和牛88 (已搬遷) 新店位置

日本好似我鄉下咁, 所以成日都會掛住家鄉野係正常既~ 而和牛啊壽司個啲就成日都會心掛掛想食~ 今次朋友介紹呢間食和牛既餐廳, 又有和牛又有壽司真係滿足晒我兩個願望啊!今次去到就做緊石垣和牛既menu, 好多石垣和牛既item可以揀~ 而我就揀左壽司朋友就要左牛扒~另外唔少我當然就飲番杯梅酒啦~石垣和牛壽司五款拼盤 $188擺碟都幾有手機~ 牛全部都係牛~ 有大拖羅壽司、赤身壽司、燒和牛壽司、和牛配鵝肝壽司、大拖羅配海膽壽司!我最愛就係和牛配鵝肝壽司, 兩者既配搭係大滿足啊~ 而大拖羅配海膽都好讚~  大拖羅油花比較多, 一啖食晒佢有幸福感~石垣和牛牛扒三款拼盤 $388跟住就係牛扒, 先係order左3成熟, 再可以係額外石燒至自己想要既程度~ 我就鐘意燒到佢面頭有小小金黃焦焦地咁 帶點脆口就口感剛好~最後叫多個石垣和牛和風紫蘇蘿蔔蓉汁八重山拉麵 $198 增加飽腹感~ 佢既牛肉幾大塊架~燒至有坑紋 好吸引~ 拉麵出奇地對我胃口, 我食左好多呢!整體好鐘意佢呢個menu, 牛肉好高質!

BB加左人工帶我食好野。佢知我鍾意食和牛，於是打完Golf就去食好西。今次去呢間日式居酒屋幾地道，都有日本人熟客幫襯，差d以為自己去左日本。經理話佢喺沖繩留學，講得一口好日語。前菜是沖繩水雲，酸酸好開胃先來點飲品，BB叫左啤酒，我就飲柚子汽酒小食就先來個炸魚餅，味道都幾夾 再來一個炸牛肉餅，炸得不錯，食完唔會一口油，但牛味不算濃。再追加一個醬煮牛筋，好軟好入味來到主菜三款和牛，有石垣牛食~由於我叫左3成熟，d牛好難咬……雖然有熱石再煎……其次石垣牛牛味真係冇神戶牛咁濃。都好味嘅。追加生牛肉拌飯，牛肉味道較淡，需要加多d調味~但都好好味，口感以為自己食緊吞拿魚~總體來講，以為自己去左一轉日本，大滿足~😀

男朋友是食肉獸，特尤其喜愛牛肉，這次特別找了這家和牛專門店跟他大吃大喝！餐廳格局有和風感覺和牛海膽細卷每件細卷上都有不吝嗇的海膽，海膽鮮甜帶海水味，加上生牛肉美味之極。和牛88火焰牛扒叫得上火焰牛扒，當然少不了以烈火燒牛扒。不消一會火焰熄滅後，店員淋上自家製的醬汁。點了熟度比較生的程度，配合鐵板的温度剛剛好。看得岀來牛扒的嫩紅色，男朋友表示滿意。吃下去肉質有咬口，而油脂分佈平均，滿口油香。和牛火鍋怕男友不夠飽，我們還點了個火鍋。和牛足足有八大件，每一片都十分大片！和牛片薄切下來，油脂不會過份油膩，而且入口即化。加上鍋中本來就有的蔬菜、菇類，清新感提升。吃完十分滿足，牛魔王必定大愛。

一打開𨋢門就見到餐廳做緊「石垣美食祭」，有個石垣美食嘅special menu。石垣即係日本最南面嘅石垣島，去就未去過，但電視節目介紹嗰度氣候溫和，美食自然多，好期待。坐低先嚟每人一杯清涼飲料。【Okinawa Lime$35】係沖繩名物一種青色皮嘅甘橘飲料，飲落酸酸甜甜但清新，好開胃。【Asian Beauty$35】朋友點的，有橙汁同橙粒。【薄燒和牛$68】一大塊大過手掌嘅和牛，豐富嘅油脂雪花分佈得非常靚。下面蓋住嘅係壽司飯。店員用火槍燒塊和牛，食客可按自己喜好要幾熟，我就鍾意低過5成。食落首先係爆油，再慢慢回甘，再混合燒過嘅微微烤肉香味。味道豐富多層次，必食推介。【炸魚餅拼盤$68】好鍾意隻石碟，朱紅色，感覺好古風。粒粒切半嘅魚餅釀入咗明太子、枝豆。魚餅彈牙魚肉味適中，熱辣辣一口一粒，正。【鹽燒雞翼$55】四隻香噴噴鹽燒雞翼，肉嫩多汁。醬汁類似蔥油香味，蘸嚟食幾惹味。唯一可惜係雞翼燒得唔夠脆皮。【石垣和牛牛扒三款拼盤$388】石垣祭menu入面嘅菜式大部份係原本嘅menu都有，只不過換成係石垣牛。石垣牛生長喺氣候溫和嘅石垣島，有齊優質環境水源，再加埋規範嘅管理，隻隻牛都有cert

男朋友鍾意食牛，今日特意想氹下佢開心，就book左位於登龍街嘅和牛88食晚餐。此店主打來自沖繩的石垣和牛，我地兩個都非常期待！和牛刺身 $98先來一個和牛刺身，一份有五片，顏色粉紅，厚切的，入口帶著油脂香氣，濃而不膩。廚師精選五款壽司拼盤 $198大拖羅壽司赤身壽司燒和牛壽司和牛配鵝肝壽司大拖羅配海膽壽司擺盤精緻，食材上乘，又鵝肝，又拖羅， 仲有海膽，簡直係豪氣😍石垣炸魚餅三款拼 $98炸魚餅都幾有特色，一共三款，質感厚肉彈牙，推薦👍🏻和牛火鍋 $280熱愛打邊爐的我當然唔會錯過，辣蘿蔔蓉可以放落酸汁🥕而我嘅至愛係柚子胡椒😍點肉食一流❤️真心超正👍🏻睇下和牛的色澤幾誘人🤤和牛磨菇炒飯 $138和牛份量絕無欺場，飯粒炒得好香，蒜香濃美味☺️Asian Beauty $35Green Tea $35今餐果然冇令人失望，仲食到好飽好飽，雖然唔便宜，但偶爾放縱自己一下，對自己好d係應該嘅😆

Honey 話好掛住日本嘅和牛，聽到呢句說話我自然識做，book 位去銅鑼灣食和牛。來到這間和牛專門店，可以選擇坐和式座位或卡位。Honey 覺得除鞋較煩，所以我哋都係選擇坐卡位，其實卡位應該仲好坐啦。適逢其會，原來今來做緊石垣美食祭，店員很友善，細心介紹了美食主題。好! 我們一於今晚食石垣和牛。她更建議食物可以逐樣上，以免我們食唔切，令到食物變凍，影響味道，很體貼啊!前菜是【水雲酸 $20/人】都幾酸吓，似是冷麵，上面仲有好多白飯魚仔，唔腥的，好特別的一道前菜，以前從來沒吃過，好醒胃。小食【溫茶豆 $48】去日本都有食過。熱辣辣上到來，豆味香濃，份量好多，食極都食唔完。食和牛的話，飲品是 free 的。【乳酸梳打】似益力多加 soda，啱我口味。【Okinawa Lime Juice】酸酸甜甜的，Honey 好鍾意。【鹽燒雞翼 $55】最初睇 menu 時，以為只得兩隻，上檯時，竟然有5隻，有驚喜。雞翼燒得啱啱好，唔乾，又香又入味。【南蠻炸雞拌島豆腐他他醬 $68】炸雞炸得好香口，襯埋用豆腐造成的他他醬是一絕。因為單食炸雞會覺得有點熱氣，撈咗他他醬來食就變得啱啱好。【石垣和牛牛扒三款

ps酒前菜處有笑話一則😏知道和牛88黎左香港之後，一直都好想去食😭幾經波折，終於食到佢🤫估唔到開左一段時間都仲可以keep住爆場！勁！👉🏿✨酒前菜 Hkd 20 💸📌枝豆黎既，普通既前菜都好入味！呀日本餐廳仲會有毛巾俾你抹手，服務都好好的說！個笑話就係，枝豆有皮，職員好好咁俾個碗我地裝住，之後我朋友食晒，主菜上緊既時候，我仲未食晒啲枝豆，職員就話幫我收起，我話枝枝係味有2個碗，係既你收左皮先啦🤣之後我朋友係到大笑，我個時仲get唔到，後未隔左3秒，知道自己叫人收皮，同個職員係到爆笑😂😂我係咁同佢講唔好意思，因為成件事我真係好認真又唔為意叫佢收皮🙄🙄覺得自己好白痴呀救命🤦🏽‍♀️重點係我只係想叫佢收左個皮既碗，happy share俾大家笑下🤫😀😣👉🏿✨石垣和牛牛扒三款拼盤 Hkd 388💸📌食完呢個完全覺得果然係和牛88先有既質素👍🏿有3款牛，每款個皮都燒到好香脆，入口岩岩好，脂肪完全入口即溶得黎又唔會感到肥膩，好好食呀😭😭（我嗌7成熟）👉🏿✨石垣炸魚餅3款拼盤 Hkd 98 💸📌職員推介～可以試晒3款魚餅，長型個個就甜甜地，炸到剛好，油膩感唔太重，而細細個兩舊入面會偏向有啲啲餡，都幾好

去過沖繩食石垣牛就覺得好正，沖繩過江龍本身係日本都有十幾間分店，而家開到黎香港喇，食肉獸既我緊要去試。而家有一個石垣美食祭，除左和牛之外都仲有小食可以食，拉開個小布簾一入去就見到好多日本店舖既舊相，同一啲石垣牛既介紹。外面有卡位亦有普通位，入面就有一間房好似日本既設計，一大間房一班人食完和牛飲酒夠哂氣氛，外面就會見到廚房位好多靚牛放左係度。日本餐廳真係較貼心，有濕毛巾可以俾大家清一清隻手，餐具都好有日本既特式。先黎個前菜係《汁煮牛根》，呢個前菜真係好好食，個牛根煮得入味又夠淋，另外仲有蒟蒻加左個口感，個汁都好濃好味。一場黎到緊係要食招牌既《石垣和牛88火焰牛扒》($288)，真係一黎就要準備相機，店員一倒落去就勁大火，燒一燒就會熄左，雄雄烈火燒完之後倒埋自家蒜蓉醬，牛扒中間依然嫩紅，食落牛味都出肉質有咬口，大家可以先叫生啲因為鐵板燒完會令牛扒更熟。另外推介既係《石垣和牛牛扒三款拼盤》($388)，三款係赤身牛柳同西冷，赤身食落油香無咁重肉味好出，較有嚼勁，最多油份既係西冷，一入口啲油脂真係湧出黎一樣，仲可以點埋自家既蒜汁同雪鹽一齊食。呢個賣相滿分既《和牛Toro生雞蛋拌飯》($120)

同男朋友慶祝週年紀念，做足功課先至嚟，一定要試嘅就係佢個鐵板， 本部牛口感比較滑嫩，脂肪比例分佈得靚，入口好快溶化、 石垣牛牛味就比較濃，香氣重，入口就感受到好濃嘅鐵板燒香氣，個人最喜歡就係呢種牛，最後一種鹿兒島黑牛，口感層次就比較豐富，肉質明顯比較結實， 入口口感比較紮實，對於醬汁同調料嘅吸收最好。怕食得太多肉，另外叫咗個沙律，最鍾意裏面個洋蔥，真係好香好香，搭牛肉食口感好清新。非常滿意嘅一日。

男朋友生日 問佢想食咩 佢話食日本野 揀左好耐 揀左兩間餐廳 一間係放題 另一間就係呢間和牛88 有啲想食和牛 都係上網搵搵下 見到呢間餐廳咁多好評 又冇咩負評 好似好唔錯 值得一試 比男朋友揀完兩間餐廳 佢話減肥唔想食放題 於是我地就黎呢間和牛88食完真係覺得好失望呀 唔係話啲食物唔好食 但一啲都唔值呢個價錢呀喂 因為我地最想食既和牛 係成晚最差既食物 一心想食好味既和牛但食唔到 所以好失望如果以食和牛既價錢黎講 兩人埋單$800 一啲都唔算貴 但我地根本就唔覺得自己食左和牛⋯⋯ 好彩男朋友唔想我洗咁多錢 冇叫其他更多同更貴既牛 以食普通食物 兩個人$800 6成飽 性價比真係好低 真係寧願去食放題好過我地一共叫左四道菜 兩杯梅酒 火焰和牛扒 $288牛肉蓋飯 $148凱撒沙律 $75牛肉薯餅 $68梅酒 $55+$60 前菜 $20/位仲有 我地飲完梅酒 另外問佢拎杯水 佢都冇問另一位要唔要 佢真係比一杯 以咁既價錢黎講既餐廳 服務真係麻麻⋯唔排除佢要局你叫野飲 但呢到價格偏貴 杯水應該係包埋架？因為想食和牛又食唔到 我地第二日去左牛角食返和牛 仲平過呢到 又好味過呢到塊牛呀 開心

是晚朋友為我慶生之夜，一行4人，4人也是牛魔王，加上朋友吃過，評價不錯，就試試吧，踏進餐廳感覺頗有日本風味，像日本烤肉店，有濃濃的烤肉味及很焗🤣🤣，我們亦不太介意，這樣才有風味🤓一行4人點了以下食物⭐️和牛沙律⭐️海膽和牛卷⭐️鵝肝和牛卷x2 太好味⭐️鵝肝醬多士⭐️唐揚雞亦⭐️炸忌廉薯餅⭐️牛肉鍋⭐️鐵板火燒和牛⭐️牛肉他他飯⭐️啤酒梅洒各2全牛宴大約 $2650扺唔扺食見人見智，食物質素和與朋友相聚的時光也值會票價💜

友人想去CWB連卡佛，逛完，我們去了美食集中地:銅鑼灣登籠街的永光中心，嘆日本沖繩過江龍「和牛88」的石垣牛。聽侍應說，餐廳獨家引入了沖繩有名的石垣牛。它是日本的黑毛和牛的一種，是和牛的原始血統。壽司拼盤 ：有五種壽司：和牛海膽、鵝肝和牛、和牛大拖羅、燒和牛、和牛赤身。和牛海膽，鮮甜的海膽配和牛，甜鮮味美。和牛鵝肝，微焦的鵝肝配和牛，脂香四溢。和牛蔥花赤身，清新。石垣牛料理(連熱石)八重山炒麵 和牛沒有韌的筋或纖維，腍滑柔軟，入口即溶，牛味濃郁。日本梅酒，酸酸甜甜，男女生都愛喝，甜香難以抗拒。啤酒清新順喉，充分米麥的甘香。和牛質素跟之前在日本食的差不遠，好吸引我下次再跟朋友來談心食好西。

2018。03。09🎊同老公慶祝結婚4週年🎉老公睇面書介紹和牛88，所以就來左食~ 😍😍推介👍和牛88 之 鐵板皇者和牛3食🐮仲有魔鬼魚乾都好好食😋。。。不過唔記得影相~特別欣賞老板的細心~已經女廁又乾淨又香，特別之處係為女性預備女性最需要的用品~ 你地去到就會知~ 👍👍💖💖

今次帶了朋友去試日本沖繩過江龍「和牛88」，位於登龍街的美食大廈永光中心，帶著日式味道的裝修，有吧枱、卡座和傳統和式包廂，二人枱就有點小了。只是星期四的晩上，也差不多滿座了。試試新推岀的八重山炒麵 ($128) ，用的是日本的 soba，與洋葱一起炒，炒得乾身和有鑊氣，還有蘿蔔蓉可去膩感。和牛雪花分佈均勻，肉質鮮嫩，令我們很期待之後的燒和牛呢！主角就當然是餐廳獨家引入沖繩最有名的石垣牛 ($388)，是期間限定呢～石垣牛是日本黑毛和牛，牛有一定的品質保證。石垣牛又可以算是和牛的原始血統。石垣牛味道清甜，入口即溶，肉質嫩滑無比，而且油脂豐富。和牛燒得恰到好處，內面呈嫩粉紅色。覺得牛扒變冷還可以燒一燒它，讓外面更香脆。對我來説，我較愛吃原汁原味，加上和牛的味道已很濃烈，也不需太多調味。但當然如果覺得味道不夠還可以沾點 A1 醬、沖繩大蒜汁或沖繩鹽。壽司拼盤 ($198) 有五種壽司。和牛大拖羅、燒和牛、和牛赤身、和牛海膽和和牛鵝肝。和牛海膽壽司將兩種名貴的食物放在一起，濕潤清甜的海膽配上嫩滑的和牛，有入口即溶感，很有驚喜。不得不提和牛鵝肝，鵝肝是燒至微焦的，口感軟滑慢慢在口腔溶化，味道濃而

結婚前，未婚夫話要帶我食好野，幾辛苦幾悶都好，都要對自己個肚好啲。放工黎到呢間和牛88，佢成個menu 都主力食和牛，只有少量雞，豬類嘅野，感覺好似日本嘅食店，主力煮理一種食材，咁樣質量就更易控制。我地叫咗個石垣牛壽司盛同埋石垣牛肉拼，再加個和牛火鍋。石垣和牛壽司真係好好食，除左日本，我真係未試過喺香港以呢個價錢食到咁高質和牛。聽經理講，呢度係獨家引入嘅石垣牛。難怪呢度嘅牛同日本食到嘅咁似啦！呢個壽司拼嘅拖羅好肥美，鵝肝香得黎唔膩。仲有呢個石垣和牛拼，每件都有其特色，西冷就韌但牛味濃。本來以為兩份牛都唔算份量大，所以叫咗個火鍋加烏冬，但點知原來都幾滯。