喜鍋 海鮮‧火鍋‧小廚 (已結業)

一間只適合成班人睇波吹水食宵夜，絕唔適合二人世界的火鍋店回頭率：🌕🌕🌕🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌗🌑味道：🌕🌕🌕🌑🌑價錢：372/pal◆Summary◇坐得闊落舒適，服務唔錯收碟奇快⚡️湯底價錢偏貴，配菜選擇大路，貴嘅款式品質上乘，平嘅款式就中規中矩。推介頂級安格斯牛頸脊&竹蔗馬蹄水✅唔推介黑柏葉⛔️成班人Share食就性價比高，兩個人食就性價比低————————————————————————◆蟹籽墨魚油炸鬼6件◇HKD58🤨熱門菜式但較為失望。油炸鬼厚身，炸得過火，咬落太硬⛔️墨魚肉彈牙，不過味道偏鹹，蟹籽的加入亦未顯作用◆招牌花膠鯊魚骨膠原湯鍋◇HKD188😋作為湯底都幾貴，不過材料好足，用左豬手雞腳花膠等等嘅材料熬製，湯底味道醇厚鮮甜，可以一試⚠️不過唔係煮到起膠果種，比起花膠湯底更加似雞湯◆頂級安格斯牛頸脊(小)◇HKD188😍兩個人食份量啱好，價錢偏貴但一分錢一分貨，牛肉雪花紋理清晰，入口鮮嫩肉味濃🐮牛魔王們一定要試下‼️◆甘香泡飯◇Free 😍隨湯底附送嘅一木桶飯焦，炸至金黃色，舀一勺湯澆在飯粒上，浸泡幾

飲品選擇方面幾多選擇，啤酒都平均廿零蚊一支，有asaki, 青島，blue girl湯底幾有驚喜，有海鮮湯鍋，花膠菇鍋，幾足料，鍋size較大，可一次放很多配料。雪花牛肉幾厚身，有約二十多塊，牛肉味濃，脂肪分佈平均，是高質貨。扇貝清潔乾淨，很大粒，味道鮮甜，魚鰭新鮮魚味重，其他地方食不到。餃子即叫即包，有多款口味可選擇，今次點左人氣水餃，響鈴是現場即炸，不需落湯即食，現場客人大多預早訂位，熟客眾多，記得要預訂。

小妹今日一訪油麻地呢間喜鍋，柴娃娃約左家姐去十下十下門面一望已經見到魚缸養緊佢地既魚同海鮮簡單裝修既小店，其實反而有種住家感！十分舒服，其二係餐廳侍應都十分細心！真係好少餐廳既員工仲咁細心，又咁有禮貌！其實小妹勁餓，一早已經睇定想食咩，係等緊家姐既期間已經諗好要試佢地既四川麻辣鍋我同家姐都係嗜辣既辣妹落單紙都十分簡單易明，唔會怕混亂本來我地真係好想試下個牛魔王塔，因為我乃是牛魔王嘛不過頭先提到既店員十分細心，溫馨提示我地兩個女仔呢個塔有3-4人份量！所以最後簡左一個小碟既本地至尊手切牛頸脊四川麻辣鍋首先上桌就係基本啦原來佢入面本來就有鴨血仲有豬皮同埋荀，荀勁入味呀而且真係有返咁上下香辣食得我十分滋味仲加左成兩次湯都仲keep住咁入味，呢個湯頭very good原來一碟小份既都已經好多，好在小妹我夠拆得如果唔係就比得小鳥胃既家姐玩弄了，又會浪費左咁正既牛本地牛好野，口感夠，牛味濃爽爽的！係我既牛呀！！！十分鬼馬既餐前小食，佢好抵食又好味！中意食香口野，或者炸蝦餅既你地一定唔可以錯過佢因為佢真係幾有「脆」！花鵰雞子！！一份$78，有成廿粒我姐食雞子都飽飽地雜菇拼盤勁大隻冬菇呀咩菇都有，幾正

適逢朋友生日 又係四出搵好野食既好機會今次揀左油麻地既喜鍋 坐得舒服打邊爐加傾下計 餐廳有兩層 我地今次就安排左坐上層 坐位好闊落 可能平日既關係 都唔算坐滿一坐底店員就介紹我地食呢度既招牌小食 蟹子墨魚油炸鬼 即叫即炸 咁當然我地就叫左個黎試油炸鬼新鮮炸起 又熱又脆 加上彈牙既墨魚滑 外脆內軟 仲有一粒粒蟹子 口感十足點埋泰式酸甜醬 非常開胃 果然冇介紹錯黎到是日重點 打邊爐！ 我地點左推介既花膠鯊魚骨膠原湯底湯底仲附送一個甘香泡飯 店員建議我地先飲飲個湯底 先開始打邊爐見到湯底好足料 有好多花膠同雞腳湯底真係好鮮甜 花膠味好濃 一飲就知煲左好耐 同埋完全冇味精未打邊爐我已經忍唔住飲左兩碗火鍋配料方面我地叫左牛魔皇塔 即係三層不同的牛肉 包括本地手切牛頸脊 安格斯牛頸脊 同手切肥牛粒三種牛都好好味 我最中意本地手切牛頸脊 肉味濃 口感強 係食肉獸必叫而且呢個拼盤既份量好大 好抵食最黎要介招下泡飯 係木桶入面係炒香左既脆米 一開頭入口有啲怪怪既燶味 但原來浸左湯之後 吸哂湯底的鮮味 變得好香口 愈食愈好味食任食邊爐食得多 間唔中可以搵啲高質火鍋食店 HEY POT岩哂你

即使夏天仍然不阻擋喜歡打邊爐既我地，今日放假又同妹妹撐枱腳，又去周圍試下😁諗住方便返屋企就決定係旺角食。入到去見環境幾舒服整潔，除左一般火鍋外，仲有活魚刺身同象拔蚌刺身，不過今日兩丁人食唔晒放棄左。我地叫左個麻辣鍋，鍋入面有跟埋鴨血、豬皮同萵筍。鴨血要煲耐d，愈滾愈入味實淨又大舊。萵筍本身己夠淋，索晒味都好正！不過豬皮我同妹妹都唔食，所以評價唔到。麻辣湯底辣就唔係特別辣，但勝在夠香。見佢呢個有👍🏻所以試下，的確唔錯，油炸鬼脆卜卜，配彈牙墨魚滑同蟹子，口感豐富。呢碟*花雕雞子*差不多有成20粒，仲要好多大大粒既，花雕辟左雞子既腥味，而且更有提味效果🙆🏻‍♀️（難得妹妹肯陪我食😌😌），不過因為個爐滾得比較快，建議唔洗淥太耐。牛頸脊睇落好紅好新鮮，雪花好吸引，肉味濃而且厚身。*蟹子墨魚滑*超彈牙，入面有粒粒墨魚肉，有口感的。雜菇份量都唔少，新鮮。蟶子皇厚肉新鮮，鮑魚都唔細，貼心的係鮑魚面井字介開，令鮑魚更易咬😯啤酒種類都有4種選擇，一路飲一路打邊邊係爽既。價錢其實都正常，不過我地今日好多野都想試，其實份量都夠3人食，計落人多食就抵好多。

今次黎到旺角喜鍋打邊爐，呢間野一向主打真材實料，一於黎試一試佢。環境服務方面門面乾淨衛生，睇落光猛，室外環境就分左兩層，坐位唔目前多，但每張枱都夠大，岩曬一班朋友舊同學黎聚一聚。待應照呼十足，不時黎幫手較火，加湯，上菜速度亦唔算太慢。食物方面今次叫左個醉雞藥膳雞煲（半隻雞），d雞幾新鮮，湯底真材實料。岩曬鐘意苦苦地藥材味既人仕。隻雞同湯底味道好夾。響玲魚皮，兩者都非常乾身，酥脆，唔濕唔軟一碟份量亦好多，足夠4個人食。牛柳粒，食落好有牛味，就算煮耐左都一樣咁好味，唔會咬落好似香口膠咁。如果多人一齊食，推介佢個牛魔王拼盤，有齊晒牛柳粒同手切肥牛

好友從加拿大回港，特地相約到旺角飯聚，當然要找一間能夠「慢慢坐、慢慢食」的餐廳，火鍋絕對是一個不錯的選擇。早前有聽過朋友介紹，說「喜鍋」用料新鮮，價錢亦都平易近人，所以就決定一試！店內環境以老香港作主題，場內掛滿一幅又一幅的舊香港照片，非常有特色！ 坐下翻開餐牌，由於友人正值減脂，為了讓她打邊爐時零罪疚感，決定清淡一點，揀選了：珍菌冬瓜上素魚湯鍋。至於配料方面，我們選了蔬菜拼盤、白飯一碗、生雞蛋一隻、手打墨魚丸和鮮雞件。等了一會兒，火鍋隨即送到，店員細心拿取了醬料盤給我們，我們當然亦急不及待將生蒜蓉和辣椒倒進豉油碟。湯底內放滿冬瓜和珍菌，湯底滾起時，先小嘗湯底味道。不愧為魚湯鍋，湯底味道鮮甜，感覺健康又養生。配料上，友人和我最愛手打墨魚丸和雞件。前者口感非常彈牙，後者肉質嫩滑，肥瘦適中。值得一提的是，店內現正進行推廣活動，只要於店內消費，再上Facebook 簽到，即可獲得小食一碟！非常化算呢！

老友聚舊隨心找到喜鍋打邊邊，吹吹水。鄰近朗豪坊，大量通宵小巴回家方便。共分兩層，都坐得舒服。標準調味盤，有 XO 醬都不錯湯底選招牌花膠鯊魚骨膠原湯底，花膠都算多而湯底都算濃，打邊爐前都喝了兩碗。附送的甘香泡飯有點像煎米餅。花膠很大塊落足料蟹子墨魚油炸鬼故名思義就是將墨魚膠及蟹子釀於油炸鬼內，沾上泰式酸辣醬又是一番風味的餐前小吃。打邊又怎可缺少海鮮呢？點了蟶子皇及大連鮑魚一人一隻， 侍應亦很細心講解滾熟海鮮的時間大約需要多少。蟶子入口無沙而且鮮甜，鮑魚亦都很彈牙。四寶餃包括韭菜餃、爺孫餃(即是椰菜及酸菜餃) 鳳城水餃及鮮蝦雲吞。爺孫餃其他地方很少吃到，口感新鮮。 脆鯇片亦都爽滑，最緊要快熟。自家脆響鈴卷亦都不錯

今晚又去左打邊爐, 但今次揀左呢間旺角地鋪嘅火鍋店, 地方雖然唔太, 但勝在坐得舒服, 而且食物質素都唔錯, 價錢亦都唔貴｡香茜皮蛋鍋作為皮蛋控, 緊係揀番個皮蛋鍋啦 !! 湯底清清地, 但芫茜味都幾濃, 入面仲有好多粒馬蹄添 !! 蟶子皇Size 超大, 輕輕淥至離殼就食得, 肉質肥嫩, 口感爽口, 鮮味十足｡頂級安格斯牛頸脊牛頸脊色澤紅潤, 大理石紋清晰可見, 由於牛頸脊係活動較多嘅部位, 所以脂肪比例冇咁重, 食落去有咬口而肉味濃｡蟹籽墨魚油炸鬼即叫即整, 黎到仲係熱辣辣, 油炸鬼又脆又香口, 蟹籽墨魚爽滑彈牙, 就咁食或打邊爐一樣 OK !!脆鯇片打邊爐必嗌, 名乎其實可以用 “爽、脆、鮮” 黎形容｡韭菜餃餡料有勁多韭菜, 味道濃郁, 正 !!芥蘭苗非常新鮮, 除左有芥蘭獨特嘅甘香外, 味道更加份外清甜脆嫩｡

蟹子墨魚油炸鬼即叫即整，送到黎好脆好香口。配埋蟹籽墨魚彈牙… 掂! 頂級安格斯牛頸脊牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，水滾淥十秒剛剛好食得，口感腍滑。油香、肉味，皆出色。蟶子皇非常新鮮、非常爽口。無需任何醬油，食原汁原味最好。脆鯇片薄切嘅鯇魚片, 絕對可以用 “爽、脆、鮮” 黎形容｡魚皮餃唔會淥到甩皮甩骨，包得紮實。餃皮煙韌有彈性。韮菜餃韭菜味香濃, 鐘意食韭菜嘅人絕對唔可以錯過｡芥蘭苗其餘火鍋配料都好相當OK, 尤其係蔬菜，種類多，而且非常新鮮。 竹蔗馬蹄茅根微甜。清熱下火。

今日黎油麻地搵食，見呢度坐到爆棚應該係信心保證!! 睇下menu平貴都有，人少少叫左半隻藥膳醉雞試下 。雞煲好快就上枱，等個湯滾左就可以直接落半隻雞落去。$ 138感覺幾抵， 雞肉唔肥而且皮薄，肉質都好嫩滑 。雖然燒酒味唔重， 但係 反而啱啱好點到即止，怕酒味重嘅人都handle到。 鍋底同之後嗌嘅火鍋配料都會好夾。總括嚟講 分量大， 樣樣都幾抵食! 最推介係魚雲，一d都唔腥，滑捋捋，滾幾滾好快就食得! 識欣賞嘅人真心會覺得好滋味 竹蔗茅根非常足料一揸只係賣38蚊，健康清熱，唔算太甜，夠3個人飲!

三個人去到旺角食咩好? 梗係趁夏天味到天氣涼返少少，即刻圍爐取暖去打返個邊爐🥘琴日先食完重慶麻辣雞鍋，今日就試下哩度個個醉雞啦 。半隻藥膳醉雞鍋湯底只係$138都幾抵食， like fb仲送青瓜雲耳小食添😆一坐低率先梗係混醬喇 ( $10位但呢度有xo醬即刻覺得抵返曬😂) 順德魚腐🐟🐟 -- 本身已經炸過，口感特別，非常軟淋，吸曬啲湯汁勁正!!大魚雲🐠🐠非常新鮮，而且份量夠大，$78蚊 性價比高! 蟹籽墨魚滑🦀🦑 非常彈牙， 蟹籽落得好大方!! 先將蝦滑同蟹籽撈勻，令到啖啖都有蟹子食落卜卜聲，又夠彈牙質豐富曬成個口感!! 加埋大大支asahi爽呀🍻

去完泰國返黎就緊係要打個邊爐啦，由於朋友收工夜，所以去到餐廳已經係夜晚10點，餐廳嘅營業時間去到凌晨三點，好適合一班夜收工而又想同三五知己去食飯飲返杯既朋友餐廳有2層, 上層比較適合人多既朋友, 而下層主要係2-4人既座位, 都坐得幾舒服坐低之後店員就會放低醬料, 店員話呢度既XO醬係自家製架, 我地試過都幾好食, 幾香口, 而且仲脆卜卜架, 唔算好辣除左打邊爐既鍋底同配料之外, 仲有餐前小食可以叫, 順帶一提如果FACEBOOK LIKE同分享餐廳既專頁仲會送一客指定小食, 每日唔同, 可以同餐廳查詢返, 而今日送既小食係青瓜雲耳另外我地仲點左一個店員向我地介紹既小食, 就係蟹籽墨魚油炸鬼，上菜既時候仲以為係腐皮壽司，墨魚肉釀左落油炸鬼度，油炸鬼新鮮炸出黎，熱辣辣脆卜卜，墨魚滑仲有墨魚粒，唔會有油益味，冇推介錯湯底既選擇都幾多, 最後比魚湯海鮮鍋吸引左個湯黎到緊係要飲頭啖湯, 個湯底好香好濃, 一D都唔腥個鍋底都好足料架, 海有6-8隻大蜆, 3隻蝦, 3隻小元貝, 仲有隻蟹添, 除左海鮮, 仲有蘿蔔, 冬菇, 雞肶菇, 木耳..好豐富打邊度又點少得牛肉，我個人好推介呢度嘅霜降牛肉粒

同朋友去油麻地食喜鍋，一嚟到店員嘅服務超級好，我哋一落咗菜，店員就拎咗個調味盤，調味盤入面有好多調味料，任君選擇。我哋叫咗個藥膳醉雞煲，肥牛一碟，娃娃菜一份，同埋手打牛丸，覺得藥膳雞煲嘅質素超級好，食物10分健康，藥膳醉雞煲入面有好多料， 好重藥膳味，聞落好香，好吸引，肥牛睇落新鮮，娃娃菜份量好多，亦都好新鮮，手打牛丸有六粒，色水都好令。食完之後幾個鐘都唔會覺得口渴，食物應該冇落味精，極之推薦朋友同家人嚟食。

呢幾日天氣涼返，即刻諗起打邊爐😂 所以晚夜就約埋女朋友，一齊去打邊爐。行到上海街附近，見到呢一間喜鍋，佢地門面好靚。入到去見到左右兩排坐位，重要有卡位，一定坐得舒適👍🏻👍🏻我本以為得6張枱左右，原來樓上重有一層，因為傳來陣陣歡笑聲😂 所以發現了。火鍋配料方面，有好多選擇，我緊係問下店員有咩特式出名既野食。店員推介，獨家既蟹子墨魚油炸鬼。同埋魚鍋海鮮鍋。我同女朋友都鍾意試新野，所以緊係叫晒兩樣啦😂。重叫埋安格斯牛柳粒，花雕雞子，同埋水餃。份量對於兩個人黎講，盡對係食吾晒，真係好抵食👍🏻店員重介紹有特價海鮮，但由於已經叫左好多野食，怕食吾晒浪費，所以就無叫到。下次一定要試下聖子皇同埋大元貝😁湯底上啦，好香好香，入面好多配料，有花甲，蟹，元貝 重有 大蝦。呢個海鮮鍋湯底，好有料，飲啖湯試下，嘩，好鮮味，我飲左一碗暖下身先開始食野🥰之後店員推介既 蟹子墨魚油炸鬼上菜啦，店員話一定要熱食，凍左無咁好味。佢地係將啲墨魚滑加入油炸鬼到，面頭加啲蟹子，好好味，而且口質一流，你咬落報既時後，蟹子好脆既感覺，墨魚又爽口，之後油炸鬼又少少脆，非常好口感，我食左4舊，重想叫多碟，但真係會食吾晒，所以無叫了，十