名館 (黃埔天地) (已結業)

幾個老朋友約埋食飯不一定要打邊爐，老友推介去左黄埔「名館」食中菜，名館裝修簡樸，但地方都算寬闊又夠光猛，中價的價位，不失為一班朋友共聚的好地方。 用銅鍋上水煮魚，令到魚肉食時更加熱呼呼，魚肉新鮮夠滑，再配上辣椒及其他的配料，滿足了喜歡食辣的我碩果僅存的鵪鶉蛋燒賣當然要細嚼慢嚐。炸乳鴿皮脆肉嫩，好香口香脆好夠肉汁。 燉湯湯料十足，湯底十分清甜，過一個滋潤的初夏。餐牌上仲有好多特色不同的小菜，下次先再試其他不同的味道。

友人告之名館終於除了港島區兩間分店外，於黃埔美食坊開第三分店。友人推介此餐廳，謂大部份菜式價錢都不過百，菜式賣相玩味十足，味道亦不遜色。自從港鐵觀塘綫延綫到何文田及黃埔後，放工去黃埔只需搭一個站，真的比以前更加方便，近來亦多到黃埔晚膳，貪人流比尖沙咀銅鑼灣少。有一段時間未到過美食坊，美食坊的食肆已差不多全部改頭換面，一樓的食肆比較平民化，平日夜晚有很多街坊幫襯。名館位於一樓最入位置，晚上八點後依然需要等位。幸好經過第一輪晚飯，有不少枱客將會結帳。等枱期間見到有小菜燒味套餐，有餸有菜有飯有甜品，免茶芥加一不過百元，一家人叫幾個小菜分享亦不錯。依著友人向我推介的點心小菜點菜，兩人點了兩個點心、三個小菜及一個飯，連茶芥加一，每人都係二百大元，算是十分抵食。銀湖天鵝酥天鵝酥酥皮感覺鬆化不油膩，內裡包著紫薯蓉，味道微甜粉腍，十分討好。天鵝頭頸用麵粉做成，可以整隻食入肚。黑金流沙包黑金流沙包外型十分耀目，黑漆漆的外皮加上如金漆一樣的金色，玩味十足。內裡奶黃流沙餡甜味適中。紅燒嫩滑BB鴿BB鴿一隻切開四件，外皮紅燒得剛好，熟透又不會過黑。BB鴿皮薄脆口，肉質嫩滑鮮甜。除BB鴿奉上的濕紙巾亦非一般的，

地鐵觀塘多了兩個站，方便了居民，也方便了一眾的搵食兵團。今天我們就搵食到黃埔，當年紅極一時的蔡瀾美食坊。陳醋珊瑚紅海蜇頭，海蜇爽脆，而且陳醋已很入味，一道開開心心的開胃菜。名館蝦餃皇，在一眾的點心中，店員落力推薦蝦餃皇。一籠四隻，大大粒，咁咪姐係裏面的蝦也是大大隻，蝦肉爽滑，店員果然沒介紹錯。金銀蒜蒸娃娃菜，濃香的金銀蒜，味香但吃下不會口臭，加上娃娃菜已吸收了精華，真係好正。私房金黃球泡飯，湯中的黃金球是什麼？？話明泡飯，就當然時一個大飯團。大家慢慢把飯球弄開，就變成了泡飯。由於黃金球是用油炸過的，所以泡飯更增加了口感。蝦球蟹子銀絲煲，用料靚，粉絲整得又干又入味，配上蟹籽，更增加了咬感。蜂蜜柚子蝦球，冇錯，又係蝦，配上柚子醬和炸的做法，爆香口。

難得星期日不用上班， 一整天的時間怎樣消磨呢？ 當然是行街、睇戲、食飯啦！ 而黃埔廣場這地方， 剛好提供曬以上三類節目， 就決定今天逛逛黃埔。睇過戲後，shopping亦行到非常之疲累了, 就走上黃埔美食坊酒間好嘢食, 上到一樓,雖然有很多食肆， 但幾乎每一間都食過了， 唯獨是這間新開冇幾耐的名館還未食過, 加上 這間名館主打粵菜， 易啱胃口 ，就決定食這間呀！坐低冇幾耐，就決定了食 沸騰水煮滑魚片這主打菜，這水煮魚都好大盤,單看顏色已經十分惹辣， 面層鋪滿了勁多辣椒仔,而魚片是貴花鱸魚片,分量其多, 食極都食唔完。味道方面， 裏面有勁多配料，例如有薯粉豬紅 、金菇 、菜， 最特別是有午餐肉 ，雖然是好辣， 但魚片每一片都非常嫩滑，入口即化 ， 加上吸收了辣椒的精華, 辣得十分滋味， 很特別的一道水煮魚菜式。其次叫了厚切叉燒皇， 單看肉質油脂分佈平均，肥瘦適中。而叉燒做得口感嫩滑，入口即溶， 當中醬料烹調得非常入味， 令叉燒食落鹹甜有味，好食。還有上湯手打魚蛋、 手工蔥油餅和蝦球蟹籽粉絲煲， 三款味道都不錯。 值得一讚是這裏的手打魚蛋 ，好像機器打出來的，粒粒都係咁圆，size一樣，食

自從港鐵黃埔站開通後, 又多一個覓食景點, 今日黎到黃埔新天地美食坊 (發現google又帶錯路), 其實地點就係巴士總站上層, 唔難搵。雖然只係平日晚7點左右, 但店內人流佔一半, 8點左右門外更要等位, 為自己打左支強心針, 起碼唔會中伏。呢度主打中菜, 有燉湯、點心、主食等...先黎一個冷盤【胡麻貢菜鮮合桃】HK$48鮮合桃爽脆, 沾上胡麻醬, 既香口又清新【黑松露小籠包】HK$78皮薄, 一咬開, 入面仲keep到鮮甜湯汁, 豬肉鮮甜, 黑松露味亦很突出【私房金黃球泡飯】HK$68以一小火鍋興住上檯, 這款菜式賣相很有特色, 一黃金球狀看起來好像金黃色米通, 個湯好清甜, 加入左蕃茄粒同埋香蔥, 更增加賣相吸引度, 夾開球狀"米通", 果然係一個飯團, 雖然脆卜卜浸至湯中, 但唔會一pat pat, 外表依然略脆, 個飯索左個湯, 啖啖清甜, 正!【霸黃辣子雞丁】HK$128同行朋友一致認同為搵笨菜式, 辣椒粒比例比雞粒多, 好似尋寶咁都唔緊要, 意為d雞粒係啖啖肉, 點知每粒切到好細粒而且帶碎骨, 當中有2成係"仿雞粒", 入口先知係炸漿既脆, 唔係雞粒, 而且雞粒表面唔太脆

終於食到名館, 名不虛傳, 實在是好味又抵食既新派上海菜, 真心推薦! 今晚點了好幾款菜式, 先有鮮肉一口小籠包, 濃湯肉鮮皮剛好, 正! 手工蔥油餅香脆, 包鬆, 蔥花的新鮮提升了整個蔥油餅的味道! 紅燒嫩滑BB 鴿, 肉質算嫩滑鮮鮮香, 皮若能再燒得香脆多點, 更正! 要特別大讚以下三味: 金銀蒜蒸蛙蛙菜, 新鮮菜蔬配爆香炸蒜, 惹味非凡! 私房金黃球泡飯, 眼睛先吃, 有種不捨去弄破, 但又滿心期待! 湯鮮甜, 有蕃茄香, 粟米, 毛豆錦上添花, 增加咬感! 那個飯球。。天呀! 是飯焦外皮, 浸湯食, 超正! 整個飯令我迷倒! 最後是蜂蜜柚子蝦球, 蝦肉嫩滑, 皮薄到透光, 汁是清甜而重柚子味, 吃時不會膩滯! 很久未嚐好味上海菜, 喜歡的必要一試!

這天晚上約了朋友到黃埔吃晚餐，我們決定吃廣東菜。店面：吃飯時間，到處都人山人海。好不容易有位了，是最裡面的吧台，面向廚房：全場爆滿，想不到新開不久也廣受歡迎：餐單印刷精美，上面有各種食物的圖片：茶位只是每人$8，算是合理。選好食物後不久，很快就有得吃了！私房金黃球泡飯 $68很精美的容器，裡面一開始有火在燃燒。圓滾滾的飯，加上可口上湯：飯粒粒分明，又香軟。上湯原汁原味無味精。欖角肉鬆蒸秋葵 $58煮得剛剛好，欖角為整道菜添加鹹香味。秋葵很有益！銀湖天鵝酥 $58很可愛，令人不捨得吃。裡面又香又軟，像是芋頭的味道。蜂蜜柚子蝦球 $78炸得外脆內軟。蜂蜜甜甜的，配上柚子的清香。鮮蝦爽口彈牙，難怪價值不菲。鮮肉一口小籠包 $58附上醋。鮮肉肉質鮮嫩，一口吃下去，咬的時候會有汁咇出來。吃後齒頰留香。飲品方面主要是餐廳提供的茶：很止渴，又有點點甘香。埋單$370，平均每人$185，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

名館是一間新派中菜館，之前見親友食過評價不錯，趁媽媽生日，就預早訂枱來試試。＊＊＊＊＊＊＊＊＊＊＊＊雖然當晚是平日，但想不到店內都滿座，好彩我們預早訂座。名館予其說是中菜館，比較像是點心店，底面兩頁A4大小的點菜紙上有涼菜、點心、小菜、飯麵、燉湯和甜品，選擇都算多。和麻醬雞絲粉皮($58)這裡的粉皮偏幼身，雞絲份量都可以，配青瓜很清爽，如果麻醬再多一點更好。十三香雞蛋乾($48)雞蛋乾切成小丁方，食落像豆乾帶點彈口，但所謂十三香吃不太吃得出有甚麼特別。姬松茸燉花膠($58)燉湯內有花膠、豬肉、雞腳和本菇，都幾足料，花膠夠滋補，女士最啱。燉湯夠晒入味，油量可表受，一碗都夠兩個人飲。花膠都算大塊。私房黃金球泡飯($68)泡飯奉上時放在小火爐上，所以非常燙熱，建議虔到最後先吃。泡飯約有拳頭大小，因為呈圓球形，因而得名。我們先把泡飯弄散，再多浸一會先食用。泡飯軟硬適中，不會太爛，湯沒有油，但很濃味。菜式都幾特別，有八九成菜式都是幾十元有交易，比酒樓便宜之餘又比點心店坐得舒服，食物雖然只屬中規中舉，但如果住附近都值得一試。

黃埔新天地除了有很多商店，在黃埔美食坊的名館也十分不錯。今次和朋友四人來吃，每人約一百五十元已經可以吃飽飽。而且上菜速度快速，落單後約十分鐘，食物已陸續來到。銀湖天鵝酥來到了，這款點心是即點即製，而且賣相十分精緻，三隻小小的天鵝躺在一個像鳥巢的碟子上。天鵝酥熱騰騰的，外面焗得酥脆，而裡面則是香甜的紫薯蓉，一人一件剛剛好。半隻海南文昌雞來到了，吃之前可以擠少許青檸汁再吃，令雞肉更有鮮味。文昌雞的口感嫩滑，熟度不會太生或太熟。私房金黃球泡飯來到了，侍應端著一個小火爐來到，令泡飯時時刻刻都是是暖暖的，用餐時也要適時攪拌一下以免煮焦。把飯球輕輕煮軟再敲開，微脆的飯焦配鮮鮮的魚湯，不錯。如果單吃這款蝦球蟹子銀絲煲，可能口感有少許乾，和上面的泡飯同吃會更佳。蝦球也是大大粒的，爽口彈牙，配上卜卜脆的蟹子同吃。這麼開心美味的一餐，真的好適合一家大細黎呀！

約咗幾個朋友去黃埔街行,又係食飯時間,大家商量後去食小菜,去到黄埔新天地美食坊「名館」食飯,地方頗大設計舒適及光猛,飯館有好多不同的小菜、点心選擇。地方夠大,坐得都好舒服。鮮肉一口小籠包$58一客有5隻,肉汁豐滿, 一啖一口。這碟小菜份就比較少左些,但味道都OK。餃子夠大隻,熱燙燙的肉汁在口中好有滿足感。川味爆炒鮮豬膶$68手工蔥油餅$38這個蔥油餅份量夠大,灑上芝麻令到成個蔥油餅帶出更香口的味道來。餐館仲有其他不同種類的各式小菜,但有些小菜份量較少,我地幾個女仕食都可, 但如男仕就欠少少先夠, 但食物都有質素。1

多年來很少機會來黃埔的我， 今日因為朋友介紹食美食坊這間名館， 才有機會再次踏進黃埔這地方。 與上一次嚟黃埔比較，這裏變化得很大 ，尤其是美食坊有這麼多餐廳， 好多選擇, 好多好東西可以食。這名館主打廣東菜， 未到7點已經人頭湧湧, 可想而知相當之旺場。 差價錢方面,款款約幾十蚊已經有交易， 真係好抵呀。兩個人 ，先後叫多樣菜式， 有小籠包、 蔥油餅、 金銀蒜蒸娃娃菜、 招牌叉燒王和燉花膠湯， 多麼豐富呵！蕎麥茶: 可預防膽結石，降低膽固醇，亦可保護微血管，降低血脂及預防腦中風，最重要係清除體內垃圾，減輕體重食物味道方面，不太油不太鹹，好好食。 金銀蒜蒸娃娃菜: 做法簡單，成品湯汁清澈、質地細嫩軟熟，味道非常鮮美，是老少皆宜的家常菜小籠包不但熱辣透薄、咬開更是汁濃肉香, 襯熱食very good。至於招牌叉燒王，更是非常鬆軟多汁， 佐飯冇得頂。 花膠湯湯味濃， 味道香甜，亦特別適合女性，有養顏美膚之效，啖啖滋味。原來這間名館還有中環和銅鑼灣分店， 下次要约多幾個朋友去試一試。

平時很少去黃埔聽說黃埔變了計多所以今天和男朋友進去黃埔逛逛.晚上吃飯來到美食坊基本上都是餐廳不知道吃什麼好看見名館門外有一群人在等位置人多就代表好吃嘛所以我們也跟著人群等位.蔾麥蒸白飯 $18最近兩年蔾麥大行其道以健康作為招徠我對蔾麥沒任何概念以為和紅米糙米一樣咬下去卻又不同沒有糙米的粗糙 是紅色小球的形狀因為用竹筒來蒸 所以一打開就聞到竹筒的香味飯不算太乾 也很飽滿.沸騰水煮滑魚片 $168看到紅彤彤的水煮魚嚇了一跳我是只能吃小辣的人但沒想到是我能接受的辣他不是令人變成「孖潤腸」的辣反而是麻和香魚片很滑 而且一根魚骨頭都沒有吃到最後一片還是滑的 魚肉充滿花椒的香氣而且裡面還有豬紅 雲耳 金針菇 青瓜 午餐肉和薯粉薯粉一開始是比較彈牙 慢慢地吸收了辣湯後 質感也變得更軟爛.銀湖天鵝酥 $58是紫薯餡酥皮 酥皮炸得像真天鵝的羽毛一樣根根分明 這很考師父的功夫如果沒那麼油會更加分裡面的紫薯餡不會太甜 而且弄得很細密天鵝頭是用面粉做的 沒什麼味道可以不吃 .金銀蒜蒸娃娃菜 $58娃娃菜也算甜 爽脆如果可以蒸久一點更好我們年輕一輩的牙齒能咬可老一輩就難說了.名館是有加一服務費而且$8一位茶茗

黃埔新天地的美食坊我常常都有經過，但說到進去用餐，則是第一次。家人最愛廣東菜的精緻製法和賣相，所以選擇了位於美食坊內的「名館」與家人享用晚餐。說是廣東菜館，內裡的裝潢更富有優雅的現代感，整潔的店面更能吸引客人。「名館」除了有精緻的點心外，亦有不少特色小菜，我也為家人點了數款。這份一口小籠包的湯汁不算太滿，但勝在不太油膩，而且外皮夠薄，配合滿滿的肉餡口感一流。春卷這種邪惡食物可說是人人皆愛，但女孩們都怕極了其海量的油份，若然配搭一下健康的食材作餡料，相信會更易讓人接受。「名館」就深明這個想法，在春卷內包了健康的蔬菜和鮮蝦，中和了油膩感，配合蔬菜的清爽味道以及鮮蝦的鮮甜味，吃下去時罪惡感更減少了不小呢。紅燒BB鴿是店內的招牌菜之一，有著燒得香香的外皮，不帶有燒焦的部分；肉質保持軟軟的口感，調味帶有微微鹹香，整體味道不錯。「名館」的BB鴿是對切成一半上菜，賣相較為美觀，不過個人覺得切成四等份或會更方便品嚐呢。在「名館」芸芸菜式中，我最推介的就是這道柚子蝦球。別看它的賣相金黃色就誤以為它被厚厚的炸粉包裹著，其實外層的炸粉相當薄身，酥脆的口感絕對出色。內餡的蝦子都是厚厚的肉，再有著彈牙的口感，配

👫係黃埔睇完戲想食嘢，就嚟咗呢到食中菜🤟🏻 環境光猛，位置夠寬敞，啱曬我地係到慢慢嘆😋一一一一一一一一一一一一一一🔹茶位每位$8.#胡麻貢菜鮮核桃 <$48>呢一款係凍食嚟😋加咗芝麻醬酸酸甜甜咁，做前菜幾開胃👍🏻#黑松露小籠包 <$78>新鮮蒸出籠，夠曬熱辣辣😆汁唔算多但肉質飽滿，仲有陣陣黑松露香味🤓#台式塔香茄子 <$68>茄子切開一塊塊，一啖一塊好方便😳而且細塊容易吸曬香茅嘅味道，非常惹味🤤#上湯手打魚蛋 <$68>手打魚蛋口感爽彈，同平時食開嘅魚蛋好唔同☺️湯好鮮甜，成個煲下面有火熱住，唔怕愈食愈凍，好窩心呀✌🏻#姬松茸燉花膠 <$58>湯底足料，見到好多雞肉👀用嚟煲湯嘅肉都比較嚡，所以唔太建議食肉🧐個feel好飲似緊住家湯咁，清澈得嚟又夠香，飲完都唔口渴😍一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️10% Service Charge

同朋友去黃埔買野，行夜左順便食埋飯先走，貪方便係巴士站上面既美食坊醫肚，快快趣食完上車反屋企訓覺坐低後店員送上麥茶，都幾香~蝦春卷長條形春卷每條一分為二，外表脆卜卜 裡面都好弓戈餡，蝦肉彈牙，仲有d爽口既菜~之後叫左個泡飯，飯整成一個球，外表炸香左，放係湯入面浸住，食果陣個飯球外面仲有d脆，因為下面有個爐仔慶住，個湯都夠熱，幾好味~最後叫左個清清地既蒜泥節瓜，大量蒜泥係面好惹味香口，節瓜好淋身岩哂同行既無牙力朋友食亦到因為好淋，索哂d湯好入味~