咖啡煮意 (已結業)

因為朋友生日，一早訂這餐廳食飯! 其實我來了好幾次的! 食物水準仍然咁好! 真的要讚賞這小店的用心和食物質數真的價值與物質超乎! 看看圖片就知道! 有些忘記影相! 忘記影蟹餅 意粉和旦糕! 因為太開心和好味道! 唯一比較難是訂位! 此店只開星期四 五 六私房菜晚餐! 今次是食拿破倫雪糕旦糕! 這是我第一次在這店食這款旦糕的! 因為有小朋友食飯預先叫了不要生食物和辣味! 所以旦糕比以往特別! 真的好好味! 感謝店員的用心和禮貌細心的招待! 可以令小朋友食得開心!

約了幾個好友去紅磡，朋友揀咗呢間餐廳食早餐，一個舊商場一角！地方細細，西式格局啡木桌椅！搵好位就去櫃臺落單，店員會上菜，桌牌選擇主要係三文治同西式早餐！落單後好快到！蛋沙律三文治（$20）賣相唔錯，4件厚多士，不過麵包烘得唔夠，鬆軟微脆，蛋沙律唔算多，蛋白碎彈牙，唔會過多沙律醬！食得出蛋味！好味！拌碟沙律菜新鮮，不過唔夠調味！食住有草青味！跟餐熱咖啡：玻璃杯，咖啡幾香，微甘易入口，唔落糖都ok! 店員爽手唔多說話，半自助式服務，收錢爽手有笑容！一路食都有客人排隊等位或外賣！一間幾好味嘅小店

又係一間係紅磡的餐廳，呢間餐廳位置係紅磡廣場入面，如果唔係識途老馬應該都唔會搵到黎食的!但千析唔好睇小佢...佢日日下午都會係門口排隊的...如果當日所有野賣曬唔接單的時候...門口排隊的人都會發出無奈的嘆氣....當然我都唔係第一次食，今次就試左佢個香辣肉醬蝦意粉!份量超級夠食，仲最小有6,7隻大蝦係意粉入面!意粉的質地唔會太淋，但又唔會好似真係意大利咁al dente....係一種岩岩好香港人鐘意的硬度!汁方面呢~ 因為佢辣辣地..比起一般蕃茄汁黎講係更加好食的!整體黎講~你會以為價錢唔平，但食完之後你就會知道性價比係高的!同埋呢...如果第一次去呢間餐廳食....應該係要食三文魚嫁...我第一次食都驚為天人..作為一個唔食熟三文魚的人..我個次係食曬的!!

本來今日中午仲鬼死咁好天，點知一落街突然間大風大雨，真係唔好講少，衝入商場避雨，順便不如都係排隊食飯，話晒都3號風球唔好周圍走。今日試吓食雞扒，雞本來唔應該有'蘇' 味，但佢有，雖然好大塊，但今日好似唔太新鮮。意粉個汁算係幾好味，酸酸地嘅茄汁。意粉佢唔係話好正，但相對周圍嘅好多了。但佢就成日吹你食快啲，真係食餐飯都好有壓力。以前有人special 沖咖啡, 依家就係一個阿毛求其沖，又淡又冇咖啡味，水嘻嘻咁，真係唔好飲。凍檸茶係最穩陣

話說我公司嘅 old lady 好鍾意嚟呢度食意粉，獨沽一味食意粉，我為咗維繫我哋同事之間嘅感情，迫於無奈都成日跟住佢哋去食意粉。店舖細又迫又成日要趕住食快啲比個位第二個客人今日老闆心情都唔錯因為我見煎三文魚好大條！$80 三文魚意粉，我加＄9要煙肉碎。今日啲煙肉碎好碎好油好乾同埋好鹹但係今日個煎三文魚就剪得好靚喎，皮好脆有夠晒香。三文魚就煎到8成熟，口感就比較嫩，意粉就一般般啊，但相對對面嗰間就好食好多。而杯凍檸茶確實係唔錯，幾 fresh！

平時喺附近食中午飯，一般都係茶餐廳，不過而家連食個茶餐都＄60，真係不如坐低飲杯咖啡，食個意粉。平日見到呢間野行嗰度好多人排隊，皆因店仔細細又冇乜座位，今日見佢冇人等位，我就俾機會佢試吓。收我$80嘅煎三文魚意粉，賣相一啲都唔吸引，食落去嘅感覺都係一般，三文魚唔講得話好新鮮，份量又唔係好大件，淨係意粉嘅好大碟。湯都冇一碗，得塊麵包乾爭爭，仲要座位好鬼迫夾。加＄5要咗一杯凍朱古力奶，味道都OK⋯⋯但用餐感覺唔係太良好，我隔離果兩個女人又好鬼煩，係咁話碟野唔好食，又話貴又話迫，後尾佢仲俾人要求佢轉位，黑晒面。

紅磡返工周圍食飯都好多人，其實黃埔美食多的是，不過就係懶同埋唔想行，一般喜歡喺附近食，公司最近紅磡廣場，都係再無選擇嘅。這個 idea 食物一般，座位好迫，成日要食快啲食快啲讓個位出嚟比人，又或者食食吓俾人叫起身搬位價錢仲要好貴喔⋯⋯對於收入一半的我，一個禮拜食一次，都係因為冇得選擇。煎三文魚意粉要＄80，仲要冇餐湯，意粉彈牙，分量多，三文魚就比較細件，食落去總算唔差。另外加左＄9要雞蛋沙律，味道反而不錯。餐飲要凍檸茶。埋單＄90，拍得住中環返工食午飯嘅 price. 真心希望店員可以改善一下服務態度

話說我都有一段時間冇來幫襯，因為其實食物質素OK，服務就好唔得，座位迫都唔緊要，店員個個黑口黑面，真係會影響食慾。午飯時分超級搭枱，人多自然手腳亂，成日漏嘢食，我加左$8要煙肉碎，佢唔記得咗之後比返我，啲煙肉係凍嘅冇炒過所以好油，而且好鹹呢度嘅特色係冇餐湯嘅，有塊麥包。但我覺得配搭有啲多餘，因為其實意粉幾大碟，比塊包我乾食幹什麼我見到全場最多人叫就係煎三文魚，咁真係幾好食，但有時好快就會賣晒，意粉都幾夠硬，啱我口味，餐飲就好一般啦！

日日行過放lunch都無位，難得今日有位即刻坐低。選擇困難症諗來諗去都係唔想食飯煎三文魚，今次阿姐問我七成熟的煎三文魚你有冇問題食咗咁多次都係第一次咁樣問我，突然覺得好搞笑。any 肥我食時生嘅都得添冇所謂啦！但係我成日都覺得＄80個午餐冇湯硬係爭D野，今次我仲增加成本加左錢要煙肉好鬼鹹。三文魚都幾好味夠晒大件，因為佢自稱係七成熟所以都幾滑溜，見到中間切開有少少生嘅，顏色夠晒粉嫩。杯凍咖啡就比以前差左啦！

A few things you need to know about cafe idea: 1. Cafe idea might be an unseemly outlet as it is hidden in an old mall in hung hom. It's for those who appreciate food quality over decor and ambience. I find its lack of pretension is what adds to its charm!2. Lunch and dinner menus are totally different. Most reviews here seem to be based on lunch experiences which I think does not do it justice. At night, it transforms into a semi-fine dining restaurant that serves dinner sets at around hkd400

攪錯呀，未齊人唔比坐？搞到有人遲黎先上岸，遲過我到但早過我坐低開飯！人家仲專登早 5 分鐘蛇出黎，諗住黎攞定位囉！細閱一下 menu，原來無湯飲架喎。看著主廚背影還以為係外藉廚師，義大利佬煮意粉那麼利害？誰知只是一場誤會。煙三文魚菠菜意粉，提子乾黑糖包伴碟？硬係怪怪的，自家製的嗎？不知道。細到大都唔食提子乾呢，最討厭提子乾包。到底點食架？點汁食？夾意粉食？無湯要乾哽，更加唔食啦。意粉份量比以前多左成倍喎，足足正常既兩份，一定夠飽！不過對較細食既朋友黎講，應該會有點壓力。少見的厚身煙三文魚，大大舊超足料，而且係暖架喎，唔係凍冰冰 good！含蓄的咸香不濁不嗆，軟棉中有點彈性，輕帶鮮甜魚味道，有質數。照燒雞扒，我擔心個香蒜蜆肉意粉唔夠飽，所以加塊雞扒，估唔到係另上。熱辣辣送到，輕煙飄起，香到不得了！顏色鮮豔富光澤，閃令令啊。皮脆肉嫩，勁多肉汁滑溜溜，雞皮微黏帶脆，溫柔的調味恰到好處！難怪大部份食客都加雞扒啦，真心高質有料到，滿分無得彈。香蒜蜆肉意粉，完全會錯意喇，一心以為係傳統香辣蜆肉炒意粉添，依家似雞湯忌廉香草意粉，又是另一場誤會。意粉一早烚好，鬍鬚主廚即刻加汁兜煮，難得西式意粉會熱騰騰

唔明點解紅磡廣場咁大，但得咁少食店，細間之外就係好焗。坐下位置又太少，店員態度又惡劣，真係最怕食飯要受氣。坐低左先知，冇辦法啦！快快手叫煎三文魚意大利粉，賣相唔錯，份量都夠大件。鮮味就一般啊！但呢度清一色差唔多唔係沙律就係意粉，但又奇怪地意粉煮得麻麻地咋喎⋯⋯我覺得！差唔多＄80又唔係咁值得囉！湯同麵包都欠奉！凍咖啡唔好飲，無乜味道.

以前係葵涌返工覺得午餐唔知食乜好, 公司搬咗來紅磡之後其實已經覺得多咗好多嘢食, 不過落雨唔想周圍搵嘢食, 就會入紅磡廣場, 呢間成日都見到好多人排隊.睇Menu主打得意粉同埋沙律, 一點鐘等下位入座沙律已經賣晒啦! 咁就唯有食意大利粉啦叫咗個煙三文魚菠菜意大利粉, 選擇比較少, 煙三文魚就咁睇顏色已經唔夠新鮮, 食落好激 salty 冇鮮味, 同埋冇平時好香嘅 smoky smell, 不過意粉確實係彈牙, 可惜波菜汁又冇乜味道!服務一般食物質素都係一般, 價錢大約60幾蚊到80幾蚊, 好多地方午餐都會有湯不過呢度就冇湯飲嘅, 相對覺得冇咁抵囉!最後要杯凍咖啡, 唔夠奶唔夠滑唔夠香, 食物質素認真麻麻地

較早前見有人留comment 話去完又去，見d相又整得唔差，滿有期待嘅我就執意要係朋友生日會佢一會~~點知…………不得不激勵我要寫呢編食評地點唔算難搵，環境都一般乾淨先黎個三文魚西瓜沙律……內有三文魚籽，呢個配搭係一個幾清新嘅感覺呢個係我最期待嘅一道cold dish, 芒果蟹肉蝦肉凍餅，味道唔錯，亦都係全晚最似樣嘅一道菜海鮮拼盤，有蠔，波士頓龍蝦同蜆，蠔都新鮮，急凍龍蝦冇乜comment…………但係，惡夢開始黎喇…………呢個chowder clam, 連我一個無鹽/無豉油不歡（即口味偏咸）嘅朋友都話咸到癲，我地有懷疑過係蜆嘅咸味，但點都好，整呢d湯點都唔會失手呱？! 連我呢個「惜食鬼」都頂佢唔順，半碗唔夠就bye bye. 我地好心又好奇問餐d人係咪咸得濟，或者咩出事，佢竟然答「我覺得好ok喎」Well, 7 vs 1都有呢個答案，口味嘅果然人人唔同! 到我比較有expectation, 而亦都係最disappointed 嘅牛柳同羊鞍…………可能係我失敗冇同佢講要幾多成熟，而亦都係佢冇問我嘅情況下，我地得到以下呢份乾,又overdone又唔熱, 冇牛肉同羊肉味嘅…………野係一般情況

首次光顧這店，在鬧市中帶出一點驚喜，沒想到一個平凡的廣場，有這樣的水準！唯一美中不足是那个甜品，嚴重扣分！那个蟹肉凍餅，必定要食海鮮拼盤視乎當日來貨，當日整體拼盤不太差。有机会的話，一定要再食！