吞POT 雞煲火鍋.住家菜 (譽發廣場) (已結業)

今晚同女朋友食久違的鷄煲邊爐，收工之後去到油麻地站，行兩分鐘就到譽發大廈的吞Pot火鍋。呢到主打雞煲，另外都有5-6款火鍋湯底選擇。我地揀咗半隻的花膠鷄煲，感覺不算太熱氣，而且又夠滋補。另外再揀左幾款火鍋料，食完鷄煲之後再打邊爐，坐低無幾耐之後，店員就俾左個九宮格嘅調味盤，撈完醬之後就會幫你收翻。不過如果之後唔夠的話，可以再同職員講。雞煲上枱就已經煮熟晒，可以即刻食得，雞肉大件而且肉質非常多汁鮮甜又夠滑。另外一定要揀芝士響鈴，成塊芝士包左係響鈴入面，仲要係即叫即炸,所以最好即刻食。浸幾秒之後就好拿上來食啦，芝士味道超級香，而且還好脆口，浸左少少湯底之後仲會帶少少湯汁鮮甜味，非常惹味。牛柳粒都超級滑嫩而且油香十足，肉汁豐富，非常推薦揀呢個的！另外還揀左冰菜，呢隻菜的口感好特別。