喜鍋 海鮮‧火鍋‧小廚 (已結業)

陪老公去旺角買嘢，經過上海街喜鍋海鮮.火鍋.小廚，見到有全單8折，即問我有冇興趣入去食火鍋，之前食過唔錯，今日又有8折咁抵，梗係唔好錯過。火鍋店地方整潔，店內有量體温，有放口罩紙袋和酒精搓手液供應。藥膳醉雞鍋(半隻雞)，我們不約而同想食滋補一點，藥膳材料有淮山、杞子、黨蔘，功能補中益氣，健脾益肺，還加左一些酒，滾起時酒香撲鼻。加入半隻新鮮雞，煮成一鍋藥膳醉雞，雞肉鮮嫩帶酒香，既滋補又美味！蟹籽墨魚油炸鬼：即叫即做，上枱趁熱食，油炸鬼脆卜卜，墨魚滑彈牙，加埋蟹籽增加口感，不錯的小食。鮮蝦雲吞：鮮蝦和豬肉比例恰恰好，爽口中又帶點肉香。手打鮮蝦丸：蝦滑中加入蝦粒，既彈牙又可增加口感。頂級午餐肉：午餐肉內有火腿特別好味！老公食火鍋必有啤酒藍妹！