影片
更多
2019-08-22
49 浏览
差唔多2年無食過印度野，對上一次講緊已經係朋友既婚禮去食。呢排心血來潮想去食下，於是就約朋友陪我一齊食。呢間curry leaf 我見有好多正評，而且地方係佐敦都方便，就放工去試試。見到裝修都唔錯，暗暗地幾有情調，一入舖已經見到有d類似神像既擺設，好有印度特色，不過我驚宗教原因唔敢影。經理同店員都係印巴藉，印以落單個陣都係用英文溝通。好彩地，menu有中英對照，可以順埋咁落單。一開始佢送左個脆烤餅既小食比我地，好似枱枱都有，個餅好鬆脆，咬落有淡淡胡椒味，個醬係薄荷醬，另外就酸酸咸咸咁，個人感覺配薄荷好似無咁重口味，岩我地食多d。我同frd一坐底已經決定要叫naan餅食，最後叫左一個原味同芝士味。一上黎個陣熱騰騰，應該係即叫即整，咬落外脆內軟，有淡淡發酵味道，相當唔錯。芝士味入面既夾心唔會太濃烈，恰到好處。叫左naan餅當然唔少得點埋咖喱，我地叫左瑪沙拉咖哩雞同咖喱秋葵，初頭都驚幾會好辣，但食落唔覺，岩岩好而且雞肉咬落入味，意想不到。而秋葵就不過不失，食到秋葵外硬入面滑滑地既質感，配naan餅感覺好新穎。本身好想叫芒果lassi，但因為唔飲得凍野就叫左個熱既甜品。好似係玫瑰糖漿丸子。估唔
呢間curry leaf 我見有好多正評，而且地方係佐敦都方便，就放工去試試。見到裝修都唔錯，暗暗地幾有情調，一入舖已經見到有d類似神像既擺設，好有印度特色，不過我驚宗教原因唔敢影。
經理同店員都係印巴藉，印以落單個陣都係用英文溝通。好彩地，menu有中英對照，可以順埋咁落單。
一開始佢送左個脆烤餅既小食比我地，好似枱枱都有，個餅好鬆脆，咬落有淡淡胡椒味，個醬係薄荷醬，另外就酸酸咸咸咁，個人感覺配薄荷好似無咁重口味，岩我地食多d。
我同frd一坐底已經決定要叫naan餅食，最後叫左一個原味同芝士味。一上黎個陣熱騰騰，應該係即叫即整，咬落外脆內軟，有淡淡發酵味道，相當唔錯。芝士味入面既夾心唔會太濃烈，恰到好處。
叫左naan餅當然唔少得點埋咖喱，我地叫左瑪沙拉咖哩雞同咖喱秋葵，初頭都驚幾會好辣，但食落唔覺，岩岩好而且雞肉咬落入味，意想不到。
而秋葵就不過不失，食到秋葵外硬入面滑滑地既質感，配naan餅感覺好新穎。
本身好想叫芒果lassi，但因為唔飲得凍野就叫左個熱既甜品。好似係玫瑰糖漿丸子。估唔到真係好甜，令我地有少少措手不及，佢係炸過既丸子，熱熱地，入面仲有餡。
總括黎講，呢度環景唔錯，同朋友傾下計，間中想食印度菜會再黎，而且我地兩個食左300蚊左右，價錢合理，希望下次再黎可以飲到mango lassi啦。
张贴
