哥登堡餐廳

营业中

休息中

承蒙網友的推介，趁這老牌西餐廳完成裝修後，去了馬頭圍道一趟，近八時在門口已有不少人在等侯，幸好在八時半過後，可找到一個單丁位。先來帶點辣的羅宋湯，不過口感有點水汪汪。 要了一個五成熟的鐵板西冷，大大塊的牛扒，淋上的黑椒汁尚算有分寸，不會過多。至於口感味道，說實在的，是過了心目中的火侯，鋸入肉心後一看，近乎well-done的程度。那塊扒也硬了一點，吃出不少渣。不過凡事總有兩面，這也意味著塊肉扒沒有用上鬆肉粉的東西，而那塊牛扒的肉味，是幾重的。再看Menu，原來有寫上廚師建議扒和汁是分開上的，如果點菜時能夠侍者能稍為提醒一下，那更加體貼了。始終不是在土瓜灣長大，沒有網友所言的「情意結」，但懷舊的情調和氣氛確是不錯，和連鎖快餐集團或鬆肉粉代表相比，平必而論，又確是好了一點。臨尾還附上雪榚作甜品哩，七十餘元，算交足貨了。

相信當年讀新亞,協恩,鄧鏡波的校友們,或在土瓜灣長大的舊街坊,也應該去過土瓜灣,以瑞典其中一個城市命名的豉油扒房"哥登堡".月前因內部裝修,小休十天左右.重開之後,內裏裝修都係同之前差不多.不要少看這間豉油扒房,一到晚飯時間.也是一位難求的.但同金鳳門外的賓墟場面比,又差得遠.很多人學習吃扒,也是從這等地方的鐵板扒開始.小弟也一樣.中學年代上旺角砵蘭街,同樣是來自北歐的豉油西"哥本哈根",已經是很高級的享受.後來有點經濟能力,才一步一步上,去追求一些更佳的味道.這兒的晚市鐵板套餐,無論是什扒,豬手,燒春雞等等.包紅/白湯,餐飲甜品.$58一客,另加一服務費.如果高級一點,有紐西蘭羊扒,免翁牛柳,扒大蝦,也不過$100一位.很多人去豉油西,一定會飲羅宋湯,今次轉飲白湯.一貫港式味道.忌廉味重,質杰但結尾薄.跟湯上的麥包,仍是熱辣辣.叫得雜扒,當然夠雜.上桌時"沙沙"聲,蒜茸汁的香氣隨之飄至.牛豬雞統統一起"肉在鐵板上",一本通書不能看到老,對這些鐵板扒的準則.用另一種態度代之.豬扒爽得來都有肉味,牛扒有嚼頭,未被鬆肉粉鬆到一棟都無.都有點肉味.雞翼,腸仔,煙肉只是搭豬頭的大茄.薯菜是小弟

我經常去哥登堡食飯,你一定猜不倒一間西餐廳有二十幾年歷史,有覺得餐廳很有浪漫感覺,昏暗的,古舊的,非常有意思.服務一流,對人客體貼,食物水凖高,最緊要便宜,$六十多元有塊西冷午扒,午扒比高級餐廳好得多,既香又可口,大家一定要品賞下!!餐廳有電視,令客人得到酒店級的服務。

我自小住在愛民村,就讀學校亦在愛民村,在校內認識到很多同學來自土瓜灣,所以,土瓜灣成為我最常到的地方,無論溫習,玩樂,上朋友屋企,打籃球,踢足球,食飯都在土瓜灣...哥登堡,一看門口已經知道是老牌洋式餐龐,這裡的價錢比起附近的茶餐龐,比較貴,但是,我最鐘意去既時候,係下午茶的時段,因為下午茶的價格對當年還是學生的我仍接受到...其實,他們有好多食物都好有水準,但我最鐘意食既,莫過於乾炒牛河了,炒得夠乾身,而且河粉唔會一夾就散,牛肉亦軟硬得宜,縱然因為下午茶既關係,份量會比較少,但係,我始終熱愛...而且連飲品都只係$22..所以每次一有時間,經過土瓜灣,我都會去幫襯一次...至於奶茶咖啡,唔好期望佢地會好好飲,佢地既奶茶太多冰了,就算嗌左少冰,都係冇用...每次同舊同學重臨哥登堡,多少回憶就在心頭...

呢間土記極老牌嘅餐廳，自小响附近返學時已日日經過，但細細個時候，銀根短缺，邊有能力响呢間當時算叫做較高消費嘅餐廳食lunch ? 都係响學校門口嘅飯盒車買個飯盒，或買幾蚊燒賣粉果食就攪掂一餐...年紀大咗，經濟可以負擔得嚟，來到呢度，總有種時光飛逝嘅感覺...簡簡單單一個麥皮餐，配腸仔蛋。味道絕不會比附近茶記標青，甚至可以講係仲差D添，但老牌高級餐廳，始終有一份優越感，價錢總係會貴一D...吃的只是一份情懷。想要食好D又平D，你一定唔會選擇呢度...

情人節晚上, 原本想著由老公下廚, 點知由於時間關係, 最後都係選了屋企附近的哥登堡, 這裡沒有因為節日而加價, 有人在外排隊, 等了一會, 便有卡位Order 咗一個晚餐一個扒餐, 水準可以, 勝在夠平夠classic, d waiter 又醒目

琴日又去食過..係門口等左陣.白湯好咸~個個staff都好似好趕甘= =我停手休息下,碟野仲有4分2,佢就想收,好在我話仲要..之後我食多左少少,同朋友傾計咪又停一停囉,佢又問我收得未= =我咪話未囉!!再過多陣,我仲有成舊肉係碟到,佢就問都無問收左!!勁炆!!甘趕住去死咩~之後雪糕.佢又係問都無問就比左雲尼那味=_=唉無野好講食物份量又少左不過都係抵食服務就差左好多食物都要改番好

好抵食~1個set有成6樣野!!soup.餐包.前菜.主菜.甜品.特飲~勁正!服務就一般lol 不過都值得試下!個田螺好好味.諗起都想再去=]

曾幾何時，好像在這裡吃過，如沒記錯，是紅湯加疏打牛的扒餐。天時暑熱，找處地方避避太陽也好，這裡空調強勁，就進來吃個下午茶。這裡是豉油西餐廳的格式，昏昏黃黃，直角卡位加四人散座，半明不暗的，也是個人偏愛的格調。下午茶餐也有不少選擇，就要了個吉列豬扒沙律。吉列豬扒是雪藏豬柳，大大塊加上給化學醃得腍腍的，可幸還是炸得熱脆，未至於一無是處。在豉油西餐廳的菜色中，沙律也佔一席位。這裡的沙律，有蘋果、菠蘿及紅腰豆，加上沙律醬，吃起來很酸。比較起心目中最理想的豉油餐廳沙律，還欠了蛋及薯仔。熱咖啡普普通通，加上用個普通的玻璃杯盛著，更覺普通。埋單廿四蚊，夠便宜。

早幾日同個仔食晚餐,俾佢見識土瓜灣最舊西餐廳.呢度幾十年如一日,但雖舊仍未至於殘.晚餐$45包湯,頭盤,主菜(可以揀兩樣),甜品及飲品,陣容就夠大,其他就好一般.最欣賞係焗田螺,D薯茸好正,可以比美大餐廳,份量好大,一個人食唔哂,味道就麻麻地,不過唔會難食.

大件夾抵食，但不是勁好食~同是土瓜灣區的話，我prefer 金加利冰室但雞扒& d 田螺幾好食吉列o野就no good....仲有杯什果賓治呢.....藥水到爆不過最後o既朱古力雪糕好好食! 仲要有chocolate chips wor! 好味!

記得出做時，經常土瓜灣區活動，就已經見到呢間舖，當時講算係高檔，同區西餐亦算首屈一指，當年曾經約女仔食飯。今早舊地重遊，發覺門庭依舊，廿年來無乜變化，依然黑沉沉，雖然不至於殘破但都幾舊。晨早到哽係要食番個早餐，選擇唔少，大致由$16至$20。今次要薄牛扒跟煎旦、餐肉及腸仔，全部都係即做，唔會凍冰冰，牛扒重有水準，唔又唔會醃到無味。至於杯奶茶就茶味夠濃，亦算香滑，但同區輝香園應該好D。雖然以裝修講，好多新店比佢好，但食物質素咁多年仍可以保持水準，怪唔得依然屹立不倒。

我印象記得這間餐廳已經超過大約二十幾年咁耐,我以前去過土瓜灣偉恆昌這間哥登堡餐廰,這間餐廳都幾大,但是食品就普通啦......但今次我再去天光道這間餐廳,覺得入面裝修侬然是好懷舊feel,我和兩個朋友入去,我就order左鐵板牛仔骨要全熟,忌粟米湯好味道,我個男性朋友就order左鐵板西冷牛扒五成熟唔要汁,另外一位女性朋友都係order左鐵板西冷牛扒五成熟要黑椒汁,佢話個羅宋湯very good同埋牛扒非常之好味道,男性朋友吃完一份西冷牛扒話好味道,又叫多份西冷牛扒同埋焗肉醬意粉,全部吃清光仲話未試過吃這麼多,佢以前去過這些高級餐廳吃牛扒都覺得比唔上這間餐廳超好味,價錢又抵,我吃過牛仔骨都好味,跟有位高大靚仔waiter,好有禮貌同笑容問我咃要雪糕或喱,我這位女性朋友問佢可唔可以要2個雪糕,佢就話可以,問我仲要多個雪糕嗎?我話非常之飽,總括全晚不論環境,食物及價錢都相當very.....very.....good!!!我班朋友話下次一定再過.....

十多年前去過哥登堡，唔記得食乜，淨係記得食完之後同女朋友過左一個肚痾既晚上．．．今晚舊地重遊．．．門口冇乜變，裡面光猛左，多左兩部電視，少左格仔枱布，冇左皮造既Menu．．．傳統老西既格調都冇埋！唉！四個人去，叫左T骨，牛仔骨，什扒同吉列豬扒；先嚟餐湯，味道好港式紅湯白湯，叫做過得去；再上鐵板，T骨要五成熟變八成熟，冇肉汁冇口感，但尚算有牛肉味；牛仔骨超級腍，掂一掂就離晒骨，冇左輪骨既樂趣；什扒塊豬排鞋口，煙肉太乾，腸仔皺皮，雞翼冇味，牛扒好似一般午餐貨式，驚喜係加左個什扒餐中久違了既荷包蛋。吉列豬扒唔夠鬆，但算OK。到餐飲，茶底太耐冇換，攪到檸茶同奶茶好澀！紅豆冰唔係用刨冰，而且稀到水汪汪！雖然話五六十蚊個餐，唔可以太苛求，但係咁既質素真係令人好失望！仲有，D侍應顧住睇無記新劇賭場風雲．．．唉！雖然aged（簡單黎講係屠宰後放入冷藏櫃十零日，等牛扒本身既酵素發酵，令肉質變嫩）既牛扒要響高級扒房先食到，但大部份港人食到好腍既牛扒就話好味好正，攪到D餐廳用盡方法整腍D牛扒，攪到冇晒牛肉味，食到既味只係醬汁！平有平吃，咁樣好似浪費左．．．

必食推介-法式焗田螺, 熱辣辣, 蒜蓉牛油好香,田螺好滑好軟乾淨冇粒粒3人分別試左免翕牛柳碟上,蒜蓉雞扒碟上及鐵板黑椒紐西蘭牛柳套餐: -個紅湯好得, 酸辣香配合得洽到好處-扒都唔錯-仲有餐包,飲品同甜品(雪糕或0者0厘)好滿足!