影片
更多
2009-12-24
見咁多人喺度寫和幸嘅日本燒肉咁好食同裝修咁特別，所以就慕名去試一下有幾好食。去度樓上發現別有洞天，估唔到喺一幢商業大廈嘅樓上有一間咁同到別緻嘅食肆喺度；呢一日食客唔多，因為呢日好涷，我有理由相信好多人都去咗打邊爐；而我就唔想同其他人逼同等位，所有去食日式燒肉，唔駛同人逼時，咪又係對住個熱騰騰嘅火爐?!同內子考慮過後，叫咗個有帶子、蝦、牛舌、牛肉剌身、雜菜、燒汁牛胸腹、煙肉、同蟹子沙律嘅餐；嚟到發現個別嘅菜份量比預期少，所以就叫多咗一個大頭蝦、牛肝、厚切牛舌同黑毛和牛肩啦!另外，梗係唔少得啤酒啦!蟹子沙律─味道同出面一般食肆水準一樣咁普通。牛肉剌身─味道一般，既無入口即溶嘅感覺，亦無咩牛肉味。帶子─連個殼上，賣相較特別，連埋個殼同上邊嘅牛油一齊放喺煱上邊燒，香味四溢；而帶子嘅味道都幾鮮甜。蝦─味道一般，而長度只有大約5吋左右，略嫌唔夠蝦膏，而且我食得出係雪蝦，因為啲肉唔夠彈。牛舌─得過7、8片仔，薄得可憐！而味道更係一般!厚切牛舌─切作正方形條狀，賣相OK，但係燒起上嚟就麻煩啲囉!黑毛和牛肩─又係少得可憐，得嗰7、8片仔，味道可以，略為唔夠牛肉味。燒汁牛胸腹─比前者較有牛肉味，但係因為S
同內子考慮過後，叫咗個有帶子、蝦、牛舌、牛肉剌身、雜菜、燒汁牛胸腹、煙肉、同蟹子沙律嘅餐；嚟到發現個別嘅菜份量比預期少，所以就叫多咗一個大頭蝦、牛肝、厚切牛舌同黑毛和牛肩啦!另外，梗係唔少得啤酒啦!
蟹子沙律─味道同出面一般食肆水準一樣咁普通。
牛肉剌身─味道一般，既無入口即溶嘅感覺，亦無咩牛肉味。
帶子─連個殼上，賣相較特別，連埋個殼同上邊嘅牛油一齊放喺煱上邊燒，香味四溢；而帶子嘅味道都幾鮮甜。
蝦─味道一般，而長度只有大約5吋左右，略嫌唔夠蝦膏，而且我食得出係雪蝦，因為啲肉唔夠彈。
牛舌─得過7、8片仔，薄得可憐！而味道更係一般!
厚切牛舌─切作正方形條狀，賣相OK，但係燒起上嚟就麻煩啲囉!
黑毛和牛肩─又係少得可憐，得嗰7、8片仔，味道可以，略為唔夠牛肉味。
燒汁牛胸腹─比前者較有牛肉味，但係因為SIZE所限，所以唔夠澎湃。
煙肉─呢個幾好，因為我唔鍾意食呢個又肥又鹹嘅肥豬肉嘅，但係佢就夾住個車厘咖一齊食，咁就令到口感同味道唔同晒，既食到煙肉嘅味道，又食到車厘咖嘅鮮甜！而且唔覺「漏」。
牛肝─估唔到呢樣嘢喺燒肉店有得食，因為可以自己控制唔燒到太熟，所以真係幾正，送啤酒一流！
大頭蝦─呢個相比起頭先嘅蝦就好得多，既食得出係新鮮嘅肉，而蝦膏比較多，而且仲係燒埋先上枱，值得一讚；因為如果唔係嘅話，自己會好難至燒得均勻。
啤酒─SAPPORO DRAUGHT BEER，飲咗3杯，每杯大約450ML($45一杯)，幾正，食燒肉嘅一流配搭！
總括嚟講，呢度食物嘅選擇多，但係各樣食物嘅個別數量就較少；我兩個人都要叫咁多嘢就係例證。而牛肉同牛舌嘅質素就唔太高，但係其他食物就都可以；另外，地點就腳，而裝修都特別，侍應服務一叫即到，可能我嗰日真係比較少人。所以我相信我會再嚟嘅。
张贴
