影片
更多
2009-12-02
22 浏览
一心諗住同男友大人食日式燒烤壽宴，本身想book盛八，點知前一日打去佢哋話用膳時間只有個半鐘(以前都唔係咁)，限時限刻食飯邊happy喎，所以嬲嬲哋就打去和幸，因為佢哋冇限時。七點鬆去到，都唔爆，不過都應該有六成半入座率，我哋被安排坐喺近門口一張四人枱，可能入面冇位啩。餐牌係一張令人目不暇給嘅報紙，好得意，仲有好多唔同配搭嘅套餐牌，一時三刻真係唔知叫咩好，不過一望就見到個黑松露"魚立"魚薄切，即刻第一時間叫咗先。第一轉就order咗秒製燒汁牛肋骨、岩鹽厚切上等牛舌、蒜蓉牛油羊架同珍味盛合(其實係內臟拼盆，可以自選四款內臟。我哋就選咗牛心、豬腸、豬肝同雞腎。全部要辣味)。之後男友大人話要食刺身，佢仲發現佐酒小食有我至愛嘅螢光魷魚，所以第二轉再order咗一客刺身盛皿同螢光魷魚。咁高興唔可以少嘢飲啦，跟首要咗支300ml嘅上善如水。第一樣上嘅係牛舌，厚厚長長有七件，即刻落爐啦，大概燒5分鐘，個面金黃色，攪掂九成熟，我一向都唔建議拈醬汁食，因為佢本身有啲岩鹽喺面所以隨即放入口，好有牛油香，肉質非常之爽脆，肉汁爆晒出嚟，好味到唔知點形容。反而個秒製燒汁牛肋骨油脂唔夠，雖然燒到七成熟，不過食落都
七點鬆去到，都唔爆，不過都應該有六成半入座率，我哋被安排坐喺近門口一張四人枱，可能入面冇位啩。
餐牌係一張令人目不暇給嘅報紙，好得意，仲有好多唔同配搭嘅套餐牌，一時三刻真係唔知叫咩好，不過一望就見到個黑松露"魚立"魚薄切，即刻第一時間叫咗先。第一轉就order咗秒製燒汁牛肋骨、岩鹽厚切上等牛舌、蒜蓉牛油羊架同珍味盛合(其實係內臟拼盆，可以自選四款內臟。我哋就選咗牛心、豬腸、豬肝同雞腎。全部要辣味)。之後男友大人話要食刺身，佢仲發現佐酒小食有我至愛嘅螢光魷魚，所以第二轉再order咗一客刺身盛皿同螢光魷魚。咁高興唔可以少嘢飲啦，跟首要咗支300ml嘅上善如水。
第一樣上嘅係牛舌，厚厚長長有七件，即刻落爐啦，大概燒5分鐘，個面金黃色，攪掂九成熟，我一向都唔建議拈醬汁食，因為佢本身有啲岩鹽喺面所以隨即放入口，好有牛油香，肉質非常之爽脆，肉汁爆晒出嚟，好味到唔知點形容。反而個秒製燒汁牛肋骨油脂唔夠，雖然燒到七成熟，不過食落都比較嚡口，而且肉味唔濃，相反牛胸腹肉就肥美好多，一入口就好有肉同油脂味，而且肉質柔軟，有入口即溶嘅感覺。羊架都幾厚同ok大件，我哋燒到五成熟，肉質軟軟淋淋，非常juicy，羊肉味道恰到好處，食完陣肉味喺口中仲久久不散，正。內臟方面牛心太薄好易overcook，比較硬、豬腸好肥美、豬肝係最好味，口感軟軟而且亦係最入味、雞腎冇咩太特別，以上各款都好入味，送酒都好唔錯。
個黑松露"魚立"魚薄切食到中段至嚟，望落去白雪雪，好似冇味咁，不過待應哥哥就叫我哋唔需要拈豉油，就咁卷起食就得，當初都唔係好信，但係入口就知原來魚上面啲黑松露咸咸香香，好夾而且令到個魚味突出，果然唔錯，不過"魚立"魚薄切我都係首推榮川。
螢光魷魚個味好適中，唔會過咸，因為以前食到嗰啲大多數都咸得泄，搶晒味噌，真係一流佐酒美食。
刺身盛皿即係刺身拼盆，有三文魚、油甘魚、海謄、帆立貝(帶子)同甜蝦，所有魚類同帶子都好新鮮同肥美，件件都成cm多厚，唔係一般平價貨式，甜蝦size比平時大隻，蝦頭有膏，肉身鮮甜爽脆又係新鮮非常。海膽賣相認真麻麻，溶晒咁，不過味道鮮，食到個口好似有海水味咁，唔錯。
食食吓，忽然有待應打起鼓嚟，好似聽到同生日有關字眼，因為男友大人都係當日壽星，所以就問位待應姐姐，原來生日顧客同朋友嘴嘴影張相就會免費送一碟唔知咩豚肉，男友大人聽到又話ok喎，所以留咗倩影一張，多咗一碟豚肉啦~~豬肉片好薄，肥瘦比例50:50，燒到香脆金黃都幾好味。
成晚飲咗兩支300ml sake同3杯Sapporo生啤，之後再加多個雞泡魚干送酒做結尾，魚干好夠味，而且口感唔同平時硬崩崩，好味但份量超細。
服務整體都唔錯，人手充足，唔會冇人應你，感覺食得舒服輕鬆。
张贴
