咖哩葉

营业中

休息中

好少食印度菜，對印度菜嘅印象都不錯，上網見呢間嘅評價都OK，就同朋友黎試吓~環境裝修設計得好有印度色彩，感覺舒適~食物選擇都幾多，有飯有小食，估唔到印度菜種類都幾多~送咗一碟印度脆餅，食落香口，點埋薄荷醬同埋酸鹹嘅橄欖味道非常夾~~蕃茄湯估唔到質地幾creamy，飲落蕃茄味香濃，最喜歡湯嘅質地比較結身，酸酸甜甜嘅感覺非常醒胃~~蘑菇飯飯粒粒粒分明，有蘑菇香味，淡淡的飯香配合菠菜咖喱羊肉一齊食口味非常夾，蘑菇質地都唔會太乾身~~燒烤羊肉卷係比較辣嘅一道菜，但係辣味加香料令成道菜更惹味，羊肉質感結實，食落唔會騷，燒烤味香濃~~菠菜咖喱羊肉菠菜混合咖喱造成一個好結嘅醬，估唔到食落又幾OK，咖喱唔會好辣，但係有菠菜就令到咖喱嘅口感更加突出，而且羊肉唔騷，食落都唔會好乾身，吸收左咖喱嘅精華咬落香味四溢~~印式芒果酸奶似奶昔嘅質感，夠creamy，唔會太甜，反而令芒果嘅香甜味更加突出，配合酸奶味道更加醒胃~

今日同朋友黎到佐敦呢到食印度菜。呢間店入面既裝修都好有印度風情，而且係印度人開既，所以啲野食非常地道。午餐時段仲有set lunch,包括前菜、主菜、甜品同埋飲品，好抵食！我同朋友叫左一份set lunch,再另外叫多兩樣野食。套餐既前菜係chicken tikka, 係烤雞黎既。主菜就選擇左mutton curry,即係咖哩羊肉，呢度既咖哩好香濃，配搭nann 好夾。甜品係印度既雪糕，奶味非常濃郁。配埋印度既茶，好豐富既套餐啊！我地仲點左呢個炸奶酪，佢既味道係淡淡地既，食多幾舊都唔會滯。仲有呢個芒果奶昔！

今日去完九龍公園游完水，就去佐敦搵嘢食，本身諗住食太平館不過夜晚有啲貴😂見到對面呢一間印度野好似都幾抵食，nann都係20幾蚊一份，我係勁鍾意食nann架！我哋叫咗一份火烤雞一份咖喱，兩份nann，同埋一個椰青，都食到好飽。烤雞每一枱都有叫，上枱嘅時候渣渣聲好香，不過食落唔太濃味。而咖哩乳酪球既乳酪球好特別，無食過呢樣野，好似麵粉質地，帶芝士味，好飽肚，配咖喱好好味！重點芝士nann同埋羊肉餡餅，好大份，好香好好好好好食，羊肉餡餅有d辣，呢2款唔油膩，個人好喜歡！overall食物幾好，不過餐廳有d熱，定係所有印度餐廳都係咁

印度菜一向少食, 所以無乜比較, 本身都好驚食到D太過正宗既印度菜, 所以今次都係叫左D大路野, overall 都幾有驚喜!!餐廳睇落都係印度人主理, 要用英文落單, 不過餐牌有中英文, 仲有圖片, 所以都無咩問題~ 叫左一個咖哩, 一個前菜, 一個nann, 同埋一份雪糕~唔少得梗係mango lassi啦!!mango lassi 雖然有d貴, $45 不過真係真材實料, 好濃芒果味同yogurt味, 絕對無溝水, 超好飲! 前菜係個脆片既物體, 個d topping有款好辣~咖哩角好香, 入面d餡有d辣, 不過整得好好食, 唔同港式咖哩角, 呢個外皮似似地酥皮~好食!咖哩帶甜味, 唔太重香料味, 幾岩我口味不過我地叫左garlic nann, 所以唔加咖哩已經好好食!最後既印式雪糕kulfi, 本身好驚伏, 第一淡係有d怪, 因為味道好複雜, 食下食下愈食愈好食, 有杏仁/耶絲既香味, 可以一試!

I love Indian food so I have to try almost every joint that I come accross.Curry Leaf is located in Jordan conveniently located by some hotels.It has been awarded many awards by the QTSA.The menu had a good variety from Traditional curries, egg bhurji to Manchurian Chicken!Appetizersrdered the Jeera rice to go with the spinach potatoes.Tried the rice on its own and it was tasty without anything as there was cumin seeds in it.The spinach potatoes were not spicy but were very creamy compared to ot

平時鍾意同朋友捐窿捐la搵嘢食，今次介紹下佐敦既咖哩葉餐廳 位置有啲難搵，喺太平館餐廳對面 餐廳播住濃濃印度風情既歌曲，擺設全部都好有氣氛。侍應見我哋睇咗咁耐餐牌走過來推介我哋有咩特色菜可以試，我地叫左牛油咖喱雞 自家制沙律 蘑菇飯 同芝士薄餅。叫完嘢食侍應就 比左個小食我地 係秘制醬汁加脆餅 小小咸 但如果配酒係一流。牛油咖喱雞 $115雞好滑 咖喱甜甜地 唔鞋 好易入口 。自家制沙律＄58好新鮮 配料有紅蘿蔔 洋蔥 青瓜 蕃茄 加印度特色沙律汁 酸酸一好match 。蘑菇飯$58用印度米 加蘑菇煮成 印度米嘅口感好特別 唔同我哋平時食開嘅米 好有咬口 加埋黃油好香。芝士薄餅 $28有4塊 芝士薄餅 每一塊都沾滿左芝士 好厚實 值得一讚係侍應服務好好 見我地飲晒啲水就即刻加 又推薦菜式比我地。。地址：咖哩葉 (佐敦)佐敦荗林街16-18號荗林商業大廈地舖。

今天中午吃了一大碗面🍜晚上定了咖喱葉，感覺自己吃不下了😂第一次覺得，吃美食成了甜蜜的負擔⋯⋯所以我特意點了好多飲品，希望可以開開胃😂😂😂不過，我再一次吃完了所有的食物，週末健身房走起吧！沒想到這間印度菜這麼正宗，遠遠超出我的想像！上次在尖沙嘴吃過一間，感覺真是好印度快餐🍱導致我半年不敢再去嘗試印度菜。不過，咖哩葉讓我重新拾起希望！Naan真是很讚，特別是剛剛端上來的時候，還是熱的，配上鷹嘴豆，一口下去，胃口大開！有一種幸福的感覺！如果我今天中午少吃一點，應該會更幸福！所以，quota要留給真正喜歡的食物，就像感情要留給真正喜歡的人一樣！下次沒有好吃的，我寧願餓著！芒果乳酸和椰青，也是超級超級讚👍之前看點評，好多人都點這兩個，絕對不會推薦錯的！

平時做野太攰，所以真係好鐘意一放假就同好姐妹一齊去佐敦揼下骨，鬆一鬆。難得鬆完，梗係唔可以即刻操勞，要搵間餐廳坐下，hea到盡喇😍😍好姐妹好鐘意試食唔同國家嘅咖哩，但佢成日都話好想去重慶大廈試下正宗印度咖哩，但由於我地兩個女仔一直都唔敢去，所以我係openrice 搵左好耐，終於比我搵到呢間好多人都話好食嘅印度咖哩，終於可以了左佢嘅心願！一入門口，鋪頭唔係好光猛，同埋全部的職員都係印度人，所以好有印度feel。講反餐牌先，會用反印度菜名，但唔洗擔心，因為餐牌有中英對照同埋圖文並茂👍👍野係黎之前，佢會比份小食嘅。薄餅本身已經夠咸，所以我無要點醬，朋友試左，佢話綠色嘅有啲似魚柳包上面嘅醬再加左薄荷葉，另一個佢講唔出係咩味，不過佢話幾岩佢食🤔野食上得好快印度芒果酸奶偏酸，但感覺好健康，好似無咩再加糖印度薄餅食印度野一定要叫嘅，岩岩整好上枱，點都唔點試一試先，好煙韌，有淡淡的小麥香孜然薯仔第一啖食落覺得唔夠香，反而薯仔本身用咖哩醃過，好入味。再食多兩嚿就發現孜然係原粒落，咬到嘅時候，個孜然味就散出黎，好香！瑪沙拉燒汁咖哩雞咖哩雞的重點，當然係個咖哩汁喇，好香香料味，但唔反感，係好食嘅，用黎點薄

茂林街是一條寧靜小巷，卻有間低調而舒適的正宗印度餐廳，裡面的佈置很有印度風味，連一班的侍應都係印度人，他們都講得一口流利的英語，落order就唔洗擔心啦！傳統印度烤餅，不是熱和脆的，配上很酸，有醃製過的青檸醬和薄荷醬，真係別有一番風味！香炸空心球係用薯仔整的脆殼，裡面有D鷹咀豆，再配上羅望子醬，味道唔錯！留意這是凍食的！燒烤雞肉卷，Yummy Yummy,真材實料，啖啖雞蓉配香草，熱辣辣夠juicy!白咖哩羊肉，唔辣的，用牛油、忌廉同堅果煮的白咖哩，羊肉唔So,沾Naan食一流！即叫即整的蒜蓉Naan，大大塊，夠飽肚，唔會太鹹，可以配咖哩食。全麥手抓餅就較鬆，薄DD，都係好味的！瑪沙拉茶好香茶味，夠哂滑，一小壺已經有3杯，個人覺得加少少糖，味道會更佳！在用餐後，有個貼心服務，當你用完手食Naan，一定想洗手，呢個時候，侍應會為你遞上一塊熱的濕紙巾，好窩心呢！

工作地點轉左去佐敦後，努力搵唔同既新餐廳試，今日男朋友黎接放工就搵左依間印度食入到去店面細細，發現都有唔少印度人幫襯，所以相信口味都正宗XD點菜前店員會送上胡椒薄餅，咬落脆身，鹹香味配埋佢俾既三色醬(薄荷醬，酸橄欖同甜辣醬)，係唔錯既餐前小食點菜方面我揀左每次食印度野都要點既印式烤雞，大部份都係用鐵板上既，黎到仲係非常熱沙沙聲，雞件用左印度香料醃，好入味，再唧D檸檬汁上去，香口得黎帶少少檸檬酸味，好好食～雞件烤到外面帶少少焦香，但肉質依然嫩滑！薄餅方面係蒜味同芝士味二揀一，我地揀左芝士。薄餅大大件，芝士亦落得重手唔孤寒，好重芝士味，不過要注意佢唔係用拉絲芝士，係有D似Parmesan Cheese個種有薄餅梗係要叫個咖哩點黎食，我地叫左羊肉咖哩，份量都好足，有5-6件羊肉，肥瘦均勻，羊膻味剛剛好～咖哩就一貫印度底重香料味，好香口好好食

自從離開中環區，就未有機會食到平，靚，正的印度自助，在開飯網發現了咖喱葉，相信是九龍區印度自助代表了。可能我早到，所以人煙稀少，以為中伏，幸好到了食飯時間就陸續多人，當中包括印度人。講到食物，真係唔算多，沙律兩盆，肉類咖哩兩盆，雜菜咖哩兩盆，有印度白飯，有盆黃色咖哩，炸雜菜，烤魚，粟米湯及印度甜品，自助包汽水，薄餅要侍應整，有蒜蓉，牛油及原味可選。我一心諗住有燒雞，點知只得魚，有點失望，但整體咖喱味道出色，咖哩魚未有比咖哩味覆蓋，仍有魚味，烤魚都好好，食得出兩種魚嘅分別，唯一雜菜沙律就咸咗小小，可能係中間配料出事。另外粟米湯味道好重奶油味，跟西湯完全唔同。咖哩葉可以一試。

自從之前同朋友食過印度菜就愛上了，間唔中都會想食印度菜！食印度菜，就要揀正宗嘅食，一直都想試呢間，因為店內員工都係印度人，煮法應該會比教正宗，今次終於黎到！呢間餐廳坐得夠舒服，裝修都幾別緻！唔好以為得地下幾張枱，餐廳有兩層，所以位置都足夠！個menu 分得好仔細，而且種類夠多！雞，豬，牛，海鮮，每一樣都有不同煮法，唔好以為正係得咖哩雞，就算咖哩雞都有唔同口味可揀！點完菜後，店員會提供胡椒脆餅及各種蘸醬！胡椒脆餅非常薄身，所以依落好脆身！脆餅本身因為有胡椒，所以會有丁點兒辣！可以配上醬汁及醃料，口味隨大家喜好而蘸！Chicken Tikka $80炭烤的烤雞塊係每次食印度野必點！件件都夠大件，肉質嫩，咬開仲有肉汁，無骨，烤得夠香口，仲有脆邊。Fish Masala $142食印度菜點可以唔叫咖哩，所以今次就叫了Fish Masala，個魚夠滑，唔會一夾開就散，但有丁咁多腥味！而個醬汁調得幾好，唔會太辣，食落好惹味！Roti $20食印度菜，當然唔可以沒有印度薄餅，配咖哩食就最岩啦！我地叫左一份Roti，因為Roti相對冇咁heavy！Roti即叫即做，上到枱仲係熱辣辣，口感煙韌，冇咁多油

呢個世界有兩種人，一係好鍾意印度菜，一係好唔鍾意印度菜。而我A姐就屬於前者！難得好似口淡淡，一於衝擊一吓味蕾，去到佐敦嘅咖哩葉食印度菜。素食咖哩角唔太食羊嘅我哋叫咗素食咖哩角，咖哩角即叫即整，所以上枱夠晒熱辣辣！入面有薯仔、青豆同堅果打蓉，咖哩味香而唔辣，咬落去香脆鬆軟，好滿足。香炸空心球香炸空心球係印度常見嘅街頭小吃，圓球上面有個窿，放上薯仔、洋蔥、番茄同豆等等，加埋綠色酸酸哋嘅汁一齊食，講真，呢個唔係咁多香港人識欣賞。蒜蓉薄餅薄餅有多種口味，我哋就叫咗蒜蓉薄餅，有3大塊，蒜香味十足，當然要加埋咖哩一齊食啦！瑪莎拉咖哩雞瑪莎拉係印度獨有嘅香料，如果一向少食印度菜，就推介呢個。因為香料唔會太strong，而辣度又啱晒香港人，雞肉嫩滑，唔錯。

好耐冇食印度野，呢日同閨蜜就揀左食住咖喱傾計吹水。位於佐敦呢間印度餐廳老闆同員工似乎都係印度人，都係講英文為主，好有印度風味士多啤梨lassi，香濃士多啤梨味，甜得黎好清新，黎到印度餐廳真係必定要order芒果lassi，朋友表示好香芒果味，都係必點系列，好好飲veg simosa，入面係滿滿既薯蓉同素菜，咖喱味道都唔錯mixed veg kebab，餡料豐富份量又多，入面好多蔬菜，口感好豐富，味道都唔錯kadhai paneer，奶酪有少少似豆腐，同咖喱比起呢個味道帶少少甜，唔會辣chicken masala，咖喱味幾香濃，唔會好辣，雞肉都唔會「鞋」Naan我地就叫左兩款，原味同羊肉味，好香脆，個人就比較鍾意原味

因為喉嚨痛唔食得辣，又想食印度菜嘅我，朋友介紹咗這間位於佐敦嘅咖哩葉的確無介紹錯👍😋😋菠菜煮雞肉這個是用波菜煮雞肉……落單時叫佢走辣或少辣都得。味道有點不一樣，食落口都好滑加埋啲雞肉件都好啱口形，可以一啖一粒咖。奄列這間餐廳出名食印度咖哩，但係偏偏就唔係好食得辣，可以點😅😅唯有盡量點啲好味又無咁辣嘅食物。推介這個奄列，真係素食嘅朋友都可以嚟試試😋印度沙律呢個家鄉醃制沙律有啲特別嘢，就係一種叫葫蘆巴葉嘅香菜。雖然係醃制嘢但係都好好味，食完可以增加口水分泌。磨菇炒飯呢客磨菇炒飯就淡口啲，不過真係有我喜歡食嘅菇類……就係佢所以我點咗個波菜咖哩雞嚟伴佢🤭🤭玫瑰奶球餐牌都有甜品類，唔想食凍嘢嘅我大膽一試，點咗份制作需時嘅玫瑰奶球。送到嚟佢個糖漿入哂落個奶球入面，重係熱咖，入口暖暖地軟棉棉、外面果層甜甜地又唔會太漏……用嚟止辣真係一流呀👍👍