和幸日本燒肉料理 (已結業)

午市好似有特價呢加埋一$58既套餐，有唔知乜魚既刺身（上面有黑松）、用黎網燒既肉（牛豬雞幾塊咁）、沙律、蒸蛋、白飯、甜品咁多野呀刺身好細塊，不過唔知乜魚，味道都幾好食，唔使加豉油都有味肉都唔係好多，不過一個人食啱啱好，d汁好好味，熱熱香香的加埋落d白飯度好食平時食一般日本燒肉定食d野都唔好食，但呢家好食咯，可能因為自己燒啊？因為我唔係好知d野幾時熟，店員就提一提塊豬肉得架啦（其實我根本不知係網燒，因為唔係好貴）沙律係一般和風好吃的水準蒸蛋都是滑的甜品係豆腐雪糕都係幾好食

因為要去Sogo辦年貨，所以出咗銅鑼灣。周圍都人多車多，食餐飯都唔知要等幾耐位。咁啱老公出bouns，決定食餐好d嘅，就去咗和幸食日本燒肉。今次已經係第三次嚟幫襯，但有d唔明點解喺銅鑼灣呢d旺區，一間食物質素唔差嘅餐廳，次次晚飯時間嚟都唔駛等位之餘，仲要唔會滿座。真係有d奇怪。今次我地叫咗個特選肉盛 ($288)，裏面有黑毛和牛五花肉﹑特選牛肋骨肉﹑日本伊達赤豚﹑岩鹽薄燒牛舌同埋味噌雞翼。另外又叫咗米沢和牛香蒜五花肉($158) ﹑辣味清酒煮大蜆 ($68)，同埋一口和牛多士。D燒肉都幾好肉汁，同埋唔駛加d乜嘢調味已經幾好食。d waiter見你唔係好識燒，會主動走埋嚟教你，廢事糟蹋d靚肉嘛!佢地見你個爐已經燶燶地，又會幫你換過塊燒烤板，避免d客食炭屎。其實呢度環境﹑服務同食物質素都幾好，但真係唔明，點解入座率會咁低囉!唔通樓上店真係咁難做!

見咁多人喺度寫和幸嘅日本燒肉咁好食同裝修咁特別，所以就慕名去試一下有幾好食。去度樓上發現別有洞天，估唔到喺一幢商業大廈嘅樓上有一間咁同到別緻嘅食肆喺度；呢一日食客唔多，因為呢日好涷，我有理由相信好多人都去咗打邊爐；而我就唔想同其他人逼同等位，所有去食日式燒肉，唔駛同人逼時，咪又係對住個熱騰騰嘅火爐?!同內子考慮過後，叫咗個有帶子、蝦、牛舌、牛肉剌身、雜菜、燒汁牛胸腹、煙肉、同蟹子沙律嘅餐；嚟到發現個別嘅菜份量比預期少，所以就叫多咗一個大頭蝦、牛肝、厚切牛舌同黑毛和牛肩啦!另外，梗係唔少得啤酒啦!蟹子沙律─味道同出面一般食肆水準一樣咁普通。牛肉剌身─味道一般，既無入口即溶嘅感覺，亦無咩牛肉味。帶子─連個殼上，賣相較特別，連埋個殼同上邊嘅牛油一齊放喺煱上邊燒，香味四溢；而帶子嘅味道都幾鮮甜。蝦─味道一般，而長度只有大約5吋左右，略嫌唔夠蝦膏，而且我食得出係雪蝦，因為啲肉唔夠彈。牛舌─得過7、8片仔，薄得可憐！而味道更係一般!厚切牛舌─切作正方形條狀，賣相OK，但係燒起上嚟就麻煩啲囉!黑毛和牛肩─又係少得可憐，得嗰7、8片仔，味道可以，略為唔夠牛肉味。燒汁牛胸腹─比前者較有牛肉味，但係因為S

(有相)好唔好食 311 回: (情侶Kiss 20秒送一碟愛情牛)淡淡然,吃啖肉@銅鑼灣和幸http://hk.myblog.yahoo.com/goodboy_philip/article?mid=39212以前都幾鍾意食日式燒肉料理, 現今情迷壽司多年, 相信直到 C 一日, 壽司都係我最鍾意既野食! 今晚路經銅鑼灣間間食店都爆, 經過和幸唔知係幸運定不幸? 問一問要等幾耐, 等十分鐘, 行個圈就有位。 好唔好食? 又睇落去? 和幸呢個名, 腦入面都係記左東京食吉列野食既食店...當年第一次食, 真係覺得好好食呀! 講番呢間食燒肉既和幸先!店內似日本既魚市場, 牆上仲有好多相! 咩相? 成堆食客既 "kiss 相" 係 gimmick 野, 店內推廣情侶客人 kiss20 秒比佢地影一張寶麗萊可以換一碟愛情牛 woh! 如果你同你男/女朋友去, 你會唔會試呢? 地址: 銅鑼灣謝斐道496號金利文廣場3樓 野菜沙津: 蕃茄仔, 西生菜, 蟹子。和牛刺身: 老老實實, 0係香港食和牛, 好難相信食店所講既 A 幾多級? 呢塊和牛薄切, RAW 得黎肉味唔算濃, 亦無期望有溶0係口既情

一心諗住同男友大人食日式燒烤壽宴，本身想book盛八，點知前一日打去佢哋話用膳時間只有個半鐘(以前都唔係咁)，限時限刻食飯邊happy喎，所以嬲嬲哋就打去和幸，因為佢哋冇限時。七點鬆去到，都唔爆，不過都應該有六成半入座率，我哋被安排坐喺近門口一張四人枱，可能入面冇位啩。餐牌係一張令人目不暇給嘅報紙，好得意，仲有好多唔同配搭嘅套餐牌，一時三刻真係唔知叫咩好，不過一望就見到個黑松露"魚立"魚薄切，即刻第一時間叫咗先。第一轉就order咗秒製燒汁牛肋骨、岩鹽厚切上等牛舌、蒜蓉牛油羊架同珍味盛合(其實係內臟拼盆，可以自選四款內臟。我哋就選咗牛心、豬腸、豬肝同雞腎。全部要辣味)。之後男友大人話要食刺身，佢仲發現佐酒小食有我至愛嘅螢光魷魚，所以第二轉再order咗一客刺身盛皿同螢光魷魚。咁高興唔可以少嘢飲啦，跟首要咗支300ml嘅上善如水。第一樣上嘅係牛舌，厚厚長長有七件，即刻落爐啦，大概燒5分鐘，個面金黃色，攪掂九成熟，我一向都唔建議拈醬汁食，因為佢本身有啲岩鹽喺面所以隨即放入口，好有牛油香，肉質非常之爽脆，肉汁爆晒出嚟，好味到唔知點形容。反而個秒製燒汁牛肋骨油脂唔夠，雖然燒到七成熟，不過食落都

order左個2人set其實如果唔係好食得既, 2個人真係夠食一碟甜豉油, 咸豉油同幼鹽俾你點先黎個和牛刺身　around 8片到D雪花幾靚幾平均有大蝦, 帶子, 粟米, 冬菇, 洋蔥....etc.本人覺得最好食既係牛舌side order左燒南瓜, 一口芝士, 炸雞軟骨一口芝士一定要食雖然都幾貴...冇記錯應該4十幾蚊5粒但係真係好好食Service很好!

其實．．．．我地係想去食其他嘢咖，　不過，　星期３先　ｂｏｏｋ　位，　得呢度有位，　又見近日見到呢間嘢都好似幾大熱咁，　就去啦！！！！入到去得一張有人，　可能太早，　不過．．．都　７：１５喇．．．朋友 L 一去到就叫，　完全唔使考慮，　就叫左個２人餐！！伙計哥哥好好咁叫我地睇下報紙先，　可能想我地叫多ｄ嘢啦，　不過我地都係一個２人餐攪掂！！個前菜無咩特別，　反而個烏冬同個牛好好食！！！！　　個烏冬放湯放左好耐都好彈牙，個牛肉係咁２拖下湯就　ｏｋ　喇（伙計哥哥教既），　好有牛味，　唔似果ｄ好雪既牛肉咁！　讚！！８：００　開始多人，　我地都差唔多走喇，　伙計哥哥比個張卡片我，　仲叫我地　２４／１２　去，　早ｄ　ｂｏｏｋ　位有　＄１００　ｄｉｓｃｏｕｎｔ　呀，　不過我　２４／１２　唔係香港，　唔係都可以考慮下，　ｈｅｈｅ！！！多謝朋友 L，　呢餐又係　ｆｒｅｅ　既，　ｈａｈａｈａ！！！　

一直好想去試, 結果終於去吃了! 有好多套餐, 最終選了hsbc2人套餐, 足可以4位用! 約$650. 另加了一碟長期做特價的牛及一碟黑松露魚剌身!由於是自己燒, 需掌握火候, D牛, 豚肉都十分好味。龍蝦刺身亦算爽脆! 佢會用D剩餘的頭同腳幫你煲個湯。重有個火煱都OK, 以菜為主。但係D海鮮咁燒不是太好味!又或是自己燒等得不好罷!反而散叫的黑松露魚剌身, 好好味!最後埋單約800!

Their Manager remembers many returned customers so make you feel honorable. Their staff listen to you and make good and affordable recommendations. This is one of the very few restaurants that my friends and I would make a second / third trip back within a short period of time which we did. I enjoy their all-you-can-drink package which is a very good deal for Fridays (no worries about getting up early next day). Their beef is very good, especially the thick ox tongue. Budget-wise, you may choose

今天約左男朋友到SOGO行街街,出來時見到有張和幸宣傳單,想起之前同朋友食過,剛好男朋友話肚餓便上去試多次.一上到和幸感覺唔同左,以為去錯左.女接侍員好親切帶我們入坐,詳細講解有咩特色.值得一讚.睇下個MENU,一張報紙睇到我同男朋友眼花花,都唔知食咩好,見到有個好平ニ人套餐唔使諗抵食.先來個刺身和沙律.有我最愛甜蝦刺身正 好大隻又甜,我仲食埋男朋友果隻 哈哈.我男朋友再叫多一客.之後開始燒野食.有牛油杋立貝同大蝦,杋立貝好香牛油味 正.店員教我地燒大虾.因為我之前燒到隻蝦黑左 店員好細心幫我地燒大蝦非常好食..讚之後準傋燒和牛時聽到打鼓聲,唔知咩事.跟住有位靚仔店員問2位可以影張相嗎,有愛情和牛送比我地.我就好怕,但有和牛送同男朋友鍚,哈 好啦 影完相有和牛食啦.今次先問問店員和牛點燒,以免浪費.店員教我們先燒熟一面等到肉汁出來再一翻燒多十秒食得. 嘩~好好食 和牛好軟.又有肉汁.心想好在有鍚鍚最後仲有個牛奶凍好正 值得推介 好香好滑今天好開心,食物好美味.員工服務好好

朋友生日, 指定想食呢家, 好啦, 成班人去食. 原本想散叫, 但是選擇不多, 6個人最後點了一個2人加一個4人套餐. 全部是燒烤為主. 份量不少, 但以這個價位, 味道真系一般, 特別是和牛, 味道很失望, 比其它日式燒烤店為差. 服務真系一流, 員工很有禮. 我地成日都食日本嘢為主, 上到去, 覺得環境不錯, 有地道日式裝修, 成班人吹下水不失為一個好地方. 但再去機會很低.

看完飲食男女介紹的日本丼，食指大動，看看價錢也相宜，決定一試。 星期一到銅鑼灣黃金商場的和幸小料理，因為十點才到逹，已過了黃金時間，客人只有一兩枱。那裏的環境不錯。全店以木為主，配以柔和的燈光。其中幾枱設計成一個個亭，拉上布幔，自成一閣，恍如一個小天地。加上慢板的日本傳統樂曲，心境也立時靜下來。 既然一心來試菜，當然要食介紹的和牛丼，另再叫了一個鰻魚丼，燒牛舌，燒粟米(看openrice介紹的)和一個雞翼。 前菜有兩碟，一碟彷如豆角的物體和一碟長通粉沙律，前者很硬，後者好像格格不入且無味，不食也罷。 先來燒牛舌，只有一串薄薄的四件，入口，嘩，咸到不得了。好像在食鹽。 燒粟米，只有半條一分二。粟米有甜味，但因為燒的關係，有點干。 燒雞翼，兩隻很小的中翼拆開上。雞翼上的味粉很濃，只有咸味，沒有其他味。但肉質常算嫩滑，不會太乾巴巴的。 主角--丼 和牛丼 -- 賣相，和雜誌的相差很很很很遠，三片和牛很薄，不及雜誌的鮮紅。入口常算嫩滑但沒有牛味(可能因為太薄了)。飯太多汁，變得很爛。 鰻魚丼 -- 賣相，分鰻魚和白飯上，鰻魚是乾燒的。賣相不俗。但沒有汁，白飯怎辦？我不好鰻魚，只試少少，肉質亦

周年紀念, 選最愛的日本菜二人套餐的食物不太適合我們, 故決定散叫剌身盛皿非常新鮮, 香港中價的的剌身暫時是和幸最好吃~環境雖不錯, 但燒烤抽煙系統較差. 綾牛味道都可以, 但份量太多, 兩人吃一碟會有些"漏",加上店員推廣只要kiss20秒並且給他們拍一張Polaroid, 便送我們一小碟愛情牛.海鮮拚盤都OK只是沒有太大驚喜, 最好吃是帶子店員紹介: 獺祭五割, 入口甜甜的不錯 很飽的一餐, 如下一次有機會再來, 會試鱈場蟹大致都可以, 價錢質素成正比, 但不能要求非常的好吃最令我回味是剌身, 真的很好吃~おいしい

重新装修后的 和幸 。。。。日本渔港的 风情 与 气氛 。。一进门口 就见到 装饰成账房的 收银台右面是 一大叠鱼盒子 和 鱼船 气氛的 寿司台。。各分区 就是 不同的 鱼档 和 店铺。。在里面 用餐 感觉像 在海边渔港（东京 筑地？）【实在 铜锣湾又真是在海边】鱼生觉得分外 新鲜。。烤的牛肉 更不用说。。。我做厨师的日本朋友连吞了 两碟生蚝。。日本酒 任饮 （放题） 更是 无量大德，对于我们 喝酒一族 真是。。。。。。好！其他 小菜 也有水准推荐 烤牛俐 （广东人 讲意头 不叫 舌） 烤牛肉（哪种都 可以。我全部试过） 生蚝！！！！ 必试！

今日係同女朋友既拍拖週年紀念，所以就決定食一餐平時較少食既日本燒烤，慶祝一下牽手迎接我地第七年既開始。其實銅鑼灣都有好幾間日本料理，我地選擇和幸既原因，可能係係街頭做宣傳果個人扮燒肉公仔。餐廳既裝修以日本既魚市場為主調，頗有地道的風味。尤其以開放式廚房設計令人注目。座位以卡位為主，椅背後更以竹蓆分隔。使食客有更大的隱私，設計適合情侶或是好友相聚談心。地台式抽風系統功率良好，燒烤味並不強烈。唯獨是座椅與檯的空間不太足夠，難免令人覺得有點壓迫。餐廳的服務算是不錯，侍應在各食物上檯時會提供建議的食用方法。為了客人的個人空間，侍應不會多打搞或打量用餐情況，有需要請主動提出為佳。另外餐廳有些互動遊戲，（親吻友人20秒拍張寶麗萊送愛情牛肉一客），game time 時侍應都表現親切有禮，亦懂得把氣氛熱鬧起來。食物方面，我地今晚叫左好多野食，其中有宮崎縣綾牛、芝士味豚腩肉、厚切牛俐、香草羊架、鵝肝蒸蛋、鹽燒大頭蝦，另有免費前菜麻醬蕃茄、三色牛俐絲和親親愛人遊戲所送的愛情牛。宮崎縣綾牛：A4級和牛切成薄薄的一片，輕輕在爐上燒上兩邊便可吃。牛肉雖然薄，但不至於薄得缺乏了口感。而且牛肉油花均勻，入口絲絲有