和牛88 (已搬遷) 新店位置

結婚前，未婚夫話要帶我食好野，幾辛苦幾悶都好，都要對自己個肚好啲。放工黎到呢間和牛88，佢成個menu 都主力食和牛，只有少量雞，豬類嘅野，感覺好似日本嘅食店，主力煮理一種食材，咁樣質量就更易控制。我地叫咗個石垣牛壽司盛同埋石垣牛肉拼，再加個和牛火鍋。石垣和牛壽司真係好好食，除左日本，我真係未試過喺香港以呢個價錢食到咁高質和牛。聽經理講，呢度係獨家引入嘅石垣牛。難怪呢度嘅牛同日本食到嘅咁似啦！呢個壽司拼嘅拖羅好肥美，鵝肝香得黎唔膩。仲有呢個石垣和牛拼，每件都有其特色，西冷就韌但牛味濃。本來以為兩份牛都唔算份量大，所以叫咗個火鍋加烏冬，但點知原來都幾滯。