影片
更多
2014-08-28
1929 浏览
早一個月才訂到的晚飯聚餐, 一行17人. 先來每人一杯花茶, 紅莓花茶不錯, 味道香, 自然。店員紅酒介紹詳盡之外, 仲請我哋飲紅酒, 15分鐘後開始上菜, 首度菜, 沙律。 唔知咩名堂, 但好好食, 入面食到的除咗菜, 有三文魚, 吞拿魚, 三文魚子, 肉碎, 咸銀魚柳, 車厘茄, 蕃茜碎。最犀利係碟沙律成張麻雀枱咁大, 兩大碟, 由於太好味, 我連食咗4碟。之後係芒果蟹肉凍餅, 芒果原來除左同牛肉夾之外, 原來同蟹肉都可以咁和諧無間, 此度菜係餐後最多人讚好的。然後上毛蟹加馬刀貝, 鮮! 甜! Fresh! 幾度前菜後先來湯, 磨菇蓉龍蝦湯, 一碗絕對不滿足! 好味到呢... 一定唔止磨菇! 但因為打咗蓉, 睇唔出。主菜嚟啦! 先Prime牛, 後羊架, 牛絕對係上品, 一級食材才有的質量! 酒店西餐廳食兩塊收你8舊。羊架因廚師知道有客人怕騷味, 羊架上的脂肪都切去, 雖然如此, 但依然係做得好好味, 無得彈! 主食意粉上場! 牛肩肉意粉, 意粉係意大利式(比較硬身), 唔係港式(林晒), 牛肩肉同醬汁配合得宜, 牛味出, 意粉質高, 滿足!最後咖啡同甜品.咖啡香濃幼滑, 夠熱,
唔知咩名堂, 但好好食, 入面食到的除咗菜, 有三文魚, 吞拿魚, 三文魚子, 肉碎, 咸銀魚柳, 車厘茄, 蕃茜碎。最犀利係碟沙律成張麻雀枱咁大, 兩大碟, 由於太好味, 我連食咗4碟。之後係芒果蟹肉凍餅, 芒果原來除左同牛肉夾之外, 原來同蟹肉都可以咁和諧無間, 此度菜係餐後最多人讚好的。
然後上毛蟹加馬刀貝, 鮮! 甜! Fresh!
幾度前菜後先來湯, 磨菇蓉龍蝦湯, 一碗絕對不滿足! 好味到呢... 一定唔止磨菇! 但因為打咗蓉, 睇唔出。
主菜嚟啦! 先Prime牛, 後羊架, 牛絕對係上品, 一級食材才有的質量! 酒店西餐廳食兩塊收你8舊。羊架因廚師知道有客人怕騷味, 羊架上的脂肪都切去, 雖然如此, 但依然係做得好好味, 無得彈!
主食意粉上場! 牛肩肉意粉, 意粉係意大利式(比較硬身), 唔係港式(林晒), 牛肩肉同醬汁配合得宜, 牛味出, 意粉質高, 滿足!
最後咖啡同甜品.
咖啡香濃幼滑, 夠熱, 正! 甜品唔知咩名, 上面係cream啲嘅Vanilla雪糕, 再落去係朱古力雪糕夾雜綿花糖粒, 個底係層嘅拿破崙酥皮, 一個完美的結尾!整餐晚餐都好好味道而且份量足, 十幾人包場, 香檳紅酒七上八落, 由每度菜presentation令人嘩嘩聲, 到口感, 質量同味道, 都令人眼前一亮, 拍案叫絕!
如果真係要挑剔, 係個甜品朱古力嗰層唔夠朱古力味。其他真係無得彈!
张贴
