咖啡煮意 (已結業)

因為我喺紅磡廣場附近返工，所以成日都係呢頭搵有咩好食。呢間係紅磡廣場入邊嘅餐廳其實我已經嚟過好多次，但每一次都好多好多人。基本上我冇試過係唔使排隊入到黎嘅，除非可能你12點就到掛，而且你食完個lunch你都會發現出邊仲有人排緊隊，好誇張。究竟佢有咩魔力呢？我估係呢頭冇乜呢類型嘅西餐廳，而且佢嘅嘢食又真係好食嘅。但食晏嘅價錢來講其實係貴過灣仔銅鑼灣囉。😨😨同事勁鍾意食，但我就成日都覺得有啲貴。講返嘢食先，今次叫咗窩夫配日式炸雞肉($75)同埋煎三文魚沙律($80)。兩樣嘢食嘅份量都好大份，雖然冇意粉已經好飽。個窩夫炸雞幾特別，雞肉好大嚿又唔鞋口，而且配埋啲楓糖漿食好好味，但啲窩夫就覺得好甜同埋食落有好多砂糖喺面，同埋好淋，不過我唔知佢係咪專登唔係整脆嗰啲啦。個配搭幾新奇，又好食。🍗🥞另外嘅煎三文魚沙律嘅三文魚非常大舊，佢會建議你order七成熟，所以三文魚香得黎，外皮有少少脆，但啲肉質好嫩，超級正👍🏻因為同事比較細食，所以叫沙律，但其實可以配意粉，我之前食過覺得意粉仲好食，不過真係會超級飽。佢有得order其他lunch set可以加$35配一舊煎三文魚🍣，嗰日我仲聽到已經Sold ou

其實真係太離譜先忍唔住要寫食評未夠下午一點半就到達餐廳同落單…但食物2點半先到！！！足足一個鐘！！！等待期間都有同樓面姐姐講…希望佢跟下單…換來的係…"我地即叫即煮…煮緊架啦"但遲過我們到達同落單的都食緊了…仲要係同我們叫同款食物的真係好無語😑意粉係好食的…不過都唔知係咪等太耐餓得濟所以咩都好食是日紅日有假日餐…有啲早餐類的套餐但個通心粉………係即食通粉？！？！仲要煮左一個鐘？之前平日都食過覺得好好食架希望只係假期的關係啦

今晚，幫一位友人farewell 。第一道餸係蝦沙律，非常豐富，最正係有大量的牛油果。第二道餸係蟹餅，非常美味層層分明，蟹肉一流。第三道餸係海鮮盤，生蠔好新鮮，蝦都好爽口，龍蝦肉夠實淨仲有其他海鮮，非常之豐富。第四到餸係，周打魚湯。好有咬口，啖啖魚肉同埋薯仔，非常之飽肚。第四都放係豬鞍，略為鞋口。第五道餸係牛，肉質好嫩口，最好食係個蒜頭，哈哈。第六道係鱈魚，汁有點酸酸尾尾，非常之開胃好食，肉質好鬆化。第七道餸，係一個意粉我覺得係最普通嘅一道餸最後，係焦糖燉蛋！口感太實正，反而少咗一種甜品嘅感覺。焦糖又唔似焦糖！整體來講，都算係高質

一餐好期待的晚餐，但換來多個失望。因為友人多次光顧而推介我去試菜，點知令金舌頭大失所望。頭盤crab cake 係勁正，多蟹肉，好驚喜，係想食十件。沙律就正正常常。到冷盤，海鮮拼盤賣相一流，但食落唔新鮮，有解凍未完全的感覺，同一陣雪味，已經唔想食。主菜因爲我唔食羊，點左三文魚，魚片係脆，可惜係燶既脆，入口奇苦。焗蒜頭忯火好好食，食到口臭臭都要食哂去。另一主食意粉係好Al dente , 但說穿係時間不足，未完全熟透。蜆有時有沙。甜品係雪糕，朱古力味，不太甜，正正常常，食完已唔記得，即係唔太好又唔太差。重點係隔離枱十幾人的熟客，老闆全程落力招呼，我呢啲新客就水都唔加。大家都比咁多錢就不是味兒。

呢間食店真係食咗好多次，今次真係要正式寫吓食評。紅磡區返工，Lunch時間超多人，真係要早早排隊，同事叫我早點排隊先排到入去食，因店舖坐位唔太多。溫馨提示：一定要等齊人先能入坐及點餐。叫了一碟香煎三文魚雜菜沙律($80)，店舖主要用挪威三文魚香煎，大家可能聽過生嘅三文魚係有細菌，但放心，用挪威三文魚可以煎至八成金黃色，食得安心，味道帶點燻煙味，豐富蛋白質，配上雜菜沙律，清新健康。店員唔太多人，所以佢哋會比較急，沒有抖氣時間，但差唔多到兩點鐘，食客開始散場，佢哋先有時間會跟客人說說笑。食物整體質素值回票價，每月食兩三次其實都值得。

其實我做出不滿手勢，係對住格離間醫術奇差嘅紅磡廣場牙醫啫！老細放心！唔關你事，哈哈....上次幫襯，見佢地 Lunch 有個三文魚意粉，塊三文魚扒好大份喎！今次當然要見識吓啦！另外叫咗一客安格斯牛肉漢堡配紅薯條，卡邦尼煙肉意粉。安格斯牛肉漢堡勁厚身，根本唔可以同個包一齊放入口，漢堡肉味較重，無落太多醃料，另外紅薯條即係蕃薯，紅薯條夠熱，哩點好重要，你地都知啦，凍嘅薯條真係好難食架嘛！而成份餐份量唔細，再加上蕃薯好易飽肚，胃口細D都食唔哂！好多時點卡邦尼意粉，都有卡邦尼醬係意粉面，但眼前嘅卡邦尼意粉醬汁唔多，但煮出黎味道較濃，意粉煮得入味同彈牙，煙肉份量不少無偷工減料。三文魚扒厚身份量大夠吸晴，魚肉軟滑入味，意粉無卡邦尼意粉咁重味，食哂成份三文魚扒已經飽哂！都係果句，無咗個餐湯硬係有D欠缺感！最後我都同老細講，格離位牙醫唔好幫襯，中伏！

係紅磡廣場地下,店舖細細間用方枱併枱坐，不過老細話大約12月會搬過去隔離大間少少的舖，到時會多些坐位。晚餐訂位時聯絡食什麼主菜，我哋坐下先叫杯花茶飲，杯花茶不停加熱水到走都仲有味，跟住上招牌菜“蟹餅” 這個蟹餅一定要試，初時一望以為燒腩仔，面層蟹肉加塊芝士中間層夾蟹肉之後底層用了酥餅，所以一咬好香好好味。海鮮拼盤Ok,沙律菜醬汁都好青新，西班牙豬好彈牙和牛扒都煮得有水準，龍蝦湯就略咸，但點都唔夠香草青口意粉咸，重口味的我食一啖意粉之後就再食唔落去了，實在太咸和太濃烈的酒味，可能無預計青口有海水咸味，甜品意大利餅咖啡味夠香滑。整體ok的，好親切服務又好好，只是湯和意粉的味道有待改進。

好🈶心的Chef..雖然沒有華麗的裝修..但當你連食瀬尿蝦...大㕑連殼都剝埋...你就知佢幾用心了...亦不需多講他煮的食物有幾好食了..盡在不言中...下次一定再來幫襯

2年多前曾寫過此Cafe的食評。最近再光顧，中午有了固定餐牌，而且款式就多咗選擇，唔再只是ABCD款式，仲有意大利飯，不過仍主打意粉，沙律菜。辣醬蝦仁意粉，肉醬汁微辣，有些似加咗龍蝦汁的味道，混在意粉一起吃好夾，中蝦爽兼彈牙。豬扒意粉，超大片厚豬扒，喜食肉者應很滿足，肉質亦很鬆軟。黑松露帶子意粉，黑松露味唔太濃，反而加上香草醬蘑菇來煑的味道更為突出和惹味，帶子無乜味道。意粉依舊軟硬適中，有咬口，都係意粉好吃些。

咖啡煮意鋪位前身係一間麵包店，二十年前我經常幫襯！崇潔街d餐廳差唔多去勻哂，於是轉場去紅磡廣場，睇吓有無驚喜。望望個餐牌，餐湯都無？個人黎講，單單係哩一點，已經令我唔再幫襯，一來食西餐點意大利飯，連個西湯都無，感覺總係有所欠缺，再講，崇潔街d西餐廳都有個好好味嘅西湯奉送啦！二來再睇睇個價錢，都唔平喎......露筍蝦肉燴意大利飯，香煎豬扒意粉各一客。其實我好耐無食意大利粉，近年轉食天使麵，問佢地有無天使麵提供，無！okay，所以叫燴意大利飯。燴意大利飯，通常口感係煮到d飯唔多熟，好有𡁻口，哩點咖啡煮意做得到，以為碟燴飯份量少咗d，食落份量啱啱好，問題係.... d蝦凍哂！香煎豬扒夠厚，雖然厚，但食落唔硬，同樣地，豬扒又係凍咗少少喎！意大利粉煮得軟硬適中，唔係煮到透哂，有少少𡁻口，意粉有淡淡嘅蕃茄味，唔錯。結論：下次，都係返崇潔街d一西餐廳....

cafe idea，呢間我又愛又恨既餐廳，論環境，地方細，會安排到有咁逼得咁逼～論態度，長期full booking，態度好趕咁沒笑容～論食物，一流！足料，超高性價比既質素！我每次都book唔到夜晚，唯有排下午lunch，12點九到，排左四個字.....佢地個位真係會逼，呢張我等緊位影，到我地四人入去個陣，有位朋友被逼坐走廊，比人行過撞黎撞去，仲有，我地到先，因爲沒四人位，會不停放後面二人既入去...一人都可接受，但二人位格離就食完，都會選擇一有位吉先就fill左佢咁，望住後面既人都坐緊，不是味兒，而態度都好唔緊要，終于到我地啦叫左個牛勒條意粉，一個字，正，牛既香臊味好重，離遠既朋友都話聞到，肉質滑嫩不肥，一d酒味都沒，汁底好濃好勁既肉汁甜，意粉正常。但建議有興趣既朋友真係有時間先好去食，排得耐之餘態度都唔算好好，留意返，我地食食下大約2點到就lunch截單，食緊個陣都聽到好多食材lunch預左數，賣完就沒，可見佢地製作認真，唔會過於粗製濫做。

間餐廳成日滿座~食唔食到真係睇彩數今日去到剛好有人走~就坐低食叫左個牛肋肉意粉+碎蛋沙律+煙三文魚飲品就唔多選擇, 都係得奶茶咖啡同檸水檸茶揀。。。上次飲過奶茶, 用茶包沖,麻麻地。。。唯有揀最安全的檸水~上菜速度都算快~個牛肋肉炆得幾霖, 又夠味~唔錯唔錯, 意粉軟硬度剛好蛋沙律今次睇落乾乾地, 好似唔夠沙律醬, 不過味道都ok~唔知係咪老闆今日心情好, 平時就咁鋪係度的煙三文魚, 今日就砌左朶花整體來講主菜都ok, 不過如果個餐牌可以間唔中轉下款會好D

其實已經來過這間餐廳好多次, D意粉係幾好味. 不過, 同之前的食客嘅COMMENT一樣, 唔齊人係唔准入的, 繁忙時間咁樣做係可以理解, 但如果好似之前的人兄咁講, 有位都唔俾坐就有點兒那個.講返我果筆, 今日等位時見到驚人的一幕. 門口個伯伯將食客剛用完的托盤進行清潔. 本來此舉無咩問題, 但眼見托盤上面張A4紙用條千年布抺完再循環再用就真係睇到我眼都突埋, 就連我呢個一向唔寫食評的人都忍唔住手就知幾咁可怕. 我老公有叫我不如轉去第二度食, 但我無咁做, 因為我要見証一下佢會再點處理D托盤.我見個伯伯好有心機咁將所有杯碟,刀叉,廁紙進行分類, 如果張托盤紙上有杯碟印及少量前人的飲品水漬, 佢會用抺枱的同一塊布抺幾下就疊埋一邊, 之後就有人搬去廚房區再用. 我心諗一個餐收人$60-90, 一張紙都咁慳, 不如收多人$1唔好咁唔衛生啦. 我個餐終於到了, 我拎起個碟一睇, 真係二手貨, 即刻叫個伯伯攞走, 佢話唔要就馬上幫我攞走, 我同時講張紙用過幾次我唔想要, 佢當聽唔到繼續行, 不過今次我見佢有掉咗我個盤上的二手托盤紙.到埋單時, 我再同收銀老闆娘講做咩咁慳要循環再用張托盤紙, 佢

其實你話呢間野好好食咩？唔會囉！但點解每日都有人排隊呢？lunch 唔想周圍行，逼住企喺度等下囉！反正有冷氣，同事都係大家玩電話姐。我覺得雞排係最抵食，因為大大塊，煎到皮脆肉嫩。蛋沙律要加錢先有，仲要得少少，冇味道。意粉我覺得果汁唔夠好味道，當然呢啲都唔係重點，有嚟過食lunch嘅都知道，最大嘅挑戰係，你要忍受服務態度勁差嘅店員，與其話係店員，可能就係老闆本身，因為要想做多啲生意，所以會不斷催你，感覺好有壓力，食得好唔舒服凍咖啡唔夠奶，飲兩啖浪費左。

未食過餐廳既野食但都覺得差既一間食肆，餐廳職員連基本待客之道，基本禮貌都沒有，叫人怎樣光顧？點解吾講明要等齊人先可以入座？明明沒有人等候，見有位就坐低左，但又吾比人坐，實在令人憤怒！仲要求客人讓比遲黎既人率先入座，這是什麼玩法？坐低左已經講明朋友好快就到，2分鐘時間都吾比坐，點都要逼迫你企出門外再等候，這實在太過分了吧！我覺得餐廳連基本既待客之道也沒有！無論野食幾好食都好，也不會再嘗試去光顧！