哥登堡餐廳

营业中

休息中

哥登堡餐廳的外形像七八十年代的風格,在土瓜灣相信也屹立了很多年, 昨晚放工,同老公決定入去試試~我們坐在卡位,很舒服,幸好行快一步,我們坐下一會,餐廳已full了,要等位,平日又要等位,相信餐廳的水平不會太差我們點了兩個set : 鐵板牛仔骨set & set dinner 羅宋湯 好味,但越飲越辣 餐包 很大個,甜甜的,不錯 鐵皮牛仔骨 兩大塊,好味 花旗參蜜 唔錯 朱古力雪糕 很有兒時的味道值得一讚是waiters的服務很好,並不是一般茶餐廳的招呼~除了餐廳懷舊之外,更吃回童年時的味道,可以再來!

以前每次搭車經過都好想去試下，因為佢既店面好似好有懷舊feel咁，終於有日膽粗粗同男朋友入去食，之後哩間餐廳更成為我地每次o係紅磡果邊食飯既首選。哩間餐廳入面既waiter都係一d 中年既男人，佢地手腳快，好有經驗，唔知係唔係o係度做左好耐家呢？有d 態度麻麻，但有幾個態度真係好好家！次次去食都係dinner，dinner入面有個餐係食燒春雞的，唔知大家有冇食過呢？我覺得值得一試家，成隻雞咁食真係好好feel，食過一次之後我地就次次都係叫哩個set dinner食了！同埋好少餐廳有燒春雞食 T^T 難得難得！p.s. 燒春雞要等20minutes最後我覺得最正既係佢個飯後甜品，而家好多餐廳都應該冇哩樣野（我指價值較一般的，唔係高檔），所以哩樣野係幾令我滿意。佢既飯後甜品有兩樣野揀，就係雪糕或啫喱。大概$70- 左右~

十.一國慶對我絕無意義,什麼建國大業?大孽就真,如非共產黨的話,就不會出現餓死人的大躍進,扭曲人性的文化大革命,六四屠城等"偉績".難聽一點去說:慶佢老_.在這個年頭,更加懷念港英年代的日子,不是說外國月光特別圓,而是當時的社會氣氛,比今天好得多.視野也比現今的更加宏觀,包容.現在?當傳媒一報導外國樂隊來港開演唱會,只會報導他們爆粗,當觀眾看一男一女表演跳拉丁舞,只會在意男方有沒有搏女方懵.殖民年代留下來的,大多人在思想上已洗得八八九九,昔日在電視前滿腔熱血說打到李鵬,今日就爭住去解放軍營開放日.不過,有些事物,長年累月陪著我們左右,飲食文化之中,除港式奶茶之外,豉油西餐是其中一樣港英年代的遺物,到今天仍舊全港通行.上一代去波士頓吃個扒,已是極時尚之事情,去到我們的一代,花園餐廳是很多人的集體回憶,後來見識漸廣,品嘗過高級餐廳的牛扒之後,所謂的集體回憶,已漸漸埋葬心深處.不過,我久不久也會吃一餐.這一夜,再次來到家中附近的"哥登堡".時間尚早,食客未算多,見上幾篇食評之中,有人大罵食物難吃,但只是吃咖喱牛腩,同肉醬螺絲粉.小弟多年來的經驗,總是吃得很愉快.今次來個鐵板免翁牛柳餐,有餐湯

去到坐低，初時無卡位坐唔係太開心，後尾空左卡位就比我地調返入去，服務態度仲好好叫左兩個鐵板餐，一個牛柳一個T骨，牛柳好食好多，七成熟都唔會太過份，d黑椒汁仲好正，好想返去食多次d服務態度好好，埋單只係百幾蚊又好食，絕對抵，如果叫set din仲更加平，一定會返去食多次

Lunch time 同同事去開呢頭做野所以入去幫親.好彩都唔係太多人,我們一行4人都有卡位坐.哥登係老鋪黎,所以唔洗多講好多人都識.如果dinner黎係會多野食d.但Lunch佢地都做得幾好.羅送湯真係much食,好濃;跟餐有紅豆冰.真係一定要食tim.因為真係好好味.佢係港式味道.我食左焗豬扒飯,個飯底炒得咁乾very good.焗左都唔會濕晒咁.同大記個d無得比.

呢排好少去哥登堡食野,但之前去過~話曬開日幾廿年,好多人都知哥登堡D野食「大件夾抵食」,前排我去食個西冷排,有肉味,吾太硬ok好食!!D汁可能杰左少少,但ok喎不過有D無奈,有D食家亂寫野,第一:芝士肉醬螺絲粉,D芝士,冇焗過~冇可能我上星期去過,芝士可能吾太入味,但我個人十分滿意~棷汁紅豆冰方法,我聽聞是餐廳自制的,味道濃厚,有新鮮既棷汁味,但有D食家因心情問題亂寫野,我以前都覺得哥登堡D野食一般,但翻新之後,餐廳既食物質素,大有進步+上服務一流,最梗要低食,價錢十分經濟,晚餐都是六十幾蚊,真低食~

人有動力去寫食評相信只會係因為好好食或者好難食而為左依間餐廳~更需要睇左咁耐open nice都要開acc黎寫可想而知有幾難食!!!!!因為住係土瓜灣既關係已經食過好多間餐廳 不論中.西.日.泰.好多茶記 乜都食過晒而依間雖然經過好多次.但係見到出面果張poster已經無胃口食但係今日下午都同女友落左去哥登堡餐廳食lunch.因為其他都食過晒嘛.咪試下囉點知!!!!!!就出事喇!!!!!!入到去我同女友揀左個 咖哩牛腩反+芝士肉醬螺絲粉 跟餐叫左 凍奶茶+紅豆冰首先黎左個羅水~嘩!!d菜煮到爛晒.成"堆"野咁...又"杰"..又咸.d份量真係錯錯錯晒!!!!!最緊要係果時一d都唔忙囉~唔該出野之前睇下d野既質素啦個羅水係唔熱嫁!!好明顯一落台就見到有d油"傾"左係面咁囉再等左唔洗2分鍾個飯同個意粉都到啦.個飯唔出奇~都係快餐野就個芝士肉醬粉就真係離晒普....明顯見到係焗都未焗過仲要d意粉係仲有d水既..好啦!都唔緊要~最緊要係味道嘛試左先講..................一試!!正呀~~~個肉醬係有糭味係度嫁!!你無睇講~我無寫錯!係糭味!咸肉糭咁既味仲有個粉~係散晒嫁!!又

昨日中午與老爸老媽一起來這裡吃午餐, 星期六下午一時多, 人不算多, 要找個位子一點難度也沒有. 隔了幾個月再幫襯, 一切也仍然是老模樣: 一樣的裝飾 (昏暗的燈光, 密密麻麻的枱櫈), 一樣的侍應態度(快捷但不親切), 一樣的餐牌 (豬牛雞魚扒). 我們點了上次吃過不俗的焗豬扒飯, 還有蒜茸牛扒飯. 先來的羅宋湯仍然多料, 有紅蘿蔔, 洋蔥, 西芹, 胡椒粉......, 味道酸中帶辣, 很醒胃. 再來的焗豬扒飯賣相和上次吃的一樣, 不過, 入口便發覺有分別: 飯比較淋, 好像下了很多水去煮; 豬扒的 味道也明顯地比上次遜色, 調味方面退步了. 蒜茸牛扒飯用的是薄牛扒, 雖然不韌, 但卻沒有牛肉味, 蒜茸汁當然也是"有色無味", 白飯也犯了跟焗豬扒飯一樣的毛病, 又是米飯太多水太淋. 唯一保持的就是碟頭大, 三個人吃兩個午餐也夠吃! 話雖如此, 這裡的餐茶-花旗參蜜仍然好喝. 蜜糖水內放上不少花旗參片, 加上一小片檸檬, 清熱之餘又潤喉, 相信沒有幾間的餐廳會用這個做餐飲, 也可以說是一絕!

二月十一‧陰陰涼 要找處地方吃下午茶，與其去普通茶記，不如來這裡也好，因為我記得這裡的蝦多士幾好吃的。話說當年與天光道某女校的女學生「交朋友」，都來這裡吃過不少下午茶，而這味蝦多士，炸得香鬆脆口，是「名物」來的。 要返工報到，之前來到，三時未夠，也差不多坐滿，在門外站了一會，沒人來招呼，唯有自行找位。坐下才醒起，是日是賽馬日，而伙記也在熱烈的討論「太平洋」的表現﹝噢！我條三T用左「心喜悅」做膽...﹞，難怪服務這麼的一般。也不用研究那麼多，就要炸脾沙律及蝦多士的下午茶餐各一，另外要了件牛油多士。 先來牛油多士，是夾心多士而非很多坊間般的「一件頭」，在落單時叮囑要「少油」，但吃起來覺得比平常的下牛油更重手，也是賽馬日的威力吧！炸脾原來是配薯條的，特別要求要沙律，因為這裡的沙律是自製的，比一般的罐頭雜果沙律好。這裡的雞脾炸得不錯的，雞皮香脆，雞肉也嫩滑有肉汁，有水準。不過當然，炸脾會比較油膩一點，一刀切下，油混上肉汁是不住的流出，吃得就要預左；蝦多士最後才來，是兩大塊的，上面放了兩只蝦，上面用青瓜及蕃茄砌了個蝴蝶花，明顯的廚房應該非賭徒吧。炸得乾身不油膩，吃起來很脆口，內裡還夾了火腿的，味

兩個人...閒日八點黎到居然要等位.....叫左兩個餐:扒餐 - 牛扒 + 雞扒 + 焗田螺焗田螺 - 墊底的薯蓉好味....但田螺好一般牛扒雞扒 - 要黑椒汁....一般貨色而已....肉比飯多....食完飽到上心口.....鐵板餐 - 雜扒陣容頂盛..有牛扒...豬扒...雞翼....腸仔....薯條....要蒜容汁....唔係唔好食...只係冇乜特別.....最好味係條腸仔.....個雞翼仲要係先炸過再放上去...份量頗多....餐飲的椰汁紅豆冰...一D都唔好飲....紅豆唔腍冇沙....椰汁怪怪.....失望 x 100埋單 $110....不加一.....只係覺得抵食兩個字而已.....侍應們眼明手快....抵讚架.....但呢類舊式西餐廳已買少見少....而家會覺得好有味道.....值得支持下....懷舊下.....但同類食店...森美比佢好食好多倍.....

上星期五去了土瓜灣探望大學舊同學, 舊同學很好, 抱B落樓下等我, 和她可愛的BB先打個招呼後再陪我去吃下午茶。哥登堡歷史悠久, 在土瓜灣區很出名, 小時候在附近琴行學琴, 每星期放學後總會經過, 但却從來未試過, 說來這次還是頭一趟。格局真的很懷舊, 下午茶時間人不多, 那就隨便揀個卡位坐下, 下午茶餐的選擇頗多, 我點了牛扒跟薯條和紅豆冰, 舊同學則要了雞扒薯條, 飲熱蔘蜜。這裡的椰汁紅豆冰很好喝, 椰汁味濃, 紅豆不會很多, 但粒粒飽滿, 十分解渴。同學的熱蔘蜜, 她說味道有點奇怪, 因為內裡加了檸檬和柚子蜜, 酸酸甘甘的味道令她接受不來, 對於這杯特飲, 她不是太滿意啦! 至於牛扒薯條和雞扒薯條就與一般快餐店差不多, 其實應該會好味一點, 可是那個洋蔥汁杰到好似漿糊咁, 令雞扒和牛扒都變很難吃,完全吃不出原本的味道來, 而且幫我們落單的阿叔侍應態度惡劣, 愛理不理的, 問有什麼汁選擇都顯得極不耐煩, 差點還要惡言相向, 還未落完飲品我們邊講他已經邊走, 咁無禮貌都得???!!! 原本服務分會俾最低分, 但後來走時是老闆埋單(認得老闆因為閱讀過某飲食雜誌介紹過他的故事與經歷),

這餐廳帶點舊式,所以很想一試午餐款式也有很多選擇,接近十多款我點了的是:紅湯粟米牛脷飯及凍零茶羅宋湯夠酸和辣;味道夠濃粟米牛脷飯也ok最喜歡是這裏的氣氛

看過這間餐廳的食評,都對這間食店有不少好評,於是慕名前來一試,但食物質素亦只不過是一般茶餐廳的水準,唔係十分出色!餐飽>凍冰冰,完全沒有烘過德國咸豬手>好像白烚一樣,只食到咸豬手本身的咸味,有點食湯渣的感覺!漁翁牛柳>牛柳肉質鮮嫩,有肉汁,味道OK.甜品朱古力雪糕>雪糕好滑,有朱古力碎,整個晚餐最好食.飲品>椰汁紅豆冰,好香椰汁味,味道OK. 什果冰>淨係飲到紅糖水的(藥水味),什果好少.這間哥登堡餐廳如果與荃灣莎樂美這些同級的舊式西餐廳比較,前者還有一段距離!

成日搭車經過都見到排晒長龍的，都無打算過要來排埋一份，但經濟低迷，都係要發掘些平靚正食品，唔可以吓吓駛大咗嘛！排咗十幾分鐘先有位，邊排隊邊看到門口的餐牌林林總總，點知見到份餐牌仲多選擇，不過都唔理喇，叫港式西餐必吃的鐵板西冷扒餐啦！跟餐有羅宋湯，味道帶點胡椒的辣，沒有那些紅彤彤的色素，清清哋，幾好！再來便是七成熟的西冷扒，估唔到肉質好得，好鬆軟，無話死實實的有雪味，著條也很脆，無話軟林林，好好食啊！原來仲有得吃甜品，可以選雪糕或啫喱，餐飲都係特色飲品，有椰汁紅豆冰跟涼粉什果冰，個價錢絕對係一條龍，只係要收加一。

夜晚同屋企人3個諗住出街食飯,但又唔想食大家樂同大快活,真係真到厭-,-! 屋企人就提議去哥登堡食,其實我都係住係附近..細細個我記得我都會間唔中黎食下飯..已經開左好耐 到而家大個都未必會去食 可能覺得裝潢舊 不過屋企人話去 我又有d心郁郁想去 haha去到我地3個叫左個dinner $50套餐分別有前菜同主菜前菜有5樣 每人1樣叫左串燒沙嗲雞柳,法式焗田螺,煙肉腸仔串(冇叫既係2款沙拉)主菜就有5款菜,簡2個跟飯or意粉我地3個分別叫唔同 可以樣樣try下有吉列豬排 吉列石斑 豬排 牛排 雞排個串燒雞柳真係mama地 好油 唔係話太好食田螺配薯容 (4粒) 幾好味 好香xd個腸仔串超普通 得1串4粒咁 見意大家唔好叫-_-吉列豬排同吉列石斑都好好味!佢炸得岩岩好 再點個沙拉醬真係正!牛排都ok 唔會話太細塊 岩岩好大細豬排厚得仔! 如果薄返少少就ok既! 雞排都ok啦 另外仲跟個湯(紅同白)我自己飲左白湯 好味!仲有餐飽跟埋 又有野飲 叫左lemon tea真係已經飽到上心口-.-點知仲有個甜品送-.- (ice cream or 啫哩2簡1)其實有好多隻味既ice cream 但