喜鍋 海鮮‧火鍋‧小廚 (已結業)

入咗夏季都已經冇再打邊邊，今日咁啱經過呢間舖頭，又見到佢高朋滿座，我哋又好鬼肚餓。兩條油咪入去涮一餐囉。嘩，只係湯底都有排你揀。要保身? 嘢味? 痳辣? 特色? 定美顏? 最後係揀咗後者👉招牌花膠骨膠原湯鍋。真係多料，味夠香濃，又配個木桶飯蕉比你浸湯食，你都咪話唔過癮。醬料好新鮮， 豉油味恰到好處，我最怕得個鹹字既豉油! 我哋叫咗豬潤、頂級安格斯肥牛、四寶餃同熟食蟹籽墨魚油炸鬼。豬潤: 記得慢慢睇住淥，粉粉哋哋既口感; 頂級安格斯肥牛: 牛味都香，肉質夠腍; 四寶餃中最愛韮菜餃; 而蟹籽墨魚油炸鬼就几得意，脆卜卜既油條包住墨香既肉，仲有咬起黎卜卜聲既蟹籽，口感豐富。