吞POT 雞煲火鍋.住家菜 (譽發廣場) (已結業)

📍 吞POT 雞煲火鍋.住家菜----之前邊爐家族事件搞到小編唔夠食雞煲打邊爐，而家疫情緩和左，即刻同朋友去到係油麻地既吞pot度食雞煲。本身想食滋潤螺片花膠雞煲，但朋友想食麻辣雞煲，所以叫左BB辣過下口癮----餐廳位於譽發大廈22樓，景觀開揚，對住夜景食雞煲又有另一番風味。---- 麻辣雞煲 半隻  (bb辣) $178廚房會幫你食熟d雞先，一上枱就食得。上面鋪滿左大葱同芫茜 ，好香。 雞件好多，而且煮得好夠嫩滑好入味。冇諗過bb辣都可以咁辣，但夠惹味好過癮。食完d雞再打邊爐都好正。----蜂巢豆腐 $55好大舊，又吸味，辣辣地食好滋味。食左3舊已經好飽肚了。----自家製芝士炸響鈴 6件 $75新鮮熱辣炸起，脆卜卜，好大份好多層，入面仲有芝士添，放落湯5秒撈起食，都有香脆既口感，加埋芝士既咸香，好正啊!----金針菇 $38打邊爐必食，最鍾意佢爽口既質感，沾左辣湯汁好惹味。----娃娃菜淨係食肉太唔健康了，要食返d菜先。叫左碟娃娃菜，好鮮甜，好大份，食完真係好飽!----紅薯粉前面食得太多，食唔曬d紅薯粉。味道吸左湯底精華，好味道!----九宮格調味醬。常用既醬料都有齊曬

(聲明: 本人陳局長與果個陳鞏x局長係無任何關係 千奇唔好搞錯)因為肺炎既關係 可以連續一個月日日打邊爐既打邊爐達人完全係唔敢出街食飯局長我已經足足3個月無離開過屋企 到左哩排無本地感染先敢去進行D高風險活動!咁友人就建議去幫襯一間介乎於油麻地與旺角交界的樓上鋪 吞pot 一行4人就上左去啦雖然叫吞pot 但係限疫操C係完全無吞pot, 跟足哂規定!門面幾整潔 因為6點就去到 所以無乜人 7點鬆d就爆場啦! 你知啦 食店有限制嘛 早d去包有位!睇下餐牌先都幾多野食幾多野飲 花多眼亂啦都未睇完就擺左汁醬比我地撈啦!但其實嚴格來講，打邊爐是有一定既流程先為知色飲色食<<呢個下次同大家分享,點為之正確吃法1,湯底一定要沙嗲,其他果d全部都是標奇立異,不吃也罷哩個湯不錯 有花生香味 又有d菇吊味唔知大家知不知其實菇類係天然味精呢?局長我讀大學果陣既fyp就係研究菇菌類有興趣可以再同大家傾傾2,豬肉片(後) & 羊肉片(前)唔會太薄又唔會太厚 打邊爐岩岩好!個豬肉係西班牙來佬野唔係中國野大家要留意不錯!!!!!!!大家知不知西班牙最屈機既五樣野係邊五樣?第一係無敵球隊巴塞隆拿 上

自從疫情以來，都無打過邊爐出街食飯都就住就住，見疫情放緩，朋友約到就去左呢間吞POT打邊爐一入門口己經有信封同洗手液比我用，方便放口罩衛生程度100分上去果時好早，六點幾仲未有好多人，但之後好快爆晒了餐牌野食種類多，價錢都合理比大家睇下食物相又魚又雞又牛乜都有得食食物新鮮好緊要我特別推介響鈴比大家，去到一定要叫舖頭個姐姐話我知響鈴係即叫即炸拎上黎果下油香四溢，熱到就咁食都OK一浸一食，脆卜卜真係無得頂四個人千幾蚊但食物質素都值下次再食過

嚟到油麻地開餐，專程嚟試吓呢一間火鍋店嘅麻辣雞煲。呢間分店環境唔錯，可以從落地玻璃眺望城市夜景🌃 加上枱與枱之間都有一定距離，感覺同朋友聚會唔錯👍🏻-重頭戲叫左重慶麻辣雞煲半隻 其實半隻的份量都已經夠兩個女仔食 份量比我想像中多 雞煲可以自選辣度 我地就揀咗BB辣 但其實真心都已經幾辣🤣 建議唔係點食得辣嘅朋友可能要選走辣了 食完雞肉後就可以叫店員加湯準備食火鍋啦-配料方面就叫左蜂巢豆腐、紅薯粉、娃娃菜、金菇、自創爆芝響鈴～ 每份配料嘅份量其實都幾多適合多人分享 自創爆芝響鈴放入煲入面燙一燙 咬落會有芝士爆出嚟嘅口感🧀 好滋味😋 但其實食兩舊已經幾飽肚🤣-埋單加埋醬料費和加一每人約$250左右 火鍋來講都算價錢合理 咁當然價錢如果可以再優惠d就無任歡迎啦🤣

油麻地高質雞煲尋晚520俾朋友拉住去食打邊爐，因爲朋友不斷狂讚呢間火鍋的滋補螺片花膠雞煲超高質，會食到上癮，搞到我到心思思，好想試下係唔係真係咁正。約左係油麻地譽發大廈個到等，所以我係油麻地A出口行大概5分鐘去到。上到去個陣見到所有位都滿曬，好彩我地都預左今晚一定好多人尤其是情侶出來慶祝520,所以一早就book 定位。呢到服務都幾好，坐低之後店員會提供洗餐具的熱水，同埋醬油盤，等我整完個醬料之後就會攞走個醬油盤。我朋友發版點菜。滋補螺片花膠雞煲黎到個陣又估唔到真係幾正，已經聞到好香雞味。鷄肉食落又真係好有鷄味同埋好滑。仲要花膠都幾大塊絕對不求其，食落會食到有膠質，螺片又勁鮮甜，我直程飲埋啲湯。都唔係講笑,齋食呢個鷄煲已經超正。第一次食冰菜，覺得比菜心仲正，口感好特別。豬頸肉片都好juicy!

上個禮拜食完吞pot個滋補螺片花膠雞煲之後一直不能忘懷，尋晚又拉住朋友一齊再翻兜。今晚又同樣叫左滋補螺片花膠雞煲，同樣都冰菜，但今次就試一試象拔蚌片同豬頸肉片。可能因爲今晚係“520”，餐廳完全爆滿。餐廳可以遠眺成個旺角景，夜景見到商業大樓萬家燈火，係煞食嘅，所以都預左今晚會多人，但好彩餐廳就算全場爆滿，依然keep都服務質素。我地坐低即刻有店員遞上洗餐具用的熱水，同埋放低醬油盤，等我地洗完餐具同埋撈完醬料之後先攞走醬油盤。滋補螺片花膠雞煲真係好真材實料，花膠好有膠質，鷄肉滑嫩，仲有螺片，湯底仲會越煮越濃，到我地煮埋象拔蚌片同豬頸肉片之後，湯底變得超級濃鬱香甜帶海鮮味，正到爆！豬頸肉片夠juicy而且口感好爽口。冰菜好新鮮。吞pot 的水準真係無令到我失望，希望好快會再黎!

太耐冇舒暢地放低保護罩、太耐冇肆無忌憚地暢飲暢食、甚至太耐冇打邊爐....太多活動太耐冇做，當得知終於可以逐漸重拾該樂趣的時候，特別感恩和開懷。當然距離大家可以無顧忌地一群人圍在一起打邊爐還很遠，但這晚可以再臨我最愛的吞Pot雞煲火鍋，每食一啖都覺份外滋味！吞Pot的花膠雞煲是我食過數一數二最真材實料的。鷄煲上桌後急不及待夾起雞肉，鷄肉肉質滑溜，真的雞有雞味而不是雪藏味。湯底更加加入了螺頭熬煮，令湯底特別鮮甜，花膠大塊而且爽口。只吃鷄煲當然不夠過癮，還是要點些火鍋料”十下十下“。男友撒嬌想吃牛，就滿足一下他的欲望，menu上的牛類食材選擇也不少，在考慮了價錢之後，衆多選擇當中我挑選了牛柳粒。平常通常點牛肉片，絕少點牛柳粒，怕牛粒材料不夠“靚”，口感會很硬。但這個牛柳粒口感居然意外地嫩滑而且多汁。建議最好把煮牛粒的時間掌握在一分鐘左右，當肉轉色不久之後就可以拿起享用，避免牛肉過分烹煮而變得硬身。爆芝響鈴才對是一道必點的食材。響鈴即點即炸，滿滿的芝士被一層層的響鈴包裹住，上桌一刻已經聞到濃鬱的芝士香味，非常誘人。把新鮮炸起的響鈴迅速浸在湯裏3秒左右，這時微濕微脆的狀態最吸引人。每一口帶有芝

每次都係我最早到步細閱餐牌，計劃點什麼食材，打點一切等待朋友們來臨。竟然係姬斯汀第一位到達，跟美女先撐一會檯腳，轉眼亞軍森鵰都殺到喇！食飯或打邊爐真心唔想飲啤酒，成肚氣成肚酒頂住個胃食唔得多，我要食野呀！但高高興興跟朋友們暢飲，真的很難抗拒。無幫襯段長時間，再次到訪！色香味質素都大插水，生料質素下降到吊車尾，依間火鍋係我揀選，十分抱歉，對不起朋友們啊！五個麻甩一個虛，雷奧、神州、神都、雲娘、利民，養生全席。花螺、生蠔、雞子、花膠、螺片，多款食材都滋陰補腎又壯陽，爽啊！Asahi 啤酒，最支持日本啤！清爽順喉不嗆，酒味溫和不苦澀，大啖灌入透心涼！Wasabi 牛柳粒，全熟牛柳粒六面煎封十分香口，外層嚥韌裡面水潤極彈！肉汁泛濫，毫不留情的青芥辣汁，直擊腦袋，鼻孔打震，感覺爽爽。牛味濃郁甜美，給您滿分！脆皮炸大腸，有鳳梨伴碟呢，非常傳統。薄薄腸衣香脆帶甜，厚身白肉肥美爽彈滲出豬肉鮮味，不腥不嗅，追食幾件無得頂！辣酒煮花螺，不是大就好食架！好睇唔好食，硬掘掘的花螺肉，黏黏厚厚的麻辣芡，甜味出眾麻辣微弱，過過口癮的質素。雷式混醬，我的獨門混醬，指天椒、生蒜、炸蒜、生蔥，簡單好味勁辣吸引。火鍋必備

食雞煲我一定首選吞POT 佢D配料同埋雞煲都係做得非常出色同場加映 窗邊既小雞雞 22樓全落地玻璃 雖然都係街景 但望住出面係舒服 可惜無影到夜景相醬料都有唔少選擇 包括生蒜 炸蒜 芝麻醬 香蔥 辣椒 豉油等等主角黎啦 香辣雞煲 (小辣) 呢到係半隻雞 3個人食係岩岩好雞煲個汁係較得非常野味而且雞件煮得岩岩好 嫩滑入味配上洋蔥同埋蔥係好夾 呢到雞煲真係會忍唔住幾個月就黎一次芝士響鈴原味響鈴呢到既響鈴絕對唔係HEA你 唔係普通街市買到果D 佢係自家製仲要係鮮炸送到過黎仲係熱 芝士響鈴係我非常欣賞既食物 不過唔可以食太多食兩件岩岩好 小食多滋味十全大寶丸 (手打墨魚丸/黑松露墨魚丸/海膽黑墨丸/芝心牛丸/鵝肝蝦丸)每次都要叫黎食 我覺得吞POT既食物真係1D都唔馬虎 十全大寶丸全部都係手打而且新鮮個人最鍾意食黑松露墨魚丸同海膽黑墨丸 不過小心個饀會好熱 每另外一個每次都會叫就係蜂巢豆腐同埋蟹籽墨魚滑 呢到食材都好新鮮同花心思製作每次黎都會叫肥牛 今次就叫左牛肋片 小心唔可以烚太耐 好容易會令到肉質唔夠嫩滑食雞煲當然要飲啤酒 不過都口痕試左咸檸七 可以一試

今天帶了父母來吃火鍋慶祝母親節，特意約得很早（5:30pm），盡可能想要避開人流。跟以往一樣，我們又早到了，在門外稍等了一下，仔細的把貼在牆上的菜單看了一遍👀這裡的火鍋湯怎麼看都好像是中菜館的老火湯，好好喝的樣子🤤這家店有分店設在旺角，我在選擇到底要去旺角的還是油麻地的時候，主要是考慮店裡的環境。從圖片來看，我覺得油麻地這邊的環境稍微優勝一點，不過這個還是得自己體驗啦～我們獲分發一個窗邊的位子，景觀很開揚很舒服🌤我們一邊看著窗外的景色一邊討論如果這是一個住宅單位的話，呎價要多少😂又犯職業病了，哈哈！這是火鍋必須的醬料，不必多說～我媽不吃辣的，原本想要來個鴛鴦鍋，最後還是算了，點了鮮魚湯🐟誰知道，超好喝！！！！！👍🏻👍🏻👍🏻每一口都是很香濃的鮮魚味！！！我喝了一口之後就停不下來了，還沒等到食物來的時候，就喝了起碼3碗，還把湯裡的嫩豆腐都吃光😂我爸有試圖阻止我的，他說我現在把湯喝完的話待會是不是要用清水煮食物😂真的，很推薦大家點這個鮮魚湯，十分值得。🔸特級雪花牛肋片🔸牛柏葉（我點的時候以為是黑毛肚🤪）端上來的時候才發現不是黑毛肚確是有點失望，哈哈，不過也蠻好吃啦，爽口不用嚼很久！🔸脆皖腩🔸

今晚同女朋友食久違的鷄煲邊爐，收工之後去到油麻地站，行兩分鐘就到譽發大廈的吞Pot火鍋。呢到主打雞煲，另外都有5-6款火鍋湯底選擇。我地揀咗半隻的花膠鷄煲，感覺不算太熱氣，而且又夠滋補。另外再揀左幾款火鍋料，食完鷄煲之後再打邊爐，坐低無幾耐之後，店員就俾左個九宮格嘅調味盤，撈完醬之後就會幫你收翻。不過如果之後唔夠的話，可以再同職員講。雞煲上枱就已經煮熟晒，可以即刻食得，雞肉大件而且肉質非常多汁鮮甜又夠滑。另外一定要揀芝士響鈴，成塊芝士包左係響鈴入面，仲要係即叫即炸,所以最好即刻食。浸幾秒之後就好拿上來食啦，芝士味道超級香，而且還好脆口，浸左少少湯底之後仲會帶少少湯汁鮮甜味，非常惹味。牛柳粒都超級滑嫩而且油香十足，肉汁豐富，非常推薦揀呢個的！另外還揀左冰菜，呢隻菜的口感好特別。

一個幾有質素，坐得舒適，可能同時食到靚雞煲既樓上火鍋店，不過由於店內枱數唔算多，建議大家預先訂位喔坐底落左單後，店員會比呢個醬料盤你，可以隨時調配所需既醬料味道喔，選擇都算多，生蒜炸蒜芫茜辣椒等都齊全架！落單紙有齊所有食物既選擇，分類排好，見到選擇都幾多，而且價錢都合理。左邊可以揀返雞煲的味道及款式，如果只係想打邊爐都可以，有返純火鍋湯底比你揀架雞煲到！一上枱真係蓋住左都聞到佢既香味，真係不得了，賣相都好吸引，基本上雞件已經煮熟，再煮多陣就可以食雞件份量都幾多，每件都幾大件，唔會只係得骨或肥膏，所以食起黎啖啖肉得黎，味道又夠香濃，而肉質都幾鮮嫩，感覺唔多似係冰鮮雞添食完好出色嘅雞煲，我哋加入上湯開始正式打邊爐啦！個湯底加咗呢啲清湯，味道都唔會太淡，用嚟打邊爐好好味，甚至將雞煲嘅精華，都留咗喺個湯底度呢個牛肉出色，係特級雪花牛肋片，脂肪分布非常均勻，薄切得來，食落好有口感，而且好重牛味食落都幾爽口彈牙，就算將佢煮熟之後，大大塊，真係唔錯自家製芝士脆炸響鈴，有之前係入邊嘅響鈴，你食過未啊？原來都幾好味台灣A菜用黎打邊爐，食過既就知有幾好味啦，因為同一般蔬菜有少少唔同嘅係，佢有一種特別嘅味道

登登登登！終於有機會食到好出名嘅吞pot雞煲火鍋喇，其實都知e家餐廳有好幾間分店，只係因為打邊爐e家野要好多人先好打，而要約齊人.... 所以就拖到e家先試到餐廳嘅setting都幾企理，因為我好怕d火鍋店通常唔太乾淨又成地濕，e間店絕對無e個問題，枱同枱之間亦唔會好逼啤酒以外，仲有韓國燒酒添野食紙真係有好多野揀呀，e度有幾個玩法嘅，你可以食雞煲先，再加湯打邊爐，亦係好common嘅食法，亦都可以直接打邊爐，但我覺得大家千其唔好錯過佢個雞煲另一樣出名嘅就係佢嘅手打丸，好多款自己混醬是常識吧睇到e幅相知點解我話唔可以錯過雞煲味？ 因為真係好惹味呀，個汁濃到之後加咗湯打邊爐都仲食到陣味歡迎嚟到邊爐環節係鎮店之丸呀，值得一試最後e個強大嘅響鈴真係必嗌，一定會令你有驚喜

湯底比較讚👍🏻👍🏻風景都幾靚..環境就一般.服務就唔錯, 可能疫情關係冇乜人服務員比較得閒, 一叫就黎不過呢個價錢 以呢個食物質素，可以有更好選擇個人感覺：其實唔差，不過性價比低

喺旺角見完客，就叫男朋友去朗豪坊meet up我，去附近行街，行到有啲肚餓就一齊去食嘢，醒起好耐都好耐之前，同阿媽喺太子附近食過一間花膠雞煲，見凍凍地就一於帶男朋友去食下！嗰時我哋喺廣華醫院附近行緊街，google下條路點行，發現原來地鐵站轉彎幢大廈都有間分店，咁就梗係捨遠取近啦😂未入到門口，侍應做已經攞住量體溫槍standby，比個拉鏈膠袋我哋入口罩，同請我地用搓手液清潔雙手！ 防護工作做得非常到位👍🏻我地點左：1. 花膠響螺雞煲（半隻）2. 鮮蝦雲吞3. 冰豆腐4. 冰菜一上咗個雞煲，我哋即刻飲啖花膠湯，男朋友即刻話：The soup is so rich，我都覺呀，為免唔好俾佢飲晒啲湯，即刻夾返幾舊雞俾佢食😂 佢話覺得好神奇，因為啲雞一直煲住，食到最後都仲好嫩滑，可能佢留意唔到，侍應系上菜時，就幫我地較左個「蚊之火」，非常貼心鮮蝦雲吞：蝦非常新鮮、爽口，就算煮左15分鐘都無散晒👍🏻冰豆腐：一上菜就下鍋，食到最後啲豆腐吸晒湯汁，同鮮蝦雲吞嘅蝦精華，唔使講都知好好食冰菜：非常翠綠，一啲爛邊都無👍🏻 煮幾秒鐘後食，仲好脆口👍🏻