咖哩葉

营业中

休息中

一向都足印度菜好感興趣，全因佢有好多唔同嘅人特色菜式。今次朋友介紹左間係尖沙咀嘅印度菜，係一條唔起眼嘅横街，冇佢介紹真係唔會發現到。一貫有印度特色嘅裝修。落完單店員就送上胡椒薄餅，食落係非常香脆，又有陣陣胡椒香味。Mango Lassi之前都飲過呢款印式芒果酸奶，上次就覺得芒果味太重，蓋過咗乳酪嘅味道。 今次乳酪同芒果嘅比例就啱啱好，飲落係乳酪又有淡淡嘅芒果味咁。Chicken Tikka係即叫即烤嘅印度烤雞塊，一上枱已經聞到好香嘅印度香料味。 雞塊嘅外層處理得啱啱好，非常香脆，而入邊嘅雞肉仍然保持鮮嫩，唔會變乾。Mutton Curry/Rogan Josh咖哩入面有好多羊肉，非常抵食。羊肉吸收咗咖哩嘅精華同味道，食落好惹味Cheese Naan食咖哩當然要配上印度薄餅。本來以為會好似芝士拉絲嘅感覺，而呢度嘅芝士薄餅係直接喺薄餅入面加入大量嘅芝士碎，食落更重芝士味。Jaljeera價錢其實唔貴，好食得嚟又抵食。

香港人特別鍾意食咖喱，日本、港式、泰式，對於我呢d重口味控，咁多款入面我比較常食嘅係印度咖喱！特登嚟試一試佢嘅咖喱羊肉，平日牛同雞都食得多，羊肉加咗咖喱之後，冇咗佢平日嘅騷味，相信好多人都可以輕易接受！咖喱我哋揀咗白咖喱，係唔辣嘅，好香香料味，佢配嘅包亦都相當好食！本身以為無包我地仲特登叫咗個芝士薄餅，以為會係手抓餅，但原來係薄脆黎既！用黎點咖喱就唔係好啱味啦～比較似餅乾既口感，佢同時會比咗2個唔同口味既醬你點綠色既有少少薄荷香味，而另一個就係以橄欖為主！本身係怕唔夠飽先叫多個肉類，揀咗招牌Chicken65 自家秘製炸雞，佢睇落有d似韓式炸雞，但比起單純甜辣味，仲有一股印度香料味，反而覺得呢個最有驚喜！檯面上既立牌居然仲有充電功能！超方便！

今日一個人走左黎佐敦行街，去到晚餐時間搵左間餐廳食個飯。見到有間主打印度菜餐廳，環境好乾淨，有好多年輕一輩都去食飯。坐低就有薄餅小食，配薄荷醬或者咖哩醬。卜卜脆幾香口，薄荷醬好開胃！食住等緊我個主菜。我叫左一杯Mango Lassi。芒果味道非常濃厚，入口好似有椰香，芒果好足料好重果香！白咖哩羊肉配薄餅。羊肉羶香好多肉汁，完全唔會鞋口，入口有咖哩香味。羊肉軟腍唔會乾，咖哩唔會太辣。薄餅好鬆軟，熱辣辣超滋味。

同同事傾開計 原來佐敦有間正宗印度菜 收左工即刻去試試入到去 嘩真係好正宗 全店都係印度人 不過都有香港人客仔既 但感覺好似去左印度咁 睇埋個餐牌 更加感受到 好多正宗菜式我地2個女仔 反而比佢既飲品吸引左 分別點左芒果乳酪同鹹乳酪芒果乳酪🥭 甜度剛剛好 芒果味不會好假 酸酸甜甜好好味鹹乳酪見到好驚喜 鹹乳酪會係咩味呢 原來就似係平時食開既原味乳酪再咸咸地 凍凍地 好飲架 面頭既唔係朱古力粉 係孜然粉 好新奇呀！重點係好飲既食物我地只係嗌左白咖哩羊肉 同芝士薄餅。白咖哩羊肉 白咖哩會冇咁辣 主要係奶油黃薑去整 值得一讚係餐牌寫得好清晰 有曬內容 而羊肉有6大塊 完全不（蘇）而咖哩不辣 岩曬怕辣既朋友仔芝士薄餅超好食 $28超值 面頭有芝士 內重有夾小小咖哩 點咖哩汁真係一流最後食到飽飽 每人都只係百幾蚊👍🏻👍🏻👍🏻差點忘了打 會送這個脆卜卜 次次去食自助餐我都會食好多架哈哈 綠色個醬好好食 小小辣

一向對印度菜不感興趣， 總覺得正宗咖喱香料絕對不是「我杯茶」。 但最近陪娘親大人去吃了頓印度菜， 沒想到會有意外驚喜~！咖哩葉位於佐敦， 裝潢氣息甚具印度色彩。最喜歡圖文並茂中英對照的Menu， 不怕會點到自己不吃的食物~下單後店員先送上餐前小食， 咸脆的薄餅沾薄荷醬吃非常開胃。吃印度菜當然要以咖哩為主啦！ 點了瑪莎拉燒汁咖哩雞 (Chicken Tikka Masala)， 下單時店員會仔細詢問所需辣度， 對吃不了辣的我來說實在非常貼心。咖哩質感濃郁而且香氣十足， 選了mild還是有一點點辣很過癮。 碳烤無骨雞塊啖啖肉， 肉質軟稔不會烤得過火， 經碳烤後吃起來特別香！吃咖哩怎能少了Naan？ 選了2款Naan： 我的蒜蓉薄餅帶點蒜香但不算太突出， 不會掩蓋咖哩的味道。 娘親的羊肉餡餅裡面是夾著薄薄的羊肉醬， 但我不吃羊所以無法置評。再mild的咖哩吃多了還是會覺得辣， 此時一杯印式芒果酸奶正好派上用場。 酸酸的加上芒果香非常解辣， 質感稠身滿滿一杯分量十足， 冰涼又解渴。娘親吃得心滿意足， 我也對印度菜略微改觀了， 下次可以再來試試其他

餐廳不算大， 裝修新淨， 坐得舒適， 環境充滿印度的色彩及情懷。每枱送上， 胡椒薄脆， 薄脆香口 ，配兩種醬料，薄荷乳酪醬和 鹹酸橄欖醬，好有地道風味。羊肉咖哩角三塊$40咖哩角外貌飽滿，脹卜卜， 外皮硬身脆口， 內裏有豐富的餡料， 有羊肉碎 ，小茴香、 芫茜籽、黑椒和青豆粒， 入口微辣， 好惹味， 沾上甜甜地嘅醬汁， 別有一番風味。蕃茄湯$45蕃茄湯入口好creamy， 茄味濃郁 稠身， 酸酸甜甜，飲後非常醒胃， 令人胃口大開。洋蔥咖哩羊肉$120羊肉炆得又淋又入味， 用叉輕輕 好容叉開了羊肉， 洋蔥咖喱醬以多種種香料調配，微辣而惹味，醬汁跟配腍身羊肉、綿密的薯仔， 香甜 甜嘅洋蔥，口感豐富， 拌飯一流 有地道風味。印度薄餅$20薄餅即叫即製，烤得香口， 煙煙靭靭， 用嚟沾配咖哩汁， 非常搭配 ， 最佳拍檔。

平時好少食印度菜🙈，今次就一試究竟😬1️⃣印度薄餅 $20薄餅煙煙靭靭有咬口，麵粉味好香濃，配上咖哩一流。🙆🏻‍♀️好味指數: 7/10 2️⃣南印度咖哩羊肉 $125南印度嘅咖哩同平時食嘅咖哩完全唔同，椰奶🥥香味好濃郁，而且有好足料嘅薑黃係裡面，不過就冇咖哩嘅味道。羊肉冇羶味，鮮嫩多汁。🙆🏻‍♀️好味指數: 6.55/10 3️⃣印式烤雞塊 $80雞塊烤得剛剛好，外層輕微有少少脆，雞肉則好鮮嫩，醬料調配得好惹味。🙆🏻‍♀️好味指數: 7.12/10 4️⃣印式芒果酸奶 $45芒果🥭味酸酸甜甜好清爽，配上酸奶奶飽肚。🙆🏻‍♀️好味指數: 7.14/10 💡整體來講，冇食過印度菜嘅話可一試。咖哩葉地址:佐敦荗林街16-18號荗林商業大廈地舖

好朋友和我口味相約，所以我選的菜式朋友都會無問題的。這晚想食正宗印度菜，於是找了地點方便的佐敦。餐廳不算大，但裝潢很新，而且真的充滿印度的味道，我們就知道找對了地方。點了食物後會來一盤薄脆餅做前菜。然後因爲食物都是即叫即煮，所以大家都要有點心理準備等一段時間，就當是與朋友好好聊天的時刻吧！首先來的是蒜蓉炒時蔬。很有趣的是其實它並不似用炒的，可能是炒完再加醬汁，而醬汁酸酸甜甜似蕃茄汁，非常開胃，好好食！菠菜咖喱雞，這咖喱很特別，充滿菠菜味，與咖喱混合是一種很香的味道，我同朋友都覺得很有新鮮感，雞又滑又大件，無得頂！之後當然叫多個Naan配咖喱啦，又熱辣辣又鬆軟，真是回味無窮。兩人食都只是二百元左右就可以食到又正宗又有驚喜的印度菜，我們約定有時間又會再來試試別的咖喱，真想唱句約會未完便掛念。

聽同事介紹這裡有咖哩自助午餐, 一心想來試一試. 原來星期日是没有自助午餐, 反而有午市套餐. 既然來到, 就和小米在此食咖哩吧! 店內早有印度客人用餐! 小米對印度很好奇. 不斷問我有關印度的事. 几經辛苦, 終於成功點餐. 落單後, 先著小米去清洗雙手.   Samosa   熱辣辣的Samosa印度咖哩角, 餡料有熟悉的小茴香, 芫茜籽, 黑椒, 咖哩薯仔, 外層脆脆, 但唔硬, 餡料軟棉棉, 香噴噴又熱辣, 真是多重口感集於一身. 難怪小米特別喜歡Samosa. 其實Samosa三尖八角, 外皮又硬, 最佳食法~是用手!        Palak Paneer  本身習慣食印度咖哩, 看到這個英文, 就知道是印度菠菜芝士咖哩視覺: 不是青BB咖哩, 而是有真菠菜纖維的墨綠色咖哩. 菠菜葉加熱後, 會變墨綠色!! 還找到薑, 蒜, 青辣椒, 而印度芝士有如硬身豆腐一樣.    口感&味道印度芝士爽脆, 細碎的菠菜葉和莖, 卻變得軟綿綿, 夾雜明顯的薑絲. 所以薑的辣味較重, 香料次之, 整體易入口. 這次個人喜歡單食美味的Palak Paneer.    Chicken Curr

In Hong Kong there’s not much Indian restaurants which my friend invited me to try this restaurant at last weekend.The environment of the restaurant is very good. Cozy sofa, soft light and delightful bar design. Staffs are almost Indian which makes the restaurant really stand out form the others.We ordered coconut and mango lassi. I would recommend both of it coconut is fresh and the lassi is a very typical drink in Indian cuisine.Another typical things surely are curry and naan！They are truly t

平時真係好少食印度菜，唔知點解今日真係好想試下，行完永安咁岩附近有間印度菜，外面望落都幾傳統印度feel, 就決定入去試下😋睇開食評有人影雞烤雞圖影得好靚好似好好食，所以都好想試下🤤上碟一刻好正，用鐵板上，熱騰騰聞到陣陣印式香料既味道，雞肉烤到恰到好處，外層帶少少焦，入面保持鮮嫩🤤 偶然食下他國美食都幾有新鮮感🥰食開辣野既我見到呢道辣咖哩炒蝦，見到有3條辣椒，果然夠辣，蝦肉爽身，唔會太熟。呢度既印度薄餅好平，20$就有一份，配上岩岩叫既辣咖哩，好好食～野飲方面叫左印式芒果酸奶，好濃郁好重芒果味，足本！

一入到去已經覺得環境唔錯，裝修亦幾有情調，座位寬敞舒服，而且感覺亦好乾淨。👍🏻-每枱都會送胡椒薄脆配2種醬料，一種應該係薄荷乳酪醬，另一種我就唔太清楚係乜嚟（係一啲酸酸咸咸嘅蔬果類）😂。而我哋就叫咗3樣嘢食同1杯嘢飲，分別係印式烤雞塊、牛油咖喱雞、印度薄餅同埋印式芒果酸奶。­-【印式烤雞塊】塊雞有豐富嘅印度香料覆蓋住，醃得非常入味，唔會話只係得表面有味但食到入面就淡而無味，而且雞肉亦十分嫩滑多汁。🤤【牛油咖喱雞】即是蕃茄汁濃醬燒碳烤無骨雞塊。個汁食落甜甜地，口感幾creamy，而且唔係太辣，唔食得辣嘅人絕對值得一試！同埋碗咖喱勁足料，有勁多雞肉，好滿足！😛【印度薄餅】專登叫嚟沾咖喱食嘅，烤得好香口，就咁食都已經好好食！【印式芒果酸奶】唔錯，好重乳酪味～-下次多啲人一齊去可以叫多幾款小食同咖喱，一定會更滿足！😍😍

差唔多2年無食過印度野，對上一次講緊已經係朋友既婚禮去食。呢排心血來潮想去食下，於是就約朋友陪我一齊食。呢間curry leaf 我見有好多正評，而且地方係佐敦都方便，就放工去試試。見到裝修都唔錯，暗暗地幾有情調，一入舖已經見到有d類似神像既擺設，好有印度特色，不過我驚宗教原因唔敢影。經理同店員都係印巴藉，印以落單個陣都係用英文溝通。好彩地，menu有中英對照，可以順埋咁落單。一開始佢送左個脆烤餅既小食比我地，好似枱枱都有，個餅好鬆脆，咬落有淡淡胡椒味，個醬係薄荷醬，另外就酸酸咸咸咁，個人感覺配薄荷好似無咁重口味，岩我地食多d。我同frd一坐底已經決定要叫naan餅食，最後叫左一個原味同芝士味。一上黎個陣熱騰騰，應該係即叫即整，咬落外脆內軟，有淡淡發酵味道，相當唔錯。芝士味入面既夾心唔會太濃烈，恰到好處。叫左naan餅當然唔少得點埋咖喱，我地叫左瑪沙拉咖哩雞同咖喱秋葵，初頭都驚幾會好辣，但食落唔覺，岩岩好而且雞肉咬落入味，意想不到。而秋葵就不過不失，食到秋葵外硬入面滑滑地既質感，配naan餅感覺好新穎。本身好想叫芒果lassi，但因為唔飲得凍野就叫左個熱既甜品。好似係玫瑰糖漿丸子。估唔

#咖喱葉其實一直以來我同朋友都好想試吓正宗嘅印度咖喱係點樣🤣所以上網搵左少少資料之後 就決定咗去位於佐敦既咖喱葉！老闆同店員態度好nice，一入餐廳，面帶笑容咁為我地安排座位，入到去店面細細，但原來有兩層，餐廳裝修富有印度色彩，座位寬敞，仲有沙發椅，感覺幾舒服👍當日在座都係印度人幫襯，所以相信口味都正宗，值得一讚😎落完單，店員就會送上免費既胡椒薄餅，咬落脆身，餅非常薄身，口感似薯片，仲有陣陣胡椒香，脆餅鹹鹹帶點辣，就咁食都已經好好味，埋佢俾既三色醬(薄荷醬，酸橄欖同甜辣醬)，係唔錯既餐前小食#唐多里烤雞 Tandoori Chicken印式烤雞基本上可以話係食印度野必點既，尼到既印式烤雞係用鐵板上，黎到仲係非常熱成個鐵板都沙沙聲！雞件有4件，份量適中，烤雞用左印度香料醃得好入味，烤到外面帶少少焦香，但肉質依然嫩滑！再配上少少檸檬汁上去，好開胃，好好食！#印度薄餅 Naan 印度薄餅有好多款可以選擇，但我哋第一次試，所以就揀咗原味，不加任何配料！薄餅有三大塊，外脆內軟，食落感覺煙煙靭靭，口感唔錯，好有嚼頭，配埋咖喱汁一齊食味道會更加豐富!#鮮辣咖喱雞 Chicken Vindaloo 食

今日女小編同朋友出左黎覓食！！我地去左間印度餐館，店員同大部份客人都係印巴籍人士，感覺好地道我地唔算好餓，所以只係叫左一款咖喱、兩份Nana Bread 一齊share食點好食物之後，店員就為我地送上餐前既薄脆小食前者既綠色醬料帶酸，後者則辣勁十足，絕對可以刺激味蕾，令人胃口大增！！！我地揀既洋葱咖哩羊肉都好快黎到未食已經聞到濃濃既香料味，食落帶有少少酸，唔會話好辣，幾惹味除左有數件嫩淋既羊肉，仲有大量爽甜既洋蔥，配上nana bread好夾！！！我地要左一份原味既nana bread ，另一份就要左款有餡既羊肉nana bread 羊肉個款有埋已調味既免冶羊肉碎係入面，淨食都已經好正而原味既nana bread質感煙韌，同d咖哩食好夾食住咁濃味既菜色，無理由唔飲野既大大個椰青，清甜又解喝，正！！！