影片
以上资料只供参考，请与餐厅确认详情
食家推介
今次第二次黎呢间小店食午餐！ 都系同妈妈两个人黎食😛对上次黎已经系一年前 好深刻佢嘅煎三文鱼意粉真系好好味！今次系大约1:00 到店舖，要等员工执好枱再入，楼面得一位员工，要忙着执枱、出餐、应对堂吃同外卖客人嘅order 🧐 都几busy~ 店内因较细 位子都坐得几迫～ 店舖好warm：每张枱有提供餐纸巾同埋搓手液😉今日试咗佢嘅香草蕃茄蟹肉意粉🍝同埋烟三文鱼菠菜意粉！ 烟三文鱼菠菜意粉都真系冇令我失望！ 意粉口感烟银，酱汁充足！ 酱汁亦唔会太稀/太结身，系挂到意粉嘅！ 但系呢... 另一个意粉等左好耐厨师同侍应话冇晒意粉，要重新煮...而当时亦好多人等紧外卖要.... 最后差唔多要成半个钟先上枱... 如果赶住时间真系等唔到🙈🤨 虽然系咁，但系都好好味嘅，好多车厘茄同埋蟹肉 好rich 🤩 茄味可以再浓啲，食到最尾蟹肉𠮶阵咸味都几重！下次会想再试其他意粉🍝& Burger 🍔!!
继续阅读
放工唔想自己煮，餐厅又诸多制肘食得唔开心，所以去左红磡广场入面一间想食左好耐嘅餐厅买外卖。安格斯汉堡包($88)-三个字—”不得了”，块汉堡系即搓，成吋半厚，充满牛肉味，又多肉汁，好味到痴晒线！软壳蟹忌廉蘑菇意粉($85)-以为个软壳蟹系精粹，原来个意粉先系，creamy到呢~蘑菇又多，当然，个软壳蟹都好好食，份量大又炸得啱啱好！老板仲亲手冲左个用奶开嘅热朱古力俾我做餐饮，好人同warm到我估唔到！呢个价，边度有，疫情下更加要帮衬！
继续阅读
上次黎食左个一般既意粉，今次就谂住黎试下佢既汉堡。真心差。佢个汉堡排系生既，大概因为要快啲煮好咁多人想食嘅份量，所以佢一个煎pan可能放左好几块野。结果就系我块汉堡排受热劲唔平均，一边系ok既，熟既，味说都唔错既。但系！另一边就系生既，得外面熟左，入面仲系红红既。差评！而且佢啲汉堡排既质素一般，劲松散，一咬就散开，跌到周围都系。面包无煎过，无任何特别处理过。而且啲红薯条唔好食，无咩味咁，口感黏黏答答，唔钟意。
继续阅读
愈行愈远，原本谂住去另一间，点知openrice 个map mark错，跟住地址再揾，去到居然无𠮶间野，嬲到震，好热好㷫，于是见到呢间系cafe就入左嚟～ 想食all day breakfast, 但感觉又有d颓。于是叫左炆牛肋肉意粉。冻柠茶，消消气。炆牛肋肉意粉，出奇咁好食～ 意粉al dente, 系高质西餐厅嘅质素，唔系港式茶餐嘅口味～ 配料又有西芹、红萝卜、洋葱、蕃茄，样样都鲜味～ 个忌廉汁挂晒上意粉度，真系好好食。份量又够多，唔会细细碟～ 牛肋肉都好入味，只系未有腍到化开嘅境界，应该可以再炆耐少少，咁就perfect la~~~ 全餐70唔洗加一，咁高质，抵到笑～
继续阅读
之前已经听同事讲 呢度煎三文鱼好好食 仲可以拣几成熟，今日终于去试左如果纯食物质素黎讲 的确唔错 但系如果你想轻松食个午餐 呢度完全唔得小小店面有三个侍应（其中一个吾知系咪老板娘) 放左密密麻麻既枱 一入去已经好挤逼呢样都吾紧要 重点系个位疑似老板娘既侍应 令到客人非常大压力 短短一餐lunch时间 已经听到佢凶另外两个员工两三次 自己自言自语讲粗口 又急又乱 我都未饮完杯野就催埋单 催走短期内都吾会再去食
继续阅读