和幸日本燒肉料理 (已結業)

朋友生日, 一同二人走進了惠顧和幸燒肉料理. 由於沒有訂檯, 店小二把我們帶到吧檯上座. 環顧四周, 店子裡充滿了日本風味. 殷勤的店小二立即為我們介紹本店最新優惠 - 日本特級和牛 $168 (特大). 但我們最後沒有點. 翻閱餐牌內有三個海鮮餐. A, B, C 價錢由平至貴.我們點了 $488- 的海鮮餐C. - 包括: 和牛, 黑豚肉, 大隻海虎蝦 2 尾, 帶子 2 枚, 北海道雪場蟹腳. 另點了焗金菇三文魚及二個1litre 裝的 Ashai 啤酒. 其中, 和牛及黑豚肉的份量比較少. 和牛也沒有入口即融的感覺. 但比起一般所謂既韓國燒. 有過之而無不及.海鮮餐類:十幾cm長的海虎蝦夠晒大隻之餘. 味道仲好新鮮,加上肉質爽, 入口甜美. 食一隻已經很滿足. 帶子一開四件, 可減少烹調時間. 連同本身醬汁(有海水味) 再加上牛油. 把帶子味道提升. 最後是北海道雪場蟹腳. 一般到自助餐食既長腳蟹, 蟹肉比較少, 亦有雪藏味. 但這裡絕不欺場. 不但有啖啖蟹肉, 配上自家制醬料熏點享用, 蟹味腹郁裹香.另外 order 的焗金菇三文魚也有驚喜, 黑椒配甜日式豉油. 為味覺帶來

經朋友極力推薦下, 終於相約一起去試, 原來在樓上位置, 不容易被發現, 怎料七點多已滿座了，好彩已預訂座位...有那麼厲害嗎？日式裝潢感覺，陣陣燒烤香味，很吸引, 到了築地? 這裡的服務也要讚一下，服務生不斷主動為食客介紹食品，燒法, 非常慇勤的態度，不錯不錯 Sapporo 生啤, 唔係道道有, 非常清爽新鮮, 再來一支推介Sake, 味道ok, $3xx1. 介紹了新鮮運到的海鯛- 薄切做法非常鮮甜, 值得一讚!!! 2. 我們沒吃過燒牛舌, 厚切鹽燒牛舌- 實在是很好吃, 第一口...很有驚喜, 有口感,味鮮, Juicy, 不可不試. 3. 招牌主角 - 和牛胸腹肉只售 $108 ..... 超!超!超! 好食! 低食! 超值, 立刻 安歌 4. 鍚纸雜菜菇- 這些雜菇菜配上香草牛油清酒, ,很野味. 5. 一口和牛 - 口感一流, 夾任蒜片, 一絕. 6. 和牛石燒飯 - 雖有牛肉粒已好好, 再有鵝肝香味濃, 流口水。 7,8, 9, 10......etc.....Very FULL ***期待下次再來嘗他的A4-A5 原件和牛

今日去左食lunch, 叫左2個set lunch, 其實個set lunch幾抵食,做緊特價 $52, 又有幾片唔知咩魚刺身, 雖然好薄好薄同好細片, 但係都食到係有鮮味. 又有麵豉湯、蒸蛋同雪糕, 雖然只係維記雪糕. 燒肉有三種, 牛肉, 雞肉同豬肉, 每樣有3片, 個set都算係抵食.我地見到menu話食任何套餐, 可以加$20要一客三文魚刺身, 就加左一客. 點知問題就出係呢到!!! 到埋單個陣發現唔知點解貴左好多, 一睇張單, 佢個個刺身竟然收$59!!!!我地即刻問個waiter 點解會咁! 佢話我地另外叫刺身, 但係我地明明係指住個menu寫住加$20 叫一客刺身!! 跟住後尾個waiter 去睇番先同我地出過張單!! 真係奸店.. 唔睇張單就比佢收貴, 要小心.

之前同老公試過2人餐都幾好味又唔算貴，於是決定同肥媽攪個生日Dinner。我地一行12人選擇左個6人海鮮套餐再散叫其他。海鮮大隻，炒飯乾身入味，牛各部份醃料簡單，但出奇入味，芝士蛋糕好特別，要燒下先食得，布甸好滑，總括套餐水準唔馬虎。最值得一讚係侍應服務態度誠懇、有禮，冷氣又夠流通，肥媽至親至friend都話日後一定會再嚟光顧。個個都食得好開心同好滿足。

象上次一樣，沒有預訂，但沒有上次幸運，沒有座位。當日老夫腳疾，痛甚，斜倚走道，單拐駐地，挺了半個鐘。色拉有點草率，這個真的要努力，日料燒肉，前菜之中，色拉真的很重要。鹽烤杏仁是老夫大愛，強烈推薦，佐酒聖物。酒是老夫常喝的李白桃花仙人濁酒，是日本酒中很值得推薦的。和牛尚可，有待提高。牛舌尚可，有待提高。日本玉米倒是非常出彩。有怡和街那家對手，和幸要努力啊。

4個人叫左combo set C﹑兩碟牛小排肉﹑兩碟汁燒厚切赤豚五花肉﹑一碟黑毛和牛胸腹肉﹑一碟味噌雞腿肉﹑野菜盛合同埋溫泉蛋和牛石燒飯。3款調味料同前菜，醃過既芽菜同埋南瓜；芽菜係類似韓國泡菜咁醃法，南瓜就煮到好淋combo set C有鱈場蟹腳﹑帶子﹑蝦﹑黑毛和牛同埋赤豚肉蟹腳同蝦都好多肉，一夾出黎就食得；帶子跟牛油夠香，不過除左牛油味就冇乜味牛胸腹肉好有肉味不過唔夠淋；牛小排肉淋ｄ不過冇咁濃肉味整體黎講牛肉都算靚，不過就冇入口即溶個種感覺。

周六晚上到此用餐. 8時許到達, 未有預訂, 但不用等位即能入座吃了汁燒厚切牛舌, 和牛牛腹肉, 煱烏冬, 燒年糕, 及燒雞泡魚干, 兩杯生啤食物不錯, 但份量頗少, 燒雞泡魚干在追單2次後, 即落單45分鐘後才到, 此味佐酒小吃在吃完燒肉, 啤酒喝光了才上枱, 有點而過份吧最過份的, 是埋單時才發現前菜每人收20 元一小碟, 碟的容量比一包ok紙巾還要小, 一碟是一角麻醬番茄, 另一碟是豆角, 如此份量收客人20元一碟而未有告知客人, (到酒樓吃中餐又不同, 因大家會預計到有茶, 芥收費, 吃西餐提供的橄欖油及麵包也不會另外收費, 若有的會說明有cover charge, 但日本菜則沒有此規矩吧?) 未吃未喝兩人共先收40元 (另還要加一), 太過份吧?

朋友既朋友喺入面做,聽講話D和牛幾抵食所以就同埋daddy mammy去食下飯先講環境, 有D居酒屋FEEL, 初頭以為會好煙, 但入到去又唔係, 略嫌稍嘈服務, 唔錯, take order幾有耐性, 唔知係咪知道我地識佢地既staff?!食物, 先講刺身, 以一間燒肉店唻講算唔錯, 都幾新鮮和牛, 掂! 價錢唔算貴, 兩百至三百有一碟, 夠三至四人食食豚肉, 好食! 不得不提係個牛脷, 前後叫左三個order, 因為真係好好食! 勁爽!另外又叫咗沙律, 飯團等等等等, 雖然冇咩特別, 但都好食!基本上樣樣野食都好OK!!不過記得一定要起碼有四個人以上先去,因為可以叫多D野食~~

地方頗闊落 一行10人上去坐落都唔覺迫 食物有水準 我地食左:1. 黑松露魚薄切刺身 係第度未食過 原來味道好特別 都幾得意2. 厚切牛舌 好爽口又多肉汁 超好味3. 炭烏冬 烏冬勁滑 全枱人都讚好4. 牛乳奶凍 用北海道牛乳整 好香奶味 其他食物都唔錯 但個人認為以上4樣必食 service都好好 waiter會主動教我地點燒先好食 , very nice下次會再去 食物幾唔錯 服務值得一讚整體真係算幾好

今天中午飯餐，我們選擇了和幸，這是一間日本餐廰。由於我們被安排坐在入口第一張的燒烤枱，所以並不能看清楚這餐廳的大小。它的午餐選擇也相當多，有燒烤、也有定食；我們來這裡的目的當然是燒烤，所以選了一個四人餐，我們落單時，待應跟我們說這個餐的份量相當多，餐內的一個石頭飯我們未必吃得下。四人餐有：沙律、燒烤肉、石頭飯、魚湯烏冬、甜品。(但竟然没有普通餐所跟的麵豉湯和蒸蛋)。燒烤包括有：帆立貝、雞、鴨胸、豬、赤豚蕃茄卷、和牛原件肉眼扒，但份量相當少，每人大約分到兩件，最後待應送回這四人餐没有包括的麵豉湯和蒸蛋，我們才夠飽。就味道而言,尚可一試總結：應該叫普通燒烤餐或定食會比較抵食。

計劃真的永遠趕不上心情的步伐。禮拜六的上班天永遠都是抱著晨光的心情...超睏...沒太多事處理的早上，吃一個豐富的午餐，在網上閒逛一下，十一點多，人才差不多真的醒過來。慢慢計劃下午的活動，不可以浪費五天辛勞換來的兩天假期。跟同事聊了一下，決定去看一套放在心裏很久的電影，找了很多家電影院才找到時間合適的。下班後還有三小時的空檔，最適合慢慢找個好地方吃個午餐。好地方不一定是甚麼酒店或是星星店，只是有好吃的食物，吃到廚師的巧手，西打義無反顧的會衝過去。西打決定了要去跑馬地吃兩家店(對！一頓午餐吃兩家店)。路程雖然有點迂迴，但這種小事從不難到西打。坐巴士到了銅鑼灣，在路上發生了點小意外，時間又變得有點緊逼...在sogo門口隨手接過一張傳單，在人流如水湧的馬路，西打停著細閱這張傳單。轉個身，便向謝斐道出發。跟大家分享一個獨獨的午餐。題外話：因為這篇文章，西打不要臉的向公司的助總請教了很多關於牛肉的知識！萬分感謝！聽君一席話，勝吃十年牛肉！在金利文廣場3樓路出電梯，眼底是個日本世界。星期六下午2點多，只剩下三四桌客人，西打被安排到板前座位。原本只想點個HK$88套餐，豈料...在下決定的最後一秒

吃了一個信用卡海鮮套餐, 好多野食, 食物新鮮, 服務一般!

前幾日Kawaii生日 , 當然就緊係屈老豆請食 BrithdayDinner la .約7:30 坐底 , Kawaii 當然吾會托老豆手掙 ( 歺牌到kawaii手 , 價錢也無憂 ) 意思係 必貴 .点咗 - 1. 和幸杯漬 - 有少少似 Rib finger , 脂肪分佈OK , 夠肥及肉味 , ( 如果火爐可調較更大 , 在開始時可鎖緊肉汁之用 ) 就更加 perfect 2. 鵝肝和牛漢堡 - 有創意及價錢大眾化 .3. 羊扒 - 多變化百吃不厭的菜色 , 尤其燒烤係 No.1 , 因為燒完底面後可將肥脂肪向下燒至脆香 , 美中不足- 唔夠 so 味 , 如果你喜歡羊so味的話 .4. 牛舌厚切 - 得 , 夠爽 , 多juice , 掂 .果晚除食飯外又不停飲酒 , 都唔記得Kawaii 老豆幾錢埋單

在銅鑼灣區走了幾間日本料理，打開酒牌一看，一支720ml清酒都至少250元以上，本來想要quality唔要quantity，看完酒牌後還是走返去和幸每人120元任飲，結果又是斷片收場，第二天遲遲不能酒醒。清酒燒大蜆 - 估唔到在燒肉店都有得食！有鮮味，帶有牛油味，較不易察覺清酒味。雖然名堂叫燒大蜆，但其實唔算大荔枝豚肉 - 外面豬肉有咬口，咬落荔枝味很清新，多汁，分不清是荔枝汁還是油，非常特別雞翼 - 起了一條骨，容易食，雞皮已起了大部分，燒兩燒縮得更細，但冇咁油我們兩個人還叫了焗蘆筍和豆腐沙律

七月上旬•晴 我喜歡吃日式烤肉，原因十分簡單，因為其直接。喜歡烤肉，也有另一個原因，就是我喜歡吃牛肉，也喜歡吃飯，二者結合，就是烤肉的精緒。 在香港好幾間燒肉店也吃過了，唯獨未試過這裡，以傳統的日式居酒屋佈置，有卡位，有吧檯，也有散座，是環境很不錯的和食店。 餐牌就印在一張餐紙上，是日宮崎縣綾牛只賣百六，加上厚切牛舌，再來個野菜盛合，加一點澱粉質，已經是相當豐富了。 先來綾牛，切得薄薄的，也有近三十片，以一百六十的價錢，如果真的是綾牛，算是這樣的了。薄，燒起上來其實有一定難度，不用蘸任何醬汁，已經相當好吃。厚切牛舌也甚好吃，烤野菜也豐富，也來一客烤年糕，吃起來非常不錯，最後來了個飯糰，名副其實的飲飽食醉，最後連甜品也吃不下了．埋單四百多，吃得滿意。 想看足本食評及燒肉有幾吸引，請參考下列網誌：http://gourmetkc.blogspot.com/2009/12/blog-post_28.html