喜記蟹將軍 (iSQUARE國際廣場) (已搬遷) 新店位置

一直以為避風塘炒辣蟹價錢好貴，原來尖沙咀一樣可以食到親民價錢避風塘風味的炒辣蟹，地點仲要非常方便，尖沙咀地鐵站出口iSQUARE國際廣場，喜記！平日夜晚估唔到全院滿座，我們沒有訂位足足等了1小時，門口看看餐牌，好多介紹香港避風塘美食，而且還推出優惠套餐，《超值龍蟹宴》 $1000 大元足夠 4-6 人吃，怪不得這麼多人排隊了！很久之前吃過灣仔喜記，其招牌正宗避風塘炒辣蟹 ，食過嘅朋友都大讚惹味！令人一試難忘！《鮮淮山酸薑》鮮淮山健康有益，酸薑開胃。《滷水鵝》例牌份量已經好大碟，而且滷水鵝非常濃郁好味。《秘製豉椒炒蜆》秘製豉椒醬汁很特別，跟傳統的不一樣，有點香辣泰式醬感覺，配上大大隻蜆肉好飽滿。《椒鹽波士頓龍蝦》椒鹽金黃鬆脆，波士頓龍蝦肉質結實彈牙，味道鹹香十足。《喜記正宗避風塘炒辣蟹》這裏的招牌菜，推介喜記正宗避風塘炒辣蟹，經理推介說生猛大蟹每天新鮮到貨，保證新鮮。蟹肉鮮甜，肉質結實而且滿滿的避風塘辣汁，吸收晒所有蒜蓉、鼓椒、辣椒味道的精華，我哋一啖接一啖，滋味一試難忘，真係食到停唔到口呀！《燒汁野菌牛柳粒》燒汁野菌味道夠濃，牛柳粒入口柔軟，鍾意食牛嘅朋友有福了！《金銀蛋莧菜》食咗咁多

喜記辣蟹🦀咁出名，應該好多人都識，最近我就去食咗isquare喜記蟹將軍嘅二人龍蟹宴，價錢平🤑，但係嘢食又多又高質，超抵呀👍🏻.陳醋木耳 - 醋味好香，酸Mei Mei ，好開胃嘅小食😋.波士頓龍蝦 🦞- 原隻龍蝦，可以揀椒鹽或者蒸都得，侍應推介我揀椒鹽，食落好香口，龍蝦肉都好爽🤤.招牌避風塘炒辣蟹 🦀- 重點黎喇，隻蟹好大隻好多肉，我揀咗小辣🌶，都覺得夠辣，蟹肉十分鮮甜，蟹鉗更加係好多汁，正.滷水豬手 🐖- 豬手滷得夠入味，亦都炆得好淋，幾好.野菌泡田園蔬菜 🥬- 呢個菜係用上湯浸，可以當埋湯飲㗎🥣.櫻花蝦炒飯 🍚- 炒飯都幾多料，有櫻花蝦🦐，翠玉瓜，叉燒，火腿，蛋等等，飲亦都炒得夠乾身，炒得幾好

每逢10月，丈夫會為我慶祝生日，今年選擇食蟹，炒蟹還是清蒸 ?  而餐廳我們就選擇了喜記蟹將軍，喜記在灣仔、銅鑼灣、尖沙咀都有分店，為發揚香港避風塘美食先驅之一，有好多明星都大讚惹味，那麼我們怎可錯過呢 ~餐廳裝修典雅時尚，以中式設計，感覺古色古香，而店裡設置大型魚缸，擺放生猛活海鮮，吸引不少人觀賞  ;  地方整潔，環境舒適。餐牌上除了二人套餐及四人套餐外，另有多款特色小菜，蟹油炒麵、辣酒煮花螺、椒鹽瀨尿蝦、椒鹽鮮魷、金牌牛肋骨等，看起來都很吸引呀！我們點了二人龍蟹宴，原價$1128，宜家超值價$598，真的好抵呀！二人龍蟹宴套餐包括陳醋木耳、波士頓龍蝦、招牌避風塘炒辣蟹、滷水豬手、野菌泡田園蔬菜、櫻花蝦炒飯。陳醋木耳帶少許酸味的木耳，散發陣陣陳醋香，吃了這前菜，既開胃又美味，不錯。波士頓龍蝦這套餐的波士頓龍蝦可以有多種方式烹調，而我就選擇了蒜蓉蒸，龍蝦爽口彈牙，味道非常鮮甜，散發陣陣蒜蓉香，加上粉絲吸入了龍蝦和香蒜的味道，簡直美味無比！招牌避風塘炒辣蟹大大隻生猛蟹每日新鮮到貨，螃蟹品質上乘，肉質結實，蟹肉鮮甜無比，啖啖滋味，它採用先濕炒再配上蒜蓉、豉椒、辣椒乾炒方法，令蟹肉吸滿避風

龍蟹二人宴 $598-陳醋木耳先黎一碟開胃小食～木耳夠爽脆，蒜味好重！-波士頓龍蝦可以揀清蒸或椒鹽，當然要試清蒸啦～蒜蓉粉絲口感彈牙，吸哂龍蝦既鮮味，好惹味！龍蝦口感夠爽彈，亦唔會煮到太老，夠哂鮮嫩。-正宗炒辣蟹店員好貼心，幫我地打碎哂啲蟹殼。蟹肉炒到入哂味，好香辣，但肉質唔會乾爭爭，蟹肉仲好Juicy！正呀！真係忍唔住要食到啜手指！炸蒜炒到脆卜卜好惹味，不過略嫌有啲多油，好邪惡。-滷水豬手豬手滷到好入味，但口感仲Keep住爽脆彈滑！-野菌泡田園蔬菜要讚下個上湯好好飲！芥蘭爽嫩清甜，野菌吸哂上湯既精華，好好食，連平時唔多好芥蘭既我都食左勁多。-櫻花蝦炒飯其實已經食到好飽，原來仲有碟炒飯。份量足，炒飯粒粒分明，炒到乾哂身，蛋香味好出；仲有櫻花蝦同臘腸吊味，正！-最後仲有蕃薯糖水做飯後甜品添，好滿足呀～

2019秋第一蟹唔知大家食咗大閘蟹未呢？🦀🦀🦀上星期終於去食大閘蟹宴，好興奮🤩除咗大閘蟹之外，亦好期待芝士蟹伊面今次揀左I Square喜記食蟹，估唔到身邊幾枱都係專登嚟食蟹😆蟹膏真係好正趁後生食多d，老左真係照哂標😂薑汁炒芥蘭都好好味，芥蘭新鮮唔苦。食完蟹，食返薑汁暖下身即刻舒服晒芝士麵包蟹伊面真係好正🧀🧀🧀麵包蟹啖啖肉！最後當然要食返個暖笠笠番薯糖水完美❤️下年再見喇蟹仔🦀👋🏻

大閘蟹季節到喇！ 上網睇到呢間蟹將軍喜記做優惠，$1198/4-6人套餐（公母大閘蟹各四隻）。）我地四人吃，剛好每人2隻！ 佢可以另加大閘蟹, $70/隻。 一去到，上前菜 - 八味豆腐、鹵水豬手：豆腐一般、豬手入味但太肥及多毛前菜食到咁上下就上大閘蟹😍，一次過上晒八隻，四公四母，size似係3.8両咁上下，雖然有啲細，但兩款蟹既膏都好好味，流晒油咁🤤⋯⋯ 初初覺得佢好細心、食完前菜先上大閘蟹，點知其他食物（欖角骨、上湯菜心、薑蔥炒蟹、芝士麵包蟹伊麵）喺食大閘蟹途中上左，搞都唔知食咩好.... 又怕會凍左😭 Btw, 食完兩隻有啲攰，所以要停止摵蟹先😂 食下其他。欖角骨值得一提！好味呀～ 個肉脆但又唔乾同個汁都好好味，酸酸甜甜！ 薑蔥蟹太油，味道可濃啲，蔥未入味～ 麵包蟹都可以最後仲有個蕃薯糖水添！ 有泊車（2小時）

話說近日有親戚由外國返黎，就帶左佢地去食蟹！見個龍蟹宴都幾抵食就試下!海鮮種類都有幾多種，首先你個豉椒炒蜆，蜆巴size都幾大隻，無沙而且炒得辣辣地，嗜辣嘅朋友一定鐘意！之後就係椒鹽波士頓龍蝦，椒鹽處理得好好，但係仍然保持到龍蝦入邊嘅汁，呢個都做得幾出色！黎到喜記，當然要試吓佢嘅炒辣蟹啦，果然冇令人失望，肉質鮮甜，份量非常足夠，難怪枱枱都嗌啦！呢個餐都有啲非海鮮嘅菜式，包括牛柳粒、金銀蛋白菜同滷水鵝，而且仲有個蟹油炒麵都非常惹味!總括來講呢個套餐都幾抵，四個人食絕對綽綽有餘，海鮮總括嚟講都幾新鮮，都幾唔錯！

大閘蟹4-6人餐，大閘蟹每3-4兩一隻，蟹孫，好彩有膏。薑蔥炒蟹，仲過份，水蟹仔，蟹蓋得兩三個仲要好細隻，蟹鉗冇肉。芝士麵包蟹衣麵底，芝士冇芝士味，結踢踢一Pat，不值一提，椒鹽豆腐味道可以，但只可以算係兩人份量，滷水豬手味道不錯，但真係最多算是三人分量，最精彩係蒜子炒菜芯，真心個句，連婆婆都話，有一碟好菜，所謂大閘蟹4-6人餐，根本就只能算是2-4餐。之前已經了解過食評，抱住懷疑態度，諗住希望有驚喜⋯⋯冇下次🤬🤬🤬，服務態度，奇怪，要人冇人，不願做，人客已不多，冇番頭客。

聽朋友介紹最近有個幾抵食嘅二人餐，又有龍蝦又有蟹食🤭 加上都一段時間冇食中菜，所以就二話不說去左試~ 之後先知原來依間餐廳都幾出名，唔少明星幫襯之餘，佢哋嘅避風塘辣炒蟹都非常受歡迎🤩 單叫嘅價錢會偏貴，但最近推出嘅二人套餐性價比就幾高😻-龍蟹二人宴($598) 總共有六款菜式，前菜係陳醋木耳，食落都夠酸，幫你係食主菜前開一開胃🤓*波士頓龍蝦🦞 可以選擇蒜蓉粉絲蒸或椒鹽炒。前者會比較食到龍蝦嘅鮮味，後者就會惹味過癮啲！🍔就揀左椒鹽炒。龍蝦面層鋪滿炸蒜同辣椒。食落肉質結實而帶點爽口，幾新鮮~ 有整整一隻龍蝦，幫你開埋邊同切件，所以幾易食，啖啖肉😋*喜記正宗炒辣蟹🦀 上枱時炸蒜嘅份量真係多到嚇死人😂 可以當飯食咁濟。隻蟹嘅份量幾足，由其係個兩隻大蟹鉗！蟹嘅外層炸過黎，加埋啲蒜一齊食，超邪惡😎 待應會好細心幫你揼碎個蟹鉗殼，仲會周不時換下碟，抵讚👍🏻*鹵水豬手，食落有d似豬腳薑個隻肉質，偏向有咬口個種，都幾入味🐷*野菌泡田園蔬菜🥬 可以一解之前個幾道菜嘅油膩感。*櫻花蝦炒飯，炒得夠乾身，粒粒分明。食埋個飯保證你夠哂飽肚🤣 -之後仲有個木瓜雪耳糖水。成個餐非常滿足，以兩個女仔黎講會有啲多，男仔

小姐今日突然間話想要吃蟹腳，口就帶佢去食蟹將軍啦。 去到見到個四人餐$1000有找，已經有龍蝦、蟹、滷水鵝、和牛粒、抄蜆，好抵食，就試吓啦。第一味菜豉椒炒蜆略嫌不太新鮮。主角 一號椒鹽波士頓龍蝦 🦞 有沒有失望，肉嫩，香口， 肉厚， 新鮮！ 一隻吾夠食，要 encore! 主角2號避風塘炒辣蟹， 因為小姐要食所以我哋叫咗微辣。睇相見到小姐食到舔舔脷就知有幾正啦。蟹肉果然非常鮮甜新鮮。小菜雜錦安格斯牛肉粒都炒得好有鑊氣，牛肉有口感重牛味！ $1000 有找！ 低食！

香港的天氣，十月應該已是秋高氣爽，奈何還是熱氣冲天。天氣雖然是變了，但是，這段時間，仍然是秋天吃蟹的季節，沒有因氣候改變而改變。今天，適逢姑媽姑丈遠道回来，因姑丈是好蟹之人，我們今天來到尖沙咀喜記蟹將軍 - 一間主打吃蟹的地方，一邊宴請他們吃蟹，一邊回味我的幼年往事。頭盤先來碟鮮准山酸薑，來開開大家的胃口。喜記蟹將軍這店，是香港避風塘美食先驅，招牌菜式是避風塘炒辣蟹，姑媽姑丈是第一次來這店，當然要一試吧，大大隻蟹新鮮，品質上乘，肉質結實，配上了海量蒜蓉、辣椒乾炒，令整隻大蟹惹味非常，真的是停不到口，連炸過了的蒜蓉辣椒，也可用來伴個白飯。跟著來的也是主角-波士頓椒鹽龍蝦，賣相與味道雖然與炒辣蟹有點相似，但始終一個龍蝦一個蟹，總會是有一點分别呢。配角也來了，是一味秘制豉椒炒蜆－蜆肉飽滿大隻，配上豉椒醬汁，正宗大排檔口味之餘，隻隻有肉，不像别的店般，整碟大部份是殼只得丁點肉吃。這店內更有不同套餐種類和小菜任你選擇，例如今晚也點了燒汁野菌牛柳粒、金銀蛋莧菜、滷水鵝，也是不錯的伴飯小菜，一定有一款合你口味。

二人世界想食海鮮, 最快捷當然係出街食, 經朋友口中得知尖沙咀iSquare喜記有抵食海鮮餐食, 於是今晚去一試!可能正開始踏入大閘蟹季節, 唔少食客都order 大閘蟹套餐, 而我就偏向中意食啖啖肉既肉蟹, 兼見到呢個做緊promote超抵二人套餐, 有蟹食之餘, 仲有龍蝦食, 平均都係三百蚊左右一位, 抵啊!入座先送上茶同埋前菜, 茶芥每位HK$10, 陳醋木耳: 冷盤小食, 陳醋味很重, 酸酸地帶極微辣, 好開胃波士頓龍蝦: 可自選蒜蓉清蒸/避風塘, 我就揀左避風塘, 配料多得幾乎將開邊龍蝦覆蓋, 呢個價錢本預期龍蝦唔會太大隻, 每人有一兩啖龍蝦肉過下口癮已經唔錯, 龍蝦表面被稍為預先炸過, keep到些少肉汁, 肉質不是很彈牙, 亦不是水汪汪般之死蝦, 而是質地偏林, 夾集避風塘配料食, 多一份香口。喜記正宗炒辣蟹: 可以自選辣度, 我地揀左小辣, 唔食得辣既朋友都handle到。蟹鉗大大隻成為焦點, 上檯後, 侍應仲協助將蟹鉗扑碎, 原隻蟹鉗可以拆出, 滿足啖啖口感之餘, 味道鮮甜。至於蟹身每人分別有三件, 肉質唔算太札實, 但可食到蟹既原汁原味, 唔會被辣味over~ 鹵水

✿╮❤╭✿ ✿雜感女生   好味日記✿ ˚*•✰。喜記蟹將軍．時令蟹逅。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤朋友推介去喜記食當時得令的蟹蟹 一去到，已見生猛的龍蝦、蟹蟹在魚缸中暢游 食指即時大動！再見限定的大閘蟹餐二人餐 就即時拍板食此套餐2人餐，1人1隻公蟹與1隻母蟹每人都有2隻勁多膏、勁鮮甜的的大閘蟹 母蟹極濃香，公蟹帶清甜 肉質鮮滑多汁，一次過品味2款鮮度 其實幾抵食！薑汁芥蘭 芥蘭條條清脆，翠綠爽口 好細心的師傅，去了芥蘭的花芯 更健康有益！欖角骨 欖角濃香，帶甜的肉骨更滋味好想來碗白飯芝士牛油麵包蟹伊麵 要吃當然是蟹蓋 super 多膏的麵包蟹 從前重點是冷食，西餐款式蟹膏偏硬身 今次是啖啖軟滑濃香蟹味 加上滑滑芝士，非一般的好吃！薑茶番薯糖水 滋潤香甜沒有渣，非常適合「蟹逅」飲一碗！小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆❤ 喜記蟹將軍 尖沙咀iSQU

開嚮商場內，環境係企理及舒適好多。前菜是准山酸薑，酸酸尾尾的味道，頓時增加胃口。既然這店以蟹作招來，那就梗係要食一下。 薑蔥炒蟹用煲仔上，很大隻，夾上手亦覺墜手。蟹鉗很巨型，很大舊肉，薑葱味香噴噴，蟹味亦很重，好正!豉椒炒蜆辣辣地的，蜆肉不是很大，但勝在夠鮮。同樣是啖啖肉的椒鹽波士頓龍蝦，暫件碎上，炒得很惹味。食完海鮮，食番個莧菜金銀蛋平衡一下，口感幾嫩。原本已經飽飽地，見到隔離碟牛柳粒好似好正，朋友又跟住嗌左碟，用牛柳粒燒質地好幼嫩，配以燒汁吊味，再加上野菌咬落好juicy，無得彈!!

又到蟹季，網上看見這裏有奄仔蟹套餐， 喜愛吃蟹的我們豈會錯過！ 當然立刻訂枱一試暖場嘉賓 一 蒜蓉粉絲蒸扇貝.拆蟹前首先每人來一隻扇貝．扇貝不算很大隻 ，但也蒸得不錯，蒜蓉粉絲也很入味第一主角 一 清蒸奄仔蟹.奄仔蟹每人有兩隻，每隻大概六兩重.蟹膏十分多(可看見黄色的膏溢出殼外)，蟹肉味道鮮甜配角一 椒鹽骨椒鹽骨每人有兩至三條，肉質咬下去也算腍， 惹味之選配角 一 啫啫生菜煲生菜份量很多，腐乳肉碎做的汁調味也不錯．第二主角一 招牌蟹油炒麵這個麵不得了! 秘製蟹油既香且辣，麵炒得極好，乾身彈牙；完全不會油淋淋 就算我們已經八九成飽，還是要把整個麵都吃完， 一條不剩我們吃了這麼多東西，埋單(連茶錢)也不用五百元！真心覺得非常抵食，性價比極高，誠意推介