吞POT 雞煲火鍋.住家菜 (譽發廣場) (已結業)

晚市堂食限制放寬，終於可以見朋友有返正常的社交。突意揀星期三避開人潮，而揀油麻地既樓上舖亦係想坐得舒服點唔需要限時限刻。入座前要先量體温，二人可坐四人枱保持一定距離，進食更安心。食物未到先混醬一番。看著職員由雪櫃捧出冷冷的醬料，客人調配後就馬上放回原處，感覺更衞生。火鍋方面揀左招牌雞煲，包括半隻雞件，食完可以加湯打邊爐。小辣既挑戰實在太小，比十小辣還要温和，習慣食辣既人可以由大辣開始試。雞煲間間火鍋店都做到，但最厲害既係雞件既質量好，而且非常少油岩哂女士們。加熱數分鐘後就可以吃了，雞件飽滿結實。連骨既雞件帶肉汁更美味，啖啖肉配濃郁醬料，半隻雞輕易就清光。呢度既響鈴即點即炸，比市面的再捲多幾個圈很足料，即使兩個人點細份都幾飽。環看鄰座幾枱都點芝士響鈴，不甘示弱我地也要試試。非常邪惡既芝士響鈴亦係佢地自己製作，剛上枱時仍帶有餘温，芝士緩緩從中流出來。空口食好脆更有豆香味呢，所用既芝士好滑奶味重，食完會想encore。牛肉粒係骰仔牛，比肥牛肉味更重，而且啖啖肉。雖然唔係雪花牛，但我同朋友就覺得剛剛好，不會滿口油膩。另外一提，肉類既解凍時間都做到足，最怕火鍋時肉類凍冰冰令湯底凍左但食物仍未熟。

話說疫情之後好耐都冇出過街食飯， 第三波疫情緩和咗， 於可以出街食個晚飯輕鬆下。由於成日喺屋企食啲清淡嘢， 都想食番啲惹味啲嘅開心吓， 於是就揀咗呢一間《吞Pot雞煲火鍋住家菜》， 相信鍾意食雞煲嘅朋友對呢一間吞POT都唔會太陌生， 餐廳位於油麻地譽發大廈高層，食飯之餘仲可以飽覽一下日落美景。疫情之下，餐廳防疫措施做足， 探熱同酒精搓手外， 提供咗 滾水畀客人洗下啲碗筷，食得安心。我哋選擇咗重慶麻辣雞煲(大辣) ，果然有料到，紅椒乾加上辣椒油， 一片通紅，食落夠麻香，花椒麻醉了味蕾，夠曬刺激。 而且辣得黎又唔會搶咗雞煲嘅香料味，夠曬惹味。另外， 雞件嫩滑，可謂啖啖肉， 就算係雞胸部分都保持到水準。另外仲叫咗脆肉鯇片， 脆肉鯇片食起嚟有少少骨，食起黎要小心。 由於砌得好簿， 輕輕灼一灼至微微屈曲就可以食， 食起來相當之爽口，夾埋少少蒜蔥嚟食，既可以撇除泥味，亦可以提鮮。要食得健康又點少得蔬菜呢？ 食雞煲嚟講我就最鍾意皇帝菜， 因為鍾意佢夠味，黃帝菜獨特嘅香氣唔會咁容易被雞煲搶去風頭， 而且芫茜一樣同辣味非常之夾。必點項目一定係推介嘅爆芝響鈴， 本身熱辣辣嘅響鈴都令人難以抗拒， 加上裡面夾

相約好友收工去打邊爐，因為疫情好耐冇去街食飯！上到吞pot 星期三晚都幾滿客，店員態度友善，快手！叫左麻辣雞煲BB辣，都好快到，真係唔會太辣，值得一讚係唔會太咸，唔會勁重口味，唔會勁口渴！ 半隻雞2人剛剛好，雞幾滑，肥瘦適中。之後再叫左牛肉粒，幾滑唔會un! 有牛味，好食呀有叫好出名嘅芝士響玲，大大舊又好大舊芝士喺入面，好正呀！中意食芝士一定要叫啦！仲叫左4色丸，當中墨丸最好食😋整體環境坐得幾舒服，食物滿意。仲有飲到大檸樂，大大杯夠哂一餐去飲！下次會再去，真心唔錯嘅選擇

約了久未見面朋友聚舊，大家都想找一間可以慢慢坐傾計餐廳，朋友推介這間位於油麻地的吞Pot雞煲火鍋，一於試試！餐廳設計闊落，每張台之間都有充足空間，十分適合朋友相聚，而且由於在21樓，可以望到整條彌敦道景色，十分難得餐廳主打雞煲，當然要點一個滋補一點的螺片花膠雞煲。湯底真的好味到不得了！火候十足又足料，有大大舊花膠，雞件亦十分嫩滑，跟朋友連湯底都整煲喝光火鍋料為自家製作，牛肉粒及韮菜餃都十分新鮮，最適合食完雞煲後享用飲品亦很特別，特別大杯！絕對足夠飲一整晚以這價錢可以有這個環境及食物質素，實在十分難得，值得推薦！

好耐冇出街,冇食好西,又冇得旅行。今日終於有得食下野,開心返。呢間火鍋店係高層,我去既時候天仲未黑,見證住由天光到天黑呀!好有FEEL,有城市景睇!有好多調味料,自己調。店員服務都唔錯,呢度亦好乾淨,有消毒又有乾濕紙巾。叫左個響螺片濃雞湯,有唔少響螺,好入味,飲左唔少,又叫左日本廣島蠔,味道唔錯,份量都唔少,同時仲叫左一大碟牛柏葉,勁多件,好爽口。呢度好有空間感,亦有大電視,仲有魚缸,好賞心悅目。

前一陣子，我跟女友到了位於旺角的吞pot。說真的，天氣那麼熱，要不是女朋友叫我去，我還真的是沒什麼興趣去火鍋店呢。幸好，進店之後，發現店鋪十分貼心，故意把冷氣開得特別的大，總算在吃火鍋，也不會覺得熱熱的。來到重頭戲囉，那天我們叫了一個重慶麻辣雞煲，辣度我們也不敢選太辣，畢竟我們二人都不太能吃辣。吃下去之後，雞覺得十分的滑，很嫩很嫩的感覺，麻麻辣辣的口感，也十分的過引。另外，我們也叫了一個鮮蝦云吞跟四寶丸。云吞的感覺還可以，但是四寶丸就不怎麼樣，價錢就比較貴一點點。但是總結來說，還是值得再去。

見到大廈門口有人派招紙宣傳，所以好奇上去試試。門口好清楚講有咩食物推介同點收費，餐廳位於高樓層，好鐘意餐廳都幾夠空間感，同埋望落彌敦道個景好舒服，今日仲要睇到日落添，景致一流。一到埗，會再俾一盤水大家消毒碗筷，咁係疫症底吓，大家可以擔心少樣 (但唔可以掉以輕心) 。另外佢俾嘅醬料好多choices, 大家可以按住自己嘅口味去加料。我哋幾個朋友想食清淡啲，所以就嗌咗火鍋湯底，冇食雞煲，飲落個湯底係真係自家製嘅湯，忍唔住飲多幾啖 (唔用醬料都絕對冇問題)。服務係幾唔錯，定時定候會加湯水、換GAS，上菜都算快。比較冇咁滿意，就係食物嘅價錢真係唔係幾抵，8粒手工餃，或者1碟蝦膠，每碟賣約100元。當然係新鮮嘅，但係呢個價位，出面多好多選擇。同埋酒唔夠凍，杯唔係凍杯，只係普通茶記杯，呢方面可以再提升。

琴日同朋友食生日飯，咁我地今次就揀左去一間火鍋店。呢一間雖然唔係任食，好處係坐幾耐都得同埋可以坐得舒服d~琴日食7:30,佢可以叫左湯底然後再揀叫咩餸。我地可以揀左醬料先，乾乾淨淨，唔錯。雖然呢間野有雞煲2隻字，但我地係冇叫雞煲既，想食清淡d。我地叫左個鮮魚湯，其實真係好唔錯。平時其他地方d湯好多時都冇乜味/好多味精，但呢個湯一黎飲落去真係好好飲，都似平時係屋企煲既湯。結果，我成餐飯都冇點過我d醬料😂,可想而知個湯幾有味同埋好好飲。咁我地叫左唔同餸，呢個係餃餃陣，有8隻唔同味就既餃，啱曬d選擇困難症既人，菜菜籃都係。蝦滑都唔錯，有蝦味。野生竹笙份量好多，3個人夠曬食。其他食物表現都唔錯。打打下想飲d野，我地叫左支大既asahi啤啤佢總結黎講，佢用既食材好新鮮，有機會會再黎食。

我們是被它的辣酒花螺雞煲所吸引去食的。提前已經預約了，所以去到完全不用等位。首先餐廳環境不錯，兩面大玻璃窗，看日落一流。再來就是食物質素，辣油花螺雞煲味道十分好，雞肉很嫩滑，花螺也很彈牙。醬汁辣得很過癮。它的芝士嚮鈴很特別，自家製嚮鈴都很脆，絕對是打邊爐不可少的選擇。肥牛我們選的是特級雪花肥牛，很不錯，而且還是半價，性價比很高。我們還點了其他配料，包括蟹柳，支竹，蜂巢豆腐，蝦，皇帝菜等等，除了蜂巢豆腐，其他都不錯。埋單兩人食了大約$1200,，計算優惠後，大約是$850。食到飽飽。由於打邊爐配料份量幾多，建議先考慮食量才落單，避免浪費，又可以慳錢。

吞POT 呢間鋪頭，小弟已經唔係第一次去食。今次之所以再去，係專程去試下雞煲。今次叫左個重慶麻辣雞煲，因為自己唔係好食得辣既關係，只係叫左個BB辣黎試下姐。驚喜地，竟然麻得黎唔會好辣，完全岩晒我口味。可惜就係隻雞唔係好大隻，我地叫半隻，但係都唔太夠食。所以另外叫左D小食，生蝦$75 ，成碟加埋有成12隻，呢個價錢，呢個味道，真係無得彈。相比其他地方，可能要100幾蚊都得幾隻相比，呢個價錢好抵。總結黎講，吞pot 算係小弟幾鍾意既一個鋪頭，係值得一去再去既。

吞pot，係我so far食過最好食既雞煲，雖然價錢都唔平，但我可以話呢間雞煲係物超所值！首先餐廳個景觀已經勝人一籌，望住個咁舒暢既環境食野，人都開心d。廢話唔多講，入正題。今次我叫左個花膠雞煲，因為平時食開都係辣雞煲，今次緊係試下新野。花膠雞煲勁足料，一撈上黎已經見到好多花膠螺片，而主角雞亦都不失色，肉質軟身不會過熟，而且好入味，每一啖都食得到湯底個湯味，加上呢個湯底唔會好肥好多油，有d鮮甜，我都忍唔住飲左幾碗湯。皇帝菜好新鮮，夠晒綠又一d都無霉到，亦洗得好乾淨。配上花膠雞湯煲，好似養生咁！呢個墨丸要讚！肉眼睇得出佢係手打既。食落就知同平時街市買個啲好唔同。首先佢口感係極彈牙，唔會一舊舊或者好似肉泥咁；其次食得出好重墨魚味。雖然有啲貴，但我覺得都係要一試，話你知咩叫一分錢一分貨！響鈴都係絕對要叫既食物！呢到既自製響鈴係即叫即炸，上菜時都仲係熱辣辣、脆卜卜。而佢個味道亦同平時買廿幾蚊包個啲唔同，平時食開個啲要靠湯底或調味料黎調味，但呢到既響鈴係好重腐皮味，亦相信佢係調過味先炸，好好食！咁多好野食，大家一定要黎試下！最後，講完野食，都要讚下啲staff。雖然間餐廳叫吞pot，但員工一啲都

最近心血來潮，突然想食下雞煲，於是就上網搜尋下，睇下有冇好既推介。見到呢間吞pot, 俾佢個名吸引住，而且d評價都幾好，就book位試下啦一出就到la餐廳位於22樓，個景超級好，我去到既時間係六點，仲可以睇埋日落，真係超正呀今次黎到一心係打算食雞煲，雖然雞煲都有好幾款選擇，但我已經決定左要叫滋補螺片花膠雞煲補補佢食物種類選擇十分多，真係眼花撩亂，不過我又吾係太肚餓，所以冇叫到其他材料打邊爐如果打邊爐的話會有一系列既調味醬汁準備好，十分方便熱辣辣雞煲上場啦，見到咁多煙就知道幾新鮮熱辣，而且十分足料，勁多花膠同雞試一啖雞，一咬果下已經覺得雞肉好嫩滑，無雪味而且吾會韌，仲索晒d湯汁，吾使點任何醬料已經好食。花膠就更加吾使講，成個煲既精華所在。幾樣加埋一齊煲既湯底，十分濃郁鮮甜，真係一滴都要飲晒吾放過仲叫左一個小食。蜆介鯪魚球炸得好酥脆，一上枱金黃色勁吸引新鮮即炸果然不同凡響，食完一舊再一舊。呢個雞煲算係我食過之中，數一數二的，下次有機會要試埋其他款

成日都心思思想食雞煲，於是睇好評約左朋友去食吞Pot雞煲！我同老友都係好鍾意食雞肉同埋鐘意重口味既，四季春夏秋冬都無阻我地去打邊爐，係火鍋控啊！咁就一於去食雞煲啦！今日就黎左一間樓上餐廳。我地第一次去咁高樓層22F既地方打邊爐，一入到餐廳裡面，就係睇到成塊落地玻璃，見到出面樓景，真心特別有風格，好靚好舒服同好有feel 啊。今日我地早左到，地方好闊好寬，冷氣又足夠，一啲都唔覺得焗同熱，係好舒服。唔似平時啲雞煲餐廳咁咁擠迫，呢度好舒服又唔嘈，傾偈都方便啲。一入到去就俾我哋揀豐富嘅調味料🥰馬上打開個餐單先，首先我地就叫左鍋半隻既香辣雞煲！😚啱啱上到枱，已經聞到陣陣香味啦！！😚睇住個煲一兩分鐘已經頂唔順啦，一於夾一塊來試下先啦，一食上口，隻雞好滑，肉質鮮嫩，啲辣椒醬汁好濃香，夾埋啲蔥同芫茜，爽正啊！！😋😋個雞真係十分入味，又唔會太鹹。跟住叫左份烏冬，浸左幾浸，啲烏冬索晒啲火鍋辣汁，濃縮精華盡左烏冬，雪一聲入落口簡直好食到飛起！支竹都好煙韌，索到雞煲精華！韭菜餃亦都好好食，唔係工廠貨，人師傅手大，非常新鮮，皮薄餡靚！勁鍾意食韭菜餃！…買啲材料都好新鮮整體來講，環境舒服，野食一流，服務溫柔！

突然有一種想食雞煲既沖動就上網搵到哩間‘吞pot’啦！緣分～😂🤣食完之後返尋味。🤤🤤 我同男朋友嗌咗個中辣‘重慶麻辣雞煲’（9:30後除左個煲同飲品其他配菜都係半價）之後叫左D配菜同嘢飲！ 首先，杯大檸茶真係好大杯，我覺得都價錢合理。 之後，就係個雞煲真係好入味，有麻有辣有香有雞味🤣😂。（不過提提雞煲同完左加左湯打邊爐既感覺真係好唔同，未加湯前真係好香好好味，但係加左湯就變得好鹹好辣好，你無論之後放D咩都係個個味。就邊得唔係咁好！哩個要自己橫量返。） 最後，D配菜9:30後真係好抵食，半價又好多。份量真係算唔錯。不過無半價某一D配菜就唔係好抵叫。不過都係要睇自己個價值衡量。另外如果覺得食唔曬可以叫半份。 佢地舖頭係一直開住now睇㗎！令我更加會回頭。一句到尾，好味！要加油我想繼續有得keep住食到咁好味既雞煲！😋😂😂😂

疫情情況勢似平淡落黎，小妹愛食雞煲既熱情從來都未有冷卻今日同友人黎到油麻地呢間「吞POT雞煲火鍋住家菜」，重拾港人至愛「開住冷氣打邊爐」既滋味餐廳位於大廈22樓，服務員將我地帶到黎坐望窗位，經落地玻璃飽覽落霞景色，絕對有視覺享受店內餐桌擺佈以4人枱為主，空間夠寬躺，坐得好舒服吞POT叫得做「雞煲火鍋住家菜」，唔同款式既雞煲、火鍋湯底、新鮮配料、小炒住家菜都一應俱全人頭醬料每位$12首先服務員為我地遞上九宮格自選醬，想試唔同調味仲可以問佢地拎多隻碟滋補螺片花膠雞煲1隻 $298一上爐呢煲雞煲已經鮮氣傳出，雞件、花膠、螺片、秀珍菇佈滿煲內，夠足料絕無欺場！雞肉肥瘦適中，花膠煲到透明，口感彈牙，即刻感受到成口都係collagens 千祈唔好錯過雞湯，啖啖精華，鮮味十足小食皮蛋 $18唔似出面平時食到成口辣油既皮蛋，口感清爽唔油膩，皮蛋fans唔好錯過手打墨魚丸$85唔好睇佢係好普通既墨魚丸，吞POT墨魚丸係人手打成，粒粒都打到起哂「毛毛」夠哂痴身，熟左果然彈牙度滿分，而且墨魚味好濃郁自家制響鈴$60吞POT既火鍋配料有唔少自家制系列，呢份響鈴就係其中一個代表作，同平時食開既比較，呢度既響鈴係