咖啡煮意 (已結業)

今日連午飯時間都要加班成個人已經灰到一個點隨便在公司樓下吃個午餐Idea 都算係比較穩陣嘅選擇自從上次食過刺身被我喻為自尋短見系列 今次選擇了穩陣嘅蘆筍大蝦意粉不過不失有幾隻大蝦都叫做爽口彈牙可惜雪藏貨冇味道 意粉比較乾身而我自己覺得多少少汁就會好味啲 又來挑機加左＄20要三文魚壽司Haha 下次都係唔好試 sushi 類嘅食物 不用＄100的午餐我是不會有太高要求的

咖啡煮意, 一路以來都是去午餐, 飲咖啡食意粉, 以前有質素, 咖啡好香濃, 意粉煮和炒的時間剛剛好!現在可能客多, 產量大增, 質素下降!評論一下食物飲品, 意粉, 食物方面, 我點了蜆肉意粉, 可能近午市完結時間(1:15pm), 上碟一看是意粉碎上, 條條都兩至三寸長, 感覺像意粉碎, 睇到都不太開胃!  嗅覺上, 有小小牛油和香草香味, 但蜆肉似有小小嗅味!  味覺上, 口感不是炒意粉的爽, 味道是正常但沒有意粉的小麥味, 除了"蜆肉", 又梅又睲!咖啡, 外觀不錯, 色水好濃, 飲前一聞, 有小小咖啡的香, 一入口, 發覺有色無味, 有色既熱水!""不會再試""

咖啡店都有私房菜食？今次又係朋友帶路，仲要早早訂位，先試到呢間私房菜。聽朋友講，呢到無menu，訂位時只須講人數、有咩特別想食（如蠔），咁佢就會自動去馬，收費每位人頭約300-400。至於實際食乜，其實同其他食評講既大同小異，視乎訂位有無特別要求，或大廚有無新idea.當晚我地就食左呢d: 初睇以為中間係麵包，但原來係唔知蝦肉家蟹肉做，聽聞都好花功夫。湯夠濃，好味 刺身都算新鮮，不過三文魚外，其他唔算好肥美。 主菜有兩個肉，但可能攤凍左，味道只屬一般，有點失望，不過勝在份量夠。 麵又反而唔錯喎 甜品簡單左d，不過不失。 鋪頭細細但原來差唔多晚晚爆場，想試真係要早訂位。個人而言，整體表現唔錯，可以一試，不過如非有新菜色，可能會隔一段時間先會再幫襯了

一行四人黎食lunch一碟燒牛肋意粉一碟卡邦尼一碟蘑菇雞意粉一碟蜆肉炒意粉第一碟上卡邦尼已經左竟然冇汁…根本係炒意粉跟住幾碟全部麵底係一樣，做法亦完全一樣只係配料轉左少少…仲要勁多蒜勁大粒，好殺菌呀總括黎講味道ok的，但煮得好冇heart囉如果唔係卡邦尼就唔好叫卡邦尼啦

呢間餐廳第一次食已經有2年前,當時係親戚既同事介紹, 佢地話係西餐私房菜~因為每晚都只招待有booking既客人, 冇得walk-in.今年都黎左2次, 仲連住7,8月咁黎~8月份同左8月之星既屋企人黎食, 一行10人,book位時餐廳會問你想食咩,or有咩唔食由於7月個陣黎淨係食左羊架, 今次要食番牛!! (我係牛魔王XD)佢地既餐係例牌份量:沙律->前菜->海鮮拼盤->湯->主菜->飯/意粉->甜品但就每次都唔同~你亦可以要求主菜~沙律-魷魚雞肉沙律魷魚係似刺身咁既質地, 但係熟的~前菜1-芒果蟹肉凍餅7月黎食都係呢個! 勁足料!! D蟹肉多到冇得輸~最底下係消化餅~表面個層用火槍燒過, 香味更出!前菜2-煎鵝肝呢個都係特別request的~鵝肝下面墊左厚提子麥包, 上面有藍莓jam點綴~唔止塊鵝肝好食, 連下面個包都好好味!海鮮拼盤-勁大堆頭!!花蟹每兩人一隻~好海鮮, 其他貝類灼得岩岩好, 唔會過熟變乾湯-今次係蘑姑湯~蘑姑又係我至愛~(我太多至愛XD)好容!啖啖蘑姑肉!! 飲到個湯已經飽左一半....主菜-煎牛排好貼心! 留意到

一段時間沒去Café Idea 吃午餐，想吃佢份量足的意粉同沙律菜，適逢星期六放假便去了。約12時45分到，已經有個A餐售罄，而且價錢也貴了，約 $65 – 70連1杯飲品。當時客人不多，便點了蘆筍豬肉腸意粉和蝦沙律配飽，蘆筍豬肉腸意粉，豬肉腸不多，意粉份量比前少了1/3，味道差不多。蝦沙律配飽是用了提子麥飽，曾經烘烤過，入口趣卜卜但唔熱。沙律菜仍很多又新鮮，只是調配得沙律醬太酸，蝦肉無味且較靱，只有沙律菜可保持水準。

這幾個月因工作關係出席了很多飯局，但始終不及數月前曾經去過紅磡廣場那間西餐私房菜。所以想找一平台介紹一下這間餐廳，希望帶給那些想找私房菜的食客一個不錯的選擇。那時，聽朋友說紅磡有間食私房菜水凖好高的餐廳, 於是約咗一行十人去試下，慶祝朋友生日。可能因餐廳地方較細，所以要提早一個月預訂才可有位。原本我要求老闆幫我預備朋友之前食過的海鲜併盤，但老闆話海鲜也要分季節入貨，所以我還是完全交由老闆話事，其實咁都幾好，因為我相信好厨師係懂得不時不食，佢會將最好的食物給客人品嘗。以下是我對這間餐廳的感覺:環境方面: 較為細小，我們十人坐的長枱不是太舒服，應該隔壁存冷凍食品廳會較為寬敞些。食物方面: 頭盤是凍蟹餅，很美味，食到陣陣鮮甜蟹肉，也是我最愛的。跟住係芝士雞肉沙律，很大盤色香又醒胃，疏菜也很爽囗新鮮， 雞肉份量充足，雖然不太滑，但混和芝士很配合。之後係大蝦海鲜湯，好香濃的海鲜湯底，亦貨真價實，真的有原隻大蝦呢，很足料。再上就是海鲜併盤，雖然冇我朋友之前食的龍蝦，但凍蟹也很新鮮甜美，肉質夾滑，相當出色。然後是羊架和牛柳串，兩款肉質都非常焾滑，又夠juice, 相信連小童或老人家都會食得開心又容易

事隔三個月的一個週末再來這店吃午餐, 這天跟太座及其友人V到上址, 當日見有上次食過的牛肋肉意粉, 不過這天的煮法是用了白汁去撈, 而另一個比較貴的餐是德國咸豬手, 要成$150以上, 作為午餐似乎又貴咗少少, 雖然見其他客人吃是整隻上, 不過份量應該可以餵飽兩個人似的, 燒色剛剛好, 味道如何Juice與否不得而知!回說自己當天叫的:雞肉沙律, 跟餐來的是一片排飽, 排飽?! 無錯係一片厚切排飽而非小餐飽, 甚至農夫飽! 顏色是非常漂亮的蛋黃色排飽, 唔係唔得只係有點奇怪啫, 這裡不是茶記而是Café喎真的應該這樣嗎? 雖然自己並不是嫌棄排飽亦唔難食, 雞肉是雞扒去皮切粗條放菜面, 沙律菜份量也算不少不過這已是主菜所以多些菜是應該的, 放車厘茄於一堆似乎有欠美感, 分散放置視覺效果會更佳, 雖然點放都是那幾粒, 太座則覺得以這價錢理應可以提供多一個餐湯, 我都有同感, 即使只能提供一種沒有得選的餐湯都好呀! 或者小沙律/ 餐湯任選其一應該更能吸引顧客幫襯,

又是寫紅磡區的食肆, 令次是這區的迷你咖啡店, 留意了她一會時間, 這店的營業時間頗有性格, 早餐唔做, 只做午餐, 晚餐只做PARTY GUEST! 而價位大概是跟附近嘅西餐廳泊斉, 內部裝修則是CAFE格局, 位不多所以比較難明白她只靠一個午餐去維生??? 雖然最近發現她在店鋪後面另外租多了一個鋪,在午餐時應付人流, 當日揀咗紅酒牛肋肉意粉, 個紅酒汁色比想像中的淺, 調味OK但沒什麼紅酒味不過本身自己亦沒有太期望個汁可以跟個題目很貼題那種, 因為之前試過在某些餐廳試過一些紅酒汁是硬生生的將紅酒加入汁內的,那味道挺不自然的, 所以這個紅酒汁即使紅酒味不重但總比硬生嘅紅酒汁的好! 牛肋肉則有點失望, 失望的是肉質還相當的硬實, 雖只要咀嚼一下便能吃但同能夠輕鬆地吃的口感有一段距離, 牛肉份量不少足夠一個男人吃的份量, 意粉做得不錯完全fit到香港人的意粉口感, 不是說她是做茶餐廳那種過冷河意粉, 意粉用乾香草,黑椒輕炒至剛剛迫出香氣的階段就兜起上碟, 其實這也是可以證明廚師功架的一種, 餐茶只要了咖啡, 沒太特別但飲得出大概是一杯”American”, 看見旁邊枱要了一杯latte拉

第一次試菜，都明白紅磡廣場舖位大部份都好細，只能普通一人呎吋方形木枱，放得密麻麻，枱與枱之間都好 close，坐得不太舒服，Lunch 都唔好要求咁多喇。雖然午市踢晒腳，見職員們都好勤奮、友善地招乎食客，合格。豬柳香草意粉，意粉質感滿意，有咬口又唔會太腍太濕，高質。味道就略厭清淡單調左少少，有點香草味，如果無加黑椒碎的話，味道真係太淡喇 ﹗而且整體個意粉太乾，最係我都係要辣椒仔救一救先得。若果可以加點橄欖油落鑊兜兜的話，味道應該會更好及添份清新感覺。豬柳 good 喎！不油不膩，似半煎焗既煮法，外層煎得甘香，內裡 juicy 軟棉，味道都調得唔錯，當時都十分滿意，但食完之後幾口渴吓，要扣分。只有一個 main course 加杯飲品，如果可以加個餐湯或頭盤，依個 lunch 會添點色彩，更加開心。多謝 Ida 姐請食生日意粉，難得有機會撐枱腳，食足 60 分鐘 gathering 啦 ﹗

早一個月才訂到的晚飯聚餐, 一行17人. 先來每人一杯花茶, 紅莓花茶不錯, 味道香, 自然。店員紅酒介紹詳盡之外, 仲請我哋飲紅酒, 15分鐘後開始上菜, 首度菜, 沙律。 唔知咩名堂, 但好好食, 入面食到的除咗菜, 有三文魚, 吞拿魚, 三文魚子, 肉碎, 咸銀魚柳, 車厘茄, 蕃茜碎。最犀利係碟沙律成張麻雀枱咁大, 兩大碟, 由於太好味, 我連食咗4碟。之後係芒果蟹肉凍餅, 芒果原來除左同牛肉夾之外, 原來同蟹肉都可以咁和諧無間, 此度菜係餐後最多人讚好的。然後上毛蟹加馬刀貝, 鮮! 甜! Fresh! 幾度前菜後先來湯, 磨菇蓉龍蝦湯, 一碗絕對不滿足! 好味到呢... 一定唔止磨菇! 但因為打咗蓉, 睇唔出。主菜嚟啦! 先Prime牛, 後羊架, 牛絕對係上品, 一級食材才有的質量! 酒店西餐廳食兩塊收你8舊。羊架因廚師知道有客人怕騷味, 羊架上的脂肪都切去, 雖然如此, 但依然係做得好好味, 無得彈! 主食意粉上場! 牛肩肉意粉, 意粉係意大利式(比較硬身), 唔係港式(林晒), 牛肩肉同醬汁配合得宜, 牛味出, 意粉質高, 滿足!最後咖啡同甜品.咖啡香濃幼滑, 夠熱,

My friend took us here for a re-union. It was such a pleasant surprise! Dinner is served by booking only. The menu is designed by the chef and it was a nice combination of appetizer, main, dessert and coffee. Each of the dish is well prepared. We has a seafood platter with lobster sashimi, oysters, giant prawns and crab cake to begin with. Our mains were roast lamb chop & spinach and seafood pasta. For dessert, I had tiramisu and mocha. The owner was very friendly and he learnt his cooking skill

位於算是舊式的紅磡廣場，如不是同事推介，真是不會特別留意，更莫說晚餐要預約超過兩個月。幸而小小的Café Idea確實沒有令我們失望，而且驚喜十足！帶同大表哥一家前去，有少許擔心不合他們的口味。因是Fusion私房菜，我沒有提出特別要求，由廚師自行作主，到入座方知將會吃什麼的﹏炸沙甸魚雜菜沙律賣相看不出特色，入口才知沙甸魚外皮甘香肉質滑嫩，配合鮮甜的蔬菜和自家製沙律醬，濃淡適中，是開胃清新的前菜。再來是切成立方體的小食，出色美味，每人只有一件份量實在太少，全部五件我也可以解決的，表哥一家居然跟我一樣心思，想再落單，但怕吃不下剩下的主菜。再來是海鮮拼盤，外觀一般；因為海鮮首要是鮮甜味美，它已具備，沒有大驚喜。但一配上特製的醬汁，郤有另一番景象，想吃多些！       主菜是燒牛肉，平實的外表沒有多餘的調味料，只有附上少許介辣。看似單調，但正能品嘗牛肉的鮮嫩。已在搶吃最後一塊時，聽見隔壁有羊鞍架，即眼前一亮，未及問表哥他們意見，已出口要求可否也來一客。店員們都一呆，可能很少人這樣貪吃吧。同樣簡單的烹調，但同樣出色，貪得有理，哈哈！全部消滅，明天要再開始減肥啦！已有八、九成飽了，其實主廚把份

24/ Dec. 下午飯後啡癮發作, 腦裡閃過在開飯網見過的一幅拉花照片(似乎不錯的)是某間紅磡工廠區的咖啡小店, 剛好時值13:55他們的午餐市差不多過了,而以我所知他們好似午市後一般都不再開的了, 比較有性格的小店, 走埋去問佢可否就咁買杯”啡”佢答道: 外賣可以! 即係”唔好座喺度飲呀,唔該!”不過,自已都要趕返公司,唔會座喺度飲囉, 將杯啡帶返公司, 開蓋見個奶都打得OK嘅 但一飲落去, 係個豆唔多得囉, 沒有太香濃的果味, 苦不苦, 酸不酸, 這店用的是一隻德國奶, 基本上唔太差, 只要隻拼配荳用好一點的話!

紅磡廣場的兩間西餐小店，另外的一間較大，今次幫襯這間較細的，星期六的中午，少客人，坐得頗舒適，要了一客"全日早餐", 漢堡扒，頗乾身，軟度不足，並非一般雞肉腸，彈口，有肉味，炒蛋略乾，洒了些香草，尚可，兩片蕃茄，煎過，有心，再加了再些炒雜菜粒(西芹，蕃茄，蘿蔔),另上一小兜茄汁豆，豐富度足夠，最後一杯咖啡，收五十蚊，唔算貴，會再試其他食品