喜鍋 海鮮‧火鍋‧小廚 (已結業)

今晚同朋友去開旺角，又到晚飯時段，就梗係要找吓野食啦。途經這家食店叫喜鍋，晚飯時段，坐滿约9成客人，生意十分好，除咗有罐装飲品，也有啤酒提供，叫咗支清啤，簡單爽呀。店內冷氣充足，好凉快，裝修得好舒適，最適合打邊爐。店員又很有禮貌。看完餐牌，食物款式及種類也很多，最後我和朋友叫咗自家脆響鈴，好新鮮，好脆，口感一流。醬料也很入味道，值得一讚。豆卜也很新鮮，好味道。水魷魚份量十分多，又爽口和新鲜。印象十分深刻。油麥菜也很新鲜，好入味。超甜粟米就算原味，不加醬料，也十分好味道。脆皮芝士肠份量很多及好新鮮。健康芋絲也很好味道。秘製芝士墨魚丸是最好味道的，下次必定再叫。豬潤也很新鲜，好味道。綜合各方面，我個人必定再光顧。

星期日同朋友去旺角行街，行到差唔多晚餐時間，就係附近搵搵有咩食，路過呢間餐廳，見到舖面感覺唔錯，就決定入去打邊爐啦。首先我地叫左個鴛鴦湯底 (莞茜+沙嗲)。打邊爐就緊係要叫牛黎食啦。所以叫咗個呢道出名嘅牛魔塔。呢到既牛肉有唔少雪花，都幾靚下。除咗牛之外仲有叫到滑雞黎食。食落去都幾嫩滑，味道唔錯。仲有叫左好少見既豬天梯，食落好爽口，而鴨血食落去就滑滑地，口感幾好。除咗牛同雞之外，打邊爐緊係要叫下手打丸類黎食下啦。今次叫咗牛丸同墨魚丸。食落去爽口彈牙。響鈴同雜菜盤都好新鮮，響鈴仲要係店家手製，非常好食！睇餐牌時見隔離枱食緊呢個蟹子墨魚滑釀油炸鬼，於是出於好奇心試試，都幾特別，爽口既墨魚滑夾埋油炸鬼一齊炸，非常香口，仲有好多既蟹子，好脆，忍唔住食多幾粒。

難得老公叫我唔好煮飯，出去打邊爐😆我地就黎呢間屋企附近嘅喜鍋打邊爐可能早黎，唔駛等就可以入座，仲要係被安排左門口位，環境闊寛坐得舒服👏🏻👏🏻首先應該係老闆過黎介紹有咩必食推介，我地就聽佢介紹order左蟹子墨魚油炸鬼，唔係講笑，好正喎😋👍🏻墨魚爽口油炸鬼又幾脆，加埋蟹子一粒粒，一碟六粒，都幾大粒架，以為會食唔哂，但係點下啲甜酸醬又好快食完🤣老公揀咗胡椒豬骨湯底，湯底好好味，未落野之前，我哋兩個都每人飲咗一碗仲撈到好多胡椒粒添，飲完成個人都滾晒，感覺好正D豬骨嘅筋又爽口，仲有雞腳添我同老公都推介響鈴同埋韭菜餃，提提各位響鈴放1秒好食喇，我放咗2秒落去就得頭一啖係又脆又淋，之後就淋哂，放一秒就剛剛好👍🏻總之就係新鮮再黎牛肉同筒蠔都好肥美新鮮👍🏻其實好想試吓啲刺身，不過我同老公兩個人食唔得多，已經嗌到成枱都係野，好彩我哋全部食得晒重點一提，呢度啲服務員服務真係好好吖，驚我哋個爐滾得滯，間中都會過嚟幫我地教下個溫度，驚我哋黐底👍🏻下次可以同幾個鍾意打邊爐嘅朋友黎可以再食多啲款

今日同家人去食火鍋，去咗屋企附近一間平平哋嘅火鍋店。Menu都幾豐富，除咗有火鍋配料揀之外原來仲有d小食。火鍋湯底都有幾多選擇，一時都揀唔到食邊個。見到隔離枱叫個魚鍋海鮮鍋，佢又寫係食家推薦，好似都唔錯，而且佢d海鮮又可以當埋火鍋配料，所以就揀海鮮鍋，雖然佢個花膠鯊魚骨膠原鍋都幾吸引。醬油配料自由裝，落咗好多蒜，葱都幾新鮮。海鮮鍋嚟啦，比想像中大盤。材料好豐富呀！大大舊蟹肉蜆都有唔少原來除咗海鮮仲有幾款菇類，有冬菇、雞比菇、茶樹菇同木耳，早知就唔額外再叫菇類啦。叫多咗碟冬菇就有點多了，但係佢切得幾好睇。食咗必食嘅響鈴，佢話係新鮮自家製。放入湯後三秒已經可以拎起，啱啱好又腍又脆。外面吸收晒湯嘅鮮味，入面脆脆地。佢又唔會好肥膩，食多一兩個都得。雪花美國肥牛肉質結實有牛肉香，中間脂肪分布平均，都算幾出色。手打墨魚丸、豬潤、蘿蔔、腐皮，以上食材都幾新鮮。其中手打墨魚丸口感彈牙入邊仲有粒粒墨魚碎。腐皮又滑又有豆香。整體來講都係一次唔錯嘅打邊爐體驗

依家我哋無論係春夏秋冬，幾乎每日都適合打邊爐……第一，貪佢一大班朋友唔使諗食乜。第二，打邊爐都係水烚熟，點都冇燒烤咁熱氣。第三，原來湯底都係好重要。今次喺旺角試咗呢間 "喜鍋"，真係要同大家分享一下: 呢個魚湯海鮮鍋，真係十分之超值 $208 包括有海虎蝦，(真係超巨型)三大隻， 每隻都成隻手掌咁長，海虎蝦蝦頭充滿著膏，肉質非常爽口，同一般養蝦食法係確有不同，只需加少少指天椒，豉油，立刻提升本身嘅鮮味！有蟹仔，雖然唔算好大，但十分鮮甜，而且 仲有不錯嘅蟹膏！元貝三隻，肉質結實，新鮮味美，仲有蜆仔及大量配菜包括有超大件 木耳，紅蘿蔔，白蘿蔔，西芹 一大堆雜菇……真材實料！更加估唔到湯底真係充滿漁鮮嘅湯味，入口完全沒有味精嘅感覺，因為魚湯再加埋這些海鮮配料，入口已相當鮮甜，我們都每人飲咗兩碗至開始慢慢享用呢個海鮮鍋！是日海鮮推介係聖子皇，廚房清理得十分之乾淨，白色嘅肉入口 十分彈牙！

當天是我和女朋友的周年紀念收工時段先在朗豪坊逛街，然後揸車去到上海街喜鍋火鍋門口，當天客人甚多，所以我哋比安排上上一層環境舒適有兩部大電視，然後職員馬上前黎介紹餐廳裏最受歡迎的菜色真心講 非常新鮮脆口 我一個食左四條我個人認為是鎮店之寶食完飯前小食後，就選擇咗一個海鮮鍋的湯底有鮮蟹 冬菇 海蝦 真係精英盡出個人習慣落料前，一定會飲番一兩碗湯先超大蝦蝦 問你愛唔愛竹笙 是我愛人愛物 爽口新鮮 👏👏👏無魚不歡既我盡情去品嚐魚頭鮮味一口湯一口魚頭無得頂翠骨腩我喜歡它夠肥美，如果太瘦就無咁好食所以真心由於我們不是太大食所以叫左一味雜菜盤 消化一下金菇菜無得頂 渣車唔飲得啤酒嘛所以梗係飲足這茅根啦紀念日晚餐 無得頂

旺角及油麻地一帶最近多了很多特色嘅火鍋小店，呢間小店裝修企理，環境感覺食得舒服自在！火鍋湯底選擇十分多，我們點了魚湯海鮮火鍋湯底，海鮮鍋湯底鮮甜 包括有大蝦、蟹、蜆肉 清清地用嚟做火鍋湯底就最好啦！美國雪花肥牛，顏色吸引，紋理亦很分明，脂肪比例剛剛好！加入海鮮鍋十一十，海鮮魚湯 與肥牛分別散發出清甜 嘅海鮮味及香濃嘅肉汁，肥牛肉質柔軟，而且很有牛肉應有嘅脂肪香味，真係停唔到口！皇帝菜份量亦不算細，而且清理得乾淨。估唔到地舖嘅火鍋小店，裏面嘅侍應招呼都十分之體貼，我哋食完海鮮立即幫我地換碟， 而且重笑容可嘉， 呢間咁就腳嘅火鍋小店，真係啱曬我哋放工聚一聚！

每次去廣東道安老院舍探望完媽媽，都會路經這裡，不過都沒有去試，今晚看到天色轉暗，可能忽然下大雨，就提起勁走了入去。可能時間只是約六點，我們便成為第一枱客人，不過到七點，客人開始坐滿樓下，遲來的客人就被安排上二樓了。我們點了魚煱海鮮煱$208，至尊本地手切牛頸脊$218，魚子蝦膠油炸鬼$58，讚岐烏冬$18，生力清啤酒一枝$19。魚煱海鮮煱$208，內有蟹、蝦、蜆、元貝、冬菇、雞脾菇。蝦有三大隻，爽口彈牙，而蟹和蜆比較細。可能是魚湯，湯㡳非常清甜。尊本地手切牛頸脊$218，牛肉味道濃郁，有點嚼勁而不靱，脂肪帶點甘香，吃落不會肥膩，是新鮮靚牛肉。魚子蝦膠油炸鬼$58，油炸鬼新鮮炸起，可以即食，吃落脆卜卜，蝦膠亦彈牙，忍不住吃了一半。之後另一半，才放進湯內淥幾淥，吸收了魚湯之後，又是另一層次的美味。最後當然是吃讚岐烏冬，烏冬放在湯內分半鐘，吸收魚湯的鮮味，吃落帶點煙靱又香甜。今餐很滿足，而且服務非常好，下次再來吃其他湯底。

叫了潮洲胡椒牛腩湯底，胡椒味不重，湯底又偏salty , 而且整體又比較肥膩！牛腩煮到老哂，豬天梯沒有食評好食，比較難消化！肥牛不太新鮮。。。唯獨服務好好，又不限時！

炎炎夏日還是要打邊爐，畢竟打邊爐是一件很爽快的事情，可以愛吃什麼就涮什麼，可以盡情享受自己喜歡的食物！我們點了一款養顏的湯底-花膠鯊魚骨膠原鍋。湯底材料豐富，味道不會太俗，是十分健康的味道！火鍋配料方面，我覺得黑豚肉及五寶丸味道不錯。黑豚肉片肥瘦適中，味道帶點甜。五寶丸包括墨魚丸、蝦丸、鯪魚丸、牛肉丸及豬肉丸。手打丸類質量不錯，值得一試。最後，我覺得必試的是蟹籽墨魚油炸鬼。油炸鬼很香脆，墨魚及蟹籽為小食添上不同的口感，因此十分美味！

旺角人多車多食肆又多，除咗心臟地帶嘅食肆，周邊與上海街都多咗好多選擇。今日想打邊爐又想食海鮮，喺上海街呢一間喜煱感覺唔錯，就入去試吓。喜煱地方濶落，還有二樓，大大張緑色的梳化，坐得舒適。部長服務態度超好，細心介紹佢哋嘅主打菜式同人氣邊爐。🐥⭐⭐⭐⭐我們選擇了魚湯海鮮煱＄208，至尊本地手切牛頸脊$218，魚子蝦膠油咋鬼$58。坐低先來一支青島生啤$19，清清熱氣、透心涼快。魚湯海鮮煱有3隻大虎蝦、鮑魚、元貝、蜆仔，魚湯鮮甜加上海鮮，味道豐富。尤其是大虎蝦，新鮮蝦膏鮮甜味美。👍讃🐥⭐⭐⭐⭐至尊本地手切牛頸脊牛頸脊，牛味十足，油份平均，有咬口。🐥⭐⭐⭐⭐魚子蝦膠油咋鬼魚子分量充足、手打蝦膠、油炸鬼，可以用嚟打邊爐又可以就咁食。🐥⭐⭐⭐最後來個讚岐烏冬，吸收晒海鮮同牛牛嘅滋味，係一個最完美嘅句號。🎉

今晚約左閨蜜旺角行街兼去打邊爐，有咩邊爐係健康架？諗左好耐，記得同事介紹過喜鍋好好食，上網睇下有花膠湯底，唔使諗啦，就去試下🤣這餐廳的環境非常舒適，卡位設計夠晒闊落，這裏的火鍋配料算多元化，還有餐前小食可供選擇，但是我們沒有叫，驚食到太飽食唔落火鍋🤣招牌花膠鯊魚骨膠原湯底鍋$188先飲一啖, 第一個感覺係”很有家的味道”, 同平時係屋企煲既花膠湯差不多味道, 很清甜!!湯底中發現有大量既花膠、鯊魚軟骨、雞腳同埋豬手, 夠哂足料。頂級安格斯牛頸脊$188色澤鮮紅新鮮, 細size 份量都幾多, 每塊牛厚薄均一, 有一定既厚度, 食落口感唔錯, 肉質鮮嫩, 牛味幾重手打墨魚丸$58自家製，粒粒都爽口彈牙，非常鮮美。必點👍魚皮餃$48打邊爐真係唔少得魚皮餃，皮薄餡多，最重要是魚皮餃索晒湯汁，咬落去好滋味。唐山菜$28白蘿蔔$28稻庭烏冬$18整體來說，這是我會encore的火鍋，無論兩個人還是一大班朋友，都可以滿足到你，價錢適中，最緊要是用料靚，真材實料冇得輸👍

冬天特別多人喜歡吃火鍋，但其實火鍋基本上一年四季 。。。都係我嘅喜好🤗🤗🤗今日就同閨蜜去左油麻地'喜鍋'先嚟一個'花膠鯊魚骨湯底' 仲跟埋甘香泡飯添呀👍先飲咗骨膠原勁勁嘅湯底😋😋😋食埋大大嚿嘅花膠😍湯入面仲有豬手，雞腳，你話啲骨膠原多到呢😆呢個湯真係值回票價👍手切牛頸脊 ，識食嘅梗係食呢個部位喇😅而家唔再淨係食肥牛㗎啦😂因為牛頸脊係牛運動量最多嘅部位 ，而又帶有均勻嘅脂肪👍肉質香，油份亦較多，想食有油香而肉質香滑，就要揀呢個。桶蠔全年皆靚，大大隻，肉質肥美😍即使長時間烹調也不會影響其鮮味，肉質亦不會變韌👍咬開仍然好juicy呢😋😋😋萵筍口感清爽宜人，係打邊爐最佳選擇😍最後就用上湯泡浸甘香米飯， 上湯鮮甜味美，米飯粒粒脆卜卜，浸一浸立即食， 飽飽，完美，滿足😍同閨蜜飲飲食食，又傾足一晚，食得滿足，傾得暢快😚

放工最好就係同同事打個邊爐傾下計，今次係openrice睇到附近有呢間喜鍋 就揀左呢到先食一個推介既小食：蟹子墨魚油炸鬼正喎 外脆油炸鬼配內香彈口既墨魚滑 再係面上鋪上脆卜卜既蟹子我中意食之後叫左推介既魚湯海鮮鍋海鮮都足料 分別有蝦、帶子、蜆、蟹，仲有啲配菜雜菇、菜、羅白.... 加埋魚湯底 真係好甜火鍋料就點左頂級安格斯牛頸脊（大份）好好味 牛味重 入口即溶 份量都唔小萵荀-好濃萵筍味 唔會好薄 夠厚 食落口好爽脆 厚切更好食 荀味突出鮮蝦雲吞-大大粒蝦 食落口好香蝦味蟹子墨魚滑-爽口彈牙 仲有墨魚肉係墨魚滑中唔錯既配菜再黎推介既鮮肥鵝腸-有小小肥 但鵝味十足 唔好滾太耐 鵝腸味突出 份量都好多好滿足最後叫多個皇帝菜，魚湯底配皇帝菜真係好甜總括而言 味道、環境配上傾計一流

今日喺旺角發掘左呢間火鍋店，喺門口見到啲海鮮就被佢吸引住喇，因為本人好喜歡食海鮮，而且價錢又唔貴喎🐟🦐🦀入到去鋪頭以為得一層，原來重有樓上坐，好闊落兩個人都可以坐四人枱，慢慢傾下計，食火鍋，係最好嘅地方👍🏻👍🏻店員好細心，坐低無耐，佢就過嚟介紹佢哋嘅特色食物俾我哋🎉依個蟹子墨魚油炸鬼係餐前小食，我要比100個like👍🏻👍🏻👍🏻👍🏻👍🏻👍🏻真係好好食，墨魚好滑，油炸鬼好脆，下次黎到一定要再叫呀❤️❤️同店員傾傾吓計，發覺原來佢哋呢度既特色係，正響鈴同埋其他手作嘅丸。難怪正得咁出色啦😁呢度嘅海鮮咁新鮮，我哋就叫咗一個魚湯海鮮鍋😽個鍋已經包括左唔同種類嘅海鮮🤗包括蟹，大蝦，扇貝，大蜆😉隻蝦你睇到真係好大隻，好抵食㗎💞💞💞珊瑚蚌同埋脆鯇魚骨腩🐟都係我推介嘅，好爽口👏🏻👏🏻魚頭份量十分充足😋😋而且好新鮮，配合埋呢個魚湯湯底，唔需要調味料都好好味呀💕竹笙亦都係我打邊爐嘅最愛之一😁😁咁好食既火鍋店，下次有朋友生日或者公司聚會，都可以同佢地黎再食喇，最緊要係旺角好方便大家呀👏🏻👏🏻👍🏻👍🏻😬😬