膠原鍋，送埋甘香泡飯，湯底好清甜濃郁，養生美顏之選等湯滾左之後就加d泡飯落去，炸完既飯配上香濃湯底，很爽口打邊爐當然要叫牛啦！呢到既安格斯牛紋理清析，肉質新嫩肥美蟹籽墨魚油炸鬼就咁食又得，點一點湯食又得，墨魚新鮮彈牙魚片都幾爽脆最愛既響聆，睇得出係新鮮炸起呢食完好滿足呀又多一間火鍋店的好選擇，下次試下其他湯底先！

今日一行八人去咗這間火鍋店一試，訂了房想坐得舒服d，食咗好多新鮮海鮮刺身原隻象拔蚌刺身，刺身拼盤有魚、蝦、赤貝、帶子、八爪魚、北寄貝等，加拿大海膽，原隻大瀨尿蝦起肉做沙律(適合懶人食)，胡椒豬肚花甲煲，大大隻的美國桶蠔，手切本地新鮮黃牛。黃牛肉味真係好濃，有別於其他國家或和牛般油香，油脂紋都幾平均，肉質較實在但又唔會好嚡口，不錯。總括而言，食物新鮮，份量略嫌少。服務態度很好，座位舒服，價錢則見人見智.

世界盃期間，想搵一間又方便又好食既火鍋可以同朋友一邊打邊爐睇波。餐廳環境簡潔明亮，價錢及分量合理，老闆親切地推介必食之選蟹籽墨魚油炸鬼及花膠鯊魚骨膠原鍋，前者既香口但又唔會太油, 蟹籽新鮮配上泰式辣醬份外惹味!而膠原鍋湯底較清，本來以為會太淡，但沒有了食火鍋尾段常常發生過鹹的問題，當湯飲好清甜。最驚喜的是自家脆響鈴, 白鱔片又滑又鮮味，手打蝦丸也是十分彈牙可口! 餐廳更直播世界盃賽事, 抵食又滿足! 下次會試試雞㷛

打邊爐既選擇實在太多 今次揀左呢一間就腳啲 啲老友收工出旺角都方便啲!番工咁辛苦 緊係要對自己好啲我地嗌左個花膠鯊骨湯底$168 補補佢佢仲附送埋個甘香泡飯 幾盞鬼喎又 加左湯都仲係脆卜卜蟹子墨魚油炸鬼＄58平時送粥食得多 今次一食就配埋啲蟹籽 分量極多 要勁小心咁夾 唔想浪費每一粒蟹籽油炸鬼內的墨魚滑令它口感外脆內軟 好出色呀!!頂級安格斯牛頸脊 $248 （大）我地同行既人唔食太多肉 於是無叫到牛魔王 就揀左牛頸脊黎食佢既口感好結實爽滑 肉又夠肥美夠平均 完美吖!秘製芝士牛肉丸$68入面既芝士真係唔係講笑 入口即溶呀！脆鯇片 $58佢切得好薄 薄得黎放入口都仲有口感