哥登堡餐廳

营业中

休息中

SET DINNER 包括有餐湯+頭盤+ 主菜+甜品+餐茶，每樣都幾多選擇, 頭盤有焗田螺、幾款沙津同串燒，我揀左個焗田螺，都唔錯喎，好香蒜蓉味，D薯蓉都幾好味，湯係一般的紅湯白湯+個餐飽，無咩特別，主菜有豬、牛、雞扒、吉列豬扒、魚柳 自選2樣 配飯OR意粉，我要左豬扒牛扒，味道都OK, 勝在好大份囉。食飽飲埋杯餐茶就比錢走人，走左先醒起好似仲有個甜品架喎... 唔記得左佢添 >.<

其實都系睇食評先會過黎食，原來真系好好味，原來一間吾多起眼的老店鋪，也是很好味架！雖然系土瓜灣，交通的確系煩惱d，但好味程度絕對值回票價！哈哈，吾信可以try try！$53 可以食到一個牛油餐包，一碗忌廉粟米湯，三串沙爹雞柳，一個雞扒牛扒mix，可加飯or意粉or薯菜，一杯餐飲，一個甜品，救命，我同d朋友食到叫救命！真系十個珍

一間都好老字的餐廳無諗過會有一個感覺, 就係食完好快d走人了. 由於嗰晚都幾多人, 我哋兩個人坐在最尾那個卡位. 叫完嘢食惡夢開始了, 成餐就係好嘈, 唔係d客嘈, 係d服務生拿餐具的聲, 把收回來的碟大大力放入盤的聲, 仲有廚房出菜嗰部機的嘟嘟聲, 成餐無停過架, 跟本講唔到嘢.田螺係成餐最好味的食物, 個薯蓉好好, 唔會勁牛油味牛扒拼豬扒, 牛扒都幾好架, 軟熟, 但豬扒都係鞋的羊扒一般, 個黑椒汁都唔配合.好鬼彈的啫喱, 仲以以自己食緊啫喱糖, 唔食好過

細個係馬頭涌讀小學…記得小一開學落大雨就係企係e間哥登堡餐廳門口企等停雨!!!!估唔到現在才回來此地….試一試佢既扒餐~~睇openrice見到雙扒餐好似幾抵食….50幾蚊有紅/白湯,頭盤,主菜,有野飲,仲有甜品~~點解可以平成咁!!!!!! 餐包都係一般…唔好咁高要求~要佢熱呼呼出來餐湯都係咁上下!!!頭盤叫左沙律!!!!我ma ma地~~所以食左幾啖就無食lu!!主菜~~就係雞扒搭牛扒,黑椒汁,正” 夠晒滑又唔會太鞋口!!!牛扒都係一般..係個口咬左好耐先吞得落去飲品不過不失啦甜品又唔錯wo~~原來真係幾多人等位架wo~

都唔明間餐廳D野好食但點解夜晚會咁少人既呢~今晚去朋友屋企打機吹水之前就去左土瓜灣既西餐廳食飯, 依間野我去我FD打機既話順路都會係依間西餐廳買外賣上去FD到食價錢OK, 美心都3-40蚊, 俾多幾蚊又抵食~唔錯~佢既牛扒唔似牙, 有牛味..但要讚既係佢既吉列豬扒~大 大 塊 炸 到 金 黃 香 脆, 鐵板餐都係50幾蚊...正!D汁仲可以自己淋上去添但我平時7點幾去叫外賣.都係坐得一半...D人真係唔識野~雖然佢門口係比較懷舊...但D野食真係比其他餐廳有得揮架~食完仲會有甜品雪糕送~SUPRISE~!!!!唔駛收錢但餐牌係無寫既~哈哈~

2010.9豉油西餐廳，是本港飲食文化的其中一個特式。記得年少時，最愛跟男友到此等餐廳撐檯腳，貪其環境不差，價錢又相宜。人大/老了，吃的經驗和要求高了，加上自從認識KC一班識食之士後，飲食眼界不斷擴濶，現巳甚少光顧。隨著本地飲食文化的不斷轉變、創新，這種港式老餐廳的數目巳越見減少，除了大家熟悉的花園餐廳、太平館、波士頓餐廳等等外，位於土瓜灣的哥登堡，也有多年歷史。自從我家樓下有小巴直出佐敦後，也多了到土瓜灣及佐敦兩區覓食。每次坐小巴都會經過哥登堡這個大招牌，每次見到我都會跟自己說，找天來試試吧。這一天，就來了。環境比想像中光猛，冷氣太勁，有九成客滿。點了：1) 鐵板牛柳餐 $76餐飽：烘熱才上檯，又大又軟綿。紅、白湯：是標準豉油西餐廳格式，入得口，也沒有什麼可評了。鐵板牛柳配黑椒汁：想要四成熟，侍應說只能做三成或五成，點了前者。火侯還可以，肉質非常鬆嫩，當然是化學效果，不過還有點肉味和肉汁，不討厭。2) 燒春雞餐 $66也不知有多少年沒吃過燒春雞了，記得第一次吃，是在大快活，當年還覺得好吃到上天呢！這個燒得熱辣辣，皮很脆，脾位的肉質還算嫩，也有肉汁，但胸位就極乾鞋了。連餐飲一大杯，埋單

個次放咗學之後去食.........一入到去.....聞到一D怪味............不過.......嘢食嘅味道都ok喎!!!串燒好好食!!!!!

男友一直好推介呢間野,今次終於帶左我去食自選晚餐好抵食,包好多野食~頭盤--薯茸焗田螺男友鍾意田螺所以揀呢個,我淨係食薯茸,都幾好味餐湯餐包餐湯叫左紅湯, 好足料好多菜~餐包都好軟熟~主菜--吉列魚柳+牛扒+意粉可以揀兩塊扒(豬/牛/雞/吉豬/吉魚),跟飯/意粉/薯菜...雖然係兩塊扒但係絕對唔係細細塊既HEA貨, 意粉仲要係茄汁底,唔係白恰跟餐野飲--熱朱古力呢杯野冇味...甜品--朱古力雪糕正常味道,不過都幾大杯一個餐咁多野食都係$53再加一~男友就叫左個鐵板牛柳餐,跟餐既野都係一樣,不過少左個頭盤,$7X,佢話好好食扣除杯熱朱古力,呢餐絕對OK!

去同家姐食哥登堡我叫左燒春雞餐，飲走椰汁的紅豆冰燒春雞就没得説的超好吃的我家姐就叫做紐西蘭牛柳餐，飲走椰汁的紅豆冰牛柳不錯，也很好吃而且呢到d食物都好好吃所以今餐就食左202元都OK啦（價錢）

一家三口去左哥登堡食晚餐,都幾好味呀!首先來三碗湯,爸爸媽媽飲左碗羅宋湯,我就飲忌廉湯,跟住就食飽飽啦,媽咪食多士,我同爸爸就食飽,均有牛油附送^^跟住就叫左兩個自選晚餐,一個係煙肉腸仔捲+牛扒,豬扒配著菜,另一個係田螺+雞扒,吉列石斑配著菜。再叫左兩個餐飲同甜品,涷飲吾洗加兩蚊,特飲吾洗加五蚊!後記大家去到見到D waiter們好似江湖大佬,其實都吾係既,好似有個金毛哥哥都幾善談+風趣嫁!

其實好多年前學生時代已經o係呢間『新』哥登堡餐廳食過 Lunch，但係當年俾我o地學生哥感覺係『貴』，所以只係十分間唔中先食一次﹗事隔 N 年，今晚屋企人全部唔o係香港，自己同女朋友又懶得煮，所以就去佢屋企附近o既呢間哥登堡餐廳度食個晚飯。其實之前一日，已經上o左o黎睇過 D 食評，見價錢又唔算貴，已經大家o既評價大多都係正面，所以最後決定去試一試晚餐。原本想叫個鐵板牛柳餐o既，但係各位巴打絲打真係無介紹錯，果個雙扒餐的確更加抵食，$53 (未連加一) 有湯，有頭盤，有主菜，有o野飲，仲有甜品，所以，我同女朋友最後就叫o左兩個雙扒餐o黎試試﹗先o黎個湯同餐包，湯就唔太多講喇，都係一般中低價餐廳o既紅湯白湯質素，我o地兩個都係叫白湯，稀就唔算稀o既，但係…普通囉﹗至於餐包，室溫的。如果可以輕輕叮一叮熱佢自端出o黎俾客人，咁就正得多喇﹗到頭盤，女朋友叫o既係鮮果沙律。佢o既鮮果並唔係用罐頭雜果，而係真係用蘋果。但係味道就偏酸。而我叫o既，就係薯茸焗田螺。佢用o黎裝田螺o既兜兜明明係有五個窿位，但係佢只係放o左四隻，而且薯茸o既份量都真係比較少。不過，味道就真係好好喇﹗D田螺好有味，好好食~

五月四日 (星期二)坐巴士經過,偶爾都看到不少食客在門外排隊似乎是一間頗吸引的食肆....今晚決定"下車",一試哥登堡來之前先看一看其他食家的評價有的說紅豆冰不錯,有的極力推介燒春雞普遍的意見是食物份量很多,價錢很實惠首先,我們選了一個雙併扒餐,點了牛扒和魚扒前菜有很多選擇,我們選了較特別的薯蓉焗田螺雖說是一個普通的晚餐,但絕不馬虎田螺頗大隻,而且焗得很入味,配上薯蓉簡直一流牛扒煎得剛好,肉質煙韌,吃得出是新鮮貨式魚扒亦無偷工減料,只有很薄的一層粉,外脆內稔,很不錯意粉則較普通,還有點凍呢老公仔向來喜愛吃雞肉看到其他食家推介燒春雞,而且原隻的都只售約$60元(一個套餐),實在不可錯過是即點即做的,所以等了約二十分鐘來到時,嚇了一跳,竟是那麼的大隻很熨手,很細心的付上了一對手套雞肉軟稔而嫩滑,加上少許鹽,很滋味套餐還付送甜品和飲品甜品可選雪糕和啫喱....雪糕還有多款味道選擇....真的很便宜...真的很超值!想不到還有其他地方可以提供那麼經濟又高質素的食物....強烈推介!

因為唔知D相SAVE咗去邊,所以搞到而家先寫到食評....好耐之前食過一次午餐,真係抵食夾大件,味道又幾好,諗住有機會試埋晚餐先寫食評..嗰日搭車經過見到哥登堡門口有個大POSTER,晚餐$53元,餐湯.頭盤7揀1,主菜任揀兩款扒(有牛扒,吉豬,洋蔥豬扒,魚扒...等等),仲有甜品同飲品,,,特飲仲唔使加錢.睇到幾吸引,於是夜晚即刻去食..去到見到幾旺,我一家三口都要等咗一陣先有位.我ORDER咗$53元餐,頭盤揀咗腿蛋沙律,紅湯,吉列豬扒+牛扒跟薯菜,椰汁紅豆冰+啫喱.我先生ORDER咗鐵板牛柳餐,有餐湯,飲品,甜品腿蛋沙律---火腿就濕身,食落幾有火腿味,應該唔係平價貨.烚蛋剛剛熟,仲有少少糖心.沙律夠凍,去餐廳食沙律,尤其係跟餐沙律,最怕唔夠凍.但呢度唔會,好夠凍,食落好清新,份量唔多,食完好開胃**WAITER哥哥話好多客都覺得略酸,但我就覺得啱啱好,如果唔鍾意食較酸沙律嘅朋友,可以揀其他頭盤...有串燒...焗田螺....**白湯.紅湯+餐包---講真湯麻麻地,我飲到3份1已經唔想飲,紅湯冇香味,可以話淨係得個樣同色水,好似加完水再煲咁...白湯仲衰,成兜白雪雪,粟米都冇粒,

坐巴士經過好多次, 都門面被果幾個大金屬字深深的吸引住;一睇就知係幾十年前已開業的舖頭.今時今日, 仲邊有餐廳用呢d 金屬大字招牌吖, 可以多年都站得住, 今日終有機會一試.以前細個阿公住呢頭, 雖個個禮拜都探佢, 但次次都係飲茶 (茶樓好似叫"好彩"), 所以一直都未食過呢頭其他的餐廳呢.一入內, 已是 70's 的裝修, 卡位, 牆上的小水晶燈~全男班的侍應也是特色~叫兩個午餐喇, 媽叫栗米牛脷, 我要蒜汁豬扒飯.羅宋湯先上, 嘩, 勁勁勁咸!倒左半杯水, 才飲得!飲左一半算喇, 血壓都已高左幾度個飯就好好多, 兩片豬扒都好好食, 多肉汁, 唔乾.似煎的, 而不是炸的... 係就好有誠意o羅飯就有d 過多水, 一小部份痴痴地埋一舊.媽個飯多白汁, 唔係講笑.但牛脷好好食, ok 噃.佢竟食晒! 係証明左好食呢.唔洗加錢可飲紅豆冰, 媽馬上叫左不算太甜, 都ok 多豆.我杯凍啡正常.係個湯累事, 否則每人只係$33 , 一定笑得出.

聽朋友話呢間餐廳歷史耐又好抵食，於是決定去試下。 同阿媽兩個人六點到去到，時間尚早，店內人客不多。 阿媽點左50蚊自選晚餐，前菜有沙律，仲有湯。 主菜係炸魚柳拼牛扒，仲有甜品同餐茶。我叫左鐵板羊扒餐。 有湯，甜品同餐茶，68蚊。我地都叫左羅宋湯，味道鹹左d，但都算幾好。 阿媽話沙律唔錯。 至於主菜，羊扒軟身，好好味，唯一遺憾係唔記得要求汁要分開上，浸軟晒d薯條。阿媽ge炸魚柳拼牛扒，份量十足，魚柳同牛扒都好大塊，兩塊夾埋佔晒成隻圓碟，試左一舊魚柳，果然唔錯，好有鮮味。 牛扒就味道一般。 之後有餐茶，仲有甜品，有雪糕同jelly選擇。 我地都揀左jelly，味道唔錯。計埋加一先至$130蚊，咁ge價錢有咁ge質素，認真抵食。