咖哩葉

营业中

休息中

今日一個人走左黎佐敦行街，去到晚餐時間搵左間餐廳食個飯。見到有間主打印度菜餐廳，環境好乾淨，有好多年輕一輩都去食飯。坐低就有薄餅小食，配薄荷醬或者咖哩醬。卜卜脆幾香口，薄荷醬好開胃！食住等緊我個主菜。我叫左一杯Mango Lassi。芒果味道非常濃厚，入口好似有椰香，芒果好足料好重果香！白咖哩羊肉配薄餅。羊肉羶香好多肉汁，完全唔會鞋口，入口有咖哩香味。羊肉軟腍唔會乾，咖哩唔會太辣。薄餅好鬆軟，熱辣辣超滋味。