喜記蟹將軍 (iSQUARE國際廣場) (已搬遷) 新店位置

聚會梗要揀間坐得舒服嘅餐廳，所以一早book左喜記蟹將軍，唔駛等位直接入去。因為5個人唔知點落order, 所以叫左個4-6人雙蟹宴套餐。頭盤係火焰富貴蝦，啫喱加蝦肉同瀨尿蝦，少少酸幾開胃。之後再上左個花甲汁火焰蜆，對於鐘意食蜆嘅我，要求會高d, 好彩蜆夠新鮮冇沙，味道就係清酒煮蜆一樣，不過不失。可能係套餐關係，上菜速度幾快，金菊豆花湯話咁快就出現了。豆腐夠滑，湯稍為偏鹹。之後主角之一--啤酒蟹上桌了，第一啖唔係好覺啤酒味，等多陣d啤酒味慢慢出黎，帶番d蟹嘅鮮味。最好嘅係，有人會幫你開埋個蟹螫，啖啖肉。第二主角--辣蟹，對於唔食得辣嘅我，哩種辣味係可以接受，加埋d炸蒜粒，味道啱啱好。套餐仲有蟹肉蠔仔湯飯同古法豉油雞，蠔仔夠新鮮，豉油雞一般。總括而言，套餐份量足夠抵食，環境舒服，裡面嘅大檯與檯之間有屏風隔開，服務都唔錯。

位於尖沙咀ISQUARE的喜記蟹將軍，主打各類粵菜。點了一客雙蟹宴，每人約二百元，價錢經濟但味道十分不錯 。花甲汁火焰蜆賣相頗吸引，剪開錫紙包裝後，酒香撲鼻。濃香啤酒蟹的味道也頗有驚喜，汁醬充滿啤酒的甜味，而且蟹肉頗新鮮。我最喜歡的菜式為喜記正宗炒辣蟹，蟹鉗大大隻，很多肉，配上炒蒜，很香口很正。雙蟹宴火焰富貴蝦花甲汁火焰蜆金菊豆花湯濃香啤酒蟹喜記正宗炒辣蟹古法豉油雞煲濃湯雲耳鮮茄浸時蔬鮮蟹肉蠔仔泡飯

本來之前已經約咗朋友嚟食飯，點知主腳臨時有事嚟唔到，大家就擱置咗好一段時間，終於又有friend話搞飯聚，提議一齊嚟食蟹。 我地點左個套餐火焰富貴蝦 有啲意外因為一出嚟係果凍賣相 應該是雪凍了的湯汁，做到像啫喱般的口感，中間有蝦肉，味道鮮也夠特別。但其實看不出跟火焰的關係，部長說已在廚房火焰了一下濃香啤酒蟹 啤酒味十足非常香，未吃先醉 蟹本身很大隻，蟹肉清甜，確實有啤酒的味道花甲汁火焰蜆 一包大大的錫紙，藏有很多大蜆在內，再直接放在小爐上燒。打開錫紙香氣四溢 大蜆每隻都很飽滿又清又甜甘菊豆花湯 非常清的一款湯 豆花切得很仔細，如一朵菊花在河上飄，很有意境，味道不錯招牌炒辣蟹 非常惹味蟹亦都很大隻，肉質鮮甜。 辣度可揀大中小辣我們點了小辣，感覺不錯他的椒鹽脆脆放到蟹肉蠔仔粥中又香又脆又惹味，非常好吃 吃到最後還有醬油雞煲雞肉夠嫩但雞平身不太熱不知是不是上台太久了才吃吃肉獸也要吃菜，清清味蕾，也不錯。尾聲大家都吃得非常飽套餐的甜品是番薯糖水薑味湯，驅一驅吃過蟹的寒氣非常完美的套餐

朋友知道我鍾意食蟹，帶左我去搵蟹將軍🦀5個人點左個套餐$988套餐一入到去環境好舒服🦀既套具+中式裝修，食蟹既格調即刻提起自選餐點左啤酒蟹同避風塘炒辣蟹啤酒蟹🦀🍺一上菜比佢一對巨型蟹潛深深吸引😍😍好粗壯既手臂加紅紅既外面好想一拳打爆個蟹殼食哂佢d肉黎個時候有個好侍應走黎問要唔會幫你扑開佢，佢熟悉既手法加上溫柔既節奏好快將蟹殼打開，見到肥美既蟹肉 淡淡既酒香同蟹肉互相輝映D啤酒汁先食重點，食哂成隻蟹仲要飲埋d汁避風塘炒辣蟹🛶🦀我本來唔食辣，但侍應話加dd辣野味d炸蒜內藏大辣蟹，個炸蒜野味到不得了非常香口美味，又唔油D炸蒜配合埋蟹肉既小辣係成晚既重點我唔理會喉嚨痛生菲痴都要食哂d炸蒜

同幾個朋友西安回來再聚聚...我地選擇左呢間喜記蟹將軍叫左一個6人餐雙蟹宴。我地因為一早留左枱，所以去到唔使等位。超開心！因為我地早就已同餐廳頂了菜，所以坐下來d餸都好快到。首先來到的就是以下的火焰富貴蝦，來到的時候我都沒有為意是前菜，還誤會是甜品。食下去有點咸的味道, 再食第二口發就有蝦肉了。朋友忽然話有一種特別的味道。我細膩的品著，原來還有賴尿蝦肉。味道不錯。呢杯野都未食完，主菜就開始停不了的上枱。介紹返第一道菜叫"花甲汁火焰蜆"。用左石紙包著的蜆，再用酒精爐把它座熱，賣相不錯的。我以為會打開點火，原來沒有。但我好喜歡它味道鮮甜。上邊道菜都未開封，個啤酒蟹已經來到。傅菜經過我身邊把菜放下時都嗅到酒味濃。不過奇怪的就是放入口時我又食唔出啤酒既未道。可能比蟹肉味番過了。吃過巨蟹，品過普洱茶。睇住一碗一碗精致花巧刀工的金菊豆花湯上枱。口水都流曬，因為我初時以為中間白肉的是蟹肉，可惜是豆腐。廚師的手工真係出神入化。鍾意食辣野既，真係不得不推介返呢味"喜記正宗炒辣蟹"味道相當野未，呢種辣係會慢慢起口腔增加。不過我真係好like辣野，所以我覺得可以再辣d。題外話：呢到員工相當的貼心。點解甘講？

行到去ISQUARE, 一班FD唔想再食中日西, 見到魚池有大肉蟹, 又有6人餐, 2話不說就決定呢間啦!$988 另收茶芥和10%服務費, 6人SHARE都算抵食.火焰富貴蝦 - 本以為係一碟火燒蝦, 我們完完全全的錯了, 原來係蝦肉凍, 一小杯的蝦肉啫喱, 咸咸凍凍, 一大塊的蝦肉十分彈牙.花甲汁火焰蜆 - 今次真係見到火焰啦, 一大包用鍚紙包好的花甲, 放於火上燒熱, 才可以打開錫紙食.                                  花甲好大隻, 好鮮, 完全無沙, 醬汁味濃, 唔錯!菊花豆腐湯 - 名副其實, 有一朵菊花, 用豆腐切細(不切斷)的, 放在湯中盪盪下.                              豆腐好滑, 湯夠清, 唯一是菊花切得不夠幼. 濃香啤酒蟹 - 一上檯已經酒香滿滿, 原隻大肉蟹, 只係個鉗已經勁厚肉, 啤酒香味絕不遮蓋蟹肉鮮味, 反而更加凸顯了鮮味!望穿秋水的主角出場了 - 喜記正宗炒辣蟹!!又係原隻大肉蟹, 佈滿了炒得香脆的辣椒蒜蓉, 蟹蓋還有大大塊蟹膏, 十分惹味, 唔可以話好辣, 不過辣得「很過癮」, 不斷食唔停

上星期提前慶祝老友Eric生日，飯聚於iSquare蟹將軍喜記。是晚菜色由美女Ruby發辦，老闆Raymond穿插監製~九道菜各具特色，水準甚高。負責組局的美女Ruby講明，大家只應帶白酒、香檳或汽酒出席，文公子已經預計，一定會係一桌精彩的White Meat盛宴~未齊人但想食住等，先上的椒鹽雙拼用九肚魚拼鮮魷，勝在脆得來不過鹹而能帶出海鮮甜味，飲下傾下已經乾去兩枝意大利白酒。終於齊人，上菜~花甲汁火焰蜆，汁鮮蜆甜而無沙。跟住的波士頓龍蝦就普普通通，有趣係無提供蝦鉗，而係由侍應開大閘蟹咁幫客開龍蝦殼...火焰清湯蝦最有特色，用爽脆的蝦球放在固體芝士上，下面用慢火加熱將芝士整融，然後與蝦球一齊進用，芝士汁帶有微酸味，無咁膩，仲同蝦球有一種化學作用。去喜記當然要食避風塘炒蟹，用大肉蟹淨係睇見個賣相已經大滿足，傳統金蒜炒，做咗幾十年，加上老闆監場，我哋食咩佢食咩，又點會唔高水準?BB鴿的水準唔錯，肉嫩帶骨香而唔太燶。其他菜色如蒸魚同古法豉油雞煲，水準不過不失，只係雞本來瓦煲上變咗碟上，似乎有點影響熱度，不過都即時改善了。下次想食蟹又唔想過灣仔橋底的話，來尖沙咀都好方便同就脚~飯後餘興附近亦選

每次行經避風塘就想起炒辣蟹，東風螺，燒鵝瀨粉，炒蜆之類，依家所有艇家都搬晒上岸，想再食呢啲避風塘美食，首先第一時間就會想起喜記辣蟹。踏入喜記，裝修就用四個字形容 - 簡潔清雅，再望一望，見朋友招手，原來飯腳已到齊，祇等我一個。望吓個餐牌，叫了四至六人套餐($988)兼收茶芥和10%服務費，價錢十分大衆化。首先遞上火焰富貴蝦和花甲汁火焰蜆，火焰富貴蝦看似啫喱，食落感覺是蝦肉連上湯冷藏後類似一杯蝦肉啫喱，味道當然不會是甜的，但頗有新意。花甲汁火焰炒蜆有異曲同工之感，火焰為名，當然是綽頭，但用花甲汁炒蜆，給我感覺是大蜆和細蜆一起炒，味道就是濃濃的蜆味。菊花豆腐湯賣相就最頂呱呱，普通一磚豆腐切成菊花狀，再於湯內放入幾片黄菊，其實有點不捨得喝掉呢。主角當然是蟹，有濃香啤酒蟹和炒辣蟹，兩種不同味道。因炒辣蟹是主打必食，味蕾在炒辣蟹刺激下，反而感覺啤酒蟹的味道被比下去。食完濃味香口的炒蟹，最後當然要有菜有飯落肚，鮮蟹肉蠔仔泡飯，泡飯裏的根本不是蠔仔，因每一隻蠔都不算小，加入蟹肉就更鮮味。再來古法豉油鷄煲和濃湯雲耳鮮茄浸時蔬，新鮮的菠菜加蕃茄鮮味配雲耳加入濃湯，清清淡淡的味道，綜和了之前口腔辛辣的味道

朋友從外地回港，想食香港的避風塘炒蟹，我正好知道iSQUARE上面有家專門食蟹的喜記蟹將軍，剛好就在他們的酒店附近，非常方便。響地鐵站一上就到！超級方便！雙蟹宴4至6人餐 $988火焰富貴蝦有創意的一道凉菜，外表像啫喱杯，味道帶鹹酸甜，中間有肥美的賴尿蝦，都幾得意。花甲汁火焰蜆比較特別的是蜆用錫紙包裝住，再放在舖滿石仔的煲仔上面，店員點火，再加上花雕酒，火焰酒香，色香味視覺俱全，錫子盒慢慢漲起來，看到蜆全開口就可以。蜆無沙，味道酒香鮮甜。金菊豆花湯賣相好漂亮，豆腐切絲到如菊花一樣，味道清淡。濃香啤酒蟹有輕微的啤酒味，不算濃味，很汁潤，醬汁提升到蟹肉的鮮味。店員非常細心，會用紙巾先包着蟹鉗，然後把蟹鉗敲碎，方便食用又干淨，真是有辦法喜記正宗炒辣蟹整晚的主角上場，賣相都幾靚，風味十足，蒜香味撲鼻，两隻巨型蟹鉗放在舖滿厚厚炸蒜粒的上面，炸蒜香脆帶小辣味，蟹身和蟹鉗都好多肉，避風塘煮法雖然味濃，但也沒有蓋過蟹味，蒜香味直入蟹肉，非常野味。古法豉油雞煲雞的質素就一般，都不入味，有點失望吧，沒有招牌蟹那樣的水準。濃湯雲耳鮮茄浸時蔬吃完濃味的避風塘炒蟹，來個健康清淡的浸時蔬，湯清甜，內有蕃茄，雲耳，

兩老吃過辣蟹後念念不忘那種味道今晚人在九龍，於是帶他們到位於尖沙咀iSqaure的「喜記蟹將軍 」！而且還有泊車優惠，很方便。//雙蟹宴4至6人餐 $988//火焰富貴蝦 - 這款前菜很特別，以為是甜點？其實是味道帶咸、混合了蝦肉的凍啫喱。花甲汁火焰蜆 - 先用火滾熱，然後職員會把錫紙剪開並放在碟上方便食客食用。職員提醒先吃這道火焰蜆，以免放涼。火焰蜆中有湯，湯味道帶有淡淡酒味，而蜆肉肥嫩，連湯一起入口很惹味。金菊豆花湯 - 湯中有杞子、幾片金菊葉和狀似菊花的滑豆腐。味道清甜而且無油，令人想多喝一碗。濃香啤酒蟹 - 蟹鉗大隻實淨職員待我相機先食後便幫忙開鉗拆肉，食客無須擔心食蟹會很狼狽，吃得方便。 喜記正宗炒辣蟹 - 招牌菜式當然不會令人失望。鑊氣足，蟹大隻多肉，肉質厚實鮮甜並帶點刺激的辣，色香味俱全，十分惹味。古法豉油雞煲 - 這個不夠入味而且肉質較鞋，餐廳的強項還是海鮮。濃湯雲耳鮮茄浸時蔬 - 來一個蔬菜來清清味蕾，其濃湯有淡淡的蕃茄味，正合我胃口。鮮蟹肉蠔仔泡飯 - 蠔仔大隻肥美，泡飯中亦有鮮蟹肉令整體味道更鮮甜，泡飯的湯沒有偏咸，不錯。最後甜品有蕃薯糖水，甜度剛好，很完滿。價錢

是日應邀朋友攪嘅飯局，好高興佢揀咗喜記蟹將軍，因為我最鍾意食海鮮，地點仲要位於尖沙咀iSquare ,非常方便呢！店門光鮮亮麗。我哋一行五人，一於點個雙蟹宴（$988），足夠四至六人食，唔使嘥時間左揀右揀。火焰富貴蝦非常特別嘅一款前菜，外表似大菜糕，實質味道鹹鹹酸酸，中間有肥美嘅賴尿蝦，挺特別的。花甲汁火焰蜆啲蜆隻隻鮮甜味美，份量仲唔少，正呀喂！金菊豆花湯賣相似足精緻嘅藝術品，豆腐仲非常滑溜。濃香啤酒蟹講真，啤酒味就唔係好食得出，比較似薑蔥炒蟹，但依然係好味嘅，好快就俾我哋一掃而光。喜記正宗炒辣蟹重頭戲來了，鍾意食辣嘅朋友不能錯過！店員仲非常好服務，幫我地扑碎蟹殼，食得好輕鬆。古法豉油雞煲睇色澤就知雞肉非常入味，每人都起碼食到三件雞。濃湯雲耳鮮茄浸時蔬鮮蟹肉蠔仔泡飯其實係一桶飯，可以添多一至兩碗，非常yummy! 最後仲送番薯糖水。喜記果然冇令我失望，比呢個價錢，食物絕對能夠回本，推薦比大家呀！

早已聽聞過喜記嘅大名，今日終於有機會一試，最期待就係食佢嘅招牌蟹，一如所料，物有所值呢！我哋揀咗雙蟹宴$988，可以試到兩款蟹，包括佢哋出名嘅炒辣蟹。火焰富貴蝦入面其實係賴尿蝦，被一層鹹鹹的啫喱包圍着，有趣有趣！花甲汁火焰蜆上桌嘅時候以錫紙包住肥美嘅蜆，即場點燃火爐燒，鮮味嘅汁同精華包裹在錫紙中，原汁原味，食到停唔到口！金菊豆花湯好好飲，好想encore多一碗。濃香啤酒蟹另一款係娘惹咖喱蟹(2選1)，都同樣吸引，但朋友比較想試有特色嘅啤酒蟹。隻蟹非常大隻，肥美肉厚，啲肉一啲都唔梅，絕對係新鮮活蟹，值得一讚！喜記正宗炒辣蟹惹味到極嘅炒辣蟹，蟹鉗嘅肉尤其肥美，啖啖肉，超滿足！古法豉油雞煲雞肉嫩滑，調味出色，絕對唔會輸比中菜館！濃湯雲耳鮮茄浸時蔬來一點清淡的蔬菜中和一下。鮮蟹肉蠔仔泡飯蠔仔肥美飽滿，正！雖然今晚座無虛席、客似雲來，但店員服務態度依然非常好，不但有禮貌，而且做事好爽手，下次絕對會再來幫襯！

今日帶咗屋企人遊歷香港漁港風味 到咗晚飯時間人頭湧湧 好彩我有做足準備預先訂位所以唔使等嚟到喜記 一定要食佢嘅蟹 點了雙蟹宴套餐 足夠四至六人份量喜記正宗炒辣蟹 招牌菜果然並非浪得虛名辣蟹大小合預期 蟹肉結實甜美 賣相吸引 看來很有鑊氣蟹件事先走油 蟹殼變得脆口 內裏蟹肉依然鮮嫩 配合秘製炒香嘅炸蒜和葱段 非常惹味另一味蟹可選咖哩或啤酒煮 咖哩蟹成日都食 所以我哋點咗啤酒煮蟹啤酒煮蟹 用咗濕炒嘅方法 唔係好食得啤酒味道 酒精揮發後更能帶出蟹嘅鮮甜 蟹肉結實肥美 食材非常新鮮食蟹嘅專門店 又點少得剝蟹嘅工具呢但係我哋完全冇用過事關餐廳職員好好 會幫我哋整碎蟹鉗 唔使等我哋食得好狼狽 一兩下手勢就成功破開蟹殼 非常厲害賣相似果凍 裏面有鮮蝦肉 味道帶點鹹酸 一道 幾開胃嘅涼拌前菜原味焗蜆 用錫紙包住蜆 下面嘅熱力 慢慢將蜆煮熟基本上唔需要咩調味 原汁原味 已經夠曬鮮甜菊花湯 清熱明目 以花瓣入饌 豆腐切到成朵菊花咁 味道清新 飲完一口覺得一天的疲勞都盡散蟹肉蠔仔泡飯 大概有六碗左右 一碗足料嘅泡飯真係令人好滿足 啖湯真係甜到不得了總括而言 雙蟹宴套餐抵食而且份量多 足夠四至六人份量 全部啱

喜記蟹將軍係香港出名嘅海鮮食店 聽就聽得多 今日約埋五個朋友嘆番餐蟹宴先人多想法多 一於叫個雙蟹宴套餐 4至6人分量 $988 另收加一服務費套餐包括 兩味蟹菜式 可以一試喜記嘅招牌菜 避風塘炒蟹避風塘炒蟹 廚師功架十足 鑊氣非常肉蟹事先走過油 更能鎖住肉汁 蟹肉飽滿肥美 絕對新鮮生猛避風塘炒蟹 靈魂精髓 在於炸蒜 味道非常惹味 香香辣辣 炒得夠乾身 入口非常香脆啤酒煮蟹 我都係第一次食 有啲似薑蔥炒蟹嘅感覺 啤酒可以讓蟹肉更加鮮嫩甜美 喺烹調嘅過程酒精已經揮發 唔係好食得出啤酒嘅味道店員會細心幫我哋敲碎蟹鉗嘅殼 可以等我哋食得方便些花甲汁火焰蜆 用錫紙包住鮮蜆 用微火打蜆焗熟 原汁原味 蜆肉肥美多汁豉油雞 顏色上得好靚 豉油咸道適中 肥瘦適中 雞肉嫩滑入味雲耳鮮茄浸時菜 簡簡單單味道清甜 感覺健康 又舒服甘菊豆花湯 非常健康又養生 賣相吸引 廚師用豆腐整成一朵菊花 豆腐好容易就會爛 竟然可以整得咁完美 廚師刀工一流 功架十足鮮蟹肉蠔仔泡飯 鮮味無窮 每一啖都食到一梳梳嘅蟹肉 和肥美飽滿嘅蠔仔 忍唔住食咗兩碗火焰富貴蝦 幾創新嘅一度菜式 味道鹹鹹 甜甜 酸酸 不能形容 有啲似食緊啫喱

話說，同事見到免費報紙有蟹將軍雙蟹宴的廣告，$988/4-6位用，仲有$50 coupon，那平均一位就大約百幾蚊，有蟹有蝦有蜆，梗係即刻BOOK啦。 蟹將軍尖沙嘴分店位於Isquare，我地呢日book得早（平日6點多），居然裏面都有不少顧客。 除了雙蟹宴，因爲我地有7個人，我地另外加多一客金菊豆花湯（$55)，而每位計的火焰富貴蝦我地就無多點。 室内環境舒服 朋友不是個個都會吃很多海鮮，所以我地都另外叫了幾樣$66的特價小菜。 餐牌 雙蟹宴Details： 可供4-6位用需另收加一與茶介（$10/位） 火焰富貴蝦 上枱時有點被嚇倒，因爲完全聯想唔到這個啫喱杯。說好的火焰呢？侍應說之前已用火焰揮發菜式的酒精（?)幾時？將道菜冷藏前的事？那火焰好像不太關事 這道菜其實有點似啫喱水晶餚肉個層啫喱加上瀨尿蝦肉。瀨尿蝦肉本身無問題，但sorry我不太會欣賞個層不知道怎麽形容的味道（海鮮高湯？）的啫喱，所以只刮了下面的瀨尿蝦吃。花甲汁火焰蜆 呢道菜的包裝都幾特別，是將蜆包在錫紙袋裏面，再在上桌後點火煮熟。但一打開，有陣超怪的香味，好似女人香水般的人工香味。雖然食落的味道唔覺得奇怪，但放